{ ...الدكتورة رشا الصفي تجيب على استفسارتكم ..} استضافة اسبوعية

[د. رشــا الصفــي]

يعطيج العافيه دكتوره وان شالله بسوي اللي قلتي عليه واخبرج اول باول

اوكي بانتظار الأخبار

السلام عليكم د ّ رشا


بنتي عمرها 9 شهور تحب الليمون

فهل يضر لما اعطيها عصير ليمون ؟؟ والا عادي




بعد تعاني من اختناق بسبب الزكام ماتعرف تتنفس زين

انا استخدم لها قطره ocean_spray



ويعطيج العافيه

الليمون بعمرها اذا عندها اسنان ممكن يخربهم

يخليهم يتآكلون

غير انه حار على معدتها

و البخاخ حق الزكام زين

و ممكن تستخدمين اوترفين بخاخ الأطفال هم زين

السلام علييكم دكتورتنا الغاليه شلونج ان شاء الله مشكوره عالجهود اللي تبذلينها جعلها الله في ميزان أعمالك
دكتوره ولدي الحين عمره ثمان شهرو
يصير اعطيه روب يعني المراعي جذي

يصير

ويصير أعطيه عيش مصري

يصير

الحين ولدي وزنه 8كيلو
يوم جبته 3440
زين يعني مناسب لعمره

اي مناسب

انزين أهو يسنن يصير أعطيه فروك يعني حريم يسوون خلطه
محلب وسكر نبات وكمون استرنج شغلات كثير يطحنونها وأعطيه
للحين ماعطيته يصير أعطيه في مضره

والله ما عندي خبره بالأعشاب
و ما اقدر افيدج فيها

انا خايفه يسببله سهال خاصتا الكمون شرايج؟

مادري

دكتوره ولدي حده شعره خفيف يفشل بس قذله مع انه ناعم حييل
يصير أستخدمله زيت للشعر
لأن اليافوخ للحين موجود يضره
ابي أحسن زيت للشعر يطول شعره حدي متعقده منه:eh_s(6):
مشكوره مقدما

هم ما عندي خبرة بزيوت الشعر عزيزتي
اعتذر منج

يعطيــــــــــــــــج العـــــــــــافيـــــــــــــــــــــــه يا دكتورتـــنـــاا ... وعسا ربي يوفقج وتصيرين اكبر استشاريه اطفال بالكويت .... ومشكوووووره على ردج علينا .. موفقه يا رب

تسلمين بالغالية

 

[@الياسمين@]

دكتوره شلون نتعامل مع اّلام فترة التسنين ؟؟ وهل صحيح ان الانياب اهيه اكثر شي تتعب الياهل ؟؟
انا بنتي صارلها يومين مسخنه وتأشرلي على حلجها ان يعورها ، ما ادري شسوي معاها وما وديتها الطبيب بس اعطيها ادول
واهيه بعد صايرلها مده كل شهر لازم تسخن ما ادري ليش ؟؟:0bee2e8d89: هل هالشي عشان التسنين
يالبيت توضحين شلون نتعامل مع هالفتره

 

[خجل العذاأارى]

صباح الخير دكتورتنا شخبارج ....
بنت اختي عمرها شهر و15 يوم اول ماولدت وزنها تقريبا 3كيلو وشوي مع ان شكلها صغير مايوحي بهاالوزن المهم لما صارعمرها شهر كانت تعبان خشمها مسكر والرضعه ماتكملها حليبها سيملاك ادفانس الا وزنهاماتغير المفروض يزيد يمكن زاد بالعشرات هذا غير الخروج عزج الله متخرج الا مره باليوم اذا كلش مرتين غير الغازات اللي ذبحتها عطتها غازبومب وخفت شوي واللحين غيرت حليبها الى نان والغازات مسكينه للحين فيها عطتها شراب الهملايا ماي غريب ويخدرها وللحين بعد عمري ماتخرج الا مره وحده باليوم عطتها منقوع التمر مافاد شنو الحل وياها ؟؟؟الله يجزاج خير

 

[Q8_Rose]

