الدين صار ع ناس و ناس !!

[CUTE ENGINEER]

دايما جذيه
أعرف واحد مسوي روحه دين وملوع جبد خواته لاتلبسون جذيه
ولاتاكلون بهالمطعم لحمه مو ذبح إسلامي

وآخر شي يوم خطب وتزوج شنو خذا؟؟؟

وحدة مو متحجبة!!!!!
وقعد يتفلسف مابي أسوي عرس عشان الأغاني غصبوه أهو وأهله وسى لها عرس ودي جي بعد

ولحينها مومتحجبة وموناوية تتحجب بعد

شرايج؟؟؟

عيل على شنو تفلسفك أول وديانتك والمايد اللي تروحها وهذا حلال وهذا حرام

وينك عن مرتك الحين؟؟؟

 

[احلام روحي]

محد يحلل ويحرم بكيفة -- الدين من الله نازل مومنهم -- بس اهم قاعدين يمصخرون نفسهم بالاول لان محد بيمشي بفتاويهم -- ليش وين قال وقال الرسول وين الدليل احنا موغنم نتسير من اي احد !!

والله بيحاسب كل انسان على عمله -- ترا في ناس وايد ملتزمين ودعاة ومايقدرون على اهلهم -- والله حرام -- يعني تلقى يشد على اهله ومن وراه يسوون اللي يبون -- خو الهداية من رب العالمين شيسوون بعد !!

الله يعينا على طاعته

 

[در الـبحـور]

السلام عليكم

الله المستعان

للأسف ناس صارت تشوه الدين الإسلامي بأفعالها لا حول و لا قوة إلا بالله

خواتي مو كل من حط له لحية معناته دين و موكل وحدة تغطت معناته ملتزمة و تعتقدون كلهم جذيه شينين ؟؟

حبيباتي في شي إسمه ( تقوى الله و حسن الخلق )

يعني لا تعتقدون إنه هالأشكال تمثل كل الملتزمين بحق لا يا حبيباتي هذيله للاسف شوهو سمعة التدين الصحيح بأفعالهم السيئة

و الملتزمين الإلتزام الصحيح و يتبعون كلام الله و سنة رسولة موجودين بالديرة نحسبهم كذلك و الله حسيبهم عسى الله يحفظهم

و مو كل واحد طلع يفتي شيخ معناته ؟؟ الله المستعان اشكثر سمعنا سفاهة البعض في القول و يدعي التشيخ الحمد لله الذي عافانا

بس اللي بقوله مو كل المتدينين مثل اللي تفضلت أختنا و اذكرت مواقفهم

و عسى الله يهدينا أجمعين و دعو الخلق للخالق حبيباتي

 

[*أم*خالد*]

الواحد عنده عقل ويفكر مو بكل شي فتاوي فتاوي

يشوف وين المصلحه وشنو الصح ويحكم عقله وضميره ويعرف

لأن بالنهايه الفتاوي تتأثر بوجهة نظر الشخص وشخصيته اذا كانت متفتحه راح تميل للتحليل واذا كانت متشدده راح تميل للتحريم

مثل مسألة النقاب أو الموسيقى أو قيادة المرأة للسيارة إلخ إلخ

 

[fllaa]

مشكورة على طرحج هذا الموضوع إلي يبين حسرتج على هالناس..لكن حبيبتي لازم نعرف ان( لكل قاعدة شواذ) وألي تكلمتي عنهم فئة قليلة جداً ما تمثل الغالبية من المتدينين...
والخوات إلي قالوا ان الدينين يخزون ويطالعون أول شي حبيت أقولكم شغلة أن العتب على البنت الغير محتشمة وما ننسى ان الشيطان شاطر سواء للملتزم وغير الملتزم فالرجل يحترم المرأة من لبسها.....بفضل الله سبحانه انا لبسي محافظ جداً وعمري كله محد رفع عينه علي سواء في مجمعات أو مطاعم...إلخ
ولي تكلمت عن الفتاوى والحلال والحرام فحبيت اقولكم ان الحلال بين والحرام بين...والشيخ الثقة معروف والكتاب والسنة موجودين..

