الدراسه في لندن

[freakiya]

السلام عليكم...
شلونكم بنات شخباركم؟ عساكم بخير.
انا انشالله اتخرج شهر 6 و ناويه اكمل دراستي بلندن بس للحين محتاره و مو عارفه وين اسال ولا شسوي...:eh_s(16):
ابي ادش اداب انجليزي .. شنو الجامعات اللي تقبل التخصص هذا؟ ولازم نسبه معينه ولا عادي؟ و اذا بدرس على حسابي جم تكلف؟ و اذا منحه جم لازم النسبه و شلون الطريقه يوفرون سكن ولا لا؟ و شنو الجامعات اللي تقبلني؟ :080402ask_prv:




و اللي تساعدني بدعيلها من كل قلبي بلييز ابي الردباسرع وقت عشان اقدر اقنع اهلي مبجر:s141:
و بطريجكم ادعولي انجحو اتخرج بنسبه ترفع الراس​

:yaaaaaarb:



:hjy5jewf:

 

[kuwait_queen82]

السلام عليكم
اذا تبن نصيحة اخت لا تقدمين على اي جامعه قبل ماتروحين لديره تقعدين فيه على الاقل شهر و تطلعين وتشوفين الناس وتروحين تشوفين الجامعات الي فيها و اتحاد الطلبه اهني بعدين قرري اي جامعه ادشين او اي ديره ا منطقه وتبين نصحيتي لاتخذين نصيحه اي احد يقولج هذا زين وهذا شين انه كل انسان له طريقه بتعامل معه الناس في ناس اتقبل الوضع وفي ناس لا
انا ادرس على احسابي الخاص حاليا سنه تاسيسه اتكلف تقريبا 4300دينار اكويتي
التخصص انا تدريس لغه انجليزه باذن الله لو توفقت بالتاسيسي راح ابتدي التخصص على شهر سبتمبر بالضبط مو متاكده جمراح يكلف لانه كل سنه يزيدون رسوم الدراسه
في جامعات تطلب نسب عاليه وفي جامعات لا والجامعات
(الجامعات الي ماتطلب نسبه عاليه (راح اتكلم عن جامعتي Coventry university)
1-لازم ادخل كورس تاسيسي (ومن شروط دخول الكورس التاسيس نسبه ايلز 4.5اذا يبتي اقل من جذي يعطونج كورس او سنه لغه انجليزيه بعدين تدرسين تاسيسي)
2-لازم اتخلصين السنه التاسيسيه بنجاح وتيبين معدل 6.5 في الايلز علشان ادشين التخصص
---------------------------------------------
وبخصوص جم الجامعه اتكلف حسب الجامعه حبيتي يعني داخل لندن رسوم الجامعه وايد غاليه وبرا لندن ارخيصه حتى من ناحيه السكن
والاهم ووالمهم من اي جامعه تقبلج انج اجيكين من التعليم العالي انه الجامعه معترفين فيها و العدد ماكتمل 50 في التخصص الي انتي متخصصه فيه
وهذا المكتب الثقافي الكويتي في بريطانيا شوفي الجدول مكتوب فيه الجامعات الي معترفين فيهاhttp://www.kuwaitculturaloffice.org.uk/ann.html#230910
سوي سيرج عن كل جامعه في الجدول وشوفي اذا في التخصص الي انتي تبينه وشوفي شروطهم
--------------------------------------------------------------------------------------------------------------------------
الحين ني حق سالفت السكن
السكن كل الجامعات اتوفرلج سكن طبعا تدفعين لهم رسوم السكن والتسجيل بعد مايقبلوونج
او تحجزين اسبووع افندق وتشوفين لج ايجنسي ادوورلج على سكن وقولي لهم ابي بقرب فرصه وروحي شوفيه هذا في حال انج تبين تسكين ابروحج وحاولي ادورين لج سكن في سكيورتي يعني مو اي احد يدخل السكن ولازم يكون ابرقم سري علشان امان لج اكثر
هذا في حاله انج انتي رايحه ععلى احسابج
اما اذا انتي رايحه بعثه حتى مصاريف الفندق لما تلقيلج سكن التعليم العالي يدفعها
-----------------------------------------------------------------------------------------------------------
واذا بتروحين على احسابج لاتنسين تروحين التعليم العالي اتقدمين على الاعانه يمشولج 100 دينار اذا مو متزوجه و250 اذا متزوجه