مشكووره دكتوره ماقصرتي عالاجابه
بسالج الحين انا قاعد ارضع مره وحده الى مرتين باليوم صارلي سبوع هل هالطريقه راح يجف الحليب لانه للحين احس ماشاء الله صدري فييه ويصير يابس فجاه ويدر ؟ فشلون الطريقه لي متى استمر عشان يوقف الحليب
وبالنسبه للاكل ابدي بسيرلاك ولا ميلوبا ما اعرف الفرق بينهم وشنو احسن نوع بالقمح ولا الارز والعادي ولا بطعم؟

 

[بنتي حياتي]

السلام عليكم دكتوره

انا بنتي عمرها سنه و8 شهور وصاير معها هالايام كحه قويه ماتتسلط عليها الا بالليل

ومعها بعد بلغم

وديناها المستوصف وعطاها دوا للكحه ومانفع وغيره لها وبرضوا مانفع

واحسها بعد هالايام شهيتها ماش عالاكل ماتاكل مثل اول

هي مثل ماقلت لك عمرها سنه و 8 شهور ووزنها 17 (ماشاء الله )!!!!!

فتكفين وش اسوي معها ومع كحتها ومع فقدانها للشهيه

 

[دارت الايام]

يعطيج العافيه دكتوره رشا



والله يسعدج ويحقق امانيج

 

[تروبيكانا]

السلام عليكم
دكتوره بنتي وايد تعبانه حرارتها عاليه وايد توصل 40 وديتها قيل امس الطبيب وعطوها تحميله ونزلت حرارتها بس ترد ترتفع وعطوني تحاميل وشراب خافض للحرارة بالبيت بس ماكو فايده تنزل شوي وترد ترتفع لي 40 او 39
رحنا الصيدليه وعطانا تحاميل يقول ممتازه بس نعطيها مره وحده باليوم بس وبصراحه اخاف تكون قويه على بنيتي اهي عمرها سنتين وشهرين التحاميل اسمهم voltaren 12.5 mg
ياليت تفيديني دكتوره اكون شاكرتلج

 

[miss qammaza]

يعطيج العافيه دكتورة .. عندي توأم بنات لاحظت بالآونة الأخيره سواد على لسانهم وياريت اعرف السبب وهل اهوا شي عادي او لا ؟ وشكرا

 

[Cute mama]

السلام عليكم

شلوونج دكتوره


دايما لمن اروح المستشفى حق مراجعة ولدي اشوف اعلان عن تطعيم عن الجدري سألت دكتورتي قالتلي الحين ولدج صغير عالابره كان تحت السنه والحين صار عمره ماشالله سنه ونص
فشنو تنصحيني اعطيه الابره وله مالها فايده ؟؟ واذا اي شنو فايدتها ؟؟

 

[ipink]

دكتوره يثعطيج الف عافيه بغيت اسالج انا سمعت يقولون فيه تطعيم ضد فايروس الروتا شي جذي اهوا حق النزله المعويه ويعطونه بس بالخاص عندنا مثل دوى يكون نقط بالفم تشترينه من الصيدليه وتعطينه المستشفى يعطون الطفل ويكون من اول ماينولد لي 6 اشهر حده اذا كبر فوق 6 ماينفع ما ادري انا متردده تنصحين فيه اطعم بنتي ولا ماله داعي لانه بس بالخاص فاتوقع اشياء تجاريه وماا ادري شرايج يعني كافي تطعيمات الحكومه

 

[بسكوت فارليز]

دكتوره يعافيك ربي

ولدي معدته مخبطه مره اسهال ومره امساك ومره عادي وانتي بكرامه مدري ليه مع اني منظمه له الرضعات واكله عادي جدا تتوقعين من الحليب <بروميل جولد> واذامنه بشنو تنصحيني؟؟؟

 

[بسكوت فارليز]

up
up
up

 

[وداعيه]

السلاااام عليكم
دكتوره بليز عندي سؤال
انا صارلي شهر اعطي بنتي حليب نان رقم 3 الي يبتدي من العمر ( الشهر العاشر )
وبنتي عمرها تسع شهور ... مادري شلون مانتبهت على الحليب من اي عمر يبدي
شسوي الحين بنتي لي الحين مادشت الشهر العاشر وصارلي شهر اعطيها حليب الاطفال الي بالعاشر ؟؟؟؟

