الخوف

[دلوعه كيتا]

السلام عليكم جميعا بصراحة اتمني الرد علي حالتي أنا أواجه خوف شديد لي درجة اني ما اطلع من البيت بصراحه انا ابوي توفي من سنتين وصار فيني خوف من الموت بدرجه كبيره وكنت اطلع وامارس حياتي عادي بس مسك الخوف فيني وانا كنت مسافره وانا في الطيارة مسكني عوار بقلبي ومن يومها انا اخاف اطلع من البيت مو بس اسافر ومع العلم اني اخاف من الطيارة خوف شديد

 

[نسكافيه بالحليب]

يعد عمري انتي
اللي تمرين فيه شي كل الناس يمكن يمرون فيه فترة من الزمن نتيجة لظرف او موقف يتعرضون له وانا الحين اللي احاجيج مريت بخوف مو طبيعي جذيه من غير سبب خوف من الموت ومن المستقبل ومن المجهول بس الحمدلله مع الوقت خف شوي وان شاءالله الى زوال
المهم انتي اذا حسيتي بان خوفج زاد عن الحد ما فيها شي اذا راجعتي اختصاصي نفسي يقدر يساعدج على التخلص من الخوف
وما تشوفين شر يا قلبي

 

[اميره في دنيااخطيره]

حبيبتي الخوووووووووووف هذاااا نفس بالضبط عشت فيه من فتره:0bee2e8d89::0bee2e8d89:
ولنفس السبب وفااااه ابوي خصوصاااااا ان ابوي توفى فجأة وجدامي وكنت حيل متعلقه فيه :krkrkr::krkrkr::krkrkr:
ولاقمت احس بطعم للحياااااااااه
مع هذاااااا قمت اخااااف من اي شي طبيعي مع الوقت وقرائة القرآن والدعاء الحمدلله
تحسنت ورااااااح الخووووووف :eh_s(6):
اتمنى لج الشفاااااااااااااااااااااااااااااااء العااااااااجل

 

[كويتيه والماسه]

الخوات ماقصروووووو وان شاء الله يروح منج الخوف

 

[Flower20]

هذا وسواس يا قلبي

دوري بقوقل مواضيع عن الوسواس القهري وبتلقين الي يفيدج..

 

[Pinkish Lady]

كلام البنات صح .. لازم تتوكلين على الله حبيبتي مو زين جذي .. وكثري من قراءه القران وحفظه.. وروحي عند معالج نفسي
وعسى الله يشرح لج صدرج يارب

 

[روزالكويت]

اختى انا نفس الحاله فيني خوف موطبيعي لما اسوق السياره والله يقوي قلبي ويروح عني وارتاح يارب

 

[نوروظلام]

مشكلتج جدا عاديه كلنا مرينا فيها انا لما توفت جارتنا فجاءه صار فيني حبيبتي فتره وتروح قاوميه بالبقره والدعاء وبعدين بعطيج شي شوفيه وبترتاحين ان شاء الله(كتبي بقوقل منتدى الخير للرقيه ) قولي حالتج لهم وشوفي ترى ثقات لاتحاتين والله يشفيج

 

[el3aNoOoNa]

انا لما اسوق كلا احس اني بتييني سياره من وراي بتكون دااايسه حيل وبتطيرني وبموت

بس شسسوي لازم اطلع واروح وارد هاذي الحياه غصبن علينا
الله يعين حبيبتي

 

[دنوسه]

اقري سورة البقره 40 يوم وان شاءالله راح تشفيج من كل مرض فيج

 

[اسوووره]

يا حياتي الله يرحمه برحمته الواسعه و يغمد روحه الجنه و جميع موتى المسلمين ...

حبيبتي هذا وسواس الشيطان اعوذ بالله منه ومالج غير القرآآآآآآآآآآآآن و الدعااااااااااااااء و مع الاستمرار راح تتحسينين باذن الله يا قلبي ...

الله يهدي بالج و يصلح حالج يارب العالمين ...

 

[دلوعه كيتا]

مشكورين علي هذي النصيحة وادعولي الله يشيل هالخوف مني يارب

 

[هجير الريح]

ياااااااااااااااااااااااارب يبعد عنج كل شر ويبعد عنج الخوف والوسواس عاجلا غير اجل ويرحم الوالد ويسكنه فسيح جناته ويرحم موتانا وموتى المسلمين امين يارب العالمين

 

[بنت باباتي]

الله يرحمه اللي تمرين فيه شي طبيعي انا جدتي سار لها سنتين متوفيه من وفاتها وانا احس اني بفقج احد يمكن لان اول شخص عزيز تفقدينه فتحسين بعدم الامام حبوبه الايمان بالله وبالقضاء والقدر يخفف الهم والخوف

 

[دلوعه كيتا]

مشكوره حبيبتي بس تصدقين انه هالشيء ماثر علي دوامي وما قمت اروح الدوام واخاف اروح الدوام

 

[يعني لازم أحط اسم]

اسم الله عليج حبيبتي والله يرحم الجميع برحمته انشاءالله والله انا مرات اتييلي الخوف من الموت ابروحي من غير اي شي يعني اتيي فجاه ابمخي وانشاءالله الله يقوي ايمانه ياااااااااااااااااااارب العالمين وتبعي نصايح الاعضاء وانشاءالله يفيدونج يا قلبي ترا انا همن مرات افكر بالمستقبل واخاف منها بس الله يصبر الجميع ياااااااارب

 

[خليج***]

اعتقد هذا مرض اسمه الفوبيا

 

[& دلوعه زوجها &]

لا ان شااله

يمكن مصومه بوفاة الوالد الله يغفرله

والله يستر بنتي خوااافه حيل لكن ان شالله تكبر وتتعدل

 

[وردة بيتنا]

تعوذي من ابليس

و قولي ( لن يصيبنا إلا ما كتبه الله لنا )

و ذكري الله دايما . دايما خلي الاستغفار على لسانج . دايما رددي ( استغفر الله )

عشان الله يهدي بالج و يريحج

و حافظي على الصلاة

و اقري القرآن دايما

و خلي قلبج مع الله

و ترتاحين ان شاء الله

 

[miss_romancyah]

اقري قران