السفرة الذكية

[^^ام ميمي^^]

منو عندها معلومات بالمصاريف يعني مثلا الريوق من اي مطعم او اروح مركز لاوند واشتري منة بس انا سامعة ان غالي ابي سوبر ماركت كويس ورخيص منو تعرف شسمة وين مكانة


والشي الثاني الي بعرف عنة الرحلات الموفي وورلد جم تكلفتة والسي وورلد وجم آخذ معاي لما اروح الرحلات حق المطاعم الموجودة هناك والتصوير والاشياء التذكارية الي اقدر اشتريها من هناك

الروق اكثر شيء نتريق من ساب وي

مكتب لاوند فاتح عنده مثل جمعية مصغره او بقاله فيها فريزر يبيع فيها اللحوم الحلال

وفي عنده الاكل العربي يعني مثلا المعلبات الفول و الحمص و هالسوالف اهوا مو غالي اكلهم بس ليش ان نفس مثلا علبه الفول بالكويت تنباع ب 200 فلس مثلا اهناك تاخذينها ب 500 فلس يعني لابد الريال يبي يربح و حتى لو تقارنينه باسعارهم هناك نفسهم وممكن ارخص بعد
السوبر ماركت الرخيص بالسنتر تحت بالسرداب مكانه تحت قهوة هارد روك و مقابل ستار بكس اعتقد جذيه اذا ماني ناسيه ..



الرحلات من مكتب لاوند يعطونج عروض يعني اذا تبين مثلا 3 رحلات الرابعه مجانا او 4 رحلات بسعر 3 رحلات ومعاهم مواصلات ووجبات يعني موفرين عليج ومن تدفعين فلوس رحلاتج خلاص ترتاحين يبقة عندج مصروف اتقسمينه على كيفج على عدد ايامج اللي بتقعدين فيهم ولا تنسين اتحطين احتياط حق تاكسي اللي يوديج المطار و زياده ممكن يطلبون منج فلوس بالمطار او شيء لاسمح الله

 

[^^ام ميمي^^]

اي تذكرت وساب وي اسعاره مثل الكويت


و العشى اكثر الاوقات من ماكدونالدز بالسنتر بعد اسعاره مقاربه لاسعار الكويت يعني ممكن الوجبه بالكويت دينار ونص هناك قولي دينار يعني ماكو فرق وايد


اللي صج غالي المطاعم العربيه والهنديه والتركيه

يعني تخيلو طبق جلو كباب شخص واحد ب 15 دينار

 

[Loora]

^^ام ميمي^^ كفيتي ووفيني

صج صج استقدت من معلومااااااتج

 

[Loora]

^^ام ميمي^^ كفيتي ووفيني

صج صج استقدت من معلومااااااتج

 

[fat]

مشكوووووووووووووووووووووووووورة ام ميمي وماقصرتي

 

[Loora]

هلا فااااات


ها شنو ودج اتعرفين عن استراليا ؟؟؟؟؟ علشان انزلهم بالموضوع

 

[fat]

ابي مكان في شلال وين ؟ ومكان صيد يعني حداق وين ؟ في كذا كروز اي احسن وحدة ووين توديج والرحلة حلوة وبعد خنسولف عن استراليا ترا وناسة كافي قاعدة اكلمكم

 

[Loora]

فات ,,,,,, تقريبا الرحله اللى تقصدينها اهي رحلة (البلو ماونتن ) بس هذي بسدني

انتي اقامتج وين انشالله راح اتكون ؟؟؟؟؟ اذا بتقعدين بسدني ,,,,, بقولج عن الرحله

 

[Loora]

فات لقيت لج شي يعجبج ,,,,,
اول شي حبيت اقولج ان اللى بكتبه كله ماخذته من النت سواء منتدانا او منتديات سياحيه ثانيه ,,,,,,
بس انا من قررت اروح استراليا هالصيف ,,,,
ومن اشوف شغله عن استراليا اضيفها بهالملف ,,,,,,,,,,,,​

 

[Loora]

