الديرمارول السحر الامريكي ( مثل ماوعدتكم تجربتي وبالصور )

[ReeM ^ Style]

السلام عليكم ورحمة الله وبركاته ​

حبيت اذكر تجربتي بمنتج الديرمارول بناء على رغبة البنات اللي طلبوا مني التجربه بكل امانه
انا استخدمت المنتج قبل اليومين
بس شقول عنه وشخلي
حسيت اني طالعه من جلسة نظاره وجلسة نفخ وتنظيف البشره
يمكن لو اسولف لكم ماتصدقون لكن الصور بتثبت لكم شنو هالسحر اللي اغلبنا سمع عنه
لكن الخوف من التجربه اهي اللي ماسمحت لنا نجربه
انا اكثر المهتمين بالاله وصارلي شهر ابحث عنها سواء بالمواقع العربيه والاجنبيه
وخلاصة البحث اكتشفت ان هالاله سحر مو طبيعي واللي ماتجربه اهي الخسرانه
سمعت انه مفيد للشعر والبشره والندوب (الحفر القديمه بالوجه ) والسترج ماركس
قعدت اسال بيني وبين نفسي معقوله في منتج يسوي كل هذا !!
قلت استمر بالبحث وكل ماقريت review اشوف هالاجانب مدح فيه
قلت ماعليه نكمل بحث واشوف مقاطع باليوتيوب كثر شعر الراس لاتعد ولا تحصى
قلت لا هذا لازم اجربه ماراح اخسر شي
دورت بالكويت ماحصلته ولكن لقيت اغلب العيادات يسوونه والجلسه الوحده تكلفني 130 سعر الجهاز 45 لان راحه يعطونه لج اما كل جلسه راح تكون 85 @@ قلت معقوله هالجهاز صعب استخدامه بالبيت
مع اني اشوف كل المقاطع يستخدمونه بروحهم
قلت بطلبه وبجرب ماني خسرانه شي
وقبل يومين استخدمته
شي خيال مو طبيعي
راح احط لكم الادوات اللي تحتاجونها خلال جلسة العلاج بالديرمارول​

1_ مخدر حسب الرغبه ( انا ماستخدمت مخدر لان مافي عوار يذكر )

​

2_ للعلاج من الداخل والخارج ( انا استخدم هالحبوب للبشره والشعر والاظافر )​

​

3_ الكحول انا فرغت العلبه بهالمرش ( تستخدم الكحول قبل وبعد العلاج ) للتعقييم ​

​

4_ مسح الوجه بسيروم فيتامين سي ( يستخدم قبل وبعد الاستخدام ) سيروم ريكسول :
** بعد الاستخدام بتحسون بحرقه شوي بس عادي بترورح بسرعه​

​

5_ الة dr.roller وهي افضل اله بحسب تقييم المجتمع الامريكي :​

​

للسترج ماركس :​

1_ كريم بيو اويل ( من صيدلية بوتس تحطونه قبل الاستخدام )​

​

2_ بعد الانتهاء من الجلسه بعشر دقايق تستخدمون ( كريم فتشي للسترج ماركس + كريم كونتاكت للندوب تخلطينهم بيدج وتحطينه على خط المتشقق ) << ان شاءالله فهمتوني :ggdw:​

​

بسم الله الرحمن الرحيم :​

هذي بشرتي قبل استخدام المنتج الحمدلله بشرتي صافيه بس صورت بفلاش عشان اوريكم الحفر عدل لان بالصوره العاديه مو مبين ان عندي ندوب بوجهي :​

​

وهذا وجهي بعد تمرير الالة لمدة ربع ساعه : ( طبعا وجهي احمر ومنفوخ )
** عادي لاتحاتون مافي الم يذكر​

​

واهني بعدها بيوم مشاءالله وجهي صار وردي ويلمع ونظاره مو طبيعيه :​

مشاءالله ​

​

ويابنات نصيحة لوجه الله لاتستخدمون اي نوع تجاري
لان من خلال بحثي عن المنتج اكتشفت انه في منتجات تجاريه وهذي ادمر الوجه ماتحسنه
وهذي صور خاصه من تصويري للمنتج اللي عندي :​

​

​

​

** طبعا انا غلطتي طلبت 3Line عشان جذي تشوفونه صغير
واللي حابه تطلب تاخذ 8Line اهو افضل شي ​

لكن انا ماقدرت اصبر على طول طلبت 8 لاين ​

وطبعا طريقة الاستخدام يومين في الاسبوع فقط لاغير .
واهم شي يابنات التعقييم قبل وبعد الاستخدام عشان ماتصير نتايج عكسيه​

واللي حابه تطلب بحط لها مواقع تطلب منها ولاتجازفون وتطلبون من غير هالمواقع :​

http://www.derma-rollers.com/​

وهالموقع الحلو فيه انه حاطين كذا ماركه مو بس dr.roller​

http://www.ultramodshop.com/pages/Dermaroller-Brands.html​

واي استفساار او سؤال لا يردكم الا كيبوردكم
اي وشغله ثانيه مااحلل اي وحده تنقل الموضوع من غير لاتذكر اسمي واسم الموقع :eh_s(4): ​

