كتكوته551
New member
- إنضم
- 18 أكتوبر 2005
- المشاركات
- 3,027
- مستوى التفاعل
- 0
- النقاط
- 0
مرحبا بنااااات
في الصيف اللي طاف سافرنا انا وزوجي برحلة بحرية اوروبية تنقلنا فيها لعدة مناطق في اوروبا وكانت بصراحة رحلة روعة من الخياااااال وحبيت انقل لكم تجربتي ومعلوماتي عن رحلة الكروز عشان تستفيدون
كانت هذي الرحلة بشهر العسل وابتدت بعد العرس بثلاث أيام :
الباخرة كانت تبع شركة
( The Royal Caribbean )
وهي من أشهر الشركات التي تنظم رحلات الكروز وتتضمن عدد كبير من الباخرات الفخمة وجداول رحلاتها متعددة في مناطق مختلفة من العالم مثل رحلات اوروبا ورحلات امريكا وكندا ورحلات شرق اسيا ورحلات استراليا ونيوزلندا بأوقات مختلفة من السنة يعني خيارات عديدة ومتنوعة حتى عدد ايام الرحلة عندج خيارات وايد من 4 و5 ايام او اسبوع او اسبوعين او شهر.
باخرتنا العزيزة (اشتقتلها ) اسمها
( The voyager of the seas )
هذي صورتها بالليل..
كانت انطلاقة هذي الباخرة من برشلونة باسبانيا وسافرنا احنا لها على متن الخطوط الجوية الهولندية وكان ال
Check in
كالعادة الساعة 2 بس دشينا قبلها وسلمونا بطاقتين لي ولزوجي حق غرفتنا ونستعملها بنفس الوقت اذا بغينا نطلب شي زيادة ويخصمونها بعدين من الكريديت كارد .. يعني نفس نظام الفنادق بالضبط..
الغرف طبعا كانت تختلف في السويت وفي الغرف المطله على البحر عن طريق البلكونه (نفس غرفتنا) وفي الغرف اللي تطل لداخل الباخرة وهذي صور الغرف..
الغرفة اللي تطل على الداخل
السويت
الغرفة اللي تطل على البحر
وهذي كانت غرفتنا وبصراحة كانت مريحة وحلوه وانا وزوجي كلما تحركت السفينة ركضنا صوب البلوكة عشان نشوف المنظر لانه صج خيااااااال
الباخرة بشكل عام روووووعة نفس (التايتانيك) فخمة وفيها مطاعم وكافيهات وايد ومسارح وعيادة (وتعرفون الاجانب مايستغنون عن البار والديسكو وصالة قمار) وطبعا سوق (عندهم مثل الشارع وفيه محلات) انا وريلي نسميه شارع سالم المبارك ...وفيه صالة فيديو جيمز هذا غير ملعب التنس وملعب جولف وحمامات سباحة وجاكوزي وسبا (بس طبعا ماجربتهم لانها مختلطة) غير جذي رحنا لكل مكان عالباخرة...ونااااسه
وانتي على الباخرة تنسين اصلا انج في البحر ودوار البحر ماتحسين فيه الا في البداية اشوي بس وفي ناس مايحسون فيه ابد لكن على فكرة اهم يوفرون حبوب للدوار..
الوجبات الثلاث اليومية مجانا (الريوق والغدا بوفيه والعشا بمطعم فاخر على طاولة وقائمة تختارين منها وممكن يكون معاكم علة نفس الطاولة عايلة ثانية : كانوا معانا عايلة هندية كشخة مسلمين وعايشين بجنوب افريقيا ! ) والله لي الحين انا متواصلة بالمسجات معاهم حبوبين وكل جمعة يدزون لي مسجات (جمعة مباركة)
العشا ممكن يكون الساعة 7 او 8 او 9 (انتوا تحددون من البداية أي وقت تبون) لان لكل وقت مطعم معين بس تقريبا نفس القائمة يوفرون...القوائم تتغير يوميا وكل يوم في شي جديد...دلع دلع
وفي مطاعم ثانية لكن بفلوس مثل مطعم هندي ومطعم ايطالي ومطعم فاست فود للتغيير (جوني روكيتس)
وفي كافيه مجاني يوفرون قهوة وشاي وحليب مع معجنات وحلويات 24 ساعة ...
