الرسم علي الزجاج

[أمي غلاها غير]

مرحبا بنات انا ودي اتعلم رسم علي الزجاج لما اقول لاهلي يضحكون بنات امانه ابيكم تنصحوني بالالوان الحلوه واللي تضل فتره طويله وشنو اسمها وابي مكان اتعلم فيه بالانترنت

 

[ياحلاتي قمر]

في الوان خاصة للزجاج تلقينها بجرير وايد حلوين ويضلون حتى لو غسلتي بالماي
وينفعون بعد حق الملابس انا شاريه منهم

اما عن المواقع مادري الرسم على الزجاج سهل انتي بس طلعيلج رسمه وحطيها خلف الزجاجة وابدي حددي بقلم التحديد الأسود او الذهبي الخاص بالزجاج ولوني بعدين بالوان الزجاج

اذا لقيت مواقع تعليم بحطلج

 

[أمي غلاها غير]

شكرا ياقلبي

 

[أحلى عيون]

شوفي يا قلبي انا صار لي اكثر من 3 سنوات كنت ارسم على الزجاج وبصراحه كانت هوايتي والكل كان يعجبه شغلي حتى والله اذكر بيت اهلي اشتريت زجاج ورسمت عليها وعلقتهم وبيت حماي كان جديد وبيت اختي


شوفي يالغلالا انا بصراحه اجيب زجاج على اشكال المدور ولا المربع ولا على شكل قلب المهم واجيب جلاد سميك بس ملون يعني لون مثل احمر اخضر اي لون

اقلب الزجاج يعني اخلي المرايه تحت واللون الرصاصي على وجهي
وبعدين اجيب الكربون الازرق اذا عرفتيه احطه على الجلاد واجيب الرسمه واحطها على الكربون وبعدين امشي عليها بالقلم ليما تخلصين طبعا تكون الرسمه صارت على الجلاد


وبعدين تجيبين المحدد السكين (الكتر) او (الشفره ) وتقصينها وبعدين يوديها زوجي للمحل الزجاج ويرش علي الشكل من ورا الزجاج بالتراب عندهم أله وبعدين ليما تشوفينها من جدام زجاج عادي تغسلينه وتنظفينه والرسمه ورا ما يأثر عليها شي

بعدين اجيب الالوان والونها من ورا الزجاج تبين لون شفاف يعني فاتحه تشوفين الي وراها ولا تبين الوان غامجه شوي ثقيله يعني ما تشوفين الي وراها وبعدين تعلقينها وبالعافيه


او تبين شغله ثانيه بس هذي ما تقدرين تنظفينها تكون الرسمه على الزجاج نفسه

نفسه الطريقه تجيبين كربون وتحطين الرسمه عليها وتمشين على الرسمه يطبع على الزجاج من جدام وبعدين تجيبين عصاره بلون الذهبي ولا الفضي وتمشين عليها وبعدين تلونينها هذي سهله


واي سؤال اناحاضره

واسفه على الاطاله بس حبيت اشرح لج الطريقتين