الدوره الشهريه والرجيم ...! للصحيات

[DietGirl]

بنات

انا سويت سيرج عن إذا الفواكه والخضار بالدوره تضر البنت !!

وايد مقالات علميه ودكاتره يقولون .. كثرو خضار وفواكه :/ :eh_s(10):

بس بالمنتديات والبنات يقولون العكس .. مو زين وابتعدوو عن الخضار والفواكه !

احترت اصدق منو ؟؟؟؟؟؟؟؟؟؟؟؟؟

اهني باليوتيوب برنامج يتكلمون عن هالشي !
‫الاحتياطات خلال العادة الشهرية‬‎ - YouTube
يقول الحوامض مالها شغل بالدوره :/
والاشياء الساخنه هم مالها شغل يعني ماتخلي الدوره اتيي مبجر !!

أحترت !

انا اللي اعرفه ان الموز والمانجا والليمون والملوخيه ممنووع مو زين للبنت

انزين
العنب + الكيوي + التفاح + خوخ + البرتقال + عصير الاناناس + الخس + الجرجير + البقدونس

شنوو وضعهم .. ممنوعين ولا عادي ؟؟؟؟

لأن مااااتخيل يومي بدونهم

ياليت كل وحده خبره بهالموضوع .. تقولنا شنووو ناكل بالدوره أهم شي يكون ( أكل صحي )

شنو نظام كل بنت صحيه ؟

 

[الوناسة]

مادري انا ماتفرق عندي كل نفس الشي
يعني ماعندي شي ممنوع

 

[Mona Lisa]

للامانه حبيبتي نفس الشي سامعته وما ندري وين الصح وانا ساعات امل فتلاقيني عادي اكل كل الموانع اثناء الدوره


بس يستحسن نسمع كلام اهلنا الاوليين وندير بالنا وهذي وجهة نظر وشوفي باجي البنات ان شاء الله بيفيدونج

 

[modern]

انا ما تفرق عندي ,بس المشروبات الغازية اقطعها وقت الدورة

 

[DietGirl]

مشكورين بنات على الردود

مادري انا ماتفرق عندي كل نفس الشي
يعني ماعندي شي ممنوع

ولما اتيي الدوره ماتسبب لج ألم يعني ماتعورج !! :eh_s(1):

 

[مس استي لودر]

اب اب اب

 

[DietGirl]

مشكوره مس استي

 

[بـ سـ كـ وتـ ة]

والله مادري كل شي آكل حتى روب وآيس كريم بس ناوية أوقف الآيس كريم لأن مرات توقف الدورة عقبه يوم وبعدين ترجع

فشكيت إنه يمكن منه

وبالعكس مهم الوحدة اتغذى عدل بدورتها

والموز بالذات ينصحون فيه خصوصا حق اللي تشتهي ككاو وقت الدورة أو قبلها لأن فيه مادة تعدل المزاج

وبالنسبة حق العوار الدورة بكل الحالات فيها عوار الحمدلله على كل حال

 

[الوناسة]

مشكورين بنات على الردود



ولما اتيي الدوره ماتسبب لج ألم يعني ماتعورج !! :eh_s(1):

مو دايما تعورني مرات ومرات
لدرجة ما تتحرك وكلة بردانه وترجيع بس هذا الشي يصير فيتني بالسنة جم مره بس
وباجي الاوقات بس حبة بندول و مطارة ماي حار واشرب شي دافي واصير زينه
لأني كله احسن ان بردانه وهذا الشي بس أول يوم دورة وبعدين عادي

وحتى الرياضة استمر لكن مع تقليل الوقت وبدون الحركات إلي فيها نط واتعب لا بس اشياء خفيفه

 

[نهاون]

انا ماانصحج بالحوامض ابد والمشروبات الغازية لانها تاخرها او تتعورين لما اتييچ

 

[نهاون]

آلمحظورآت ‏​‏​ :
1-آلليمون وآلحوآمض بأنوآعهآ <- تجعل خروج آلدم متقطع
2-آلمشروبآت آلبآردة وآلمثلجة <- تمنع خروج آلدم
3-آلمشروبآت آلغآزية <- تملي آلجسم غآزآت عدا عن آضرآرهآ آلمعروفة
4-آلآطعمة آللزجة ( ملوخية , بآمية , گوسآ )<- تزيد آلآفرآزآت

‏​‏​ آلعآدآت وآلتصرفآت آلخآطئة ‏​‏​ :
فيه عآدآت گثير تمآرسهآ آلگثيرآت آثنآء آلدورة وقد لآتعلم مدى خطورتهآ ..حبيت آوضح بعضهآ
1- آلمشي حآفيه على آلسيرآميگ وآلتعرض لتيآرآت الهۆآ وبرودة آلمگيف بلآمبالآة
2- آلجلوس على آلبلآط مبآشرة
3- رفع آو شد آلآشيآء آلثقيلة
4-آلآسرآف في تنآول آلحلويآت وآلوجبآت آلسريعة وآلمحظورآت من آلآطعمة آلتي ذگرت آعلآه
6- آلجوع لفترآت طۆيلة
7- آهمآل آلنظآفة لآزم تغيرين على طول وتغسلين بآلغسول وليس آلصآبون
8- لبس آلملآبس آلضيقة جدآ وآلتي تضغط على آلرحم
9- آلآسرآف في آستخدآم آلبنآدول وآلمسگنآت وتجآهل خطورتهآ ..
10-السباحة تؤدي إلي انقطاع خروج الدم ألفآسد وتجمعه في الرحم ويؤدي ذلك إلي تعفن الرحم .

