الدكتورة النائمة

[الوجه الرحوبـي]

كيفها


مادري نايمه فوق روسكم :bbbiu:​

 

[*غنج*]

الله يعينج بس المفروض المسئولين يشوفون لها حل مايصير تنام في مكان حكومي رسمي وين قاعدين لازم تحلل المعاش اللي تاخذه،،،

 

[أميرة-]

عادي شالمشكلة نامي انتي مثلها ليش محتره منها

بعدين انا مو مصدقه وحده من الردود تقول صوريها وحطيها باليوتيوب .. حتى لو انها وافده حرام التشهير شنو ضرتكم فيه .. فيه ناس جذي تفكر

شنو هالدكتوره اللي ماعندها شغل .. وليش يوظفونها بعمل اداري

عموما فوقها رب بيحاسبها .. *

 

[شيماء المطيري]

الوجه الصحوبي000شنو نايمة على روسنا00اهي قاعدة بمكان حكومي وفيه مراسلين داشين طالعين وعمال ينظفون المكاتب ودوامنا يسوي مرات دورات لموظفي وموظفات ادارات الوزارة فشكلها غلط نايمة والناس رايحة رادة وانا أدوام من الساعة 7:15 من منطقة بعيدة ومحاسبة عالدقبقة وعلي لود كبير من الشغل واهي اداوم من 8-11 وتطلع ماحد يحاسبها وتاخد امتياز واعمال ممتازة هدا شي يحر ولا شرايج أنتي

 

[* ليــــدي *]

:krkrkr:يمكن طول فترة الدراسه مانامت لو دقيقه:krkrkr:
3 سنوات حشا مو ادميه:krkrkr::krkrkr::krkrkr:

هههههههههههههههههههههههههه

 

[بنت الكويت90]

اللي تقول صوروها وحطووها باليوتيوووب ناوية تفضحين المره مثلا؟؟؟؟؟؟


خو بتفضحينها وتحطينها باليويوب عشان نايمه اوكي اهي غلطانه بس ماتووصل للفضيحه


حاولي تكلمينها وتحسسينها بغلطها

 

[((البرنسيسا))]

للبيوت أسرار ​

حبيبتي ماتدرين شنو ظروفها بالبيت فمالك شغل بموضوعها​

أدري شي يحر إنتي تشتغلين وتبذلين مجهودك وهي عالراحة ​

بس أنا متأكدة إنه في سبب ولا محد سكت عنها للحين​

وإذا إنتي كنتي منزعجة لأنك ماتقدرين تعزمين رفيجاتك بسبتها طنشيها​

عزميهم وكأنها موموجوده يمكن يتغير إسلوبها لمن تشوف لمتكم الحلوه​

 

[شيماء المطيري]

لااااااااااااااأدري مادا أفعل

 

[فـــخـــر]

كسرت خاطري يمكن صج مريضه

وادارتكم تعرف عن ضروفها بعد

شي مو طبيعي مدير يدري ان هالشي

يصير من غير سبب وسااكت شنو هالواسطه ؟!

 

[Tom ♥ Jerry]

.

هههههههه الله يخسها
و الله مآدري خليها حرآم يمكن تعاني من مشكله مآ تخليها تنآم بالبيت !
مآ تدرين شفيها ! خليها ترتاح بالدوآم > حشى مو دوآم فندق

لمآ المسؤول يجكهآ و يزفها هههه

 

[فوق الثريا محلي]

حرام شكلها مريضة لا ن الكل سااااااااااااااااااااااكت

 

[زهره]

البنات اللي قاعدين يقولون صوريها انتو شنو ماتخافون ربكم من ستر مسلم ستره الله يوم القيامه

 

[شيماء المطيري]

اليوم ما داومت وناسة بخرت المكتب وفتحت الباب وسكرته عشت ملكة لمدة يوم واحد----كنا اربع موظفات بالمكتب اهي الخامسة نسولف ونتريق ونطرش لبعض برودكاستات واهي في سابع نومة بس اللي ولدت واللي مرضية ليما تولد واللي اجازة دورية فجديه الوضع مضايقني-------يارب ارفع عنها ولا تبليني

 

[بيتي بوب بس كويتيه]

خليها عندج والله احسن من انه تييلج حقوده وتحب القيل والقال

 

[فوفى]

استغفر الله بس اخاف فيها مرض النوم انا سمعت ان فى ناس ينامون باى مكان يقعدون فى هههههههههههههه

صراحة ضحكتنى بس اكسرت خاطرى بنفس الوقت.

 

[شيماء المطيري]

شكلي بالاخير بنطر ليما تنام والحفها واسكر الليت واروح مكتب ثاني اسوي شغلي

 

[صريحه ولكن]

انا اعتقد انها مريضة .. والحقيقة شكلها غلط مو عذر انج تشتكين عليها وتطلعينها بهالصورة.. يعني وين الرحمة والاخلاق اللي قالوا صوريها .. اذا انتي مو مسؤؤلتها مااعتقد ان شغلها او عدمه راح يضرج ...لكن انتي بعد لاتقيدين بوجودها يمكن لما تستقبلين ناس بالمكتب تنشط هي بعد واتحسن حالتها ..

 

[وردة-الكويت]

الله يعينج يااختي شيماء انا اقول انتي كلميها يكفي انج ساكته 3 سنوات طقيها بلوجه قولي لها ترا محد يقدر يدش

المكتب يكلمني بموضوع شغ وسبب انتي كله ينادوني اطلع برا احاجيهم وانا مو ملزومه كل شي اطلع من كتبي

عشان انتي تنامين

 

[وردة-الكويت]

وشنو الي قالو صوري ماصوري عيب عليكم هلكلام استحووو على وجيهكم

 

[مالي خلق الدوام]

انا لو مكانج عادي وجودها وعدمه نفس الشئ عندي .. بس ماقدر اطلعها من الدوام ... الظاهر هي فيها عله يعرفها المراقب ورئيس القسم او انها شارحه ظروفها لهم وهم فاهمينها عدل .... خليها بحكم شهادتها تاخذ راتبها بس الحرام الاعمال الممتازه . لو انا ارفع شكوى انها ما تستحق الاعمال الممتازه ..