{ ...الدكتورة رشا الصفي تجيب على استفسارتكم ..} استضافة اسبوعية

[wadda]

دكتورة من فضلج اذا تفيدينا عن دوا Bebecal بيبي كال .. ولدي عمره 22 يوم و مع ان الكل ينصح فيه حق النومة .. أنا خايفة أعطيه الدوا قبل لا أتأكد. صراحة ناس تمدح و ناس تذم .. شنو رايج؟ و هل له أعراض جانبية؟

 

[bodo0or]

السلام عليكم

دكتوره حابة اسألك عن حالة بنوته عمرها 23 يوم معاها اسهال

تتبرز 3 الى 4 مرات باليوم .. والبراز ساااااائل

في البداية استخدمنا لها حليب اس 26 ولمدة 10 ايام .. وبعدها غيرنا الحليب إلى نان منخفض التحسس << على الأمل ان الاسهال يروح

لكن الوضع مثل ماهو .. فكلمنا دكتورة اطفال وقات نغير الحليب الى Hibb EC

لكن لما عملنا بحث عن الحليب الكل قال عنه عادي ومايغير من عافية الطفل

ياليت تنصحينا وتعطينا رأيك

 

[قطوطه الحلوة]

السلام عليكم دكتورة
ولدي مادري شفيه كله يبجي احترت معاه وديته حق دكاتره وايد وكله يقولون غازات او مافي شي شسالفه؟
عمره 3ونص مسوي عملية فتاق تحت وفيه فتاق بالسره يمكن يعوره!
حليبه ابتاميل كمفورت اعطيه 6ارقام كل 3ساعات وقاعده احاول اخليهم كل 4ساعات
والله مليت نفسيتي تعبانه وضايق خلقي عليه
شريت كل الالعاب اللي تناسب عمره وماكو فايده قليل مايضحك
قمت انومه على بطنه وهم ماكو فايده وخروجه لونه زيتي وصارله شهرين على هالحال والايام زايد بشكل مو طبيعي
الله يخليج ابي حل مع هالولد هذا اول ولد لي ومنه تعقدت مابي عيال بعد:0bee2e8d89:

 

[د. رشــا الصفــي]

دكتورة من فضلج اذا تفيدينا عن دوا bebecal بيبي كال .. ولدي عمره 22 يوم و مع ان الكل ينصح فيه حق النومة .. أنا خايفة أعطيه الدوا قبل لا أتأكد. صراحة ناس تمدح و ناس تذم .. شنو رايج؟ و هل له أعراض جانبية؟

لا حبيبتي ما ننصح بهالسوالف خصوصا بالأطفال تحت الشهرين او 3 شهور

اذا تبين ممكن تعطينه ماي غريب العادي او المصري او ديسفلاتيل او غاز بمبي

بس بيبي كال تعطينه لمجرد انه ينام زين لا ما يصير

انا ما اقدر انصحج بهالشي و اقول لج عطيه

عذريني

 

[د. رشــا الصفــي]

السلام عليكم

دكتوره حابة اسألك عن حالة بنوته عمرها 23 يوم معاها اسهال

تتبرز 3 الى 4 مرات باليوم .. والبراز ساااااائل

في البداية استخدمنا لها حليب اس 26 ولمدة 10 ايام .. وبعدها غيرنا الحليب إلى نان منخفض التحسس << على الأمل ان الاسهال يروح

لكن الوضع مثل ماهو .. فكلمنا دكتورة اطفال وقات نغير الحليب الى hibb ec

لكن لما عملنا بحث عن الحليب الكل قال عنه عادي ومايغير من عافية الطفل

ياليت تنصحينا وتعطينا رأيك

اول سؤال هل تأكدتوا انه خروجها اسهال ؟

احيانا الأطفال يخرجون مع كل رضعة خروج سائل بكميات صغيرة

هذا ما نعتبره اسهال

لازم الاسهال يكون بكميات كبيرة و عدة مرات بالاضافة الى كونه سائل حيل مثل الماي

البنوتة عمرها 23 يوم و غيرتولها كل هالأنواع ؟؟

اذا تبين رايي

خل يشوفها طبيب اطفال متخصص و يشوف خروجها و يقرر على الحليب

ممكن تستفيد من انواع الحليب الخالية من اللاكتوز ( احتمال )

