{ ...الدكتورة رشا الصفي تجيب على استفسارتكم ..} استضافة اسبوعية

[sOkOnOnO]

الحمدلله سرة بنتي طابت بروحها ، وكنت أعطيها سيميلاك بس كانت تصارخ من الغازات
و ألحين أعطيها S26 و صارلها أسبوع عليه بس أبي حليب إسمه ميلوميل يهبّل حق اليهال ماني لاقيته تقدرين تشوفينلي وين أحصله و الله يجزاج ألف خير؟
و بالنسبة لولدي خلاص قمت أهده بروحه ما أحن عليه عالأكل و أهو إذا ياع يروح ينبش بالثلاجة جنه عتوي
بس أعطيه الصبح حبه مستر تومي
وماعليج أمر ممكن تحطين لنا جدول بالعمر و الوزن المناسب له
ومشكورة لسعة صدرج و الله يعطيج العافية حبوبه

 

[^kloOot^]

شلونج دكتوره
عندى سؤال

هل صحيح الطفل الرضيع انه يشرب حليب باااااارد

ولا المفروض دافي؟

لانه في بعض الحضانات يعطون حليب دافي واذا صار بارد مايسخنونه


وهل يؤثر على الطفل
يعنى يسببله غازات او مغص (بالنسبه للحليب البارد)

يعنى اذا برد الحليب اسخنه واشربه البيبي ولا عادي

 

[نور الحب]

دكتورة استحمليني على كثرة اسألتي

بس بنتي قبل اسبوع كانت منشوله وفيها كحه والحمدالله رحت مستشفى طيبه والحمدالله الكحه راحت بس صار فيها اسهال وترجع ووديتها مره ثانيه وعطاني دوا حق قبل الرضاعه
و مغذي حق عقب ماترجع او لما تخرج

بس اهيا ماتتقبل المغذي يقولي الدكتور عطيها 50 مل
بس اهيا تشرب بالغصب 10 مل

وليلحينها ترجع وخاصتا اذا كنت شايلتها

او اذا تريعتها

ومع الاسهال والترجيع نزل وزنها 200 غرام خلال يومين

يعني اهيا بروحها ضعيفة وزنها كان 4,95


والحين 4,7

شسوي :0bee2e8d89:


والسؤال الثاني اختي فيها عنقز
واهيا الحين على نهايته الحبوب قاعده تتقشر

لازم ما اودي بنتي عندها صح ولي متى

سمعت ان حتى اذا تشافت يضل الفايروس بالبيت مده


يعني شكثر ... لاني صايرلي اسبوعين من حاشها مارحت عند امي
وبنتي عمرها 4 اشهر يعني حرام تو الناس عليها صح

والسؤال الثالث تطعيم بنتي يوم اليمعه اوديها ولا ما يصير اذا كانت ترجع وفيها اسهال
والله يجازيج الف خير:tek:

 

[الاستاذة]

هلا دكتوره رشا مشكوره ماقصرتي على هالخدمهويزاج الله خير

بالنسبه حق معقم المميات مهم؟انا ماعقم مميات بنتي بس افوحهم وما استعمل صابون هالشي مضر لها ولا اشترري آلة التعقيم؟

 

[د. رشــا الصفــي]

السلام عليكم

كيف حالكم

اتمنى تكونون بخير انتو و عيالكم

راح ارد اليوم على الأسئلة بدل يوم الجمعة

بسبب إرتباطات خاصة يوم الخميس و الجمعة

و بالنسبة لأسئلة الخميس و الجمعة راح احاول ارد عليهم خلال الأسبوع

بحيث انهم ما راح ينطرون ليما الجمعة اللي بعدها

بسم الله نبدأ

 

[د. رشــا الصفــي]

مشكوووورة حبيبتي ع الكلاااام الحلووووووووو وجزاااج الله ألف خيررررررررررر 000

الكلى كل شي سوووو لها على باااالهم التسرب منها بس الكلى حجمها كبير شوي من الله ونعم بالله 0

