----..الخلوات اللي يأخذون اطفالهم الذكور معاهم في محلات الملابس الداخليه ..

[*مطبخ الذواقة*]

اسعد الله مساكم ...كنت في أحد محلات الخاصة بتجهيز العرايس ..وبيع أطقم الانجري والملابس الداخليه ..

كانت موجوده وحده من الخوات معاها عيالها اثنين اكبرهم اتوقع بالصف الثالث الابتدائي ...

المهم أول ما دخلت المحل ..في عند الباب مانيكان طبعا ملبسينها قميص نوم ..نظام الفستان القصير ..

بالوقت اللي دخلت فيه المحل كان ولد الاخت الموجودة داخل المحل ..يرفع طرف فستان المنكان فوق !!!! !وينزله !!!! !

واخوه الصغير يضحك !! وبينه وبين امه شبر ولا قالت له شي أو حتى زفته أصلا مالتفتت صوبه !!

طبعا استغربت .

البياعات اللي في المحل ثنتين وحده كانت تحاسب امه والثانيه واقفه متفرجه ..خلصت الاخت وطلعت من المحل وعيالها وراها ...
اللي حصل ان البياعه اللي كانت تراقب الموقف ...كلمت زميلتها باللغه الفلبينية وهي معصبه ..طبعا ما فهمت شي!
لكن من حركات اليد ..ونرفزتها قدرت افهم ان الياهل اللي كان في المحل مع امه كانت له حركات أكثر واقحه من رفع وتنزيل طرف القميص ..!اقصد المشهد اللي شفته أول مأ دشيت المحل --!

..هذا الموقف شفته بعيوني ...ولما قلته حق رفيجتي احلفت انها مرة دخلت وكانت في المحل وحده تشتري ومعاها ولدها عمره بحدود ال14سنه ..تحلف ان اﻷم كانت تمشي مع ولدها وبيدينها كراتين قمصان النوم .!!


وطبعا أنتم عارفين شنو نوع الصور اللي تكون على هالكراتين ما يحتاج نشرح ..!

فاذا كنت وحده من هوﻻء النسوة
نقول لج :
خافي ربج ..واتقي الله في ولدج الطفل !
الياهل اللي مايفهم شي ترى يفهم أكثر مني ومنج !

ماله داعي تاخذينه معاج السوق بالاساس وأنت رايحه تشترين قمصان نوم أو ملابس داخليه!

نص ساعه ..يكون فيها مع ابوه ابرك من هالوقت اللي يكون فيه بهالمحلات وحوالينه كل هالصور العاريه والمناكنات !





ودمتم سالمين ....

 

[ناتشوو]

ذكرتيني
مرة
بسوق شعبي
لاحظي بسوق شعبي
يعني مادري
اغلى قميص بجم لو طار سعره
وحدة تبي تبدل قميص
انا لمحت الريش اللي فيه
والكاشير رافض
وهي مصرة انه اخذته خربان
وصراخ وهواش
والمصيبة ولدها مدري اخوها المراهق واقف عندها
صج فشلة واحراج
والله بعض الحريم مدري اشلون تفكر!!!
عيالنا امانة ياناس
اصلا المفروض حتى لو صغير عوديه ع الرجولة والشهامة
وتقول له محلات حريم لاتدش
حتى مو قمصان
يتعود حتى ع غض البصر
الشكوى لله

 

[BubbLe87]

جليلات حيا و ما يستحون هالنوعية

 

[ام غازي 2012]

فيه ناااس وايد عندهم عادي

 

[Um Tuki]

وخي شهالاشكال التعبانة

صج ماتستحي
ماستبعد ان عيالها شافوها بوضعيات مخلة مع الريل

في ناس الحيا فيهم مختفي

بعدين يقولون عيالنا انحرفوا مو غصب ينحرفون يالطيبة


الله يستر علينا و على عيالنا و على امة محمد

 

[قَلبڪْ صًخرْ]

اكبر عمر تدخلينه محل القمصان
سنتين ونص
وعقب يقضب الباب وينطر بره
واذا خايفه يضيع
مو لازم تشري




وياليت يشيلون اللبس الي عالفاترينا
شي يفشل والله استحي مرات ادش

وفي رياييل رقاله
ينطرون حريمهم بره على ويه باب المحل

وخر شوي الله يخليك

 

[Dr.Loloza]

و الله ان لم تستحي افعل ما شئت

ما بعرف كيف بعض الامهات بفكروا !!! يعني جد عيب ياخدو او يفتحو عيون اولادهم و هما بعدهم بالابتدائي

و لما تيجي تيحكي معها بتردد عليكي ترا ابني ما بفهم !!!!!!!!!!!!!!!!!!!!!
هون علامة التعجب تبدأ تظهر على وجهك و الله بفهموا و نصصصصصصصص

 

[M!SS.LOBY]

بصرااحة في موقف شفته بعيني بالسوق شبه شعبي وعادي ريال ومرأته يشترون واهو يساعدها بالذوق داخل معاها بالمحل ويدور شئ أحلى للمرأته.


والمشكلة المحل فيه حريم قاعدين يشترون فجأه كلنا احنا الحريم طلعنا برا يعني مايصير تدخل زوجها للمحل معاها والمحل متروس حريم

بصراحه اسمحيلي لا الريال ولا المرأه يستحون قلة حيا و أدب

 

[احلا المزايين]

انا معاج وكلتمج صح مية بالميةبس اذا رايحة سوق مفتوح مثل ماكس
كل شي معروض اشكرا حتا لو بتشترين بجاما الاطقم
معروضة وبالوجه
والا مرينا بمجمع والا محل لانجري من غير لا ندشه عارض اشكره كل شي
شنسوي بهالحالة

 

[relly-story]

طبعا غلط وانا معاج بكل كلمه قلتيها


وفعلا حرام وخل يخافون ربهم

غلط
غلط
غلط

وتسلمين على الموضوع واتمنى الناس تتعض

 

[شادن33]

وييييه انا اصلا مانعتهم يدخلون حمامي عزكم الله
لمجرد ان يشوفون شي من قمصاني مقطوط مني مناك !!!!!!

