شلونكم يابناتي شخباركم؟؟ وشلون عيالكم وريايلكم واهلكم؟؟عساهم بخير وعافيه؟؟ وينكم ماتسألون عن اميمتكم العوده ولا تسيرون عليها؟؟ صج بنات هل وقت من تزوجتوا نسيتوا امهاتكم .. اي لنا الله راحت علينا .. والله ياخوفي باجر تقطوني بدار العجزه واقعد اهذي بروحي جني عيوز مضيعه بقشتها .. عاد الله والبقشه كلها ديرم وحلتيت وفوطن وسدر .. و انا بصير احسن منكم وبعلمكم اليوم طبخه يديده ..وهي المسخن .. سلمكم الله وحفظم الباري بنعيمه .. المسخن اكله شاميه ويسونها بعد اهل مصر ..وانا حبيتها وقلت اعلمكم طريقتها .. ويالله نبتدي
بسم الله بدينا وعلى النبي صلينا .. نحتاج يابنات قريح حق طبختنا .. ديايه .. 9 بصلات ولميات .. فصين ثوم .. دارسين .. هيل .. فلفل اسود .. كمون .. مسمار .. ملح .. خبز خمير .. صماق
اول شي تغسلين الدياي عدل وبعدين تشقينها بالنص .. من صوب الصدر وتخلينها مفتوحه .. الحين نحط جدر وفيه ماي ومن يوفوح نحط البهارات ..والبهار عباره عن 3 عواد دارسين خشن و9 حبات هيل خشن ..وترس قفشه صغيره فلفل اسود خشن .. و مثلها مسمار .. وقفشة حوس كمون مطحون والثوم وطبعا الملح على هواكم .. ننطر الديايه تفوح لمدة ساعه الا ربع او اقل بشوي .. وخلال فوح الديايه نقطع البصل صغار مثل الحشو .. وبعدين نحمس البصل بجر او بمقله طبعا بدون دهن .. كل مايتلزق نرش عليه ماي وننطر لما يصير لونه مشوقر .. بعدين نحط عليه ذرة فلفل اسود ولومي اسود وكمون .. وبعدين تشيله على كتر .. الحين خلصت الديايه ..اول شي نسويه نقلي الديايه عادي مثل المجبوس ونرش عليها طبعا دارسين ناعم وهيل ناعم .. وبعدين ناخذ الخبز . ونصف 2 فوق بعض .. وبعدين نبلل الخبزه بماي الدياي شويه مو وايد وبعدين نصف شوه من كمية الحشو .. ونرش فوقهم صماق .. ونحط خبزه ثانيه ونكرر العمليه ونحط فوقها الديايه .. وهم نرش عليها صماق .. وبعدين نحط خبزه فوق الديايه ونسوي نفس الشي نحط حشو وصماق ونبلل الخبزه واخر خبزه بس تتبل وبدون حشو .. فهمتوا.. ولا بس تهزون الراس مثل دبش المياص والله ماتدرون وين الله حاطكم .. يعني اول شي تحطون خبزتين وفق الثانيه الحشو وبعدين تحطون الثالثه وفيها حشو والديايه وفوق الديايه هم خبزه وعليها حشو وبعدين خبزه فاضيه واخر وحده تنحط بالمقلوب وتبللونها بماي الفوح .. وبعدين تشيلونهم وتحطونهم بالفرن لمدة عشر دقايق او اقل شوي على النار اللي تحط و5 دقايق على النار اللي فوق عشان يتحمش الخبز .. عاد مو تخلون الحبزه تحترق وطلع سنوون.. كل شوي طلوا عليها.. وعليكم بالعافيه
ملاحظات : الحشو يفضل تكثرون منه اذا تحبون .. انا قلت 9 بصلات تقدير واغلب الناس تحب الحشو زايد .. لان الخبزه الايرانيه كبيره .. والصماق على كيفكم وحاولي تحطين مو اقل من قفشه كبيره على كل طبقه .. وشلون تبللين الخبزه؟؟ تشيلين من الماي بقفشه وتمسحين على الخبزه ..