 

[lulu2009]

السلام عليكم

يعطيج العافيه دكتوره

فى حليب سائل اسمه سما sma و ايي على بودر و سائل , بس انا اقصد السائل يكون بعلبه مثل الحليب العادي بس حق عمر اشهر , اشربه ولدي اهو عمره خمس اشهر؟

و اذا البيبي يرضع طبيعي هل شي عادي انه ما تكون رضاعته منتظمه ؟

 

[السمبتيك]

السلام عليكم دكتوره

يعطيج العافيه

بسإلج دكتوره ، أنا بنتي عمرها 6 شهور

شعرها خفيف ( للحين ماطلع كله ) ودايما يطيح

هل في مانع أحطلها زيوت للشعر ؟؟

وهل للزيوت أي أضرار على الياهل بهالعمر ؟؟

ومشكوره ويعطيج العافيه مره ثانيه

 

[د. رشــا الصفــي]

دكتوره شلون نتعامل مع اّلام فترة التسنين ؟؟ وهل صحيح ان الانياب اهيه اكثر شي تتعب الياهل ؟؟
انا بنتي صارلها يومين مسخنه وتأشرلي على حلجها ان يعورها ، ما ادري شسوي معاها وما وديتها الطبيب بس اعطيها ادول
واهيه بعد صايرلها مده كل شهر لازم تسخن ما ادري ليش ؟؟:0bee2e8d89: هل هالشي عشان التسنين
يالبيت توضحين شلون نتعامل مع هالفتره

فترة التسنين فترة صعبة شوية عالبيبي

اهم شي نعطيه شي بارد يعضه مثل جزرة باردة او خيارة بس تديرين بالج انها ما تنكسر و يبلعها

او ممكن تاخذين فوطة نظيفة و تغطسينها بالماي البارد او تحطينها بالثلاجة و تخلين البيبي يعضها

الشي الثاني الأدول وايد مهم في هالفترة

مو لازم يكون البيبي مسخن

نعطيه الادول علشان يخفف الألم

و تستخدمين جل المخدر للأسنان من الصيدلية

و بس

طبعا الأنياب تعتبر اكثر مجموعة مزعجة من الأسنان

 

[د. رشــا الصفــي]

صباح الخير دكتورتنا شخبارج ....
بنت اختي عمرها شهر و15 يوم اول ماولدت وزنها تقريبا 3كيلو وشوي مع ان شكلها صغير مايوحي بهاالوزن المهم لما صارعمرها شهر كانت تعبان خشمها مسكر والرضعه ماتكملها حليبها سيملاك ادفانس الا وزنهاماتغير المفروض يزيد يمكن زاد بالعشرات هذا غير الخروج عزج الله متخرج الا مره باليوم اذا كلش مرتين غير الغازات اللي ذبحتها عطتها غازبومب وخفت شوي واللحين غيرت حليبها الى نان والغازات مسكينه للحين فيها عطتها شراب الهملايا ماي غريب ويخدرها وللحين بعد عمري ماتخرج الا مره وحده باليوم عطتها منقوع التمر مافاد شنو الحل وياها ؟؟؟الله يجزاج خير

صباح الورد

الخروج مرة باليوم طبيعي حبيبتي

و الغازات ما منها مفر لغاية الشهر الرابع تقريبا

و يا ريت تتابعين الوزن

اذا يزيد خلاص و اذا ما يزيد اعتقد لازم تراجعين دكتور اطفال يفحصها و يحدد سبب عدم زيادة الوزن

مشكووره دكتوره ماقصرتي عالاجابه
بسالج الحين انا قاعد ارضع مره وحده الى مرتين باليوم صارلي سبوع هل هالطريقه راح يجف الحليب لانه للحين احس ماشاء الله صدري فييه ويصير يابس فجاه ويدر ؟ فشلون الطريقه لي متى استمر عشان يوقف الحليب
وبالنسبه للاكل ابدي بسيرلاك ولا ميلوبا ما اعرف الفرق بينهم وشنو احسن نوع بالقمح ولا الارز والعادي ولا بطعم؟

