الدود ابياكلني

[اطياف الكويت]

الحل تقطين عفشج سلامتج انتي وعيالج اهم

 

[farawla_q80ia]

عن تجربة انا عانيت من دودة الفراش وما قضي عليها الا مبيدات شركة كمدراي الخاصة بهالنوع من بق الفراش صج رشوا الفراش والبيت كلة وقضوا عليهم

 

[اللمسة الذهبية]

السلام عليكم اختي انا كانت موجودة على سريري فقط وكانت تطلع عندي انا فقط واذا غيرت مكاني هم تطلع لي وجسمي كله أحمر وحبوب واللهم لك الحمد استمريت على الرقية ورش البيت بالماي المقري واختفت تماما.

 

[فطومه]

اتوقع حسد او عين اوسحر

لاحول ولاقوة الا بالله

 

[المتفائلة دوما]

حبيبتي اا سارلي نفس الموقف
وجبت اغراض بالطاقة وشكل الحشرة جت معهاومكت انام الليل
لان الحشرة هذي اسمها بق تصديق لاحد الاخوات قالت انها البق

المهم حبيبتي العن من قرصها ما فية وهي تحب الخشب اقلبي السرير تلاقينها مولدة في اطرافة وعلى فكرة تحب الظلام ما تخرج الا اذا طفيتي النور في اليل وتشوف شغلها الله لا يوريك
المهم بعد ما سار جسمي خريطة شليت القاعدة فوق السطوح وبخيتها بالفليت وتركتها ثلاثة ايام لاني بصراحة ما اقدر اشتري غيرها وشفاك الله
هذي تجربتي مع البق

 

[أسيرة الحب]

السلام عليكم ياحياتى عن تجربة بيت اهلى صار جذية معاهم كل ماجينا زوراتنا احنا تعذبنا معاهم هم اختى انتقلت معاها مصيبة حلت علينا مافى حل ماسويناة تغير الاثاث تفلت كل شئ اخر شئ جبنا شركة تنظيف وراااااااااااحت اللة لا يردها تعيش على دم الانسان فنصيحة لاتغيرين الاثاث شوفى شركة وررراح تدعيلى

 

[يامسهرني]

الله يعيننا جميعا على ها لبق
أنا كمان طلع عندي فجأة بالرغم إني مرررة نضيفه
مرتبه السرير كل إسبوعين أدعكها وأنضفها
ومستغربه من طلوعها عمري ماشفتها الا قبل شهر
وطلعت لي فجأه شفتها بحواااف مرتبة السريرلما كنت انضف ياالله ممكن 20 وحدة الله يقطعها
وقرصاتها توجع مرررررة وياكلك مكان الفرصه
بس الغريب أنها بس تقرصني أنا حتى لو غير مكاني تجيني بس أنا
لدرجه اني شكيت انها عين
وراح اعمل متل اللمسه الذهبيه راح ارقي نفسي وان شاء الله خير

 

[عذبه الروح2010]

حبيبتي فيه حديث للرسول فيما معناه

ان الانسان المفروض قبل لاينام ينفض فراشه 3 مرات
واكتشفوا العلماء ان فيه حشرات في الفراش ماتروح الا بهالطريقه
وتقدرين تدورين بقوقل الاعجاز العلمي في حديث الرسول

انتي عوما طلعيهم بالشمس وانفضيهم كل يوم

 

[ام ناييف]

شوفي انا صار لي نفس الشي من فترة طلع من خيشة العيش التموين متروسه دود وانا حطيتها في صندوق العيش وانتشر الدود
قمت شريت بودرة النمل والحشرات ورشيت المطبخ وزوايا البيت في اللليل والصبح بعد ما راحوا عيالي المدارس خميت البيت وغسلته بالديتول والكلوركس
واختفى الدود
وانا الحين كل جمعه اكرر هالعملية
طبعا العيش طلعته بالشمس علشان يروح الدود شوي

ولا تغيرين فراشج ولا شي

 

[المستغفرة 74]

حبيبتي عن تجربة انا اول ما سكنت بيتي الجديد شريت اثاث نجارة .وشريت فراشات طبية واكتشفت الدود الغير لونة احملر استغربت ومت من الخوف وسالت كل الناس لين اخر شيء عرفت ان اسمة (بق الفراش ) ودقيت على المكافحة الحشرات وخليتهم يرشون البيت بالمبيد الخاص لبق الحشرات .ونصحني الرجال الي رش بيتي وقالي ابحثي عن مصدرهم وبعدها رحت ركضة للاثاث الخشبي اتفحصة وادور على مكانهم والا انصدم من الي شفتة بغيت اموت لقيت ورا المراية في خشبة لقيت تجمع مو طبيعي لهم . وقالي اذا اكتشفتي مكانهم امسحي كل الخشب بقاز .والله الله يجزاة خير صج اختفت هالدودة اللعينة .
ةلا تقطين فراشاتج ولا شيء والله يا اخني عن تجربة شخصية القاز تمسحين فية كل غرف النجارة من ظهرها وبس.وادعي ان الله يشفي ولدي ضاري.

 

[جان دارك]

طلعت لنا قبل رمضان هبلت فينا
اسبوع الله وكيلكم
ومن دخل رمضان
راحت الله لايعيدها ولا كأن لها أثر

 

[doweha]

سمعت عنها حتى الى عندهم فرش كانو اقولون هذى فرشات معقمه عن الحشرات الله اكون بعونكم وانشالله اتروح عنكم

 

[alanewar]

هذا بق الفراش يالغاليه رشي عليهم الدوا مال الحشرات والبق ولازم ترشينه ومامو احد بالبيت وبعدين طلعي الفرش بره بالشمس

 

[حلوة قمرية]

رد : الدود ابياكلني

طبعا نفس كلام باجي البنات الرش والشمس اهم شي و لا تدخلينهم الا اذا تأكدتي ان الغرفه ما فيها لأن لو فيها و رديتيهم جنج ما سويتي شي

 

[ماخذة غلا اخوي]

السلام وعليكم ورحمة الله وبركاتة
حبيبتي انا طلعت بفراش امي البق ومسكينة حتى غرفتها جددتها وعقب اسبوع لقت وحدة واتصلت ع شركات مبيدات الحشرات قالوا مالها حل للا الشمس او (((( الكلونيا الزرقا))) بس

 

[تغريد الطيور]

مالها حل الا القاز رشي مكان الفراش والسرير وطلعيهم بالشمس اطول فتره لين ما تختفي ريحة القاز وماراح تشوفينهم وهذا من تجربه .

 

[كويتيه برونزيه]

الله يعينج

صارت فينا مره
مع ان غرفة النوم كانت يديده بس الخشب من داخل كان مو شي وعفن وصاير يطلع منه

قطيناهم

بس حاولي تحطينهم بره على لشمس ومسحيهم بقاز يمكن يخف
الله يعنيج

 

[كلنا عشاق لكن]

رد : الدود ابياكلني

يمكن من الدرايش
أو أغراض رمضان عيش إطحين لقيمات
تأكدي
لأنه اللي تواريخهم من 8 أشهر وفوق إتصير هالدودة فيهم حسب التعبئة ​

 

[Loutes]

رد : الدود ابياكلني

طلعيهم برا خل تطقهم الشمس
ولو روطبة غرفتك نفس العيال
او نوع الخشب واحد
اقري في بيتكم

 

[fnateq]

رد : الدود ابياكلني

الله يعييينج يتني الحكه