هذي مشاركه عضوه بمنتدانا :​

حبيبتي انا ما انصحج بسدني لانها ما فيها غير رحلتين سياحيتين والديرة بعيدة يعني ماتسوى تروحين اكثر من منطقة لان تعب عليج روحي بس جولد كوست وردي لانها تغنيج عن كل المناطق وفيها كل الرحلات السياحية مثل رحلة(4wheel drive),وهذي رحلة بسيارة الدفع الرباعي تصعدون جبال وتوفقون باكثر من محطة فيها الشلالات والمزرعة زكل شي لا تطوفج
وبعد رحلة البقيات تروحون مجموعة مع القايد مغامرة تعبرون جبال وانهار وانتم بالبقي روعة هذا غير السي وورلد والموفي والدريم وورلد ورحلة جزيرة ماك لارنس......
اصحج وبقوه تروحين منتجع تنغلوما تطلعين لها من برزبن بيخت نص ساعه بصراحه كلمة روعه شويه عليها بالليل تدشين البحر توكلون الدلافين,وفيه بقيات ,وفيه هليكبتر تشوفين منظر الجزيره من فوق .الجزيره ساحره ونظيفه حيل​

منقووووووووووول​

 

[fat]

شكرا loora انا بروح مع قروب اكيد راح نروح سدني وفي بنات وايد يمدحون سدني فيها وايد اماكن سياحية بس مادري جم يوم راح نقعد فيها لان لقروبات مانزلت ان شاء الله عصيف

 

[fat]

وفي بنات يمدحون سفريات المستقبل والباجي يمدحون الفصول الاربعة وغيرهم من السفريات احترت منو احسن سفريات

 

[^^ام ميمي^^]

السفرة الذكيه انج انج توفرين قد ما تقدرين مو شرط باسعار التذاكر والسكن لاااا


اولا تسكنين بشقق فندقية اوفرلج من الفنادق و اريح


ثانيا اول ما اطبين الديره تروحين الجمعيه وتشترين الشغلات الخفيفه اللي تصلح لوجبات العشا و الريوق مثلا خبز وجبن و شبس وهمبرجر و معلبات وهالاشياء ممكن اذا لج خلق تطبخين الغدا تشترين مو شرط يكون غدا مجبوس وهالسوالف يعني تقدرين تسوين مثلا تونة مع عيش ابيض او معكرونية بالنقانق والصلصلة جاهزه يعني شغلات سريعه وسهله وتشتهينها بالسفر واحسن من اكل المطاعم ,,

طبعا استراليا ما يرضون ادخلين معاج ولاشيء من الاكل بديرتهم لو ديره اجنبيه ثانيه جان قلتلج اخذي معاج من الكويت وراح يصير وايد اوفرلج ,,,

ثانيا استخدام الباصات او الرحلات المرفقة بالمواصلات

 

[fat]

تشكرات

 

[Om_Ksha]

احد يقدر يضبطلي جدول لفرنسا اسبوعين !
حاطه افابلي اسبوع بالشانز واسبوع بالريف بس وين نروح وغيره ماعندي فكرررررررررره كلش ولمن اسوي سيرج احس نفسي موفاهمه شي !

 

[Loora]

om-ksha
والله ماعندي فكره عن فرنسااا ,,,,,,,,,,, ماشاء لله البنات ما يقصرووون

 

[fat]

ودي اساعدج بس ما عرف شي البنات ان شاء الله يساعدونج

 

[^^ام ميمي^^]

احد يقدر يضبطلي جدول لفرنسا اسبوعين !
حاطه افابلي اسبوع بالشانز واسبوع بالريف بس وين نروح وغيره ماعندي فكرررررررررره كلش ولمن اسوي سيرج احس نفسي موفاهمه شي !

جدول لاسبوع بالشانز
الفندق المقترح
فندق Amarante Champs Elysse :

- يقع الفندق في شارع Rue Vernet
- عنوانه هو 19, Rue Vernet ,75008 Paris, France
- هاتف رقم 003317402147


اولا الوصول للفندق عن طريق الميترو من مطار شار ديقول الدولي:-


- بعد الوصول لمطار شار ديغول وإنهاء اجراءات الوصول والدخول.
- توجه الى الترمينيتر 2
- خذ الباص اللي يوديك الى محطة Aeroport Charles de Gaulle 2 TGV في RER B.
- ثم الانطلاق الى محطة Chatelet-Les Halles في RER B.
- ثم تبديل الرير الى RER A في نفس المحطة Chatelet-Les Halles .
- ثم الانطلاق الى محطة Charles de Gaulle-Etoile في RER A .
- وبعد الوصول لمحطة Charles de Gaulle-Etoile لك حرية السير الى الفندق الذي يبعد 400
متر او في نفس هذه المحطة تتوجه الى الخط 1 المتجه الى محطة George V .