ويقوووولووووووووون عيب خلقيييي من الله بالدم الخلاااايا اللمفاااويه فيهاا توووسع ويتسرب الدم وشكلهم

للحين مو عااارفبن التسرب من وين ؟

وراااايحين رااادين على هالبرررووووتين 00

ما يشوف شر ولدج

و لكم الأجر ان شاء الله

التسرب مثل ما قالوا لج بس اوضح لج اكثر

في بجسمنا اوعية مثل الأنابيب بعضها ينقل الدم و بعضها ينقل سائل اسمه السائل اللمفاوي

التوسع لما يصير ممكن يصير بالأثنين و يبسس تسرب

بس اللي يحتاج نقل البروتين هو التسرب اللي يصير بالأوعية اللمفاوية

و الأوعية اللمفاوية هذي منتشرة في جسمنا كل

علشان جذي التسرب ما يبين واضح من اي مكان بالضبط

الله يعينكم و يشافيه لكم يا رب

 

[د. رشــا الصفــي]

يزاج الله خير وما قصرتي
بجرب الحليب اللي قلتي عليه لعل وعسى الله يرحمها ويخفف عليها يا رب

وياج حبيبتي

و ما تشوف شر ان شاء الله

 

[د. رشــا الصفــي]

مرحبا دكتوره شلونج بغيت اسال اعراض الغده الدرقيه عند الاطفال شنو اعراضها والعلاج وشكراااااااااااااااااااااااااااااااااا

مشاكل الغدة الدرقية
تنقسم الى قسمين

اما خمول او زيادة نشاط

بالنسبة للخمول و هو الأكثر شيوعا بالأطفال

فالأعراض :
اليرقان او البوصفار بس يتم مدة طوييييييييييييييييييييلة
امساك مزمن
فتق بالسرة
بحة في الصوت
خمول و كسل
سمنة زايدة او نقص نمو
برودة في الأطراف

و يتم التشخيص بتحليل الهرمونات
و العلاج بحبوب الإلتروكسين


ثانيا
زيادة افراز الغدة
الأعراض :
زيادة النشاط
التعرق الزايد
انعدام الشهية
نقص الوزن
سرعة ضربات القلب

و التشخيص يتم نفس الشي بتحليل الهرمونات
و العلاج يكون حسب الحالة و حسب سبب الزيادة
بس بالنسبة للأطفال يكون حبوب بس مو اشعاع ولا جراحة​

 

[lolly]

مشكوره دكتوره رشا ماقصرتي على هالخدمه
عندي سؤال .. انا توني والدة بنوته وام يديده ما اعرف شلون .. كل ما تخرج اغسلها بماي و صابون بيبي جونسون السائل .. واذا ما خرجت قبل كل رضعة اغير لها البامبرز .. يعني كل ساعتين تقريبا .. المهم مع هالنظافة ؟؟ حتى الكلينكس جونسون اخاف استخدمه عشان ما تلتهب ..
المشكلة صار فيها احمرار منطقة الحفاظ وعطوني كريم سودو مافادها وبعدها ريلي راح الصيدليه عطاه غسول للكبار ووصاه ان حتى انا عادي استخدمه بس لما يوقف الدم .. مع كريم بيناثين مادري شسمه المهم عطونياه بالمستشفى لتشققات الصدر مع كريم ثالث علبته اصضفر بابيض .. انا خفت استخدمهم ووديتها لطبيبها الخاص .. فقال لي اعطيج دوا احسن منهم (مافيها شي بس احمرار) المهم قال لي تغسلين لها بصابون جونسون او سيباميد ومالاداعي الغسول .. وعطاني كريم كانيستان لون العلبة ابيض باحمر !!! وقال لي بس تصير احسن ردي على سودو... وقلت له على الفازلين منعني لانه ما يخلي البشرة تتنفس!!
الصراحة مو مقتنعه بكلامه كلش لان هالكريم (كانستين)وصفلياه الدكتور قبل الولادة مع تحاميلهم .. لكن قلت اهوا الدكتور ..
رديت ما استخدمت صابون عشان ما تلتهب بشرتها فغسلت لها بماي بس و كل شوي اغير حفاظتها واخليها فترات من غير حفاظه عشان ترتاح .. واستخدمت كريمه لكن الحين ما عالجها بالعكس صارت المنطقة كلها حبوب صغيرة .. وماراح الاحمرار مثل ما اهو؟؟؟ شنو اسوي؟؟ اروح المستوصف احسن والا تشورين علي استمر بعلاجه؟؟
مشورة عالاهتمام

