الزوجة الحكيمة تحل مشكلتي

[احلا المزايين]

السلام عليكم ورحمة. زوجي الوقور المحترم اهني اللي مايحط عينه بعين مرة ولا عمري كشفته بأي علاقة واللي صبرت علا عصبيته ومزاجيته واحتويته واستنفذت كل قدراتي ?. الاغراء والجنس وخفة الدم حتا وزني مايزيد عن المثالي عشان اترس عينه. واشياء مااقدر اذكرها عشان مااطولها عليكم. يسافر كل سنة مرة ومع اصدقائه. المحترمين سنة شرق اسيا سنة ماادري وين كل سنة ديرة وانا يسفرني كل سنتين مرة ماادري شالحكمة حاولت اخليه يسفرني بكل الطرق فأنا ماامل عن البحث عن حلول ماو فايدة انانية فطرية سبحان الله وكنت متضايقة من سفراته اللي مالها معنى وماكنت سلبية دايم اذكره بالامراض وقصص االفها ماكو فايدة. عاد هالسنة عرفت ليش زوجي المحترم كل هالسنين يسافر مع اني كنت شاكة بس وين الدليل. الايفون فضح الرياييل طلع يسافر مع ربعه المتزوجين هاذي مشكله ثانية بعد لهدفين السكر والزنا. واهو اهني مايسوي هالشغلتين واجهته انكر وصال ربعي مصورينها انا مالي شغل والبطول ربعي مصورينهم لاني شفت وحدة اجنبية طبعا واضح جايبينها من الشارع ولابسة قطعتين الاخت والشباب يكلمونها وطبعا اكيد اهو معاهم والفيديو الثاني يصور بطول خمر يحر ربعه اللي يدرسون بالاردن. الظاهر حتا الاي بدرسون لهم اهداف ثانية انا من الصدمة ابردت اطرافي وانعدم الاحساس عندي واجهته وانكر قال مو انا ربعي واعتذر صدقته او سويت تفسي مصدقته. عشان لا يتمادا. وعطيته كلام قويي بالعظم وماادري انا صح والا غلط

 

[شادن33]

حياتي
والله أنا سوالف السفر وزنا مااعرف شنو حلها

يمكن البنات يفيدونج

حياتي الله يصبرج ويسخره لج ويبعده عن الحرام

 

[اميرة زوجي]

هو بيصلي وملتزم؟

 

[فوفو22]

كاتبه موضوع عن كشف الزوجه خيانه زوجها

وطرق العلاج

انتظري ينزل هاليومين لاني كتبته من اسبوع

فوفو

 

[كريستال]

الله يعينج

اذا هو زين معاج ومب مقصر في البيت والعيال ماتقدرين الا تدعينله بالهدايه وتعيشين حياتج وهو قومي بواجباته بس خليلج حياتج الخاصه

ولاتبنين سعادتج على زوج بالذات هالنوعيه

اما اذا انتي متاكده من انه يزني هذي شي ثاني لانه خوفج من الامراض هني لازم تحطين له حد يا يبطل الزنا والخربطه ولا مافي علاقه

الوحده ماعندها اغلى من صحتها واذا مستغني عن نفسه بكيفه بس انتي لا

الله يفرج همج ومثل ماقلتلج ادعيله بالهدايه والعقل *

 

[Nourie]

الله يعينج حبيبتي

 

[PuPa^^SWeeT]

والله انا تجمدت اطرااافي من الخووف



ما اقدر اعطيييج نصييحة



سامحييني

 

[Gifts&Occaions]

الله يعينج

 

[اشلون يعني &]

هذي مشكلته مو مشكلتك
ديري بالج من الامراض

 

[Om_Ksha]

الحل ماكو سفر مع الربع

 

[اسبانيه]

ذكريه بالموت لانه هادم اللذات وقوليله لن محد ضامن عمره بالدنيا وحاولي بالكلام الطيب تكسبينه وادعيله والله يهديه ويسخره لج يارب

 

[ام الشقى]

الله يكون يعونج والله يهديه

 

[فوفو22]

الظاهر موضوعي الاداره مارح تنزله الا عقب العيد

فارد عليج الحين

1-الزوج اذا حط براسه يسافر ....رح يسافر لا يرد على مره ولا غيره
2- السفره لغير مكه بالنسبه (( للزوج والاصحاب )) توقعي غير المتوقع
3- الصور اللي شفتيهم جايز صح ان المشروب والبنت تتعلق ببعض الاصحاب


الحل:-

1- لشراء راحه البال والمزاااج البعد عن التفتيش وعدم التدقيق بالموضوع لانه

الزوجه الدقيقه والذكيه تتعب بهيك امور ......والزواج مو يومين او سنيتن حتى نحاسب

الزواج يعني عقد مدى الحياة

2- العلاج الجذري للزوج تتحمل جزء منه الزوجه

نعم الزوجه

رايي كل زوجه يوميا تحضر درس ديني حلو وقصير لزوجها مثل حكايات الف ليله وليله

لانه النصايح المباشره صارت تنفّر ما تخّوف ......واللي ما عندها مهارات الشرح والتمثيل تفتح تيوب

للبرفسور طارق حبيب اود. طارق سويدان او د.العريفي او د.العوده د.القرني وهناك ايضا دكاتره مصريين لا تحضرني اسمائهم

