{ ...الدكتورة رشا الصفي تجيب على استفسارتكم ..} استضافة اسبوعية

[د. رشــا الصفــي]

هلا دكتوره
عندي ولدعمره 7 سنوات عنده عيب خلقي بالغده الدرقيه
يعني فيه غده خلقيه لسانيه درقيه بارزه من الحلق
سؤالي تسبب له مشاكل بالمستقبل او تتحول لاورام لا سمح الله

لازم اشيلها او اخليها عادي ماتضره

ومشكوووره

الخطورة فيها انها ممكن تلتهب و يصير فيها خراج ذيك الساعة عمليتها تصير اصعب

الأفضل انج تشيلينها الحين و عمليتها بسيطة

ولدي سواها في ابن سينا و الحمدلله وايد كانت بسيطة و ما طول ثاني يوم طلع من المستشفى

 

[WwWw]

مشكوووه
يادكتوره اللي بولدك بارزه من الحلق على شكل كوره
وهي تتحول لسرطان
وايش اسم الغده اللي بولدك

وتخدير موضعي او عام

وكم عمره لما سو العمليه

الله يعينك على اسئلتي بس قلقانه عليه
ودائما المسها تتحرك معي

الله يحفظ لكي الولد ويكون بارا فيكي

ويعطيكي العافيه امين

وربي لادعي لكي بسجودي
ياعمري انا من السعوديه

ماراح انساكي من الدعاء
ومشكوووره

 

[WwWw]

مشكوووه
يادكتوره اللي بولدك بارزه من الحلق على شكل كوره
وهي تتحول لسرطان
وايش اسم الغده اللي بولدك

وتخدير موضعي او عام

وكم عمره لما سو العمليه

الله يعينك على اسئلتي بس قلقانه عليه
ودائما المسها تتحرك معي

الله يحفظ لكي الولد ويكون بارا فيكي

ويعطيكي العافيه امين

وربي لادعي لكي بسجودي
ياعمري انا من السعوديه

ماراح انساكي من الدعاء
ومشكوووره

 

[WwWw]

معليش النت علق معي وكتبت ردين

 

[miss qammaza]

يعطيج العافيه دكتورة انا بناتي عمرهم 5 شهوور ما يحبون يشربوون حليب يعني بس اعطيهم اكل وعصير مرة باليوم وبس واهما نايمين يشربون حليب يعني مرتين باليوم بس ومرات ما يخلصوونه كله ؟ عادي ولا الكمية قليلة ! انا استخدم اس 26 من زمان وطايح عليهم بس مرة وحدة قاموا ما يحبون يشربون حليب ! اغيره ولا طبيعي وكافي مرتين باليوم ؟

وللحين ما يقلبوون ووحده منهم لما احطها على بطنها ترفع راسها بس الثانية راسها كله تحت ! عادي توهم صغار ولا لأ ؟ وشكرااااا جزيلا


حبيبتي ممكن تعطيني جدول رضاعتهم و اكلهم بالوقت و الكمية الدقيقة اللي شربوها وا كلوها بالضبط على مدى الاسبوع

علشان اقدر احسب لهم الكمية اذا زينة ولا لأ و بعد ابي اوزانهم اذا ممكن


ينامون الساعة 12 بالليل يقومون الساعة 3 يشربون حليب الكمية 125 مل .. ويردون يقومون الساعة 7 يشربون حليب والساعة 11 يقومون ياكلون سيريلاك وانا اضيفله حليب بدال الماي .. والساعة 2 الظهر اعطيهم خضروات طازجة مع عيش او معكرونه والساعة 4 يشربون عصير والساعة 5 ياكلون فواكة مشكلة والساعة 7 رووب والساعة 10 اوكلهم بطاط مع جزر او اي وجبة ثانية وبس ينامون 12 بالليل .. و آخر مرة شفت وزنهم كان تقريبا 6 كيلو .. وعلى فكرة دكتورة انا ولدتهم بالشهر الثامن و اوزانهم كانت 1.800 مادري اذا له علاقة او لأ .. وشكراا