وتقبلي مروري والله يهدي الجميع..

 

[أنفاااس ورود]

يسلمو خيتو Love s_h_f بس اقولج مو كلهم القليل والقليل جدا منهم

حبيت اعلق ع كلام اختي7neaN

عيل انتي أهون أنا قبل جم يوم رايحه تروفاليو وكان في ريال دين واقف يم الكاشير ولا تمر وحده متحجبه
بس مملوحه قعد يخوزر فيها تخوزر اهي مسكينه ما لاحظت بس أنا طارت عيوني قاعد يطالعها مطالع لا و الأدهى
من ذلك قام لف جسمه كله لين راحت أمبي شنو هذا و لحيته شطولها يعني شيسوى عليه باجر يقولون عنه لحيته شطولها وقاعد يخوزر بالبنات يعني بصراحه أنا أستغرب أنا أحب الإنسان المتدين الي يكون صادق بدينه و معتدل فيه بس جذي لأ .. ! معاج % حبيبتي ... لا والي قلتي أهون بعد ..

خيتو قلبي الغلط منها اهي بعد لانها اكيد ان لابسه لبس مو محتشم الي خلت المطوع يخوزر فيها
وانا ماقول انه مو غلطان بلى غلطان الف مره وكلهم عليهم الغلط اهي لبسها اكيد ماشي حاله واهو يخوزر
موعشان مطوع خلاص يعني مايخوزر المخوزر في كل الرجال الا ماقل ولونها لابسه لبس عدل جان شفتيه ماخوزر ولاالتفت لها بعد وتقولين لحيته شطولها يعني اكيد انها لافته انتباههـ ولا ماجان طالع فيها ياقلبي


لكم ودي ​

 

[om-HaSsoOon]

صح كلامج واااااااااااااخ شنو ماحب هالنووعيه يابووووووووووووووووووووووي

يحللون ويحرمون اي شي على كيفهم !

ماحب جذي تناقض مو طبيعي يخلون الواحد يعاندهم غصب ، على قولتج لحيه وطايح له تخزز بالعالم وغيره وغيره

 

[وسومه الحلوة]

صح كلامج عن هالنوعيه بمجتمعنا

والحمدلله انما الاعمال بالنيات لو كل مطوع وملتزمه اهم صح جان رحنا فيها بس ياما ناس متغطيه وداهيه وياما ناس سفور بس مشالله ومحد ينكر هالشي








وسالفة مطوع وبناته كشف واااااااااااااااااااااااااااااااااااااااااااااايد ولا اذا احد قاله شي يقول جذب بناتي مستترات والام ماتشوفين شي منها وتغطي عالبنات بعد الحمدلله احنا ناس متسترين ومتنقبين بس مامنعنا النقاب من شي ولا من مكان بس لان عقليتهم انا متنقبه يعني مو ستايل بس ماتدري ان المتنقبه اوفر ستايل عبالها بالصرصر شي وهو الصراحه هلاقه

بس شغله موحلوه بحقه الناس كلها تدري عن بناته واهو موداري بشي ولاتقولون مايقدر يقنعهم بس عالاقل يدري شصير فبيته مو صاير مثل الاطرش بالزفه ومرته تطبله

وااااااااااااااااااااااااااااااااااااااااي يااني ماحب اتكلم عن الفئه لاني شبعـــــــــــــــــــــــــــانه من اشكالهم

 

[غربــــة اِحساس]

عمر الدين والالتزام ماكان بشكل او بمظهر

الله يهديهم ويهدينا معاهم

 

[مرافئ الذكريات]

صح لسااااااااااااااااااااااااااانج
ما اقول الا يارب ثبتنا علي دينك الصحيح

 

[حبيبة أهلها]