بس هم ما اقدر افيدج اكثر من جذي لأني ما فحصت البنت

 

[د. رشــا الصفــي]

السلام عليكم دكتورة
ولدي مادري شفيه كله يبجي احترت معاه وديته حق دكاتره وايد وكله يقولون غازات او مافي شي شسالفه؟
عمره 3ونص مسوي عملية فتاق تحت وفيه فتاق بالسره يمكن يعوره!
حليبه ابتاميل كمفورت اعطيه 6ارقام كل 3ساعات وقاعده احاول اخليهم كل 4ساعات
والله مليت نفسيتي تعبانه وضايق خلقي عليه
شريت كل الالعاب اللي تناسب عمره وماكو فايده قليل مايضحك
قمت انومه على بطنه وهم ماكو فايده وخروجه لونه زيتي وصارله شهرين على هالحال والايام زايد بشكل مو طبيعي
الله يخليج ابي حل مع هالولد هذا اول ولد لي ومنه تعقدت مابي عيال بعد:0bee2e8d89:

عندي شوية ملاحظات يا ريت تتقبلينها بصدر رحب

أولا:
حرام عليج لا تقولين مابي عيال مو زين بعدين الله يعاقبج

ثانيا:
كمية الحليب الي يشربها ولدج وايد وايد وايد
من جذي بطنه يعوره و منفوخ
كافي عليه 4 ارقام كل 3 - 4 ساعات
مو كل ما يصيح ترضعينه

ثالث شي:
الفتاق لا تحاتينه ما يعور

رابع شي:
اذا قالولج ما في شي و وزنه يزيد زين يصير اهو طبعه حنان و صعب
مو كل الهيال يلعبون و يضحكون
في يهال يصيحون اغلب الوقت و ما يضحكون مهما لعبتيهم و شريتيلهم العاب

 

[bodo0or]

اول سؤال هل تأكدتوا انه خروجها اسهال ؟

احيانا الأطفال يخرجون مع كل رضعة خروج سائل بكميات صغيرة

هذا ما نعتبره اسهال

لازم الاسهال يكون بكميات كبيرة و عدة مرات بالاضافة الى كونه سائل حيل مثل الماي

البنوتة عمرها 23 يوم و غيرتولها كل هالأنواع ؟؟

اذا تبين رايي

خل يشوفها طبيب اطفال متخصص و يشوف خروجها و يقرر على الحليب

ممكن تستفيد من انواع الحليب الخالية من اللاكتوز ( احتمال )

بس هم ما اقدر افيدج اكثر من جذي لأني ما فحصت البنت

دكتورة البنوته برازها سائل جداً مثل الماي .. والكمبية كبيرة << أغلب الأحيان يطلع البراز عن الحفاظه

واحنا كلمنا دكتورة بالتلفون وشرحنا لها الوضع ورشحت لنا حليب hipp وقالت استمرا عليه لمدة 6 شهور

لكن الحليب شكله مثل الطحين ويقولون مايغذي الطفل زين .. هل هذا صحيح؟

حالياً مرت 24 ساعة تقريباً وإلى الآن البن ماتبرزت

هل تنصحينا نستمر على الحليب ؟؟ أو نغيره بعد ما تتشافى من الاسهال؟؟

 

[متنقله]

السلام عليكم دكتوره
حبيت اسال عن مرض متلازمه الكله الى يصيب الاطفال
اى خروج البروتين فى البول
ونقص الالبومين فى الدم
مانسبه ارتجاعه بعد اخذ دواء البريدزنول
وهل يذهب المرض بعد البلوغ
ومشكوره وماتقصرين

 

[قطوطه الحلوة]

بس علبة الحليب محطوط عليها 6ارقام على عمره واذا شربته 4يبجي مايشبع من اربعه ومستحيل يصبر لي 3ساعات !!!!
انا اعطيه 6 واخليه لي 4ساعات او 5 كلش كلش 3ساعات ونص