 

[د. رشــا الصفــي]

مشكوووه
يادكتوره اللي بولدك بارزه من الحلق على شكل كوره

كانت بارزة في الرقبة من الأمام

وهي تتحول لسرطان

الله أعلم

وايش اسم الغده اللي بولدك

thyroglossal cyst

وتخدير موضعي او عام

عام

وكم عمره لما سو العمليه

سنتين

الله يعينك على اسئلتي بس قلقانه عليه

حقج حبيبتي

ودائما المسها تتحرك معي

هذي علامة زينة

الله يحفظ لكي الولد ويكون بارا فيكي

اللهم امين

ويعطيكي العافيه امين

الله يعافيج

وربي لادعي لكي بسجودي
ياعمري انا من السعوديه

ماراح انساكي من الدعاء
ومشكوووره

حيا الله اهل السعودية
ماعليه الا العافية

 

[د. رشــا الصفــي]

ينامون الساعة 12 بالليل يقومون الساعة 3 يشربون حليب الكمية 125 مل

هذا ممتاز

.. ويردون يقومون الساعة 7 يشربون حليب

اشكثر حليب كم مللي ؟

والساعة 11 يقومون ياكلون سيريلاك وانا اضيفله حليب بدال الماي

ما يصير عزيزتي هو فيه حليب اساسا

.. والساعة 2 الظهر اعطيهم خضروات طازجة مع عيش او معكرونه

عمرهم حبيبتي 5 شهور ما يصير توكلينهم هالكثر
المفروض تبدين اكل بعد الشهر السادس ووجبة وحدة باليوم

والساعة 4 يشربون عصير والساعة 5 ياكلون فواكة مشكلة

والساعة 7 رووب

الروب بعد الشهر التاسع

والساعة 10 اوكلهم بطاط مع جزر او اي وجبة ثانية وبس ينامون 12 بالليل .. و آخر مرة شفت وزنهم كان تقريبا 6 كيلو .. وعلى فكرة دكتورة انا ولدتهم بالشهر الثامن و اوزانهم كانت 1.800 مادري اذا له علاقة او لأ .. وشكراا

اول شي الله يخليهم لج

ثاني شي مادري اذا استشرتي طبيب بنظام تغذيتهم

بصراحة اللي تعطينهم وايد عليهم و النظام بكبره غلط

بهالعمر المفروض بس يشربون حليب و لما يكملون الشهر السادس تدخلين لهم العيش المهروس بس ووجبة وحدة باليوم و الباقي حليب

و كونهم ما يبون الحليب هذا رد فعل طبيعي لأنه وايد قاعدة توكلينهم اشياء لها طعم مختلف فمايستوعبون ولا يتقبلون فكرة الحليب اللي طول اليوم نفس الطعم

نصيحتي :

خليهم على الحليب حتى لو ما يبون انتظري لما يجوعون و شربيهم و الأكل قليه الى وجبة باليوم و تكون خضار

قطعي السيريلاك و الروب و المعكرونة و العصير في الوقت الحالى


وزنهم ممتاز و اكيد له علاقة بوزن الولادة

 

[بنتي حياتي]

مشكوره يادكتوره عالرد

طيب يصير استبدل رضعة اللليل بس بحليب نيدو بالعسل لاني احسه خفيف والباقي اعطيها من بروجروس

لأني بديت اسوي هالطريقه مره وحده والحمد لله مااستفرغت بس وقفته قلت بستشيرك ذا صح سويت هالطريقه

انتي وش رايك دكتوره

 

[emeiy]

دكتوره عادي اوكل ولدي عمره خمس شهور وشنو اعطيه بالضبط وكم مره باليوم واذا خضار اعطيه الي جاهزه بالجمعيه او اسلق خضار بالبيت ماضيف شي عليهم ويصير اعطيه سيليلاك انا حاليا اعطيه منقوعة التمر

 

[miss qammaza]

يعطيج العافية العافية دكتوورة بس انا الصراحة قمت اوكلهم والسبة انهم مو رااضين يشربون حليب !

