الدكتور علي وطفه؟ ساااعدوني بنات الجامعه

[الجمووووح]

السلام عليكم بنات اشلونكم انشاء الله بخير


خواتي الجامعيات حبيت اسال عن الدكتور علي وطفه

اشرايكم فيه زين؟؟ ماخذه عنده بالصيفي نظام تربوي

تنصحووني ابقا عنده او اسحبها؟ لاني خريجه الصيفي اخر كورس لي بالجامعه

بليز بليز ردو علي محتاجتلكم :0bee2e8d89:

وشكرا​

 

[c a t w o m a n]

ما عندي فكرة .. انشالله يفيدونج البنات

 

[^توجان^]

انا مو بالجامعة بس اسمع عنه انه زين انشالله البنات يفيدونج

 

[المـــــها]

أنصحج اخذيها .. أنا كنت ماخذه عند علم اجتماع و طلعت A
و هو يبي البنات يشاركون و يسولفون ..ويعطي بونسات ... الدكتور حده زين .. إذا بتتأكدين و ترتاحين
دشي موضوعي قائمة شرف الدكاترة و شوفي البنات مادحينه و كاتبين كل شي عنه .. بس ما عرفت أحط الرابط:0bee2e8d89:

http://www.q8yat.net/showthread.php?t=385021

​

 

[MiSS ENGiNeeR]

دكتور مزاجي حده
مزاجي بكل شي حتى بالدرجات
حسب البنت يرفع و لا لأ
وايد مدحوه لي و كرهت الساعه اللي خذيت عنده
ما حبيت اسلوبه
ناس و ناس

 

[روح الدنيا]

اخذي عنده .. يعطي و كريم بس اللي ما يعجبني فيه سوالفه كذا مره اتهاوش معاه ..


و اذا تبين الـa صيري مشرفه عنده ..

يعني هو اول محاضره يقول منو بتصير مشرفه مسؤوله عن الغياب و الحضور و جذي ..


شوفي هو اخذنا بدال سعد شريع ايام الانتخابات و لان سعد شريع كان نازل الانتخابات المهم ..


في بنت درجاتها حيل نازله و عموما كلنا درجاتنا نازله من طقه 12 و 13 .. تخيلي هالبنت صارت مشرفه عنده ..


قام رفعهااا خلاها 19 من 20 ..


احنا ما درينا الا لما سعد شريع قاعد يهاوشنا على الدرجات و قال لنا بس وحده جايبه 19 و قال اسمها المشرفه و الكل انصدم و هي لو تشووفين وجهها انحرجت ..


بس محد قال شي ..

يعني بصراحه انا ماحبه ..

بس بشكل عام الطلبه يحبونه و يعطي درجات و جذي .. بس انا نو وي اخذ عنده مره ثانيه لاني شكثر تهاوشت معاه << منوو سألج


سوري ع الطواله

 

[الجمووووح]

فديت قلبك خواااتي علي الردوود الحلوه

صج صج سااعدتوني


ماقصرتوووو



حبيت اسال عنده برزنتيشن ؟؟؟


يااقلبي رووح الدنيا مشرفه شنو اسوي يعني؟؟؟؟


مافهمت لو ماعليج امر توضحيلي واكون شاكرتلج

 

[المـــــها]

فديت قلبك خواااتي علي الردوود الحلوه

صج صج سااعدتوني


ماقصرتوووو



حبيت اسال عنده برزنتيشن ؟؟؟


يااقلبي رووح الدنيا مشرفه شنو اسوي يعني؟؟؟؟


مافهمت لو ماعليج امر توضحيلي واكون شاكرتلج

إي عنده برزنتيشن

تشرحين فقرة من الكتاب

 

[الجمووووح]

مشكووره المها ياااقلبي


جزاج الله خير انتي اخذتي عنده؟ فيديني لو ما عليج امر:eh_s(6):

 

[المـــــها]

مشكووره المها ياااقلبي


جزاج الله خير انتي اخذتي عنده؟ فيديني لو ما عليج امر:eh_s(6):

إي و الله خذيت عنده مادة علم اجتماع تربوي ،،

هو طريقته يسووولف بالمحاضرة عن الثقافة و القراءة و من هالسوالف و انتوا لازم تقرون كتب و هاذي سالفته يموت بالكتب ..


أذكر كان طالب منا تلخيص كتاب و لخصتله عادي ،، و تقرير ،، و شرح برزنتيشن فقرة من الكتاب ،، أغلب البنات كانوا يشرحون على شفافية ...



امتحاناته موضوعية ،، بس لازم تركزين أهم العلماء و الكتب اللي يسولف و عنهم و يشدد عليهم بالمحاضرة ،،، أقولج يموت بالكتب ...



و يحب المشاركة بالمحاضرة ،، طبعا المشاركة أي سالفة تسولفينها ،، أو تخيلي حتى لو تقرين و لو جملة من شفافيات العرض .. أو فقرة من الكتاب ...


و سؤالج عن المشرفات ،، الله يسلمج طريقته يختار مشرفتين ،، هالمشرفتين يسجلون الحضور و الغياب و التأخير ،،، و بكل محاضرة يلاحظون و يراقبون المشاركات ،، و أي بنت تشارك إن شاء الله لو تقول كلمتين يحطون عند اسمها علامة ،، و طبعا حسب عدد المشاركات ،، يعني لو شاركتي 3 مرات يحطون عند اسمج 3 علامات ،، و بعد المشرفات ينظمون البرزنتيشن للطالبات ،، يخلون كل وحدة تختار الفقرة اللي بتشرحها و يحددون لها التاريخ ،، و يذكرون البنات بالبرزنتيشنات ،، يعني يقولون فلانه برزنتيشنج المحاضرة الجاية و بهالطريقة ،،،، و أذكر الدكتور كان يخليهم يحطون للبنات درجات البرزنتيشن و التقرير ،، و كان يقول لهم اللي برزنتيشنها مميز ( يعني الشفافيات ملونة و مستعينة بمعلومات من الإنترنت ) ((( زيدوهم ))) درجاات ،، يعني بونس فوق الدرجة ،،،



تخيلي كل مشاركة عليها ربع درجة ،، و لما تعطينه التلخيص يشوف شغلج بس نظرة سريعة و إذا حس إنه مرتب و إنج تعبانه عليه يزيدج من درجة إلى درجتين ،، و يمكن و الله علم 3 درجات ،،




ما شاء الله عليه ،، طيب و يعطي درجااات بالهبل ،، تخيلي طلعت من المادة و أنا ماخذة 106 من 100 ،،،




و عنده موقع خاص فيه يحط فيه كل الأشياء المهمة و كشف الدرجات ،، و الله حتى لما دشيت على الكشف بنهاية الكورس ،، كل البنات كانت درجاتهم حلوة ،،،



و بس ،،،،،



طولتها عليج ،، بس صدقيني حابة أفيدج ،، و هم أنا مسوية موضوع عن أفضل الدكاترة بالتربية ،، دشي عليه و شوفي اسمه معاهم و شوفي البنات شنو كاتبين عنه عشان ترتاحين ،،

و الموضوع بهذا الرابط

http://www.q8yat.net/showthread.php?t=385021​

 

[الجمووووح]

يااااحياااتي انتي وربي ماقصرتي

جزاج الله الف خير وموفقه

افدتيني حيييييييل

مشكووور

 

[المـــــها]

العفووو