 

[b6o6a]

شلونج دكتوره

حليب بنتي نان3 مادري اهوا لي 3 سنوات ؟ لانه ماشوف احد يعطيه عياله وجربتلها نيدو حسيت سوالها اسهال تكرمين وبس ما كملته رديتلها نان3 شرايج ؟

اهيا عمرها سنه وشهرين

 

[%للدلـــــع هـــيبــه%]

السلام عليكم ورحمة الله وبركاته ,,,

يعطيج العافيه دكتوره

دكتوره انا عندي مشكله متأزمه منها حيييييييل وهي :
ولدي بيكمل ال10 شهوور ومن جم شهر جته حاله امساك لاكثر من اسبوعين وكل ما اروح لطبيب يعطوني ماي غريب وما حبيت اكثرله ملينات عطيته يمكن مره او مرتين ..
حالة الامساك عنده شديده لدرجه انه يقعد يصيح ويتعصر ومع الخروج يطلع دم ...
وعقب ما انتهت حاله الامساك وهو كل ما يجي لحظة الخروج يصيح ويبجي حيييل ويقعد يتمسك فيني بقوة ويتألم لمن يخلص وهذا حالته صارلها شهور كل ما يجي يخرج يتألم ...
حتى مع حالة الاسهال...يتألم
رحت المستشفى وفحصوه اذا فيه جروح او شرخ .. طلع سليم وحولوني لابن سينا للجراحه بس الموعد باقيله اسبوعين تقريبا من متى وانا انطر وما ودي اروح للخاص ما اعرف احد ثقه ..

ارجوو الافاده ..شاكرتلج

 

[عيـ خلي ــوون]

السلام عليكم دكتوره بغيت اسالج عن بنت اختي فيها شعر خفيف بمنطقة العانه وبسراحه استغربنا منه اهو لونه اغمج من لون الجسم واطول


مدري هل ممكن انه يزيد لي كبرت او شنو الحل ويعطيج العافيه

 

[monaty7]

السلام عليكم ورحمة الله وبركاته 000

الله يعطيج العافيه دكتوره ويكثر من امثالج عندي جم سؤال اولها بنتي عمرها 3 شهور و3اسابيع

اعطبها حليب نوفولاك اي ار لانها على طول ترجع وللحين ترجع وماخف الترجيع مع ان وزنها يزيد

اخر مه وزنتها من شهر كان وزنها 5 و400 وعند الولاده كان 3 وانا اعطيها الحليب 120 كل ساعتين او ثلاث

بس بالليل ماتحب تشرب الحليب مرات تقعد 7 ساعات ماترضع واذا عطيتها ماترضى تشرب وتلوع جبدها عادي؟

ودكتوره خروجها لونه اخضر وشبه امساك طبيعي؟

ومشكوره دكتوره الله يسخرلج ريلج ويبارك بعيالج 0

 

[Cute mama]

السلام عليكم دكتورة ...
ولدي الحين عمره 10 شهور وجم مره لمن يكون نايم فجأة يصارخ ويقعد يبجي يبجي ومايسكت واخر مره اليوم والله وقف قلبي حسيت انه بيختنق صوته اختفى من كثر مابجى فمادري شسوي بهالحاله
لمن يبجي اقعد افصخه كل هدومه اخاف قارصه شي او انه بطنه يعوره بس مادري احس هالصراخ مو من عوار البطن
وابي اسألج اليهال يحلمون مثلنا ؟؟ يعني ممكن هذا يكون سبب انه يصارخ جذي مادري والله حدي احترت
اهو مو كل يوم اتييله هالحاله يعني اخر مره يتله قبل اليوم كانت قبل شهر او شهرين


وابي اسألج انا سمعت انه زبدة الفول السوداني زينه حق اليهال على شان يصيرون اذكياء يصير امسح شويه على توسته واعطيه ياها ؟؟

 

[بنتي حياتي]

