الزوجة الحكيمة تحل مشكلتي

[احلا مجنونه]

والله ضاق صدري من الي شفتيه
انتي سويتي الي عليج اذا قال بسافر رحبي بالفكره ولاااااااااا تعارضين وراح تنصدمين من رده فعله : مجربه الحركه :

 

[احلا المزايين]

رزة وكشخة مشكورة يحياتي ويعطيج العافية بس المشكلة الجذب بالحلم كذب على الله فما بجوز والله يارزة الفت قصص الدنيا وصدق وتأثر بس ماتاب وسوا هالحركة









مجنونة. مشكورة حياتي بس استخدمت هالحركة وقلتله سافر وانا بستانس اهني وبسويلي جدول كل يوم بروح مكان ههههه يعني بحرة بس مافادت هالطريقة الا انها تقلل مدة السفر يعني اذا ناوي اسبوعين بتصير اسبوع. وجربت ابين اني متضايقة ماكو فايدة.




احسن طريقة واللي ماجربتها ليلحين لا ابين زعا ولا رضا واذا دق علي ماارد اخلي الوضع غامض.
عسا ربي يهديه

 

[سمر20]

الحل:
تذكرين مسلسل طاش ماطاش
حلقة الازواج اللي يقولون لزوجاتهم احنا بنروح مكه نعتمر وهم رايحين مصر وزوجاتهم تنقبوا وسافروا وراهم وعلى نفس الطيارة ونزلوا بنفس الفندق ومسكوهم متلبسين احس هذا الحل ممممممممممم ما اعرف تجربتي الزوجيه قليلة توني متزوجه بس يمكن تنفع لا الرجل مايعترف لو تجيب المباحث تحقق معه ما يعترف بخيانته لزوجته

 

[Patcholli]

الحل مو بيدنا بيد رب العالمين انه يهديه ويسخره لج ويبعده عن هالكبائر ..

ادعيله حبيبتي وكثري دعاء وقيام الليل لاتنسينه وفوضي امرج لله وطلعي صدقه دايما بنية هداية زوجج

اختي لاتستهينين بهالشي ادري تبين حل عاجل بس والله والله والله غير الدعاء وغير ربج ماكو حل وترى رب العالمين مايخذل مؤمن يتوكل عليه ويفوض له امره ..

ونصيحه لاتنبشين وراه مدام تبين تظلين على ذمته وتبينله الهدايه تركي عنج التنبش .. خلاص انتي دريتي انه عنده هالسوالف التنبش الزايد بيحرق قلبج وبس ..

خليه يشوفج وانتي على سيادتج

وانتي طول الوقت مجابله ربج وتدعين وتصلين

راح يستحي على دمه ويتفشل حتى لو مو جدامج بينه وبين نفسه بيحس انه صغير وتافه

 

[احلا المزايين]

باتشول الله يبرد لج قلبج ويسخرلج زوججالدعاء اهو الحل الاكيد




بس احنا يالحريم بهاللحظة نمر بضعف ونبدا انتخبط.
اسأل الله ان يسخر زوج كل وحدة ردت علي اللهم امين

 

[عيون ملكيه]

تصدقين سالت ريلي قلت له وحده تقول جذي و جذي و ريلها يروح مع ربعه و يسوي جذي و جذي

شنو تسوي برايك ؟

قالي كلام صراحه خلاني انصدم


يقول ان بعض الشباب اله يداهم يحبون حريمهم و يموتون فيهم و المره تكون مو مقصره و اهو يدري و عارف بهالشغله ...


لكن لانه ربعه كلهم نفس القذاره او فيهم هالصفات السيئه و احيانا ترا واحد يخرب مجموعه كامله

ينجرفون معاه او معاهم

يعني يكابر يقول لا ما ابي اشرب او ما ابي بنات او يطلع و يخليهم بسهرتهم و يضغطونه او يتمسخرون عليه و يقولون اي المعزبه او النسره و من هالسوالف


يعني في شباب ممكن يقعد بهالقعدات بس ما يسوي و لا يفعل شي بالقعده

وفي شباب لا يستغلونها استغلال و يسون كل شي و الحجه مع الخير ياشقرا



اما العلاج لمثل هالسفرات ماكو حل

قالها لي و انصدمت

اذا الريال يبي يروح يروح غصب طيب يروح يسوي المستحيل عشان يروح

حى لو مفلس يدبلا يتدين ياخذ قرض

الحل الوحيد ان يكون مشغول او ملزوم بشي مايقدر يخليه اهني ممكن يأجل او يخليها وقت ثاني


لكن اهي من نفسية الشباب او الزوج نفسه


اذا حيل متعلق بربعه و يبي السوالف او تعجبه جمعتهم ما راح يتغير لين يمل


اما اذا عادي اهي فتره وبيمل


:eh_s(4): انا من رايي اقولج خربي البيت كل يوم كسري حنفيه و لا فجري الثلاجه ههههههههه


فلسيه و خليه عالحديده


ماعليج الريال الفلوس اهي اللي تمشيه اذا شاف عنده فلسين نغنغ روحه و نساج و نسى عياله


و انتي الله يكون بعونج

انا مالي خبره كافيه لكن كلام ريلي مقنع لان عشت مرحله معاه كان كل يوم يطلع شاليهات و مخيمات مع ربعه بس من مل منهم بطل يروح لأن واحد من ربعه صار مو فاضي و اهو يحب قعدته و من قطع هالريال ريلي قطع هالطلعات

 

[احلا المزايين]

اشكرج عيون ملكية ع الرد واحلا ما بردج كان من زوجج اللي هو رجل وعارف نفسيات الرجال الله يعطيج العافية
ومن الناحية المادية انا معتمدة عليه اعتماد كلي بس هم ماكو فايدة اصبر نفسي واقول سفرة بالسنة بس انا ليلحين مايأست وبتم احاول امنعه ولا حول ولا قوة الا بالله

 

[عيون ملكيه]

اشكرج عيون ملكية ع الرد واحلا ما بردج كان من زوجج اللي هو رجل وعارف نفسيات الرجال الله يعطيج العافية
ومن الناحية المادية انا معتمدة عليه اعتماد كلي بس هم ماكو فايدة اصبر نفسي واقول سفرة بالسنة بس انا ليلحين مايأست وبتم احاول امنعه ولا حول ولا قوة الا بالله

بعد عمري والله حاسه بحالتج

بس ترا في شغله قالها ريلي و نسيت اقولها لج

الريال اللي مرته تحاول تمنعه يعاندها و يزين الشي بعينه اكثر

انتي شرطي شرط قبل لا تسافر مع ربعك ( ركزي قبل ) سفرنا

وبالسفره تعبيه جسديا و ماديا وخلي السفره معاااااج غير

و طولي السفره و حاولي تخلينها بنفس توقيت ربعه

يعني حاولي تجيبين اقرب وقت لهم عشان ما يقدر يسافر معاهم

 

[احلا المزايين]

اي انا من هالناحية مو مقصرة بس اذا الله بلاج برجال عنيد شتسوين تعبت اقوله سفرنا بكل الطرق مايسفرنا الا بالسنتين مرة ببس عقب اللي شفته بغير موقفي ابصمم يسفرني لانه وضعي الحين يختف عن قبل الحين شايفة عليه شي وابذله فيه��