لديهم محاضرات لترهيب الزوج من السفر للمتع وغيره

3- اي عذر يقوله زوجج اقبليه واستخدامي فن التغافل وهذا الاسلوب يجعلج توصلين مرحله السمو بذاتج
تحتاجين تدرريب عليه

4- اقرئي موضوعي لما ينزل قريبا بنفس القسم يمكن يفيدك كثير

فوفو

 

[بنت الرحاب]

زنا

وخمر

شبقى هذي من الكبااائر

اول شي ينسى يساافر واذا صمم يسافر خل يطلقج اول وعقب يتسهل هدديه تبلغين اهله وهدديه بالطلاق وخوفج من الامراض

دزي واتسب لشيخ دين وقوليله زوجي يسكر ويزني هل اقامتي معاه حلال والجواب الي بيدزه لج وريه زووجج ولا دقي علي شيخ دين جداامه واساليه

مافيه احد كثر المشايخ راح يفتوولج بسالفتج بيقوولج سوي كذا وكذا واذا مانفع بيقوولج شتسوين وكله بما يرضي الله

والاستغفاروالدعااا اهم ملاذج في الاول والاخيررررر

 

[معي احلى]

الزنا والخمر من الكبائر ... لهذا الدرجه يتفاخروا فيها .. ومدمنين عليها .. يشدوا لها الرحال .. ؟؟


العزابيه .. نقول شلوهم الجن .. فوق المعصيه يمرض نفسه ؟؟؟ بس مزوجين وحلالهم بالبيت .. فوق المعصيه .. نقل العلل للزوجه البرئيه الجالسه بالبيت .. .. ويدوروا الحرام ..


حسبي الله ونعم الوكيل ..
حسبي الله ونعم الوكيل
حسبي الله ونعم الوكيل ..

 

[Alias]

حبيبتي هو من اخذتيه جذي ولا فترة وتغير

 

[كارلوفي فاري]

الله يهديييه. ومثل ماقالت فوفو استخدمي فن التغافل.

 

[كليـ دلعـ]

اشوف انج عاجله

وحكيمه ورزينه

وعقلج يوزن بلد

تحاولين كل هالسنين ماتخلين له هفوه عليج اوخطا

برافوو عليج


ومساله ان زوجج خان او دور الفساد اواواوو


هذا مودليل نقصن فيج

مودليل خطا منج

مودليل تقصير من ناحيتج

بس الريال بطبعه الخيانه

منو اللي زوجها مايطالع

مايغاازل

مايكلم

مااله مااظي

مايتغيير ويرد للسوالفه

مايتزووج

ما وماا وماا وماا

لا يااا امي

كلللنا نشكي

لاتقوولين ريلي ملاك ماشفت عليه شي

هذا مودليل ع نزاهته!!

احنا بزمن الاي فوون الشات وووووو

معقووله مايدش مني مني يتونس يجرب يضحك

!؟


لاتصيررين ساذجه !!

وع فكره اغلب الحريم اللي ريايلهم يتزوجون عليهم ويخونونهم

تكون صاروخ

تكون جسم

تكوون كامله!!

والله واايد اعرف انصصدم اقوول شيبي غير جذي

شيبي اكثر من جذي!؟

فلاتفكرين ان من العيب اللي فيج اهو سوا

لا اهم يسوون لما يبون يسووون فقط لاغير

وبعدين انا دم ضروسي

سفر الريل مع ربعه

هذي مساله ماافيها تهااون

يعني بالله مسافر يبي مسيد بالصوومال!؟

اكيد مسافر للخياس يختي بالعقل بالمنطق!

اذا موعمره

والا قنص

معنااته فسسسسسسسسااااد

المفروض ماترضين ماتسمحين

المفرووووووووووض


لكن هذا اصبح بالمااضي


الحين حبيبتي

سالتيه وهزييتتيه وعلمتيه انج كشفتيه

اوك تصرفج سليم

انتي بداخلج ثقي انه يجذب ولاتصدقينه

بس عشان الحياه تستمر مثلي انج صدقتي

وهذا اللي انتي سويتيه شاطره

وعطيتيه كلمتين بالعظم

عفييييييييييه. عفييييييييييه. عليج

ممتااااز تصرفج ممتاااز

الحين

البااجي

تتغيرين بالمعاامله لازم يكون فيها جفاف عشان يحس انج مصدوومه منه

ويانبه ظميره

ثانياا

سفر مع الخمه مسسسسستحيييييييييييييل


ولاعااد تسمحين له

لانه موثقه. ولاكفو

 

[احلا المزايين]

الله يجزاكم الف خير علا الردود الطيبة ترا انا اعليمية بالمنتديات ومتاعرف اقتبس الردود اعذروني

 

[احلا المزايين]

كلي دلع. مشكورة ع الرد يحياتي. والله انا من الحريم اللي ماخليت شي لا بالكتب ولا بالنت عن كسب الزوج ماطبقته كل شي قالته ناعمة الهاشمي ينطبق ع شخصية زوجي سويته نجحت في كسبه ولككن مانجحت في منعه من السفر. كلي دلع انا لي سنين احاول امنعه ماقدرت عسا الله يقدرني هالمرةوامنعه