السلام عليكم دكتوره

أولا حبيت أشكرك على جهودك اللي تقومين بها تجاه هالمنتدى وبها القسم خصوصا

ثانيا بغيت استفسر منك دكتوره بخصوص بنتي الله يحفظها

بنتي عمرها سنه وشهر الحمد الله وزنها كويس بس مشكلتها في حليبها ماتشربه كله هي حليبها بروجرس المفروض انها تشرب على حسب المكتوب 175 بس انها تشرب فقط 120 هذا ان كثرت والله ضيقت صدري حتى لو كانت توها قايمه الصباح وهي مااكلت شي
هل هذا طبيعي أو ممكن يكون من حليبها مدرررررررررري

علما انها تاكل كويس الحمد لله بس مشكلتها في رضعة الحليب
أدري أني طولت عليك بس ما عليش تحمليني

 

[SARA_912]

السلام عليكم
دكتوره لوسمحتي حابه استفسر عن تطعيم الجديري المائي عند الخاص ابي اطعم بناتي 4و7سنين
شنو تنصحيني فيه
وجزاك الله خير

 

[د. رشــا الصفــي]

دكتورة البنوته برازها سائل جداً مثل الماي .. والكمبية كبيرة << أغلب الأحيان يطلع البراز عن الحفاظه

واحنا كلمنا دكتورة بالتلفون وشرحنا لها الوضع ورشحت لنا حليب hipp وقالت استمرا عليه لمدة 6 شهور

لكن الحليب شكله مثل الطحين ويقولون مايغذي الطفل زين .. هل هذا صحيح؟

حالياً مرت 24 ساعة تقريباً وإلى الآن البن ماتبرزت

هل تنصحينا نستمر على الحليب ؟؟ أو نغيره بعد ما تتشافى من الاسهال؟؟

والله دام انتو تراجعون عند دكتورة معينة رايي انكم تمشون على كلامها احسن

مستحيل تعطي البيبي شي يضره ولا ما يفيده

تأكدو من هالشي

و طالما قالت لكم استمروا عليه 6 شهور معناته احتمال انها تفكر بحساسية من سكر او بروتين الحليب المؤقتة و اللي علاجها اهو الاستمرار على هالأنواع من الحليب لمدة معينة بين 4 - 6 شهور و غلط انكم توقفونه عقب ما يوقف الاسهال

 

[د. رشــا الصفــي]

السلام عليكم دكتوره
حبيت اسال عن مرض متلازمه الكله الى يصيب الاطفال
اى خروج البروتين فى البول
ونقص الالبومين فى الدم
مانسبه ارتجاعه بعد اخذ دواء البريدزنول
وهل يذهب المرض بعد البلوغ
ومشكوره وماتقصرين

نسبة ارتجاعه بعد اخذ الكورتيزون تصل الى 60%

و لكن الغالبية العظمى من المرضى يتخلصون من المرض عند البلوغ

 

[د. رشــا الصفــي]

بس علبة الحليب محطوط عليها 6ارقام على عمره واذا شربته 4يبجي مايشبع من اربعه ومستحيل يصبر لي 3ساعات !!!!
انا اعطيه 6 واخليه لي 4ساعات او 5 كلش كلش 3ساعات ونص

حبيبتي مو لازم نمشي على المكتوب عالعلبة

اذا شفنا البيبي متضايق و لا ماخذ اكثر من حاجته ممكن نقلل

البيبي عادة بعمر ولدج يشرب 4 ارقام كل 3 ساعات تقريبا

و اذا يصيح مو شرط يكون يوعان يمكن بطنه يعوره او في سبب ثاني

 

[د. رشــا الصفــي]

شلونج دكتوره

حليب بنتي نان3 مادري اهوا لي 3 سنوات ؟ لانه ماشوف احد يعطيه عياله وجربتلها نيدو حسيت سوالها اسهال تكرمين وبس ما كملته رديتلها نان3 شرايج ؟

اهيا عمرها سنه وشهرين

نان 3 ممتاز و يستعمل من الشهر العاشر الى المدة اللي تبينها مو مشكلة

و غالبا تكون 3 سنوات

و اذا بنتج حسيتي ان ما ناسبها النيدو و حولتيها الى نان 3 فاللي سويتيه عين العقل

و الله يخليها لج