الدكتوره فوزيه الدريع برنامجها هل هو (ثقافه ام سخافه)!!!!!!!

[ام خالد 78]

اشوف برنامجها

 

[MyLittleBerry]

ماحب اطالعها

وايد جريئه اللي الواحد يستحي يسمعها

 

[أمونه الأموره 2007]

انا من اول مااشوف برنامجها اغير القناة على طول لان صج برنامجها اي شي
وحددددددددده سخيف ومليغ وهدفهم اكيد المسجات والاتصالات

 

[ياعشيري جعلك السلال]

صار برنامجها ابااااااااااااااحي

وماقمت اتابعه

 

[قطوة@@]

كنت اطالعه الحين ما اشوفه

 

[paraka]

انا من المتابعين لبرنامج فوزية ..ومن ناحية الثقافة أشوفا أنا فعلاً ثقافة فيه معلومات وايد حلوة وأشياء بصراحة ما كنا نعرفها ومن ناحية الإباحية أنا ما اشوف طريقة كلامها إباحية بالعكس تستخدم المصطلحات العلمية بطريقة دقيقة يعني أحس إنها كثر ماتقدر تحط بالها على ألفاظها ..وهذا علم عندها خبرة كبيرة فيه موعيب إنها تنشر العلم إلي اتعرفه علشان الكل يستفيد ..أما من ناحية السخافة المشاكل الي يقولونها المتصلين هذي هي السخافة وأحس مرات فعلاً مثل ما قالت وحدة من الأخوات إنها مصطنعة بس إلي يعجبني بفوزية وهذا إلي يشدني لبرنامجها طريقة حلها للمشكلة وسرعة بديهيتها واللباقة ما أحس إنها تتوهق او تلف وادور حتى لو كانت المشكلة سخيفة .. ولو أحس ان المشكلة غير حقيقية بصراحة أحنا كمشاهدين ما يهمنا تكون حقيقية ولا لأ .. المهم عندنا طريقة حل المشكلة والإستفادة من النصائح ..وبالنسبة للي فوق 18 اهي نبهت وقالت وإذا إلي تحت 18 مشغلين البرنامج ويطالعونها هذا شي راجع لهم مدام نبهت إهي برت ذمتها ..
هذي وجهة نظري بالنسبة لبرنامج فوزية الدريع فيها الثقافة وفيها السخافة مع احترامي لكل وجهات النظر ..وتقبلي مروري

 

[blue ocean]

ثقافه بالتأكيد .. لكن الطريقه خطأ x بخطأ

.. مواضيع حساسه لي هدرجه مانتعرض بتلفزيون بلد محافظ وبهالطريقه ...!!!!!!

الله يعطيها العافيه الدكتوره الماده مقبوله لكن الطريقه اهي المرفوضه ..

مشكوره حبيبتي

 

[اطياب طيبه.أم عبدالله]

انا كل ما اطالعها
اقعد اشاهق من الصدمه من كلامها

 

[oranGe~Girl]

انا الصراحه ما اتابعه بس ساعات ماكو شي احط عليه تصدمني المواضيع والكلام اللي تقوله

بعدين في حلقه ماشفتها رفيجاتي قالوا عنها انا انصدمت شلون جذي علني

ومبين الصراحه اغلب اللي يدقون ماعندهم سالفه والبنات مبين قصب تسوي روحها انا الناعمه

 

[فاتن 84]

كااااااااااااااااااااان ثقافه وللاسف صاااااااااااااااااااار سخافه وقلة حيا

 

[عروووب99]

صراحه بالعكس وايد استفدت منها وحلت وايد مشاكل واذا عن انها تجأ فلا حياء بالعلم وفيه برامج العن منها يعني اهي مرة كبيرة ومزوجه وام اعيال شنو هدفها غير تسمع للناس وتساعدهم وتقدم لهم الحلول المناسبه لمشاكلهم ولا جان ما انشهرت واذا على طاري انه تكلم عن الجنس وفي يهال يسمعون ما اعتتقد الحين البلوتوث والتلفزون النت مخلي احد غشيم!! يهال يعرفون بلاوي اكثر من حجي فوزيه الدريع يعني كلامها بالنسبه لهم ولا شي يعني الحين هالبرنامج بيخربهم !!؟؟؟لا والله وايد ناس استفادت منه ويعد ولا شي بالنسبه حق البلاوي العلنيه والخراب الي نشوفه بديرتنا اشكرة...!!!