قللي عدد الرضعات باليوم و راح يخف الحليب

بس راح يطول يمكن 3 - 4 شهور

تقدرين تشربين مرامية او شاي اخضر يوقف الحليب اسرع

تبدين بالأرز و عقب القمح

بس ما ذكرتيني بعمر البيبي علشان اقول لج شلون تبدين توكلينه بالضبط

السلام عليكم دكتوره

انا بنتي عمرها سنه و8 شهور وصاير معها هالايام كحه قويه ماتتسلط عليها الا بالليل

ومعها بعد بلغم

وديناها المستوصف وعطاها دوا للكحه ومانفع وغيره لها وبرضوا مانفع

واحسها بعد هالايام شهيتها ماش عالاكل ماتاكل مثل اول

هي مثل ماقلت لك عمرها سنه و 8 شهور ووزنها 17 (ماشاء الله )!!!!!

فتكفين وش اسوي معها ومع كحتها ومع فقدانها للشهيه

فقدان الشهية في هالوقت شي طبيعي لأنها تعبانة و مريضة و ما تحتاج شي

بالنسبة للكحة ممكن تحتاج موسع شعب قبل النوم سواء كمام او شراب و هالشي يحدده الطبيب المعالج حسب حالة الصدر وقت الفحص

يعطيج العافيه دكتوره رشا



والله يسعدج ويحقق امانيج

تسلمين
اللهم آمين

السلام عليكم
دكتوره بنتي وايد تعبانه حرارتها عاليه وايد توصل 40 وديتها قيل امس الطبيب وعطوها تحميله ونزلت حرارتها بس ترد ترتفع وعطوني تحاميل وشراب خافض للحرارة بالبيت بس ماكو فايده تنزل شوي وترد ترتفع لي 40 او 39
رحنا الصيدليه وعطانا تحاميل يقول ممتازه بس نعطيها مره وحده باليوم بس وبصراحه اخاف تكون قويه على بنيتي اهي عمرها سنتين وشهرين التحاميل اسمهم voltaren 12.5 mg
ياليت تفيديني دكتوره اكون شاكرتلج

يمكن ردي يكون متأخر شوي

بس عذريني

انا اجيك غالبا الجمعة بس

المهم

التحاميل ممتازة للبنت و مناسبة لعمرها

و ممكن تخلينها للحرارة العالة وايد اللي ما تنزل بالأدول

يعطيج العافيه دكتورة .. عندي توأم بنات لاحظت بالآونة الأخيره سواد على لسانهم وياريت اعرف السبب وهل اهوا شي عادي او لا ؟ وشكرا

ماخذين قبل فترة مضاد Augmentin ؟ او اي دوا مشابه ؟

السلام عليكم

شلوونج دكتوره


دايما لمن اروح المستشفى حق مراجعة ولدي اشوف اعلان عن تطعيم عن الجدري سألت دكتورتي قالتلي الحين ولدج صغير عالابره كان تحت السنه والحين صار عمره ماشالله سنه ونص
فشنو تنصحيني اعطيه الابره وله مالها فايده ؟؟ واذا اي شنو فايدتها ؟؟

تقدرين تعطين التطعيم ولدج الحين دام طاف السنة

طبعا هو مفيد

و يقلل احتمالية اصابة الطفل بالعنقز و لكن لا يمنعها تماما

يعني ممكن يصاب بس خفيف جدا

و هذا شي جيد

انا شخصيا ما عطيتها عيالي حبيت يكتسبون مناعة طبيعية احسن لهم

و حاشهم العنقز و الحمدلله مشى الحال

دكتوره يعافيك ربي

ولدي معدته مخبطه مره اسهال ومره امساك ومره عادي وانتي بكرامه مدري ليه مع اني منظمه له الرضعات واكله عادي جدا تتوقعين من الحليب <بروميل جولد> واذامنه بشنو تنصحيني؟؟؟

والله مكن من الحليب و ممكن لأ

بس ترى طبيعي انه الياهل يصير معاه جذي

مو شي يخوف

ما ننصح بتغيير الحليب المتكرر

الموضوع يحتاج شوية صبر

نطري شوية و شوفي شنو يصير معاج

السلاااام عليكم
دكتوره بليز عندي سؤال
انا صارلي شهر اعطي بنتي حليب نان رقم 3 الي يبتدي من العمر ( الشهر العاشر )
وبنتي عمرها تسع شهور ... مادري شلون مانتبهت على الحليب من اي عمر يبدي
شسوي الحين بنتي لي الحين مادشت الشهر العاشر وصارلي شهر اعطيها حليب الاطفال الي بالعاشر ؟؟؟؟