تاااااابع :ggdw:
في الصيف اللي طاف سافرنا انا وزوجي برحلة بحرية اوروبية تنقلنا فيها لعدة مناطق في اوروبا وكانت بصراحة رحلة روعة من الخياااااال وحبيت انقل لكم تجربتي ومعلوماتي عن رحلة الكروز عشان تستفيدون
كانت هذي الرحلة بشهر العسل وابتدت بعد العرس بثلاث أيام :
الباخرة كانت تبع شركة
( The Royal Caribbean )
وهي من أشهر الشركات التي تنظم رحلات الكروز وتتضمن عدد كبير من الباخرات الفخمة وجداول رحلاتها متعددة في مناطق مختلفة من العالم مثل رحلات اوروبا ورحلات امريكا وكندا ورحلات شرق اسيا ورحلات استراليا ونيوزلندا بأوقات مختلفة من السنة يعني خيارات عديدة ومتنوعة حتى عدد ايام الرحلة عندج خيارات وايد من 4 و5 ايام او اسبوع او اسبوعين او شهر.
باخرتنا العزيزة (اشتقتلها ) اسمها
( The voyager of the seas )
هذي صورتها بالليل..
كانت انطلاقة هذي الباخرة من برشلونة باسبانيا وسافرنا احنا لها على متن الخطوط الجوية الهولندية وكان ال
Check in
كالعادة الساعة 2 بس دشينا قبلها وسلمونا بطاقتين لي ولزوجي حق غرفتنا ونستعملها بنفس الوقت اذا بغينا نطلب شي زيادة ويخصمونها بعدين من الكريديت كارد .. يعني نفس نظام الفنادق بالضبط..
الغرف طبعا كانت تختلف في السويت وفي الغرف المطله على البحر عن طريق البلكونه (نفس غرفتنا) وفي الغرف اللي تطل لداخل الباخرة وهذي صور الغرف..
الغرفة اللي تطل على الداخل
السويت
الغرفة اللي تطل على البحر
وهذي كانت غرفتنا وبصراحة كانت مريحة وحلوه وانا وزوجي كلما تحركت السفينة ركضنا صوب البلوكة عشان نشوف المنظر لانه صج خيااااااال
الباخرة بشكل عام روووووعة نفس (التايتانيك) فخمة وفيها مطاعم وكافيهات وايد ومسارح وعيادة (وتعرفون الاجانب مايستغنون عن البار والديسكو وصالة قمار) وطبعا سوق (عندهم مثل الشارع وفيه محلات) انا وريلي نسميه شارع سالم المبارك ...وفيه صالة فيديو جيمز هذا غير ملعب التنس وملعب جولف وحمامات سباحة وجاكوزي وسبا (بس طبعا ماجربتهم لانها مختلطة) غير جذي رحنا لكل مكان عالباخرة...ونااااسه
وانتي على الباخرة تنسين اصلا انج في البحر ودوار البحر ماتحسين فيه الا في البداية اشوي بس وفي ناس مايحسون فيه ابد لكن على فكرة اهم يوفرون حبوب للدوار..
الوجبات الثلاث اليومية مجانا (الريوق والغدا بوفيه والعشا بمطعم فاخر على طاولة وقائمة تختارين منها وممكن يكون معاكم علة نفس الطاولة عايلة ثانية : كانوا معانا عايلة هندية كشخة مسلمين وعايشين بجنوب افريقيا ! ) والله لي الحين انا متواصلة بالمسجات معاهم حبوبين وكل جمعة يدزون لي مسجات (جمعة مباركة)
العشا ممكن يكون الساعة 7 او 8 او 9 (انتوا تحددون من البداية أي وقت تبون) لان لكل وقت مطعم معين بس تقريبا نفس القائمة يوفرون...القوائم تتغير يوميا وكل يوم في شي جديد...دلع دلع
وفي مطاعم ثانية لكن بفلوس مثل مطعم هندي ومطعم ايطالي ومطعم فاست فود للتغيير (جوني روكيتس)
وفي كافيه مجاني يوفرون قهوة وشاي وحليب مع معجنات وحلويات 24 ساعة ...
تاااااابع :ggdw:
