الزوج اللي يحكر زوجته ويحبسها شنو الحل معاه

[فوفو22]

مصيبتي مرتاحة معاه بكل شي

مصيبته هاذي تغفر كل قيودده

الله كتب تاخذين زوج ملتزم وحجر ويطبق عليج

الشريعه بحذافيرها مع احساسه بالغيره عليج

وارجع واقول السطر الاول يغفر له طبعه

فوفو

 

[كزنوفا]

اخاف عليكي تصيبك حاله نفسيه من الحبسه والله انتي انسانه من حقك ترفهين عن نفسك مشان تبدعين وتعطين كل ماعندك بحياتك الزواجيه اما الحبسه مستحيل تتقلمين اذا طول ذا الحال راح يصير فيك اكتئاب وتمريضين وبعدين زوجك بتزوج عليك ههههههه كل رجال كذا لازم وضوري تكلمين احد يدخل بينكم ويفهمه والله الحبسه ماهي زينه وانتي انسانه عندك شخصيه ولاتصيرين ضعيفه مالك كلمه هو يطلع ويتمشي وينبسط وهو حابسك وش الانانيه ذي

 

[بولندية]

واي الله يعينج و اللي يقولون حب و غيرة

لاوالله مابي هالحب و هالغيرة شالفايدة عمري يروح عالفاضي

شخصية ريلج تقريبا انقرضت بهالوقت بس ماعليه حبيبتي هذول الرياييل اول الزواج يتحكمون بمصااااخة وبعدين يطخوون

 

[شمـ305ــوخ]

مشكلتي نفس مشكلتج
بس انا بزود السوق مره بشهر
برامج تويتر استغرام مافي
رفيجات مافي
وفوق هذا بخيييييييييل
بس اسكت واقول الحمدالله علي الاقل لاهو مدمن
ولا عنده بلاوي الحمدالله ع گـِْـِْلِْ حال

 

[كويت55]

حطي فبالج ان كل اللي قاعد يسوي يغار عليج
وانه مايبي احد يشوفج كاشختله غيره
وصدقيني راح ترتاحين ومع الايام الله يهديه

 

[Ms.A]

الصراحه ريلج قمته شنو هذا حياته بالابيض و الاسود
بينيله انج متضايقه
لما يقول لج شي
قوليله ان مو قاعده اسوي شي حرام ولا عيب
خصوصا اذا كان في مجلس حريم .. قوليله هالكلام و وضحيله انج مو مرتاحه و مو سعيده جذي...
اوكي برا البيت معاه حق يمكنه ملتزم شوي وما يبيج تسوين اي شي حرام
بس لا يحرم عليج شي ربج احله
ياربي آدميه انتي ...
بس بنفس الوقت
ترا في رياييل جذي
يبي بس يشوف شكثر قدرته على التأثير عليج
نفس رياييل اول
بعدين يعطيج حريتج
و يخليج على راحتج
بس صبري عليه و ادعي ربج
اهم شي لا تعاندينه
بس فهميه و كلميه و قوليله اذا مو حرام ما فيها شي اذا سويتها .. اقنعني يعني شنو السبب ورا المنع ؟؟

 

[pink chiffon]

اتفقي وياه ع الاماكن المسموح تروحين لها والاوقات

مثلا مجمعات في ايام الدوام مو الويك اند والوقت الصبح ولا الظهر

حاولي تتاقلمين مع وضعج

 

[ام فهود وشهود]

عااااااااادي حبيبتي والله بتتعودين
انا العن منج وربي شاهد
تخيلي انا ببيت ابوي هالبدل والطلعات والتمشي والوناسه
كنت غييييييييير
والحين تعالي شوفي
نفسج بالظبط
مكياج مافي لما اروح بيت اهلي طبعاً مافي مكياج احط عندهم

 

[ام فهود وشهود]

ولما اروح بيت اهله اففففففف والله البس بوشيه
والبس دسوس سودة منو يلبس بالنهار سوده
هذي اناااا
وكعب مااااافي عطر مااااافي
عبايه كشخه فوقها راااااس
مجمعات مافي سينما مستحيل
بحر ممنوع حتى جمعيه مسسسستحيييييل

