الدرجة بالاختيار

[PuPa^^SWeeT]

السلام عليكم


شلونكم بنات



قبل اسبوع


مناديتني الناظرة بسالفة




الا و اهي



الدرجة بالاختيار ؟؟؟


ساعدوني يابنات


انا درجتي بالاقدمية راح اتكون لي بشهر 7


والحيين شهر 3

وماراح تنزلي الا شهر 5




سؤالي هل هذا الشي بصالحي اني اخذها بالاختيار ؟؟ ؟


وشنو الميزات



كلمت امي و ابوي و اهلنا يقولولي بالاختيار لو باقي سنة اوكي



بس باقي شهرين ولا 3 يقولون يالله بنعطييج

هذي يقصون علييج ؟؟؟



شنو الراي الاسدد



مع العلم اني سالت محيط العمل بعد



نصهم قالو اخذيها

و نصهم قالو لا تاخذينها




شنو الافضل



؟؟؟؟؟؟ ​

 

[طالبة1990]

مالج شغل

شحقه يستشيرونج من الاساس

والدرجة ماتجي الا بوقت العلاوة السنوية

يعني نفس الشي


فاهمة عليهم كلللش

بس اذا جت بالاختيار خير وبركة

ليش رافضتها

مع اني اللي اعرفه انه مالج شغل ترفضين اوتقبلين

الدرجة بالاختيار تكون ل اللي تقاريرهم امتياز

 

[PuPa^^SWeeT]

بس باقي بس 3 اشهر و استلمها ؟؟؟؟


السالفة اذا خذيتها الحين ماراح اخذها بالاختيار خيير شرررر




من جذي محتااارة


3/4 قالولي لاا لأنها تحايل علييج علشان ماتترقين بعديين بسرعة



و ربع قالولي اخذيها الحيين احسن

 

[اريج الجوري]

والله ما ادري بالضبط انا سمعت ان الاختيار تجي مره وحده واذا رفضتيها خلاص ما تنزل لج مره ثانيه وما اطري صج او لا هذا اللي سمعته ،،

ان شاء الله البنات يفيدونج ،،

لكن بقولج مثل امي الله يخليها لنا كله تقوله : خذ الحفنه من الايد العفنه ،، هع

يعني اي خير يجيج لا ترفضينه لو كان شويه ،،

تحياتي ..

 

[ريومه المزيونه]

حبيبتي الاغلبية جذي اذا قربت تجيهم الدرجة بالقدمية

دزولهم الي بالاختيار

بس انا اقولج كلمة قالتها لنا وكيلة سابقة الله يذكرها بالخير صارت ناظرة الحين

اذا جاتج بالاختيار اخذيها وراح تنكتب بملفج انها جاتج بالاختيار وهذا زين لج

لانها جذي جذي جايتج فبالاختيار معناتها انج انتي زينة واختاروج

 

[روزيتاريري]

حبيبتي نصيحه اخذيها واي شي ايي من هالوزارة التعبانه فيه مصلحتج لا ترفضينه لان قوانينهم خرطي وكل يوم تاخر

انا يتني بالاختيار مرتين وخذيتهم

ترى اهي ميزة يعني ان تقديرج حلو وساعات الناظره ترشحج للدرجه

 

[حلوى عمانيه]

شنو شروط الدرجه بالاختيار

 

[PuPa^^SWeeT]

^^^^


لازم امتياز سنتين ورا بعض و ترشيح من الناظرة




الناظرة السابقة كانت توها اتعرفني بهالمدرسة العام


فا عطتني امتياز اتقولي بغييت مرتفع بس حساافة انج ما كملتي خمس سنيين ولا عطييتج



كانت يدييدة اهيا حلييوة و طيوووبة



بس سالفة الامتياز اللي حرتني السنيين اللي فاتت اوكي اول سنة انا بدعت طبيات و اجازات و خصومات اوكي مو مشكلة



بس بعديين لا والله كل شي يبوونه مني كنت اطبقه



هالسنة طبعا ياالي بالاختيار


ليش و باقيلي 4 اشهر ؟؟؟؟؟



يعني اوكي بتقولوللي انه اخذها الحيين


اخاف احتاج الاختيار بعديين ؟؟؟ حق الدرجة الاولى ؟؟؟


ولا الدرجة الثانية



سالت فيها وايد


كل من قالي يقصون علييج


تاخذينها و تفلسين منها


يعني وحدة وياي نفس الشي بس شنو اهيا بيعطونها بالاختيار قبل سنة و نص من الاقدمية


انا ما تسوا ؟؟؟


يعني اربع اشهر ؟؟؟


شنو الفايدة


اتقولي وحدة علاوتي بتنزل مرة ثانية شهر 7 ؟؟؟ يعني درجة ثالثة و علاوتين


بس لما سالت قالو اهيا لما تنزل خلاص تنزل و بس



ماكو علاوة ثانية




ياليت لو وحدة من الاداريات اتوضحلي اكثر ؟؟؟

 

[أم مباركـ]

السلام اخذيها الدرجات فرصه انا كل سنه اخذ98% مع توصيه بدرجه بالاختيار لى 10 سنوات والحين لى 26 سنه ولا جتنى بالاختيار ولا مره هذى فرص.

 

[PuPa^^SWeeT]

رفضتها


لانه مايسوا يقصون علي قبلها بشهرين علشان اتروح مني ما اخذها بعديين

 

[نوار]

جم الزيادة اذا انتقلت من الدرجة الرابعة الى الثالثة

 

[PuPa^^SWeeT]

على ضوء الزيادات والكادر

اعتقد بتصير 70

بس انا اصلن بنتقل و بخلص


اخشها فرضا يتني بالاختيار قبل سنة ولا سنتين

 

[سفيرة العشق]

والله انا نفس حالتج ومادري شالطبخة بس قبلتها مع اني كاشة منها وقلت لعله خير بس ياريت تفيدونا أكثر .

 

[PuPa^^SWeeT]

تناقشت ويا امي


وبعض الاهل اللي اهم مدرسات

قالولي اوكي انج خذيتيها بتنكتب بملفج انها بالاختيار


بس اهي يايتني يايتني

مامنها فايدة حاليا الا الاسم

 

[سفيرة العشق]

والله هالوزارة تعبانة بكل شي
بس الحمد لله على كل حال

 

[** رش رش **]

ان شاء الله خيرة انج رفضتيها
و انا بصراحة أايدج لان صج تحسين فيها خدعه
و ان شاء الله تجيج مرة ثانية تكونين فعلا محتاجتها

 

[الاميره]

كل كم سنه تجي الدرجه بالاقدميه ؟؟ وبالاختيار ؟؟

 

[randomy]

اخذيهاااااااااااا

كافي ميزة الاختيار انها تجدم الدرجه اللي وراها سنتين

 

[عادت ذكرياتي]

أب


أب

 

[CrystalQ8]

انا نزلت لي بدون تستشير ني الناظره استغربت لما فتحت علي ديوان الخدمه بالكمبيونر الا نازلتلي شهر 3. 2010. من الدرجه الثالثه الي الثانيه. انا كانت خبرتي 9سنوات. شرايكم. لان ماوقعت علي ورقه