وهالموضوع لعرض تجربتي فقط مايخص البيع نهائيا
ولكم حرية اختيار طريقة الشراء​

وحيااكم الله ​

 

[A.N.L]

ياااا قلبي انتي تتهنين بالنتااايج

واستمري وموفقه

 

[اختي نحيسه]

ممكن أسأل جم سؤآل ..
هالألـه ..
تعآلج المسآم المفتوح .؟
2 - تشد البشره . ؟
3 - تعالج أثر الحروق .؟
4- تصفي الوجه من التصبغات الجلديه .؟
5- شنو الفايده اللي ممكن أحصل عليها في حآل استخدمتها لفروة رآٍسي .؟
وفي النهايه أشكرج .. واتمنى تتقبلين اسئلتي بصدر وسيع ..
وعسسى ربي يحفظج ويتمم عليج هالنتيجه : )

 

[Killer^Girl]

ماشالله عليج بالعافيه

 

[g6awi]

مايعور لما تحطينه علويه ؟

وجم سعره ؟؟؟

 

[ReeM ^ Style]

ياااا قلبي انتي تتهنين بالنتااايج

واستمري وموفقه

الله يعافييج حبيبتي ويشرفني مرورج بموضوعي

ممكن أسأل جم سؤآل ..
هالألـه ..
تعآلج المسآم المفتوح .؟ اي نعم تعالج لاحظي بالصوره الاولى شلون كانت عندي مسامات مفتوحه وبالصوره الثانيه قلت بصوره كبيره ومع الاستمرار بتقل نهائيا ان شاءالله
2 - تشد البشره . ؟ بعد ماتخلصين من تمرير الاله بتشوفين بشرتج مشدوده بشكل ملحطوظ
3 - تعالج أثر الحروق .؟ اي نعم كل الاثار القديمه والحديثه

4- تصفي الوجه من التصبغات الجلديه .؟ اهي الاله تبييض وتسكر المسامات واتوقع لها درجة كبيره بتصفية الوجه من الحفر وكل الشوائب الموجوده فيه
5- شنو الفايده اللي ممكن أحصل عليها في حآل استخدمتها لفروة رآٍسي .؟ لفروة الراس تعيد بناء قشرة شعر جديده وراح تلاحظين خلال تمرير البشره بظهور قشور كبيره وهذا معناه ان الفروه قاعده تجدد وخلال اسبوعين ان شاءالله بيوقف التساقط وكل مشاكل الشعر وهالكلام ماخذته من موقع اجنبي وكانت عارضه تجربتها بالصور
وفي النهايه أشكرج .. واتمنى تتقبلين اسئلتي بصدر وسيع ..
وعسسى ربي يحفظج ويتمم عليج هالنتيجه : )

اكيد حبيبتي بتقبل اسالتكم بكل صدر رحب ماحطيت هالموضوع الا للفايده ومن تجربين الاله حطي تجربتج هون :eh_s(9):

ماشالله عليج بالعافيه

الله يعافيج يالغاليه

 

[ReeM ^ Style]

دشوا هالرابط :
في كل الصور الخاصه بتجارب بالنسبه للسترج ماركس والندوب والاثار القديمه والتجاعيد واللي يخطر واللي مايخطر على بالكم من اجانب :

http://www.youtube.com/watch?v=WJv-NTKw10w

 

[ReeM ^ Style]

مايعور لما تحطينه علويه ؟

وجم سعره ؟؟؟

هلا حبيتبي
مايعور ولا شي مجرد وخزات بسيطه وطبعا التمرير عالوجه بيكون مثل الصوره :

بخصوص الاسعار تحصلينها بالموقع :
الموقع الاول تحولين من جنيه بريطاني الى دينار كويتي
عن طريق هالموقع :

http://www.oanda.com/lang/ar/currency/converter/

اما الموقع الثاني عادي يتعامل بالدولار

 

[nano555]

وناااسه شوقتيني انزين شلون استخدمه للترتج مارك يعني شلون طريقة التمرير ؟ ةالكحول للتطهير اخذه من الصيدليه صح ؟ وعادي استخدم خلطة قراس او الزبده السحريه او خلطة ماي ورد للخطوط بدال البيو اويل ؟

 

[ReeM ^ Style]

وناااسه شوقتيني انزين شلون استخدمه للترتج مارك يعني شلون طريقة التمرير ؟ ةالكحول للتطهير اخذه من الصيدليه صح ؟ وعادي استخدم خلطة قراس او الزبده السحريه او خلطة ماي ورد للخطوط بدال البيو اويل ؟