 

[WwWw]

السلام عليكم
هلادكتوره
الغده اللي بولدكي نفس اللي بولدي الله يحفظهم
طلبوا منه اشعه وتحاليل قبل العمليه وبعدها
نفسي اسوي لولدي عمليه وارتاح بس سمعت ان عمليات الغده الدرقيه خطيره لانها
بالقرب من الاحبال الصوتيه
وخايفه عليها
ايش رايك يا دكتوره
لو اتركها عادي ماتاثر عليه

وسؤال يخص بنتي
قريب تخلص سنتين اول ما ولدت ما شالله بيضاء
وبعد 3 شهور سمرت سمار فضيع وخاصه الرقبه
سمار اللي يشوفه يحسبني ما اهتم فيها ولا احممها
ابوها اسمر بس مو سمار لدرجتها
الحمدلله اهم شي العافيه عندي بس نفسي اعرف السبب الي قلب لونها
بنتي مرها نحيفه ولا تشرب الحليب الصناعي
فطمتها من شهر عن صدري
ياقلبي طولت عليكي بس تحمليني
وما راح انساكي من الدعاء
ومشكووووره

 

[>>روضـة الحسـن<<]

مرحبا دكتوره رشا
دكتوره انا ولدي عمره خمس سنوات ونص اكله احيانا بسيط ولايشتهي الاكل
واحيانا ياكل بس احس مايبين فيه يعني لايمتن ولايتغير فيه شئ
يعني ماشاءالله الاطفال اللي بعمره صحتهم زينه اما بالطول او المتن
اما هو اللي يشوفه مايعطيه عمره مادري شسوى

 

[أم حماني]

مرحبا دكتوره
انا بنتي باقي لها يومين وتدخل الشهر الرابع ان شاء الله وهاليومين بديت احط لها ربع بسكوتة فارليز مع الحليب لان بنتي تشرب حليب صناعي 120 مل بس ومارضعت طبيعي كلش لظروف واهي كل ساعتين ترضع بس لين تنام تطول 6 او 7 ساعات ماتصحى هل هذا طبيعي
وشنو ممكن اعطيها غير الحليب لان احسه مايشبعها

 

[ZajiL]

مساء الخير
يعطيج العافيه دكتوره وماتقصرين على وقتج الثمين الي تجاوبين فيه على الاسئله وعساه في ميزانج يارب
دكتوره انا ولت بالاسبوع 33 ولدي عمره الحين 43 يوم ومن انولد واهو على النيوشور
انولد وزنه 2 كيلو بس خلال يومين صار 1830 وتم على هالوزن 10 ايام مابين يصعد 5غرام ويننزل 5 غرام
وتالي الحمدلله بده يزيد وزنه وطلعوه لمه صار 1995 ظل 17 يوم بالمستشفى 15 يوم بالحضانه 2 بالسرير
مامان يعاني من اي شي الحمدلله الا الوزن مايزيد وهذا متوقع للخدج مايزيدون بسرعه اول اسبوعين

الحين اهو ياخذ نيوشور والطبيب قالي بس يوصل وزنه 3ونص نحوله على التركيبه العاديه
بالنسبه لج كاطبيبه شنو تقترحين علي انا عندي غيره اسم الله عليهم بس هذا شوي دقيقه بالنسباله
لانه خديج هل احوله على سيميلاك ادفانس ولا اي نووع تقترحين
وثاني شي انا قلت للطبيب ليش مااخليه على النيوشور او 6 شهور

قالي مانفضل التركيباتي الي فيها النمو سريييع يطول عليها الخديييج اذا وصل 3500 نحوله لانه يقول تكون مجهده على الجسم
يوم عمره يوم كان شهر 2400 وبعد جم يوم عنده موعد ان شاء الله يكون وصل 3 كيلو

هل لو استمر على النيوشور اول 3 شهور ياثر عليه وباي تركيبه تنصحيني

 

