- إنضم
- 24 ديسمبر 2011
- المشاركات
- 6,910
- مستوى التفاعل
- 0
- النقاط
- 0
قوه بنات
استغرب من بعض الزوجات لي اي درجه فيهم طمع وحب فلوس
جنهم مو شايفين خير وماخذين الريال على انه بنك مركزي واذا قالها ماعندي قلبت ونكدت وتهاوشت معاه
اللي خلاني اكتب هالموضوع وحده اعرفها الله يهديها
يايه حق ريلها اخر الشهر تبي منه طقم ذهب
الريال ماقالها ماراح ايبلج قالها نطري بعد اسبوع ينزل المعاش ولج احلى طقم
تهقون شنو قالتله ؟؟ والله لو اني مكانها جان استحي من هالرد
بس الحلوه اعفست الريال وانتو مو قادر تصرف علي وانا فبيت ابوي أأشر و الطلب تحت ريلي << طل والله فبيت ابوها حتى المصرف كان عليها بالحسره
كنت اميره وانت حيل مقصر معاي الريال المفروض طول الوقت يكون مستعد حق الظروف << طقم الذهب صار ظروف ؟؟
المهم انا انبطت جبدي منها وزفيتها الصراحه
قتلها ماتستحين؟؟ الريال قالج حاظر ومن عيوني ونكدتي عليه ؟؟؟ قتلها ليش جذي تعاملين الريال ؟؟
مافي رحمه وموده العلاقه صارت ماديه ؟؟
اذا عطاج فلوس حبيتيه واذا قال ماعندي ماتعطينه ويه وتشرشحينه ؟؟
للاسف وايد بنات جذي ماديات لي اقصى اقصى درجه
اذكرلكم موقف ثاني
وحده طاحت على ريلها يكلم وحده
تهقون شسوت ؟؟
راحت بيت اهلها .. ماطلبت الطلاق ولا طلبت انها يحلفلها ان يترك هالسوالف ولا طلبت منه يتغير
اطلبت رضوه ..!! فلوس ..!! يعني الفلوس بترد كرامتج ؟؟
اوكي قط بويهج الف دينار ولا الفين ؟؟ انزين بعدين ؟؟ اهو اساسا قاط الالاف على الخرابيط يعني ماعيز عن رضوتج ؟؟ بس الي بفهمه يعني الفلوس تغسل حرقت قلبج وترد كرامتج واعتبارج وتحسين انج انتصرتي لما تاخذين فلوس ؟؟ شفايدة الفلوس والريال قلبه مو معاي ولا عندي ؟؟ لاتقولون ينقرص ويتعلم والله العظيم لا ينقرص ولا يتعلم
وعندي ارفيجات اظرب فيهم المثل
كل وحده اتهاوشت وازعلت وطلبت رضوه تقول احسن عشان يخاف يزعلني مره ثانيه
تدرون ان رياييلهم صارو اخس ؟؟
الريال بيقول وع شنو هالمره الماديه؟؟ خلاص اقط عليها فلوس واسوي الي ابيه وكل ماجكتني عطيتها فلوس وسكتها ..!!!!!!!!
مثال ثالث واخير
وحده ريلها يحبها يموت عليها ومو مقصر معاها
وشوفو الريال كامل والكامل الله
مواصفاته اخلاق سمعته وظيفته مركزه كلهم الحمدلله
بالمقابل مرته شكلها اقل من شكله وشهادتها اقل من شهادته واصلها على قدهم
خذاها وعزها ورزها وكل الي تبيه تحت ريلها
بس صارت تمصخها كثر مايعطيها ماتقول مشكور ولا الحمدلله
تقوله بس هاذا ؟؟
ابي بعد ..!!!
هات وهات وهات وهااااااااااااات
والكل كان ينصحها يافلانه حرام عليج لاتخلين الريال يقول عنج ماديه ومصلحجيه
لاتحسسينه بهالشي ..
وفعلا بعد سنه قالها فلانه انا طول هالسنه صابر واشوف اسلوبج معاي بس تبيني حق الفلوس وبس تبيني حق الطلبات واني اعطيج
انتي بالمقابل شعطيتيني ؟؟
لا لبس نفس الاوادم ولا جسم نفس الاوادم ولا اسلوب نفس الاواد ولا مهتمه فبيتج ولا ولدج ..!!
وتغير عليها الريال لان خلاص عرف ان اهي ماتبي غير الفلوس
انا هالنوع من التعامل بين المره والزوج احسه حيل غلط
شرايكم انتو اتمنى اسمع وجهات النظر المختلفه
بدون نجره ترى اختلاف الراي وارد ومايفسد ود القضيه ^_^