 

[د. رشــا الصفــي]

انا بنتي عمرها تسع شهور واللحين لها شهر تقريبا فيها امساك مابقى دوا من المستوصف مااستخدمناه والاكل اكثره فواكه وخضار والحليب غيرته اشتريت لها حليب خاص لحالات الامساك ولافادها بشي بس يمشي بطنها على التحاميل الجلسرين يعني ماتسوي شي الا لما احط لها التحميله مسكينه عذاب بس بعرف شنو اسوي لها وشنو سبب هالامساك

ما تشوف شر بنتج

طبعا المساك وايد له اسباب

اهم شي النظام الغذائي و السوائل

و من عاداتنا الغذائية بالنسبة للأطفال ان نعطيهم خلطة الخضار

البطاط و العيش و الجزر و الكوسا

أحسن وصفة تسوي امساك

عليج بالعصير الفرش على الريق

برتقال ولا مشمش

و الفواكه

و تلاقين بالجمعية صوب الكورن فليكس

مثل الكورن فليكس على بسكوت لونه اصفر اسمه ويتابكس

تحطينه مع الحليب الدافي و تعطينها مليان ألياف

و خلج من الأدوية

و اذا ما فاد اخذي موعد للعيادة الخارجية بالمستشفى التابع لكم

يسوون لها تحاليل اذا تحتاج

و ما تشوف شر

 

[د. رشــا الصفــي]

دكتورة عندي استفسار
انا فصيلة دمي سالبA وزوجي b+ بحملي الاول خذيت ابره بالسابع وابره بعد الولادة على طول لاان بنتي طلعت فصيلتها عكسي
الحين اذا حملت مره ثانيه هل لازم اخذ الابره مره ثانيه ومتى؟
ويعطيج الف عافية

اذا فصيلة دم البيبي نفسج ما اخذين ابرة

و اذا غير عنج تاخذينها بعد الولادة

 

[د.شريفة]

والله روعه ماقصرتي يا كت كات
ويا منتدى كويتيات منها للاعلى ان شاءالله كلنا راح نستفيد

 

[د. رشــا الصفــي]

مرحبا دكتورة رشا..

أنا بنتي توها كملت 6 شهور..أرضعها طبيعي لكن أحس إني تعقدت من الرضاعة الطبيعية...
في البداية كنت متحمسة حيل من اللي عرفته عن فوايدها..وتوقعت بس اني ادخل عليها صناعي راح ترضى فيه لانه الدكاترة كانوا يقولون لي انه الطفل بس يجرب الحليب الصناعي راح يترك الطبيعي لانه طعمه احلى..بنتي حاولت فيها من عمر الشهرين برضعة وحدة صناعي في اليوم ..للظروف.. كلللللش ماتبي..
والمشكلة الكبييييرة انها ما ترضع من الزجاجة بالمرة..تبي نفس حلمت الصدر..وهذا الشي طبعا خلاني اتوهق في امور كثيرة..مااقدر اطلع واخليها ..صارت مرتبطة فيني بشكل كبير..من فترة حسيت اني محتاجة اني اسوي عملية بواسير...بس فكرت اني اأجلها علشانها...غير هذا شعري يتساقط بشكل كبير بالرغم من اني آكل إلى حد ما زين واآكل حبوب حديد..فكرت إني أفطمها..بس موقادرة اهي مو متعودة على الرضاعة وأنا راح أتعب إذا فطمتها فجأة...وغير هذا زوجي عطاني آخر مهله للحمل الثاني لما يتم عمرها 10 شهور..في حال استمريت بالرضاعة ليما السنتين وأنا حامل هل يكون بالرضاعة ضرر علي ولا على الجنين...وشنو تنصحيني فيه ؟

