الزوجه الماديه .. مو اشكره عاد ..!!

[الاحساس]

كل اللي معاي بالدوام جذي ماديين
اقولهم الحياة اخذ وعطى
واهما كلهم تفكيرهم سلبي

 

[زين ودلال]

واااااي ذكرتيني بوحده

بس تقارن ريلها بريل اختها شوف حطلها وانت ماحطيتلي سفرها وانت ماسفرتني سوالها استقبال وانت ماسويتلي وااااااااااااااي تنرفزززززز

واخر شي الريال زهققققققق ومل من الحنه وقال انا بتزوج عليها

علما ان مو مقصر سفرها وعطاها ومخليها على راحتها

 

[زين ودلال]

وترى اعرف بنات وااااااايد يقولون اهم شي الماده مو الريال !!!! استغفر الله

اقولهم اوكي بالله خذيتي ريال الله منعم عليه بس ماكو اخلاق وبس يخربط

تدرين شنو ردهم!!!!!! عادي خيخربط اهم شي فلوسه !!!! والله صدموني صج صج مو لهدرجه!!!!!

قلتلهم اوكي خذيتيه والله فقره شلون؟؟؟؟؟

ممكن تاخذين واحد على قد حاله والله يغنيه ويعيشج احلى عيشه

اهم شي القناعه

والله لا يغير علينا يارب ويهدي الجميع

 

[زين ودلال]

في مثل



اخذ مدللة ولا تاخذ معللة




المدللة اللي اولريدي شبعانة ببيت اهلها تصبر على فقر زوجها


وماعندها مانع اتساعد زوجها



بس اللي اولريدي فقرانة ببيت اهلها و ولا عندها خيير


ماراح اتحمل فكرة انها فقرانة بعد ببيت ريلها


مثل المثل ( اصووم اصووم و افطر على بصلة )



امبييييييه صح والله بالضبببببببببببببببببببط

 

[Tom ♥ Jerry]

,


الله يكون في عون ريلها !

 

[mmloo7a]

وي ذكرتيني بأخوي يوم تزوج مره ثانيه
طبعا اهو تزوج مرتين بالملجه وانفصل والسبه هالبنات
الاولى طلعت دلوعه وجافه ومايعه وتبط الجبد وماتحترمنا وماتسمع كلامه واخر شي انفصلوا اقل من شهر

والثانيه دلعها وماقصر وياها هدايا ماهدايا وكل شي وحجزلها احلى سفره شهر عسل وهالبنت ماديه بحته لدرجه ان يعطيها مصروف وتقول ماشفت منه شي ؟ ويعطيها ام الهدايا وتقول ماشفت شي حلو منه ؟ وبس كل ساعه داقه عليه ابي حق الصالون ابي حق ملجه اختي وابي وابي وابي ؟
ليش انها سمعت ان بايعين بيتنا احنا سنه 2008 وهو متزوجها 2011 حسباله وارثه واصلا اهلي سكروا ديونهم وشروالهم شقه يعني ماعطونا شي من فلوس البيت الله يخليهم لنا
وهي عباله ان بحسابه 20 الف وقاعده بس تتطلب
وعقب ما فرشوا الشقه وخلصوا وقط وايد عالشقه بعدها قالت 3000 حق العرس دبرلي ولا كيفك واساسا مومتفقين على هالشي
اهلها قالوا احنا شارين الريال ماراح نسوي عرس بس بنسوي على قدنا
عقب فرشه الشقه شرطوا عالعرس ؟ لا وتبي بأحلى الصالات صدمتنا
وماتضحك معاه الا لمن يعطيها المصروف والفلوس
يعني شلون شهالبنات الماديات
وفوق هذا وظيفتها حلوه 1000 دينار و24 ساعه بس ابي فلوس

واخرتها ردتله المهر شنو استفادت ؟

تطلقت على غباءها وافلست من كل شي والفقير باع اثاثه بخساره ماتسوى عليه زواج ولعن ام الساعه اللي ملج عليها

 

[نهى الأحمد]

هلا والله ياقلبي

الله يقويج ويسعدج حبيبتي


عسى ربي يهديهم هالحريم

 

[Zinab BH]

ذكرتوني بوحدة الله يستر عليها
تقول اهم شي اللي تزوجته جيبه مليان
و يوم بنخطب تقول لي فلسيه و كسري ظهره
و اخذي مهر وايد و شبكة شثقلها وسووي وحطي
ولا تخلين شي بقلبج الريال مايمشي الا جذي
انا اقولها انا بنت خير ونعمة الريال بالحب و الاحترام مو بالمال
صج في بنات عبالهم الزواج مصرف و بنك مركزي
صح الوحدة تصرف بس بالمعقول لا تبخل على نفسها ولاتقصر
ولا تكسر ظهر الريال
الله لا يجعلنا مع هالناس الله لا يبلانا
ويسخر ازواجنا لنا و يرزقنا الذرية الصالحة

 

[Bloom]

اتفق معاج بكل كلمه

الحمدلله لبسنا ببيت اهلنا احسن الماركات بس ماتفكر انه والله ابهاتنا صارلهم جم سنه يشتغلون ومكونين نفسهم اما الي ماخذته توه موظف وعلى قده !

