رد: الدعاء
حبيبتي الهام اسال الله العظيم رب العرش العظيم ان يشفيج ويعافيج ويفرج همج ..
بس ابي منج تسوين هالشغلات وادري احتمال كبير انج قمتي فيهم بس يمكن اهملتيهم :
١- داومي ع الرقيه الشرعيه ( مهما طالت المدة )
٢- اذكار الصباح والمسا ( علي طول ) مع استشعار معانيهم اذا تبين لهم تاثير اقري معانيهم
٣-داومي ع البقرةً ( بتركيز شديد ) اقريها ٤٠ يوم
٤- حبي ادعي لنفسج محد ينفعج الا نفسج عليج بالدعاء خصوصا بعد الصلوات المفروضه و بعد الاذان وقبل الفطور وبالثلث الاخير من الليل
٥- اقري القران وتدبري معانيه لرضا الله فقط
٦- اكثري استغفار باستشعار معانيه وتذكر ذنوبج
٧- اكثري حمدلله علي بلائج ، لا تستغربين الله يحب العبد الي يشكره ع البلاء
٨- خلج متوكله وثقي ان امورج كلها خير مهما طالت مدةً المرض الله يحب المتوكلين
٩- خلج علي وضوء طول اليوم مو بس وقت الصلاة ( الله يحب المتطهرين )
١٠- قولي حسبي الله ونعم الوكيل واستشعريها الله وكيلج واهو حسبج ولا يظلم من كان الله حسبه
١١- صلاة الضحي خليها شي دايم وثابت
١٢- خليج متيقنة ان بعد صبرج فرج ولا تحددين مدة للفرج
١٣- لا تيأسين و اذا يأستي دوري باليوتوب قصص ومحاضرات كثيرة عن الصبر وقيمته
وعن البلاء والدعاء ولذة الفرج والمناجاة
١٤ - الصدقه حبيبتي ( داوو مرضاكم بالصدقه )
١٥- احرصي حيييل انج ترضين الله مهمن صار ومهمن كان ( واحرصي ان الله يشوف الرضا بقلبج ) مهمن كانت النتيجة
١٦- كوني لله كما يحب يكن لك فوق ماتحبين
١٧- لا تهملين الدعاء يوم الجمعه ولا سورة الكهف ولا الصلاةً علي رسول الله ، و لا تنسين سبحان الله وبحمده سبحان الله العظيم تثقل الميزان ويحبج الرحمن بسببها ..
سبحان الله وبحمده سبحان الله العظيم
