الزوآآآآج بالجامعة .. ~

[مليارديره]

انا اول سنه لي بالجامعه وبتزوج بالصيف يعني السنه الثانيه بكون بيت لحالي ومسؤليه فوق راسي ياويلي

 

[مبرقعات]

الله يوفقكم يابنات

 

[مبرقعات]

لاكن من رايي الشهاده قبل كل شي

 

[G!RLooNa]

حلاته عقب التخرج او على اخر سنه/ كورس

اللي كلياتهم سهالات و وناسه خل يعيشون جو الجامعه و يستانسون و اللي كلياتهم ارف مثل حالتي و مولاقين وقت يحكون راسهم بياكلون هوا و يتأخرون كاهما اللي معاي متزوجين و عندهم عيال مبنجرين :~

بعدين الزواج حلاته الوحده فوق ال٢٠ عالاقل حرام اللي يتزوجون تحت ال٢٠ يكسرون خاطري صغار صج ما عاشوا حياتهم ما يحسون فيها الا بعدين عقب جم سنه ،، انا رفيجاتي اللي تزوجوا على اول و ثاني سنه الحين عقب ٣-٤ سنين متحسفين و اغلب اللي تزوجوا صغار يتحسرون على عمرهم عقب :|

 

[مـآلي شبيه~]

لا تغرك الضحكة
النصيب حبيبتي ماندري متى وهذا شي مكتوب موبايدي
نورتي حبيبتي ..~

girloona
شدعوة يتحسرون اهوا صج مسؤولية بس مو حرب يعني على حسب التوافيق
نورتي حبيبتي ..~

مبرقعات
اجمعين ياقلبي ..~

يآحلو اللي لما يدخلون الموضوع يرفعونه بدعوة حلوة مثلهم ولهم بالمثل ان شاء الله ..~

 

[أملي بعد الله]

السلام عليكم و رحمة الله و بركاته

بدخل في الموضوع على طوووول
تزوجتي وانتي كنتي تدرسين بالجامعة ..؟
إي :p
اي سنة ..؟
آخر سنة تحديداً أثناء التدريب الميداني:eh_s(11): وقفت أسبوع عسل اجازة وبعدها رديت
يعني تقدرين تقولين دراستي أثناء الزواج كانت كورس وشوية بس
شلون كنتي عايشة مع زوجج ..؟
والله كان صعب صراحة كنت عروس والمفروض أنسى العرس وأنسى الدلع لأني برجع الجامعة وكانت آخر كورسين يعني لابد أشد حيلي :'(
تأجل الحمل من الله وحاولت أنظم وقتي للغسيل والتظيف والطبخ ومسؤولية ريلي حبيبي وتوكلت على ه إني أكمل هالكورسين على خير وعقب ما أتخرج أتدلع وأسوي اللي أبي .. وهذا اللي صار .. بعد ماتخرجت حسيت روحي عروس صج وقمت أعيش حياتي أحلى من قبل
متقبل وعادي عنده والا كان يتضايق ..؟
متقبل وبالعكس كان يشجعني وايـــد وخصوصاً بالإمتحانات ماقصر وياي الله يجزاه كل خير نور عيني
شلون كانت حياتج معاه سعيدة والا تحسين بضغوط ..؟
الحمدلله كانت حياة سعيدة ومرت بسرررعة ذيج الفترة بس ما أخفي عنج كنت مضغوطة لأني سنة تخرج وبنفس الوقت زوجة وراعية بيت وفي واحد فقيّر مسيجين ينطرني بالبيت أتزهب له واتكشخ .. ماله ذنب عشان يعاني

ادري كثرت اسئلة بس ماعليه خل نسمع تجاربكم لان في بنات وااايد يحاتون هالشي وانا منهم :d

المايك لكم ..~

وأنا أدري إني كثرت هذرة بس شسوي مشتهية أسولف وطحت عندج بموضوعج ههههه
الله يوفقج وييسر لج كل خير
صدقيني خيرة من الله والحمدلله على كلشي لا تحاتين ولا يضيق خلقج الله وياج وبيعينج ع المسؤولية والدراسة :eh_s(17):

 

[مـآلي شبيه~]

^^ حبيبتي حيآآآج الموضوع موضوعج متى ماحسيتي تبين تسولفين والا تفضفضين حياج بموضوعي حتا لو ماله شغل بالموضوع ..~
ربي يدوم المحبة بينكم ..~

 

[00اوركيد00]

انا من السعودية بس تزوجت بعد ماتخرجت من الثانويه مباشره وكنت بجامعه بس القسم الي فيه مو مرغوب كلش طلعت منه ودخلت الاكاديمية الصحيه وانا معي بنت
وتو الحين سنة اولى وحامل وبنتي عمرها سنتين باقي لي سنتين واتخرج زوجي متعاون جدا
لدرجة انو ما عارض اني اسكن مع اهلي وهو بعيد عني بمنطقة تبعد عن منطقتي 15 ساعه بالسياره
يجني مره بالشهر صحيح تعب وقلق بس كل شي يهون عشان مستقبلي ومستقبل اطفالي
دعواتكم لي ينقلو زوجي عن قريب لمنطقتي تعبت من البعد

 

[ElN00R]

غثا
لازم وحده شاطره ومنظمه وقتها صح وتتفق مع زوجها على. موضوع الانجاب

 

[You FOR Me Only]

انا متزوجه وادرس بالجامعه بس قريب اتخرج ان شاء الله

الوضع عادي بس يبيله اشوي تنسيق بس التعب صج اذا حمال ودراسه

مبرووك

 

[+دلوعه عطيه+]