مافي نصايح من اليوم لان عيزت وانا البح وماكو فايده ولا عايده .. وابيكم بس تفسرون جمومكم وتدشون المطابخ وتورون ريايلكم همتكم .. ولو اني ادري فيكم بس حجي على الطل .. والله يعافي الخدم ولا انتوا على قولة القايل .. الدز من المز وشسمونه .. من العافيه.. وانتوا كملوا المثل هذا اذا سمعتوا فيه
والحين امهاتكم يمكن يعرفون احسن مني واذا تحلطموا ماني راده
وهذا شسمونه
خليتكم باعافيه
امكم العوده دندونه
بسم الله بدينا وعلى النبي صلينا .. نحتاج يابنات قريح حق طبختنا .. ديايه .. 9 بصلات ولميات .. فصين ثوم .. دارسين .. هيل .. فلفل اسود .. كمون .. مسمار .. ملح .. خبز خمير .. صماق
اول شي تغسلين الدياي عدل وبعدين تشقينها بالنص .. من صوب الصدر وتخلينها مفتوحه .. الحين نحط جدر وفيه ماي ومن يوفوح نحط البهارات ..والبهار عباره عن 3 عواد دارسين خشن و9 حبات هيل خشن ..وترس قفشه صغيره فلفل اسود خشن .. و مثلها مسمار .. وقفشة حوس كمون مطحون والثوم وطبعا الملح على هواكم .. ننطر الديايه تفوح لمدة ساعه الا ربع او اقل بشوي .. وخلال فوح الديايه نقطع البصل صغار مثل الحشو .. وبعدين نحمس البصل بجر او بمقله طبعا بدون دهن .. كل مايتلزق نرش عليه ماي وننطر لما يصير لونه مشوقر .. بعدين نحط عليه ذرة فلفل اسود ولومي اسود وكمون .. وبعدين تشيله على كتر .. الحين خلصت الديايه ..اول شي نسويه نقلي الديايه عادي مثل المجبوس ونرش عليها طبعا دارسين ناعم وهيل ناعم .. وبعدين ناخذ الخبز . ونصف 2 فوق بعض .. وبعدين نبلل الخبزه بماي الدياي شويه مو وايد وبعدين نصف شوه من كمية الحشو .. ونرش فوقهم صماق .. ونحط خبزه ثانيه ونكرر العمليه ونحط فوقها الديايه .. وهم نرش عليها صماق .. وبعدين نحط خبزه فوق الديايه ونسوي نفس الشي نحط حشو وصماق ونبلل الخبزه واخر خبزه بس تتبل وبدون حشو .. فهمتوا.. ولا بس تهزون الراس مثل دبش المياص والله ماتدرون وين الله حاطكم .. يعني اول شي تحطون خبزتين وفق الثانيه الحشو وبعدين تحطون الثالثه وفيها حشو والديايه وفوق الديايه هم خبزه وعليها حشو وبعدين خبزه فاضيه واخر وحده تنحط بالمقلوب وتبللونها بماي الفوح .. وبعدين تشيلونهم وتحطونهم بالفرن لمدة عشر دقايق او اقل شوي على النار اللي تحط و5 دقايق على النار اللي فوق عشان يتحمش الخبز .. عاد مو تخلون الحبزه تحترق وطلع سنوون.. كل شوي طلوا عليها.. وعليكم بالعافيه
ملاحظات : الحشو يفضل تكثرون منه اذا تحبون .. انا قلت 9 بصلات تقدير واغلب الناس تحب الحشو زايد .. لان الخبزه الايرانيه كبيره .. والصماق على كيفكم وحاولي تحطين مو اقل من قفشه كبيره على كل طبقه .. وشلون تبللين الخبزه؟؟ تشيلين من الماي بقفشه وتمسحين على الخبزه ..
مافي نصايح من اليوم لان عيزت وانا البح وماكو فايده ولا عايده .. وابيكم بس تفسرون جمومكم وتدشون المطابخ وتورون ريايلكم همتكم .. ولو اني ادري فيكم بس حجي على الطل .. والله يعافي الخدم ولا انتوا على قولة القايل .. الدز من المز وشسمونه .. من العافيه.. وانتوا كملوا المثل هذا اذا سمعتوا فيه
والحين امهاتكم يمكن يعرفون احسن مني واذا تحلطموا ماني راده
وهذا شسمونه
خليتكم باعافيه
امكم العوده دندونه