عادي حبيبتي ما يصير شي

السلام عليكم

يعطيج العافيه دكتوره

فى حليب سائل اسمه سما sma و ايي على بودر و سائل , بس انا اقصد السائل يكون بعلبه مثل الحليب العادي بس حق عمر اشهر , اشربه ولدي اهو عمره خمس اشهر؟

و اذا البيبي يرضع طبيعي هل شي عادي انه ما تكون رضاعته منتظمه ؟

بالنسبة للحليب الأول ما اعرفه للأمانة و ما اقدر افيدج فيه

يا ريت تحطين صورته او معلومات اكثر عنه

مثل نوع الحليب و الشركة المصنعة

بالنسبة للرضاعة الطبيعية عادي تكون مو منتظمة

السلام عليكم دكتوره

يعطيج العافيه

بسإلج دكتوره ، أنا بنتي عمرها 6 شهور

شعرها خفيف ( للحين ماطلع كله ) ودايما يطيح

هل في مانع أحطلها زيوت للشعر ؟؟

وهل للزيوت أي أضرار على الياهل بهالعمر ؟؟

ومشكوره ويعطيج العافيه مره ثانيه

ما نفضل هالأشياء عالبيبي

ما نعرف تأثيرها

ماله داعي زيوت و خلطات البنت توها بيبي

نطري عليها و بيطلع شعرها لا تستعجلين

دكتوره يثعطيج الف عافيه بغيت اسالج انا سمعت يقولون فيه تطعيم ضد فايروس الروتا شي جذي اهوا حق النزله المعويه ويعطونه بس بالخاص عندنا مثل دوى يكون نقط بالفم تشترينه من الصيدليه وتعطينه المستشفى يعطون الطفل ويكون من اول ماينولد لي 6 اشهر حده اذا كبر فوق 6 ماينفع ما ادري انا متردده تنصحين فيه اطعم بنتي ولا ماله داعي لانه بس بالخاص فاتوقع اشياء تجاريه وماا ادري شرايج يعني كافي تطعيمات الحكومه

بالنسبة لتطعيم الروتا
انا شخصيا ما اشوفه ضروري
اقول لج ليش

الروتا فايروس هو فايروس يسبب النزلة المعوية عند الرضع
و اللي تكون عبارة عن اسهال و ترجيع و حرارة
تاخذ لها يومين او ثلاثة و تروح

هل الروتا فايروس هو المسبب الوحيد للنزلة المعوية
لا

مليون فايروس و فايروس يسببون النزلة المعوية غير الروتا
و التطعيم يمنع الروتا فقط

يعني ممكن تعطين الطفل الطعم مال الروتا و تييله نزلة معوية مرة و مرتين و ثلاثة من فايروسات ثانية بكل بساطة

بالنسبة لوجوده بالكويت
بصراحة ما عندي فكرة وين تحصلينه
ممكن بالمستشفيات الخاصة تسألين بس بالحكومة مو موجود لي الحين

و الوقت ماله يكون
شهرين ثم اربع شهور و اذا احتاج الطفل 6 شهور


​

 

[بسكوت فارليز]

يعطيج العافيه دكتوره بنطر وشوف

 

[mooony_14]

السلام عليكم

انا استخدم بديشاور لبنتي عمرها سنه و نصف

ابي اعرف هل هو حليب ام مكمل فقط ؟؟

و هل يصير اخلطة مع الحليب في الرضعه الوحدة؟؟؟

او اعطيها منه رضعه وحدة باليوم كافية ؟؟؟

لان ابنتي لا تاكل غذاء صحي

وشكرا

 

[om.fhody]

السلام عليكم

يعطيج العافيه دكتوره


انا توني والده وارضع بنتي طبيعي الحمدلله , بس ببتدي اشفط لها بغيت اعرف شكثر المده الي ممكن احفظ فيها الحليب بره وداخل الثلاجه وبالفريزر؟؟