هلا اختي

شوفي اذا تبين تعطينها صناعي حاولي بالتدريج

و في الحلمات الصفرة مو الشفافة يحبونها اليهال اللي يرضعون طبيعي اكثر من الشفافة جربيها

ترى اهي مسألة وقت مو اكثر و راح تتعود بالتدريج على الحلمة الصناعي

و على فكرة لما تعطينها الصناعي اول ايام خلي احد غيرج يرضعها علشان ما تميز ريحتج و تبي ترضع منج

بالنسبة لتساقط الشعر هذا مو من الرضاعة حتى اللي يرضعون صناعي شعرهم بهالفترة يطيح

و بالنسبة للرضاعة الطبيعية اثناء الحمل ممكن بس تسبب ضغط كبير على صحة الأم

لأن اللي يرضع ياخذ منها و الجنين هم ياخذ منها

فالخوف انها يا اما تتعب صحنها او انها ما تكفي تغذي الاثنين و تتعب صحتهم اثنينهم

 

[د. رشــا الصفــي]

مشكووووره دكتوووره على الافاده

بس اهوو يناام بليل 2 ويقعد 7 يبي رضعته ما اقدر اقعده قصب عادي وله اقعده 4 اشربه ؟؟

ولج الشكر

لا ماله داعي تصحينه الساعة 4 للرضعة

خليه نايم احسن

 

[د. رشــا الصفــي]

السلام عليكم دكتوره انا بنتي عمرها ثلاث سنين اليوم لاحظت
اذا وديتها الحمام في نفس افراز لونه بني نفس مال الدوره
بسروالها واكثر من مره اشوفه واغير سروالها ما ادري هل
هذا عادي يسير مع كل اليهال ووديتها المستوصف وشافها
قال عادي هذا التهاب بس ما ادري ليش انا مو مرتاحه
وواااااااااااايد احاتيها ومشكوووووره ويعطيج العافيه

اول شي انتي حاولي تدخلينها الحمام و انتي بنفسج تغسلينها عدل

و اذا استمر الموضوع

لا تسكتين عليها

وديها حوادث الأطفال يجيكون البول عندها

اذا فيه التهاب ولا لأ

و يشوفون المنطقة و بتأكدون انته مو ملتهبة ولا شي

و ما تشوف شر

 

[د. رشــا الصفــي]

الحمدلله سرة بنتي طابت بروحها ، وكنت أعطيها سيميلاك بس كانت تصارخ من الغازات
و ألحين أعطيها S26 و صارلها أسبوع عليه بس أبي حليب إسمه ميلوميل يهبّل حق اليهال ماني لاقيته تقدرين تشوفينلي وين أحصله و الله يجزاج ألف خير؟
و بالنسبة لولدي خلاص قمت أهده بروحه ما أحن عليه عالأكل و أهو إذا ياع يروح ينبش بالثلاجة جنه عتوي
بس أعطيه الصبح حبه مستر تومي
وماعليج أمر ممكن تحطين لنا جدول بالعمر و الوزن المناسب له
ومشكورة لسعة صدرج و الله يعطيج العافية حبوبه

حليب اس 26 هم يسوي غازات و امساك

ديري بالج

بس ممكن يمشي وع بنتج

كل ياهل و طبيعة جسمه

بس هذي الشكوى اللي اسمعها من اغلب الأمهات اللي يستعملون اس 26 و سيميلاك

بالنسبة لحليب الميلوميل

ما عاد موجود خلاص

بداله ابتاميل

نفس الشي بس الشركة غيرت الأسم

بالنسبة حق ولدج

الوزن لازم يكون بين 13 - 18 كيلو

 

