اي يا بناتي اليوم بنسوي دياي بالفرن بس بطريقة شوي غير .. بنسويها بالفخار .. باجر من تصبحين الصبح تروحين احد الاسواق الشعبيه وتشترين ماعون فخار له غطه وتردين البيت وتجهزين ديايتين وتقطعين اربع اوصل وتغسلينهم زين بطحين وتفركينهم فراك لما ينظفون .. ونحتاج حق طبختنا .. 3 بصلات .. طماطتين .. بطاطتين .. 3 فصوص ثوم .. قوطي معجون .. وبهارات .. اي عاد هني سر الطبخه بالبهارات .. شوفي عيوني تيبين الهاون وتحطين فيه 4 حبات هيل خشن وقفشة الشكر كزبر خشن وجم حبيبة فلفل اسود خشن و5 حبات مسمار خشن .. ودقيهم لما يصيرون ناعمين وبعدين تخلطين عليهم قفشة الحوس مالت الشاي دارسين ناعم ونتيفة كمون .. بعدين تقطعين البطاط والطماط والبصل شرايح يعني مدورين ودقين الثوم .. والحين نبدي الطبخه
بسم الله بدينا وعلى النبي صلينا .. اول شي تيبين طشت صغير او جدر او ماعون مرق كبير المهم اللي يصير وتحطين الدياي وتفركينه بالثوم وشوي شوي ترشين عليه البهار يعني تقريبا نص البهار وبعدين تحطين عليه نص قوطي المعجون وتخلطينه معاه .. وبعدين تيبين ماعون الفخار وتصفين اول شي نص الطماط وفقوقهم شويه من البصل والبطاط وبعدين تصفين الدياي وتبدين تقلقصين الباجي بينهم وفوقهم .. وانتي تصفين رشي باجي البهار واخر شي تدهنين الدياي في باجي المعجون عشان مايحترق من فوق وتحطين قلاص ماي فوق الخلطه .. سكري الفخار وحطيه بالفرن وخلي الفرن شوي حامي يعني على درجة 5 وخليه لمدة ساعه الا ربع وبعدين روحي شوفيه من تحسين ان الماي بدى ينشف صبي شوي وقبل لا تصير ساعه بطلي الغطى وخلي الجوله على النار اللي فوق بس لمدة خمس دقايق وعليكم بالعافيه ويعلها بلعه هنيه يارب
ادري امهاتكم ولا يداتكم يقولون هذي طريقه معروفه قوليلهم معروفه بس لما يصير البهار طري توه مدقوق يصير الطعم وايد غير وجربوا وقولوا امنا العوده دندره ماقالت وهذاايميلي وانا اراويكم شراح اسوي فيهم
ولا تنسين تشربين المقرود ريلج من المروق اللي بالفخار بس قبل لاتحطينله ترسي الباديه فلفل احمر بوتيله مطحون عشان من يشرب يشرق وان شرق قومي وضربيه كرسوع على ظهره طلعي حرتج واذا عصب وقال عورتيني قولي من خوفي عليك طقيتك حيل
نصيحه: اخذي يلد الدياي وحطي عليه شوية حلتيت ونتيفة سهيجه وفركي فيهم خشمج لان هذا احسن علاج للي خشومهم ممطوطه يساعدهم على تصغير الخشم ويصير جنه سيف
شعرانا
كونوا معانا في حملتنا ضد الرجال ومحاربتهم من خلال كروشهم .. والهواية حماية
امكم العوده دندره
بسم الله بدينا وعلى النبي صلينا .. اول شي تيبين طشت صغير او جدر او ماعون مرق كبير المهم اللي يصير وتحطين الدياي وتفركينه بالثوم وشوي شوي ترشين عليه البهار يعني تقريبا نص البهار وبعدين تحطين عليه نص قوطي المعجون وتخلطينه معاه .. وبعدين تيبين ماعون الفخار وتصفين اول شي نص الطماط وفقوقهم شويه من البصل والبطاط وبعدين تصفين الدياي وتبدين تقلقصين الباجي بينهم وفوقهم .. وانتي تصفين رشي باجي البهار واخر شي تدهنين الدياي في باجي المعجون عشان مايحترق من فوق وتحطين قلاص ماي فوق الخلطه .. سكري الفخار وحطيه بالفرن وخلي الفرن شوي حامي يعني على درجة 5 وخليه لمدة ساعه الا ربع وبعدين روحي شوفيه من تحسين ان الماي بدى ينشف صبي شوي وقبل لا تصير ساعه بطلي الغطى وخلي الجوله على النار اللي فوق بس لمدة خمس دقايق وعليكم بالعافيه ويعلها بلعه هنيه يارب
ادري امهاتكم ولا يداتكم يقولون هذي طريقه معروفه قوليلهم معروفه بس لما يصير البهار طري توه مدقوق يصير الطعم وايد غير وجربوا وقولوا امنا العوده دندره ماقالت وهذاايميلي وانا اراويكم شراح اسوي فيهم
ولا تنسين تشربين المقرود ريلج من المروق اللي بالفخار بس قبل لاتحطينله ترسي الباديه فلفل احمر بوتيله مطحون عشان من يشرب يشرق وان شرق قومي وضربيه كرسوع على ظهره طلعي حرتج واذا عصب وقال عورتيني قولي من خوفي عليك طقيتك حيل
نصيحه: اخذي يلد الدياي وحطي عليه شوية حلتيت ونتيفة سهيجه وفركي فيهم خشمج لان هذا احسن علاج للي خشومهم ممطوطه يساعدهم على تصغير الخشم ويصير جنه سيف
شعرانا
كونوا معانا في حملتنا ضد الرجال ومحاربتهم من خلال كروشهم .. والهواية حماية
امكم العوده دندره