صح كلااامك

 

[noreez]

كانت في بداية حلقات البرنامج متحفظه وكلامها واقعي ..

لكن اللي صار ان الدكتوره فوزيه تغير طريقة طرحها للبرنامج 180 درجه بعــــــــــــــد فتره

مو بس طريقه طرحها حتى اسمها ما ادري شلون تغير من فوزيه لي فوز

انا اشوف انه برنامج سخيف وماله داعي

 

[الإسراء]

لا أتابعه ولا أدري عنه

 

[noorq8]

الا برنامجها قلة حيا وقذاره وقلة أدب حقاره لاتقولون لي علم العلم بالكتب مو عالتلفزيون وبهالاسلوب الوقح أقول ترد لندن أبرك لها .

 

[LA TROO7]

احسها فاهمه مو عندنا الحريم هابين بناعمه الهاشمي ليش الخساير والتعني عندنا دكتورة فاهمه احسن منها

والا انتم بس تحبون الحش بخلق الله وتطلعون عذاريبهم

 

[رحايل]

برنامج بايخ وفاسخ الحيا


وماله اي داعي

 

[M!sS*bdLiyat]

لا انا اشوف برنامجها ثقافه ..مع اني ما اطالعه الا مرات لما اختي او امي يحطونه اطالع شوي وياهم


واذا اتقولون ان اسلوبها يخدش الحياء خلاص عيل مو لازم تشوفون يااخي محد جابركم انكم تشوفون !!!!!!!!!


شي غريب الصراحه !

اصلا في ناس قاعده تستفيد من البرنامج !

واذا بتقولون الي اقل من 18 بيشوفون .. والله عاد هذا على حسب تربية الام والابو !

اذا مربينهم صح وعدل ماراح يشوفون لو شنو صار !!!


واعيد واكرر اذا مو عاجبكم البرنامج لاتشوفونه !!!

محد جبركم انكم تشوفونه !!!

واذا انتوا مو مستفيدين ترى غيركم مستفيد !


والله على راسي فوزية الدريع انشالله كله بميزان حسناتها


ومشكورة حبيبتي عالطرح : )​

 

[اميرة-الاحجار]

والله انا قبل كنت اطالعه بس من بدت (( الفقره الحمره )) على قولتهم ماقمت اطالعها الصراحه استحي بغض النظر عن كونه سخافه او ثقافه لكن بالفعل الطرح جريء والبرنامج يحتاج تشفير

 

[Super_Star]

سخاااااااااااااااااااااااافه وسخاااااااااااااااااااااااااااافه

وفيه انحراف لكثير من الشباب المتعطش لمثل هذه البرامج

التي تهدم ولا تبني وانا قرأت عن مشاكل حصل لي بعض النساء

بسب الحلوووول المطوحه من حضرتها

وشباب قبل هذا الزمان وقبل هذا التنوير الذي تدعيه عاشوووو مع ازواجهم

وكونوووو أسر مترابطة عكس هذا الزمان المتفتح المتنوووور على قولتها

فقد كثر الطلاق والفساد وتشتت بعض الاسر بسب الخيانه لادعاء الزوج بأن زوجته غير رومنسه

وانحراف لزوجه الان زوجها مايقولها كلام حلوولا يدللها ولا يغير في حياته الجنسيه مثل ارشادات الاخت الفاضله

الله يكفيناها بما شاء

:ggdw::ggdw::ggdw::ggdw::ggdw:

 

[اسرار2009]

برنامجها قلة ادب وبتحاسب عليه يوم القيامه شنو هالكلام وربي تقط كلام مثل القنابل خل اتعالج في عيادتها مو جدام الناس واخزيتاه