 

[*مطبخ الذواقة*]

<< طل والله فبيت ابوها حتى المصرف كان عليها بالحسره ​

والله صاجه كلامج عين العقل للاسف في بنات تحسب الزوج كنز لازم تغرف منه بسرعه قبل لا يخلص ....


ما تدري انه شريك حياتها ...

باختصار هو لها بكل ما يملك وهي له بكل ما تملك ...




الله يهديهم ...

 

[مريااانه 4]

انا اشوف الي تسوي جذي ماكانت عند اهلها يعني مثل ماقلتو يجيها المصرف بالحسره
عاد قامت حطت حرته بالريال مسكين الله يعينه والله انا اشوف جذي من بنات جماعتنا جذي يسون لانهم اول عند اهلهم مكبوتين ماديا عاد ينفجرون عند الريال وما يفوتون اي لحظه ويصير همهم كل بالماده
اما القصه الي قلتيها الاولى صج ماعندها سالفه واسمحيلي اقول عنها فسقانه الله يهديها بس

صراااحه عجبني موضوعج جدا
ومشكوررره

 

[ميونة الحلوة]

الطمع ما يعرف فقير و لا غني لانه مرض في القلب الحمد لله الذي عافانا مما ابتلاهم به و فضلنا على كثير من خلقه

صحيح هو ملزوم يصرف على مرته لكن بالمقابل هي تقدر ظروفه و هما اهوا لازم يقدرها اذا اهي كانت تصرف من جيبها على البيت و ما يستغلها او ياخذ معاشها

و انا اشوف ان هالزواج فاشل و ينتهي بأن كل واحد يكره الثاني فيهم مهما تصالحوا بالاف الرضوات

الله يهدي الجميع

 

[ماكواسم2]

الموضوع حلو ...... شكرا لصاحبة الموضوع

ونبي مشاركات اكثر

 

[متواضعة]

صاجه حبيبتي

ماااعرف اشلون هالنسوان يفكرووون

لا حول ولا قوة الا بالله العلي العظيم

يعني اللحين طقم ذهب سوت جذي في ناس ماعندها تتعالج ماسوو اللي سوته

 

[امـ خــزامـى]

انا مع اختي زين ودلال بسالفة البنت اللي كل همها تتزوج واحد غني و باخلاقه فقير
هي نفسها اللي ماترضى الا برضاوه لان من الاساس تفكيرها مادي


ومع اختي ميونه الحلوه بمسألة القناعه وان الطمع مايعرف لاغني ولافقير

بتكلم عن نفسي
ابوي الله يخليه لنا رججل مثقف ياكل ويشرب على هالكتب ووظيفته مدرس
لا رجل اعمال ولا وارث
يعني نعتبر من الطبقه المتوسطه
صحيح ماقصر ساكنين بيت ملك ونلبس اللي يعجبنا من الماركات اللي على قدنا مو شانيل وديور
واذا طلعنا لزواج احنا احلى واجمل البنات لاننا مقتنعات من داخلنا
وعلى قولة وحده لي انت تصنعين من اللا شي شي حلو وجميل

وكننا ننخطب وبحياتنا مانشوف الماده لدرجه انه تزوجنا ورجالنا لسى يدرسون بالجامعه ماخلصوا
اهم شي عندنا الاخلاااااااااااااق مع العلم وربي يشهد خطبوني مليارديريه ووارثين ملااااااااااااين بس رفضتهم بس عشانهم مدخنين

والحمدالله عايشه ومرتاحه ماديتنا جدا ممتازه يارب لك الحمد وربي باركلنا بزواجنا لان اهل زوجي تجااااااااار
واختي بعد ابو زوجها كان قاضي كبير الله يرحمه مات وورث عياله ملايين
واختي الصغيره توظغ وظيفه ماشاءالله راتبها كبيييييير

والحمدالله ربي رزقنا على نيتنا وباركلنا بازواجنا

وبحياتي عمري بيوووووووم قلت ابي رضاوه فلوووووووووس هو يعطيني يراضيني بهدايا اوك مااردهم وافرح فيهم بس اطلب
فشيييييييييييييييييييييييييله ومرات اقولها موضروري كل مازعلت شريتلي عطر ولا جوال ولا خاتم
وربي لو تدخل بوكيه ورد بتسوى الدنيا ومافيها
القناااااااااااااااااااااعه يابنات سواء انت بنت فقير ولا غني


^كل اللي كتبته مو مدح لي
بس مددددددددددددح بابوي اللي ربانا هالتربيه عسى ربي مايحرمنا منه

 

[قمر بيت أبوها]

ماعقب كلامك كلام عين العقل والله
موضوعك اكثر من رائع يالغلا

 

[M!SS.LOBY]

( استعغر الله الذي لا اله الا هو الحي القيوم وأتوب اليه )

 

[خلطات المذهله]

موضوعج علي الجرح للاسف الحريم نسبه كبيره منهم صارت ماديه لدرجه وحده تسولف لي عن زوجها انها ماتعطيه حقه الشرعي الا بفلوس تخيلووووووو استغفر الله لا ايمان ولادين ولاحيا