هالامهات تعيسااااات في نظري

 

[امـ خــزامـى]

اااااااااااااه انا اعااااااااااااااااااني جدا جدا من هالسالفه

انا يالحرمه اللي مالي دخل بعيالها وتربيتهم اتضاااايق

عيب ماااقدر اشتري واخذ راحتي من المراهقين اللي معك استحيييي

حبيبتي صاحبه الموضوع ياليت صغاااار ومايفهمون
انا اشوووف مرراهقين طول امهم

ولا بعد يغاااازلووون


يغغاااااااااااااااازل

ويقط معي ويشوووف وش اشتري تخيلتي !!


وامه وش تسوي ؟ توقعين

تمطط بهالقميص بتشوووف مقاش كرشتها ولا لا استغفرالله

 

[*مطبخ الذواقة*]

والله فعلا الوضع غريب وعجيب ..وللأسف اهمال الأمهات لهالتفاصيل الصغيرة ياثر سلبا على نشأة الطفل ...

والمفروض فعلا يكون في عمر محدد يمنع دخول من تجاوزه من للذكور الى مثل هذي المحلات...

حتى في بعض الأسواق مثل ماكس أو سنتر بوينت تحديدا ..صحيح ان البضاعة تكون معروضه بزاويه ..لكن ينقصها ان يتم تخصيص كاشير خاص لهاقسم ..

فعلا احراج لما تاخذين منهم وتروحين تحاسبين عند الكاشير العام

اما بالنسبه لدخول بعض الرجال لمثل هذه الاقسام ..فشنقول :ان لم تستحي فافعل ماشئت ..!!

هذا النوع من الرجال اللي ما يراعي حرمه النظر الي عورات النساء حتى وو كانت صور على كراتين ..ويسمح لنفسه انه يدخل مع زوجته وينقي ويتمقل في الصور ..ويسبب احراج الباجي الحريم ..فهذا رجل سقطت عنه صفه الرجوله ..."وجليل حيا وما يستحي "..!

اما بالنسبه للزوجة اللي تسمح بدخول ريلها معاها :فأقول "لها":

عفوا اختي حبكت يعني انه يدخل معاج ينقي ويتمقل بالصور ..!!
ما عرفتي شنو يحب وشنو يكره قبل لا تدشين المحل ..!!
أذا كل هذا مو مهم ...ما تخافين يقارن بينج وبين الحريم اللي بالصور ..!!!

أو حتى يسرح فيه خياله لما يشوف وحده ثانيه في المحل تشتري قميص نوم جدامه ..تهقين ما راح يقعد يتخيل شلون شكلها فيه !!!!


ما أقول الا الله يستر على جيل هذا النوع من الاباء والأمهات يربونه ....

 

[*مطبخ الذواقة*]

رفع للأهمية .....

 

[نهى الأحمد]

الله يمسيج بالخير والنوير ياقلبي


صح لسانج حبيبتي

وصاجة بكل كلمة قلتيها


بصراحة ماله داعي اللي ياخذون عيالهم وخصوصا الذكور لانهم اسم الله عليهم
التلفزيون والنت فتح عيونهم على سوالف كبيرة على عمرهم


يفضل تركهم في البيت وماله داعي يروحون مع امهاتهم لمثل هذي المحلات

لانه صج احراج

وفشله للأم اذا عيالها طلع منهم تصرف والام ما تدري
وتخلي الناس يتحجون عنها


وجيل هالايام جيل متفتح :rerrerek: ويعرف كل شي

 

[*مطبخ الذواقة*]

اسعدني تواجدج بالموضوع حبيبتي نهى ....

 

[ام الحلوااات]

تــــصــــيـــر واااايـــــد وااايــــــــد
ويـــالـــيــتــه عـــلـــى عــيـــااال صـــغــااار
الــمــشــكــلــه مــرااهـــقــــيــن
اللـــه يـــهـــديــهــــم​

 

[*مطبخ الذواقة*]

امييييييين .....

 

[M!ss CoLoRz]

تفهمين مين ولا مين

الأدمر المحلات المتخصصة بالهسوالف واللي يبيعون فيها رياييل لا ويقول لج سايزج شنو بعد !!!!!!!!!!!!!!!!!!!!

انا اجهز حق عرسي ونصحوني اروح ديرة جريبة حق هالسوالف ويمدحون وروحي وبتعوفين بضاعة هني وشحلوهم وشرخصهم و و و و ... دريت إن ريال اللي يبيع بس المحل ممنوع يدخلونه الرياييل !!!!!!!!! يعني هل كيف شلون ما اهوه ذي نفس ذي لا ويقولون بس نماذج معروضة وتخلينه يطلع لج السايز واللون اللي تبينه

يا الهي!!!!!!!!!!!!!!!!​

 

[*مطبخ الذواقة*]

وي ﻻ والله هذي اقوى صراحه
.
احنا عندنا من زمان طلعوا قانون ممنوع الرجال يبيعون بمحلات ملابس الداخليه..
اما بالنسبه الأنواع الثانية ﻻزم تكون معاهم مرة بالمحل ...