[SweeTa_4ever]

مشكووره دكتووورنااااااا على الاجابه ياارب يكون في ميزان حسناتج

حبيبتي بنت اختي عمرها 10 اشهر يابتها كيلوين ونص والحين وزنها 11 اسم الله عليها دبدووبه هلى وزنه زين او زااايد

اعيالي فيهم نشله وكحه اعطيهم ثلاث مرات فينستيل ودوا الكحه ماعرف اسمه الي في عشبه الخضره الحين صارلي 3 ايام والكحه ليلحين موجوده شسوي شعطيييهم

هل التطعيم 6 اشهر يسخن منه البيبي؟؟

مشكووووره واااااااااااااااااااااايد

 

[نورالقمر24]

دكتوره بنتي خمس اشهورسارلها اسبوع تكرمين اسهال ولتهاب بلحفاض موطبيعي السهال مووره بعض بس اتسويها يمكن سبع مرات بل يوم

ولتهاب الحفاض شي عجييب استخدمت لها ببانيتن ولاياب فايده ولحين استخدم اكريم daktacort بس ماياب نتيجه وعلى فكره فيها كحه

شسوي حق التهاب الحفاض والاسهال هادين حيلها حطيتلها نشى وعطيتها بطاط مافي فايده

او اسفه عل ازعاج

 

[miss mama]

السلام عليكم؟... دكتورة عندي بنتي بعد اسبوع راح تكمل الشهر السادس... التطعيم مال الشهر الرابع للحين ما طعمتها لاخا كانت الفترة الي طافت كل ما نويت اوديها تطعيم تمررض حراارة وسخووونه ونزلة برد ... عادي دكتورة اذا تاخر التطعيم كل هالفترة؟؟

والله يعافيج دكتوورة انا توني بديت اوكل بنتي .,, وجبتين باليووووم.. العصر اعطيها ميلوبا الي اهو قمح مع الحليب ...وبليل اعطيها وجبة سيريلاك القمح بعد ... فا زين جذي ولا انا مثقل عليها واهي توها بالشهر السادس ..............


ودكتورة اذا الطفل يكون متجمع ورا اذنه ماي.. هالشي شنو اعرااضه ؟..وشلون طريقة الفحص عشان يعرفون اذا في ماي او لا .......مشكوووورة

 

[د. رشــا الصفــي]

اعتذر عن الرد على الاستفسارات اليوم لظروف خاصة

بإذن الله سيتم الرد على استفساراتكم بأقرب وقت ممكن​

 

[lulu2009]

السلام عليكم دكتوره

ولدي الله يحفظه عمره 8 اشهر

من 5 ايام الدكتور كتبله ابره مضاد حيوي لانه قبلها باسبوع كان ياخذ شراب ولانه كان يرجعه ظل فيه التهاب بالاذن اليوم خامس ابره والاخيره ان شاء الله بس الفجر ارتفعت درجه حرارته لين 38 بس الحين حرارته مستقره انا مستغربه شلون رده ترتفع؟؟

و الحين صاير كلش ما يشتهي ياكل بس الحمدلله يرضع عادي

الدكتور كتب حق ولدي فيتامينات اسمها (minadex orange flavour tonic) لانه الحديد نازل عنده لانه الله يكرمج اسبوع كامل كان فيه اسهال

السؤال هل الفيتامينات تفتح الشهيه انا ما ابي ولدي يصير متين انا احب الصحه وما احب المتن..؟؟

الحراره حق التسنين لي وين توصل؟؟ و جم يوم تاخذ؟؟

هل عادي بعد المضاد الحيوي ترتفع درجه الحراره؟؟

انا مو عايشه بالكويت و الحين انا بالكويت ومن و صلت و اهوا مريض هل احتمال يكون هذا سبب الحمدلله؟؟

و يعطيج الف عافيه

 

[WwWw]

السلام عليكم
دكتوره هل قله التغذيه تسبب تصبغات جلديه على بشره جسم الطفل

وجزاكي الله خير