يعني شوفي وين كنت وشنو صرت
عادي حبيبتي بصراحه تأقلمت
لان اكتشفت الي يسوي جذي يحب
وماقال جذي الا لان يغاااااار علي
فيا حبيبتي والله عادي اصلاً استانسي

 

[مذهــلــه]

عندنا وعندج خير حبيبتي

لي عوده

 

[كـويتية]

الله يعينج هذا يتدخل بأي شيء وهذا تحكم فيج مو غيره عليج

الشيء الزين اللي بريلج انه مايحب المجمعات

ريلي انا 24 ساعة امشي نطلع وامشيء نطلع

ترا اذا كل اللي تبينه يكون عندج بيصيبج مرض الملل كا انا زهقت من الطلعات ودي اركد بالبيت

وحبيبتي ليش ما تتغشمرين معاه قولي ليش جذي ماتطلعني نفس ريفجاتي اتمنى اكون مثلهم والا طلقني شوفي ردة فعله اذا مايبي يطلقج ادري انه يحبج ويخاف عليج

اتمنى ما اخرب بيووت >>> ههههههههه

واللي قلتلج عليه هذا مجرب اختبار

انتهت

 

[Ms.A]

الله يعينج هذا يتدخل بأي شيء وهذا تحكم فيج مو غيره عليج

الشيء الزين اللي بريلج انه مايحب المجمعات

ريلي انا 24 ساعة امشي نطلع وامشيء نطلع

ترا اذا كل اللي تبينه يكون عندج بيصيبج مرض الملل كا انا زهقت من الطلعات ودي اركد بالبيت

وحبيبتي ليش ما تتغشمرين معاه قولي ليش جذي ماتطلعني نفس ريفجاتي اتمنى اكون مثلهم والا طلقني شوفي ردة فعله اذا مايبي يطلقج ادري انه يحبج ويخاف عليج

اتمنى ما اخرب بيووت >>> ههههههههه

واللي قلتلج عليه هذا مجرب اختبار

انتهت

هو هو عاد طلاق مره وحده
لوول اعوووذ بالله ..
لا يا اخيتي لا تخربين بيت البنيه الحمدلله مرتاحه مع ريلها
ماتوصل لي هالدرجه يعني

 

[جذابه بنت ذيابه]

عادي نفس زوجي وتعودت مع الوووقت
لدرجة الحين بينا اعيال و عشره يغار و ما يحب ودايم يقولي اخاف عليج !
احمدي ربج دايم ودايم ادعي له بالهدايه

 

[مذهــلــه]

نفس ريلي بالضبط بس يقولي حطي كيلو مكياج المهم تغطين ويهج
انا مااغطي فعشان جذي مضطره اني مااحط الا كحل
وبالنسبه للطلعات مااروح الا بيت اهلي والسوق مستحيل اروحه بدونه

 

[احلا المزايين]

ههههههههههههههههه طلعنا كلنا نفس الطقة عيل تطمني وارتاحي امثالج واااايًد

 

[Sisyphus]

الله يرحم الحال
يعني نموت؟

 

[بولندية]

اي والله الله يرحم الحال و الله هذه مو غيرة حب تحكم الله يكفينا شرها

كلميه لا تسكتين حلال عليه يعيش حياته و حرام عليج

 

[PuPa^^SWeeT]

شوي شوي يفج


شكلكم توكم متزوجين




تقبلي شخصيته

 

[أم معاذ الكندري]

انا اشوف الموضوع عادي اختي
انتي شيلي فكرة انج مو متحمله
والحمدلله انتي قاعده تقولين انج مرتاحه معاه وهذا اهم شي
وقولي الحمدلله ان ريلج محافظ عليج ويبي لج الزين
واتوقع ريلج اشوي فيه من الدين والله يصلحه لج يارب

 

[miss_7sawiya]

الله يعينج