الخلطة السرية اللذيذة لورق العنب مع دياي بالفرن لا يطــــــــــــــــــــــــــــوفكم

[Om Weldy]

اللــــه يعافيكم كلكم

 

[Om Weldy]

عليكم بالف عافيه

بس اشلون اطبخ العيش بالجيس مال الشوي ؟ احس مايستوى عدل

لا بالعكس و الله استوى بساعة و نص

بس حطي بقاعة البايركس ماي و اذا خلص زيديه لازم تجيكين كل نص ساعه على الماي

 

[Om Weldy]

شكلها عجيبه من مدحج

بس مافهمت وضحي اكثر .. ممكن ؟

امريني شنو اللي تبين افهمج اياه ؟

 

[Om Weldy]

اللي فهمته تلفين ورق العنب بخلطة العيش وتصبين عليهم خلطة المانجا وتحطينهم مع الدياية النية بالكيس وبالفرن

لا حبي ما تبفين ورق العنب ,, عقب ما تسوين العيش يعني (تحطين البصل و الثوم و البقدونس و .......... ) و عقب ما تسوين صوص الخلطة اللي اهوا ( 3 علب مانجا abc و نص قلاص ليمون و نص قلاص زيت زيتون و نص قلاص دبس الرمان و شوية شكر و ملح و تذوبين ال 4 مكعبات ماجي ) تكبين العيش فوق الصوص و تحطينهم بالجيس و تحطن الديايه و تسطرين عليهم و سلامتج

 

[Om Weldy]

بعيد الطريقة حق اللي ما فهموووها :rerrerek:

اول شي يبي ديايه و غسليها عدل مدل و فركيها ابمكعب ماجي و فلفل اسود

2- يبي بادية ( طاسة عادية ) حطي فيها 3 علب عصير مانجا و نص قلاص دبس الرمان و نص قلاص ليمون و نص قلاص زيت زيتون و شوية ملح و شكر و ذوبي 4 مكعبات ماجي و حطيها مع الخلطة

3- يبي طاسة ثانية و حطي فيها عيشج المصري و بقدونس و بصلة و 3 قصات ثوم و شوية فلفل احمر بودر و شوية دارسين بودر و شوية كركم و طماطو قصصيها صغار و قفشتين زيت زيتون كبار


الطاسة اللي فيها عيش كبيها على الطاسة اللي فيها الخلطة .. و حطي شوية منها داخل الديايه

يبي جيس الشوي كبي داخلة اللي سويناه و حطي الديايه داخلة و سكري الجيس و حطيه بالفرن

لازم تكونين محمية الفرن ربع ساعه .. تيبين صينية الفرن و تحطين فيها ماي شوية بالقاعه و حطي الجيس و دخليها و جيكي كل نص ساعه على الماي اذاخلص زيدية و اول ساعه تكون درجة حرارة الفرن عالية و لمن تخلص الساعه قصري على النار نص ساعه و تالي طلعيها

:yaaaaaarb: اتمنى ان شرحي الحين صار اوضح و صحه و عافيه على قلوبكم

 

[خجل Ksa]

بصراحه مافهمت طيب وين ومتى تلفين ورق العنب !!

بس لو فيه صور عشان التوضيح


مشكوره قلبي

 

[ورده بنفسجيه]

عجيييييييبه

 

[dantella]

اظن انج تقصدين ان هالاكله بكون طعمها مثل ورق العنب بس مو ورق عنب
البنات ضاعو

 

[Om Weldy]

اظن انج تقصدين ان هالاكله بكون طعمها مثل ورق العنب بس مو ورق عنب
البنات ضاعو

ايوااا بالضبط ,, ما نحط ورق عنب
الظاهر ما عرفت اشرح :ch12:

 

[Maybe_87]

شكل الطعم وااااااو
بصراحة بالأول ما فهمت
بس يوم قريت ردود البنات فهمت
بسيفها بس بنسويها بورق عنب طبقات
ويعطيج العااااافية حبوبة
تسلم الأيادي

 

[ام الدرر]

انا من زمان ادور رابط الاخت اللي حطت خلطة عصير المانجا لورق العنب
لاني جربت الطريقة وصراحة عجيييييييييييييبة
وحبيت اشكرها

وصاحبة الموضوع طريقتج دجاج محشي عيش بكيس الفرن والصوص عصير المانجا
يبيله نجربها
مشكورة حبوبة​

 

[F.L.O.N.A]

وااااو شكلها غريب جدااا

انا ضعت بالاول لاني قاعده ادور الورق عنب

تتوقعين تطلع حلوة لو حشيتها بالورق عنب ؟؟؟

 

[نويّر-]

جزاج الله خير ع الفكرة الجديدة
بس اختي ياليت تشرحين شلون نستعمل الدجاج بالضبط وشلون نحشيه بالورق العنب ؟؟

 

[املي بخالقي 989]

يعطيك الف عافية عـ موضوعك الاكثر من رائع

 

[ام شيخوه]

مشكورة

 

[المملكه غير]

يعطيج العافيه