[د. رشــا الصفــي]

شلونج دكتوره
عندى سؤال

هل صحيح الطفل الرضيع انه يشرب حليب باااااارد

ولا المفروض دافي؟

لانه في بعض الحضانات يعطون حليب دافي واذا صار بارد مايسخنونه


وهل يؤثر على الطفل
يعنى يسببله غازات او مغص (بالنسبه للحليب البارد)

يعنى اذا برد الحليب اسخنه واشربه البيبي ولا عادي

المفروض الحليب يكون دافي

لان البارد يسوي غازات وايد للطفل و مغص أكيد

و بالنسبة للحليب اذا برد خلال اقل من ساعة تقدرين تسخنينه و اذا اكثر لا خلاص

 

[د. رشــا الصفــي]

دكتورة استحمليني على كثرة اسألتي

بس بنتي قبل اسبوع كانت منشوله وفيها كحه والحمدالله رحت مستشفى طيبه والحمدالله الكحه راحت بس صار فيها اسهال وترجع ووديتها مره ثانيه وعطاني دوا حق قبل الرضاعه
و مغذي حق عقب ماترجع او لما تخرج

بس اهيا ماتتقبل المغذي يقولي الدكتور عطيها 50 مل
بس اهيا تشرب بالغصب 10 مل

وليلحينها ترجع وخاصتا اذا كنت شايلتها

او اذا تريعتها

ومع الاسهال والترجيع نزل وزنها 200 غرام خلال يومين

يعني اهيا بروحها ضعيفة وزنها كان 4,95


والحين 4,7

شسوي :0bee2e8d89:


والسؤال الثاني اختي فيها عنقز
واهيا الحين على نهايته الحبوب قاعده تتقشر

لازم ما اودي بنتي عندها صح ولي متى

سمعت ان حتى اذا تشافت يضل الفايروس بالبيت مده


يعني شكثر ... لاني صايرلي اسبوعين من حاشها مارحت عند امي
وبنتي عمرها 4 اشهر يعني حرام تو الناس عليها صح

والسؤال الثالث تطعيم بنتي يوم اليمعه اوديها ولا ما يصير اذا كانت ترجع وفيها اسهال
والله يجازيج الف خير:tek:

بالنسبة للسؤال الآول

هذي نزلة معوية تاخذ وقتها و تروح

و المغذي اذا ما تبي تشربه حطيلها فيه شوية عصير تفاح تغيرين طعمه و شربيها

و اذا ما تبي ترى الماي يكفي

و بالنسبة للسؤال الثاني

العنقز الحين وقته

و من 4 شهور و فوق عادي يصير بالياهل

بالعكس يصير خفيف بالياهل الصغير غالبا

و بالنسبة للعدوي اسبوعين كافي

نطري بعد يومين ثلاث و روحي عقب

 

[د. رشــا الصفــي]

هلا دكتوره رشا مشكوره ماقصرتي على هالخدمهويزاج الله خير

بالنسبه حق معقم المميات مهم؟انا ماعقم مميات بنتي بس افوحهم وما استعمل صابون هالشي مضر لها ولا اشترري آلة التعقيم؟

اول شي المميا لازم تغسلينهم بصابون مو شرط صابون خاص للمميات

اي صابون سائل

و بعدين تشطفينهم عدل و تعقمينهم

و التعقيم ام يكون بالغلي بالماي او بجهاز التعقيم

و اجهزة التعقيم هم كذا نوع

في اللي عالبخار بالكهربا و اكو بالبخار بالمايكروويف و اكو بالماي البارد و حبوب التعقيم

بس التعقيم ضروري بعد كل ايستعمال للممية

 

[د. رشــا الصفــي]

والله روعه ماقصرتي يا كت كات
ويا منتدى كويتيات منها للاعلى ان شاءالله كلنا راح نستفيد

حياج الله دكتورة معانا

و ان شاء الله تفبدين البنات بخبرتج

استانست يوم لقيت لي زميلة