انا الحين متززوجه وادرس بمكه

وزوجي عمله بالشرقيه

ومبتعدين هالفتررره كله عشان الدرراسه بهالجامعه

 

[أنهار الكويت]

اممممم انا تزوجت عقب سنه من الجامعه وحملت عطول ومعدلي نزل لان وحام وتعب وغياب وحتى لو حاضره مفهيه كنت

ووو عقب سنه هم حملت مره ثانيه والمعدل في نزوووول مستمر وانذاراااات معدل ومامداني طلعت من الاربعين وهم حملت <<<عاد هالحمال بالغلط مو ناااويته كلش بس سبحان الله

وصرت عادي اداوم ما اغيب صرت خبره لووووووول بس انا مشكلتي ان ولادتي دايما تصادف بالفاينل وليما اجلهم ما امتحن الا عقب ثلاث شهور يعني المعلومااااات ببببح طااارت ومرات كنت اغيب بالفينل واعيد الماده فهالاشياء اهي اللي نزلت معدلي واخرت التخرج

خاااصه ان تخصصي علوووم وكله مختبرات واتأخر للساعه 5 و 6 المغرب واكون قاعده من 6 الصبح لان اخذ محاضرات من ال8
صج يعني كليت هوا ... بس ريلي هم ماقصر كان المسكين يقعدني الفير عشان اراجع اذا عندي امتحان وما ينام كل شوي يفز يچيك علي يعرفني وانا ادرس لازم اغفى وتروح علي نومه.. وحطلي خدامه من اول بيبي وكنت اول اثنين اوديهم عند امي من الصبح بس عقب الثالث لا قما انزلهم مع خدامتهم عند خالتي

وبطلعة الروووح تخرجت عقب 6 سنييييين ومع الصيفياااااات ... صج صج تعبت مابغيت اشوف الشهاده
24 عمري تخرجت وماتوظفت عطول قلت بريح سنه او سنتين عقب اقدم عالوظيفه وانشالله بقدم السنه اليايه عالكورس الثاني

ولا حمواتي يتطنزون ماصارت ومتى تخرجين ودايما يعلقون كنت اقولهم شسوي يهال وحمال وسهر بالليل عالبيبي وغير اني اكون بوقتها حامل والياهل للحينه صغير يعني غير تعب الحمال تعب السهر مع البيبي وغير السهر عالدراسه .. شسوي استنخ نفسي ... ترد علي خالتي دامج تبين الدراسه ليش تزوجتي ... وانا بقلبي اقووول دامكم ماتبون وحده تدرس ليش تخطبوني من البدايه

ااااخ كانت تعليقاتهم تقهر وجدام ريلي بس يبون يبينون اني فاشله وتاخرت مع اني بالثنويه من الشطااار
مايشجعون نهائي ... يالله بس الحمدلله تخرجت وافتكيييت

 

[مـآلي شبيه~]

نورتووو حبآآيبي آلموضوع ...~
الله يتمم عليكم مع ازواجكم ولا يغير عليكم ..~

 

[سوبر لولو]

آنا ملجت في عطلة الصيف اللي طاف والحين آنا في سنة رابعة يعني خريجة وكليتي من أصعب الكليات بالكويت اللي ماكو نفس ماكو هوا
بس الحمد لله زوجي خذاني ويدري إن دراستي صعبة
وبالعكس قعد يشجعني إني أدرس وأخلص لأنها آخر سنة

ومافيها مشاكل اذا وحدة تزوجت وتدرس

 

[مـآلي شبيه~]

^^اذا كنتي خريجة مو مشكلة بس انا مشكلتي بكون بسنة 2
الله يسلها و يوفقج حبيبتي ..~

 

[بولندية]

البنات كفوو وفوو وانا بعد ازيدج من الشعر بيت

بنت عمي تزوجت اخر كورس بالتجاري وو تخرجت و بعدين كملت بجامعة الكويت و عادي ويابت 2 او يمكن 3 و اهي بالجامعة بس بنت عمي انا اقولج عايشة مع حمولتها و بيت اهلها قريب يعني وضعها كان يساااعد

مثل ماقالو البنات يعتمد عالريل اذا كان متفهم والاهل اذا كانو يساعدون المرا والله يوفقج

 

[( ~[ وتــين ]~ )]

حسب التخصص يعني اذا تدرسين طب او ما يماثله من تخصصات مستحيل !!!!

 

[*سعووووديه*]

انا تزوجت بعد سنه ثالثه جامعه
واخذت الجامعه باربع ونص زدت سمستر يعني درست سنه ونص وانا متزوجه
والحمد لله مرت باريحيه عاددي بس الصراحه على حسب الزوج
يعني ماكنت اطبخ ابد دايما امي او امه يطبخون لنا لحد ماتخرجت
ويخليني عند اهلي بالاختبارات ومشجعني يبيني اخذ الشهاده
وانا ابدا مافكرت اترك دراستي هي اهم شي
واجلنا الحمل لحد ماتخرجت ثم حملت
يعني بالنهايه رغبتك +وتعاون زوجك معك اهم شي

 

[مـآلي شبيه~]

نورتوااا حبايبي ...~
تخصصي مو نادر ولا طب ..~

 

[Om fhoood]

تبين نصيحتي
انا تزوجت كنت ثالث سنة وبرابع سنة حملت وتأخرت
تخرجت ب 6 سنين لووول بس الحمدللة عدت
بس كنصيحة ما انصح الوحدة تستعيل الا تكون بأخر سنة او تأجل الحمال شوي ترئ المسئولية صعبة زواج وياهل ودراسة