------------------------------------------------------------------------------------------------------------
الحين نتكلم عن الفيزا اذا انتي رايحه على احسابج الخاص:-
والفيزا يستحسن من الحين تفتحين لج احساب وتخلين مبلغ لا يقل عن 8000 ماتحركينهم لمده 28 يوم قبل مماتسوين الفيزا يعني اذا انتي رايحه اليوم اتسوين فيزا اتسوين كشف احساب اليوم مال 28 يوم ومايكون مار على كشف الحساب اكثر من الشهر
وفي حاله امج او ابوج يدفعون قوليلهم لايحركون المبلغ الي ذكرته سابقا لمده 28 يوم قبل مايسون الفيزا ابيوم او نفس اليوم
طبعا اذا امج او ابوج مرافقج وياي في (فيزه زياره) ممنوع يقعد اكثر من 6 شهور لازم يرد لكويت 6 شهور بعدين يرد وهكذا
اما اذا زوجج وعيالج تسويلهم فيزا اندبندت يقعدون طول المده الي انتي تدرسين فيها

وهذا موقع مستجد اذا عندج اي استفسار راح يسعادونج الطلبه والطالبات الي يدرسون معاي في بريطانيا وكل واحد منهم يمثل منطقه من مناطق بريطانا الي هم يدرسون فيها
http://www.mustajed.com/forum/preview.php

الله يوفقج ويالله شدي حيلج ويبي نسبه عدله

 

[kuwait_queen82]

وي نسيت شغله تر فيزا الدراسه مايصير اتقدمينه قبل ماتاخذين الكاس نمبر يعني عقب مايقبلونج الجامعه وتدفعين الرسوم يدزولج ورقه الكاس نمبر بعددها روحي قدمي على الفيزا مع كشف الحساب + صوره شخصيه خليتها بيضه بدون مكياج +شهاده الايلز الاصليه+شهاده الثانويه بالغه الانجليزيه الاصليه مصدقه من وزاره التربيه

وتقدرين تقدمين على البعثه بعد ماتدرسين سنه في بريطانيا في جامعه او مهد معترف فيه من تعليمنا العالي وتيبن معدل حلوه اتراجعين المكتب الثقافي وانشالله يقبلونج

ترى تعبت وبروح اتعشى

 

[noor_14_14]

رد : الدراسه في لندن

باختصار اذا كنتي الحين بالكويت روحي سالي التعليم العالي
واذا كنتي ببريطانيا روحي سالي المكتب الثقافي يالكويتي

 

[freakiya]

مشكوووووووووووووره حبيبتي الله يوفقج بدراستج ما قصرتي حبيبتي
انا قعدت بلندن شهرين و خذيت كورسات لغه يعني عارفه الوضع و اعرف اتصرف ... ما قصرتي حبيبتي راح ادعيلج من كل قلبي

 

[q8irose]

رد : الدراسه في لندن

السلام عليكم
موفقه ان شاء الله ويارب تتخرجين اوتييبين اعلى الدرجات وتنقبلين في احسن الجامعات
حبيبتي انا توني متخرجه من بريطانيا ولله الحمد والفال لج وللكل يلا شدوا حيلكم ياشطار:eh_s(9): انا درست على حسابي وقدمت بنفسي مو عن طريق مكتب اذا تحبين في وايد مكاتب اييبون لج قبول بالتخصص اللي تبينه والجامعه اللي تبينها
او اتسوين طريقتي بس انا على قولتهم خذيتها بالهارد ويي لووووووول يعني بالطريقه الصعبه رحت موقع ucas.com وقدمت عن طريقه اغلب الجامعات لمن اتدخليم مواقعهم يبون اتقدمين الطلب عن طريق هالموقع ومن خلاله تقدرين اتقدمين لخمس جامعات مرة وحده ورسومهم بسيطه جدا نصيحتي انج تقدمين على اكثر من جامعه من الحين وانا وعلى كلام خواتي اللي قبلي يعطيهم العافيه انصح بزيارة المدينه اللي طلع لج قبول فيها قبل الدراسه على الاقل قبلها بشهر جذي علشان تقدرين تلقين لج سكن مناسب لج مو تاخذين اي شي لضيق الوقت اهلج يكونون معاج ويتطمنون عليج وهم اذا ماعجبج المكان او مارتحتي له يمديج اتروحين لمدينه ثانيه طالع لج قبول فيها واتقارنين انا هذا اللي سويته كانت رحله سياحيه لمدن بريطانيا وماكنت ماخذه قرار جدي من ناحيه الدراسه لكن كان معاي اكثر من قبول لعدة جامعات وارتحت لمدينه معينه وكاني الحين ولله الحمد خلصت دراستي و الحين ودي ارجع واكمل دراستي بعدي ما شبعت مو بس للدراسه حنيت للعيشه والحياة اهناك رغم كل الصعوبات اللي مرت علي والفراق لكن من اجمل ايام حياتي
بالنسبه لفيزا المرافق السياحيه انه كل 6 شهور لازم ماتدخل الا بعد 6شهور اهم قالوا لنا جذي بس اللي صار انه الوالده الله يخليها لي قعدت معاي لمدة سنه عادي ماكان في مشكله بس انه كنه انروح وانرد للكويت كل جم شهروهم كان في بنات معاي معاهم امهاتهم طول فترة دراستهم جنهم مو مدققين يبيلج تسالين
واي سؤال انا حاضرة لا يردج الا الكي بورد لوووووول