‏​‏​آلأشيآء آلتي يجب فعلهآ ‏​‏​ :
1 - لبس آلشرآب
2 - آلإسترخآء وعدم آلحرگه آلگثيره
3 - ضعي على آلبطن من تحت گمآده بمآء دافئ
4 - آللبس جيداً لگي ﻵ يدخل هوآء فآلبطن

* تمنيآتي للجميع بدۆرآت سعيدة *

 

[Mona Lisa]

اب للفائده

 

[6booosha]

اببببببببببببببببببببببببببببببب

 

[granted]

انا سالت طبيبه بموقع اجنبي وقالت ماكو ولا شي يضر بوقت الدورة وذكرت لها بعض الامور نفس المانجو وهالسوالف اللزجة قالت هذي خرافات شرق اسيا وماعليها دليل علمي او شي يثبت
عاد انا سالت البنات اهني وقالوا ويع الاجانب وصخين ومادري شنو ً!!!!!
انزين ابي كلام علمي مو يدتي ويدتج

المهم انا بصراحه اكل الفواكه والخضار كلها بالدورة ولاحضت شنو
لمن اكل حوامض نفس الاناناس وهالسوالف احس دورتي تقل حتى لوكنت باول الايام!
اما الخضار والفواكه الباجي ابداً مااحس فرقت وياي نهائياً

الي فرق وياي الملح
انا قبل الدورة جسمي ينتفخ واحس مو قادرة اسوي رياضة وبطني احس يفرق وياي بالضيج يبين
وقبل الدورة باسبوع تركت الملح الغيته من وجباتي والحمدلله انقطعت هالمشكلة
والي تاكل معلبات لازم تقطعهم قبل الدورة ويستحسن تقطعهم نهائياً لانهم مليانين صوديم ومعروف المعلبات تمتن وتضر كلها مواد حافضة

للمعلوميه انا حريصة وااايد بالدورة يعني اشرب دافي والبس دلاغات وابتعد عن التكييف واشرب الشااي بس ماشفت ضرر فطاف
والله ساعات اقرى نصايح البنات وقت الدورة جنه نفاس شدعوة عليكم يعني كل بنات العالم فيهم خراب
انا ييبيلي كلام علمي على عيني وراسي غير جذي ماقتنع

 

[قطوووة]

مادري والله انا مثلج اسمع وجذي

عن نفسي بالدورة اخذ رشاد قفشة عالريج

 

[Mjnont '3lay]

مدري والله
ماحب سوالف التهويل وتضخيم الامور
انا اشرب جاي اخضر او جاي عادي او ليمون مع زنجبيل او دارسين
والبس طويل ودلاغات
وعادي انام بالبرد بس البس ثقيل بس مقدر انام بالحر اخيييس افطططس ورجلي لو امووت مايرضى اسكر التكييف نوعه بسرعه يحتر
وعادي اكل اي شي ومو شرط اكل ثلاث وجبات مرات بس وجبه وحده باليوم
والشهر الي فات اول مره اسويها واخذ بندول باول يوم بالدوره مع انه يقطع الدوره بس كنت رح اموووت من التعب والعوار واستلسمت بالامر الواقع وخذيت بندول بعد ماجربت الدارسين والاعشاب وما فاد
وبالنسبه للحوامض عادي اشرب ليمون وفواكه مشكله وبس
اما اللزج والبقوليات مستحيييييييييييل اكلهم او اشربهم وقت الدوره ويع صج صج يزيدون الافرازات اللزجه وتتفخ البطن تطلع كرشه وغازات الله يعين اللي تعاند وتاكلهم وقت الدوره
وبسس
وبصراحه مالي خلق اسوي نفس باقي البنات نظام اسوي لي برنامج كااامل كني في نفاس مو دوره
وكاهم الاجانب ياكلون كل شي ومايعرفون بسوالف اعشاب وخرابيط وهذا هم شزينهم مافيهم الا العااافيه وبطونهم لازقه بظهورهم
وماافي كلام علمي يثبت انه في ممنوعات وقت الدوره ومحضورات ومدري شنو اللهم اثبتو انه البندول يقطع الدوره مره وحده والدكاتره ابد ما ينصحون فيه وسلامتج