هلا حبيبتي
للسترج ماركس تمررين الاله بخطوط رأسيه وخطوط افقيه فقط لا غير
لا حركات دائريه ولا غيرها
اما الكحول فاتروحين للصيدليه تقولين لهم ابي كحول للتعقيم وراح تكون بغرشه مثل ماهي موضحه فوق وانتي فرغيها بمرش عشان تستمر معاج لمدة اطول << هالطريقه شفتها بمقاطع اليوتيوب
لان يقولون بالمرش راح يوصل لكل مكان موجود بالاله وبين الابر

اما بخصوص خلطة اختي جراس طبعا ماعليها كلام وشكثر بنات يمدحونها بس تقدرين بعد 10 دقايق من استخدام الاله
لان وقت استخدامها راح تشوفين الخطوط البيضاء ترتفع لفوق وتصير حمرا عشان جذي قبل الاستخدام تحطين البيو اويل عشان يتفاعل مع الاله اما خلطة ماي ورد ماعندي علم فيها حبيبتي
وعقب عشر دقايق تحطين الخلطه اللي تناسبج
وبلغيني بالنتايج اول باول :eh_s(8):

 

[حروره الكويت]

عليج بالعافيه اختي ..

 

[بـاسي قــوي]

ماشالله منها للاحلى

 

[nano555]

ان شاء الله حياتي بس قريب ان شاء الله بطلبها والله يكتب اللي فيه الخير بحاول ادورها اب امازون يمكن موجوده عندهم بس احرص اني اخذ الشكل اللي بالصوره عشان اضمن انه الاصلي صح ؟

 

[ReeM ^ Style]

عليج بالعافيه اختي ..

ماشالله منها للاحلى

يعافيكم حبايبي تسلمون ماقصرتوا

ان شاء الله حياتي بس قريب ان شاء الله بطلبها والله يكتب اللي فيه الخير بحاول ادورها اب امازون يمكن موجوده عندهم بس احرص اني اخذ الشكل اللي بالصوره عشان اضمن انه الاصلي صح ؟

اي حبيبتي موجود بامازون اي نعم احرصي بالبحث على dr.roller
لان اهو المنتج الوحيد مرخص من ادارة العقاقير
في ماركه مشابهه لها اللي اهي dr.snaks اظن جذي تنكتب
مقلدين الماركه عدل بالشكل وبالون وبكل شي
بس اكيد الجوده تختلف
واذا جربتيه عطيني النتايج اول باول :eh_s(17):

 

[حضن امى]

تصدقين اللى بالدعايه معطينها علبه فيها كل شى من المخدر الى الفيتامين للوجه
عموما حبيبتى انا خوافه بشكل ماتتصورين تدرين الكبر ((كبرنا وضعف قلبنا))
فيه عياده بالكويت رخيصه تسوى الطريقه الدرما وبسعر رخيص
وابى اعرف كم سعر الجهاز الديرمارول الامريكى مع التوصيل ولاعليج امر
وموفقه اختى والله يسعدك بالوجه الجديد

 

[MaZyOoOoNa]

يبيله

 

[ReeM ^ Style]

تصدقين اللى بالدعايه معطينها علبه فيها كل شى من المخدر الى الفيتامين للوجه
عموما حبيبتى انا خوافه بشكل ماتتصورين تدرين الكبر ((كبرنا وضعف قلبنا))
فيه عياده بالكويت رخيصه تسوى الطريقه الدرما وبسعر رخيص
وابى اعرف كم سعر الجهاز الديرمارول الامريكى مع التوصيل ولاعليج امر
وموفقه اختى والله يسعدك بالوجه الجديد

هلا حبيبتي
والله بعيادة الكويت سالت عن عيادتين اللي انا فاتحه عندهم ملف
مركز علاج-وطيبه كلينك
واكتشفت انهم نفس الاسعار ويوم استفسرت عالطريقه نفس الطريقه اللي سويتها بالظبط
وبالعكس لاتخافين ولاشي مافي الم بتاتا واذا كلش خايفه تجربينه مع اني متاكده اذا جربتيه بدون مخدر ماتحسين بشي
المهم طريقة التخدير بالبيت : تدهنين وجهج كله بمخدر املا وعفب تاخذين نايلون اللي اهو حافظ الطعام الشفاف وتغطين وجهج كله وتفتحين فتحتين اللي اهم صوب الخشم للتنفس وفتحه للحلج << لاتغطين وجهج كله بعدين تقولين ريم ذبحتني
وعقب نص ساعه بلشي شغلج وماراح اتحسين بولا شي
اما بخصوص سؤالج عن الديرمارول اللي اوفره الجواب بالخاص
وحياج الله حبيبتي :eh_s(17):

يبيله

حياج الله حبيبتي

 

[*kim*]

مشكووره لعرض تجربتج

 

[ReeM ^ Style]

العفو حبيبتي
وحياج الله

 

[كسرت غروري]

مشكوووره وبكم سعره ... عادي الاقيه بالصيدليات بالسعوديه والا وين بالسعوديه الله يعافيك الاقيه