 

[freakiya]

مشكووووووره حبيبتي والله ودي اسوي بنصيحتج بس متى تنصحيني ابدي اسجل؟و جم كلفتج الدراسه و السكن؟
انا بالعطله يمكن اروح شكلي بقعد اكثر من شهر احوس بالمدن و اشوف
انشالله يصير لي نصيب ادرس هناك
بنات عفيه ادعولي الامتحانات واايد صعبه

 

[q8irose]

رد : رد: الدراسه في لندن

مشكووووووره حبيبتي والله ودي اسوي بنصيحتج بس متى تنصحيني ابدي اسجل؟و جم كلفتج الدراسه و السكن؟
انا بالعطله يمكن اروح شكلي بقعد اكثر من شهر احوس بالمدن و اشوف
انشالله يصير لي نصيب ادرس هناك
بنات عفيه ادعولي الامتحانات واايد صعبه

على فكرة ترة فيه معرض للجامعات البريطانيه اليوم وباجر تاريخ 12 و 13 من يناير بالشيراتون الفترة الصباحيه 9 الى 12 والعصر 5 الى 9 اليوم رحت وباجر بروح اسلم اوراقي كان حلو وفيه 42 جامعه لا يطوفج روحي اخذي معلومات منهم حتى لو بس اشلون التقديم ومتى انسب وقت علشان لا يطوفج انصحج من الحين تاخذين اوراقج واتقدمين لكن ماراح يكونون كاملين ناقصج شهاده الثنويه كلميهم وشوفي شنو يقولون لج ممكن اتقدمين الحين ومن تستلمين شهادة الثنويه اتدزينها لهم ايميل اي ونسيت اقولج على شغله مهمه من الحين كلمي مدرساتج وقولي لهم اذا يقدرون يكتبون لج رساله توصيه ((Recommendation letter)) طبعا لازم اتكون بالانجليزي خاصة من المواد اللي انتي واااايد زينه فيها هذي مو لازم بس وااااااااااااااايد اتساعد في الفبول وتقديم للجامعات ما يضر اي وقت لا تخافين قدمي لمكاتب وللجامعات نفسهم ويعدين اخذي قرار اي جامعه واي مدينه ترتاحين لها اكثر
بالنسبه لي انا تكاليف الجامعه بروحها كانت 5000 دينار تقريبا والحمد لله توفقت في بيت من دورين للاجار يبعد عن الجامعه 10 دقايق مشي وهم 10 دقايق عن السوق والستي سنتر والاجار بالشهر 200 دينار بالشهر يبلاش مادري اشلون حصلته لووووووول كل اللي معاي ماجرين شقق على 400 و500 دينار
الف الحمد لله لاني انا واهلي رحنا لها كسياحه قبل الدراسه بشهر جذي فقدرت ادور على راحتي حتى قبل ما يبدون الطلبه اييون ويحتلون المدينه لووووووول مدينتي اسمها ديربي انا درست فيها هندسه
وياااااارب تتسهل امتحاناتج و تنجحين واتنقبلين في احسن الجامعات ان شاء الله ولا تحاتين شي الحياة وااااايد مريحه اهناك صج تعب الدراسه وهمها يشغلونج اشوي لكن العيشه حلوة اللي انا الحين ماصار لي جم شهر راده حنيت للمكان واشتقت للدراسه والسفر من جذي ودي اكمل دراستي الحين مو بس للشهاده
جني واااااايد قرقت لوووووووول كل هذا وجنه
الله يكتب لنا اللي فيه خير يارب

 

[freakiya]

حسافه شفت ردج متاخر طافني المعرض .. فيديني شوي ما قالو شي اقدر استفيد منه؟
ابوي يقولي روحي من الحين شوفيلج جامعه على هالعطله بس للاسف ما لقيت احد يوديني