هلا حبيبتي احيان يكون الاب الصالح فعلا وينصح عياله بس ماله حكم عليهم ولايقدر يجبرهم على شئ واحيان العكس الولد صالح والاب لاحول ولاقوة الابالله مايقدر ينصح ابووووه خوف من انة يخسره الله سبحانه هو الهادي وسبحان الله كان فرعون طالح وزوجتة صالحة وتذكرت الايه اللي بالقران والدعاء اللي كانت تدعيه زوجة فرعون
(رب ابن لى عندك بيتا فى الجنة ونجنى من فرعون وعمله ونجنى من القوم الظالمين)
والف شكر حبيبتي على الموضوع

 

[جوك احلى جو]

صاجه كثرت الفتاوي بالاونه الاخيره

 

[عــاشــقــه]

كل ؤآحد شآيف إنه صح ؤمآ يلتفت إلآ حق عيؤب غيرهـ

ؤلآ علشآن إن مقصر دشدآشته ؤمطؤل لحيته إنه مطؤع ؤيعرف الله


الله يهديهم بس

 

[غلاي غير]

الله يرفع عنهم ولايبلانا

انا حاسه فيج وبكل كلمه قلتيها

 

[روح الدنيا]

اي والله

 

[Dreamy G!rl]

من أشراط الساعة : كثرة الكذب وعدم التثبت في نقل الأخبار ، فعن أبي هريرة رضي الله عنه قال : قال رسول الله صلى الله عليه وآله وسلم : (سيكون في آخر الزمان دجالون كذابون يأتونكم من الأحاديث ما لم تسمعوا أنتم ولا آباؤكم ،فإياكم وإياهم لا يضلونكم ولا يفتنونكم) [رواه مسلم] .

هذي كلها إشارات على اقتراب يوم الحساب
الله يغفر لنا وياكم يارب

المفروض الشخص عليه من نفسه و بس ..
لو شفت بنت جدامي لابسة الي لابسة لو مايوه و الله ما أتجرأ أعيب عليها
لكن في داخلي غيررره قوويه و حب للدين بس أقول الحمدلله الذي عافانا
مما ابتلاها .. و الله ما ندري يمكن ايي يوم و نلبس أردى منهم و نطلع
أخيس منهم مليونين مره لأن القلوب بين يدي الرحمن يقلبها كيف يشاء
و تذكروا إن أصابع ايدكم مو سوى يعني مو كل ما شفتوا مطوع قلتوا
عنه هالحجي ينطبق عليه .. في ناس قمة الله يثبتهم .. و هم ترى الغلط من البنت
الي لابسه لبس الله المستعان .. و كل بني آدم خطاء ما في أحد فينا معصوم عن الخطأ
سواء مطوع حاط لحية و إلا بوتراجي و سلسله ..
عسى ربي يثبتنا و يهدينا و يغفر للجميع

 

[Dreamy G!rl]

مشكورة على طرحج هذا الموضوع إلي يبين حسرتج على هالناس..لكن حبيبتي لازم نعرف ان( لكل قاعدة شواذ) وألي تكلمتي عنهم فئة قليلة جداً ما تمثل الغالبية من المتدينين...
والخوات إلي قالوا ان الدينين يخزون ويطالعون أول شي حبيت أقولكم شغلة أن العتب على البنت الغير محتشمة وما ننسى ان الشيطان شاطر سواء للملتزم وغير الملتزم فالرجل يحترم المرأة من لبسها.....بفضل الله سبحانه انا لبسي محافظ جداً وعمري كله محد رفع عينه علي سواء في مجمعات أو مطاعم...إلخ
ولي تكلمت عن الفتاوى والحلال والحرام فحبيت اقولكم ان الحلال بين والحرام بين...والشيخ الثقة معروف والكتاب والسنة موجودين..

وتقبلي مروري والله يهدي الجميع..

كلامج عين الصح و العقل يبتيها ضبط بس بعد كلامج
ما في تعليق صراحه

 

[No0ra_q8ya]

اي والله صدقتي يا وخيتي كلامج صح بس شنسوي الله يهديهم

ويسلمووووو على الموضوع

 

[ام شباصه]

الله يهديهم ان شاء الله

 

[كونتيسة]

الاسلام دين اخلااااااااااااااق
هذا اللي نساة الناس وصارت الديانة مثل العباة تنلبس وتنقط على كيفهم [/color]
اللة يهدي الكل