الذهب

[LOVE KUWAIT1]

الحين شرايكم لو اشتري بمبلغ الثلاث الاف ذهب طقم واحد ولا اكثر من شغله بهذا المبلغ

ومثلا كل شهر او على الأقل كل مادريت انه سعر الذهب ينزل شوي اروح اشتري لي شغله بأميه او ميتين واحطها بالبنك حتى لو قطعة اسواره او قلب

تتوقعون فكرتي حلوه؟؟ انا احس انه الذهب احسن استثماار

لأنه الفلوس اذا ظلت جدامي رااااح تتبخر

 

[{ ليت ظني كآن صآيب }]

حبيبتي لاتاخذين اطقم ولا خواتم

اخذي سبائك هذي مضمونه لان مافيها مصنعيه

يعني الطقم يحسب عليج المصنعيه لما تشترينه ولما تبيعينه مايحسبها لج

اما السبائك او الليرات فهي ذهب صاااااااااااافي مستحيل تخسرين فيها

الفكره روعه وصاجه احسن استثمار

انا اذا الله رزقني ببلش فيها لان من زمان افكر فيها

 

[madam dew]

أنا مو خبيره بهالسوالف بس أعتقد تشترين سبايك أحسن من أطقم لأن المصنعيه راح تنقص من سعر القطعه
أنا هذا رايييي
وبعين لازم تت
ذكرين تاريخ الشراء لأن عليهم زكاة
تقبلي مروري

 

[LOVE KUWAIT1]

بس من وين اقدر اشتري السبايك او الليراات في محل معين؟؟

وبعدين 3000 دينار كم سبيكه ممكن اشتري فيها

يعني السبيكه او الليره بكم سعرها وشنو الأحسن

 

[*أم*خالد*]

على حسب جم سعر غرام الذهب تحدد الكميه اللي تشترينها

 

[LOVE KUWAIT1]

من وين اقدر اشتري السبايك او الليراات في محل معين؟؟

 

[كويتيه وافتخر]

طيب ليش ماتحطينها وديعه ؟؟

وفكره حلوه ترى الذهب ذخر

 

[LOVE KUWAIT1]

لا الوديعه طواله واذيه

الذهب افضل

بس من وين اشتري

فيه سبايك بالمحلات العاديه ولا لازم سوق الذهب المركزي

 

[طووم]

فكرتج حلوه ولو انها متاخره طافج يوم كانت اليره بثلاثين الحين وصلت ستين بس احسن تبدين من الحين وموفقه وكل محلات الذهب تبيع بلكويت بس اذا ناويه تاخذينه كا استثمار لاتنسين زكاته لانه مو لبس والله يوفقج