في اليوم الاول وبعد الوصول :
بعد الاسترخاء بالفندق وأخذ قسط من الراحة. نتوجه الى تناول الغداء في احدى مطاعم الشانزيلزية .
ثم نستكشف المنطقة بـ :
• ميدان الكونكورد
• الشانزليزية
• قوس النصر
• برج ايفل
• تناول العشاء ( الشانزليزية او برج ايفل )

ثم التوجه للفندق لأخذ قسط من الراحة بعد هذا العناء الطويل.






اليوم الثاني

- يبدأ هذا اليوم من الساعة 7 صباحا لتناول الإفطار في الفندق .
- في الساعة 8:30 تبدأ أولى الرحلات وهي :
رحلة الباص المكشوف و تستغرق الرحلة تقريبا الساعة والنصف .
متحف اللوفر و تستغرق الرحلة فيه ساعتين
• تناول الغداء في الشارع القريب من متحف اللوفر
شارع Rue St Honore
شارع Rue De Rivoli
• كاتدرائية نوتردام
• رحلة نهر السين المتواضعة و تقع في الجهة الأخرى للنهر عبر جسر Pont au Double.
• مقاهي الشانزليزية .
• تناول العشاء في الشانزلزية.
ثم التوجه الى الفندق للأسترخاء بعد الرحلة الطويلة .


اليوم الثالث

- يبدأ هذا اليوم من الساعة 7 صباحا لتناول الإفطار في الفندق .
- في الساعة 7:30 تبدأ أولى الرحلات وهي :
• قصر فرســـــــاي
o يبعد القصر حوالي الساعة بالقطار .
o يستغرق القصر في الجولة إلى ساعتين ونصف
o العودة من القصر تستغرق الساعة أيظن .
• تناول الغداء بعد العودة من القصر في مطاعم الشانزليزة.
• قصر فاندوم
• الأوبرا
• مجمع غاليري لافييت
• متحف الشمع
• برج ايفل والاسترخاء فيه
• تناول العشاء في برج ايفل .
- ثم التوجه للفندق واللاسترخاء والنوم .




اليوم الرابع

- في الساعة 8:00 تبدأ أولى الرحلات وهي :
• اللاديفانس
• المونمارت
• برج المونباغناس
• تناول الغداء في البرج
• وقت مفتــــــــــــــــــوح**
ثم التوجه للفندق والاسترخاء .

** في الوقت المفتوح يمكنك التنزه في بعض الحدائق العامة او زيارة بعض المجمعات ( المول )





اليوم الخامس

- في الساعة 9:00 الاستيقاظ وتناول الفطور ، ثم :

• أخذ جولة مطولة في الشانزليزية .
• زيارة المجمعات المفتوحة (إن وجدت) في الشوارع التالية :
• Avenue Foch بإمتداد قوس النصر
• Rue Mouffetard
• Rue De Rivoli
• سوق ابو كير
• مجمع Le Dome
• بعض المولات الاخرى
• برج ايفل
• باقي اليوم يمكن قضائه في الشانزليزية



اليوم السادس

- الاستيقاظ في الصباح الباكر في الساعة 6:30 وتناول الافطار في الفندق ثم تبدأ الرحلة في:
 يورو ديزني من الساعة 8:00 الى الساعة 4:00 عصرا
 لافيلاج اوت ليت من الساعة 4:30 الى الساعة 6:30
 الانطلاق للفندق للاسترخاء
 زيارة بعض المولات المتنوعة
 برج ايفل
 رحلة نهر السين
 قضاء باقي اليوم في الشانزليزية





اليوم السابع

- الاستيقاظ في الساعة 8:30 صباحا وتناول الافطار
 مركز جورج بومبيدو
 الحي اللاتيني
 اسواق البسطات
 يوم مفتوح للتجول في باريس



اليوم الثامن والاخير


- يوم حر ومفتوح لتوديع باريس وزيارة اكثر الاماكن الرومنسية عبر بعض الشركات السياحية وسنتطرق لها فيما بعد .. إن شاء الله



ملاحظات:-
*** للعلم ان يوم الاحد تغلق 90% من الاماكن السياحية والمجمعات والكثير من المرافق الاخرى بإعتبار انه يوم عطلة رسمي .



منقوووووووووووول

 

[fat]

lما شاء الله عليج يا ام ميمي

 

[فيفالدي]

خوووووووش موضوع ,, مشكورين


زين ماتكلمتوا عن الرحله المكونه من 3 دول ولا دولتين وين تنصحون شرااااااايكم ؟؟


باوروبا شنو احلا رحله ممكن نسويها ب 10 ايام حق 3 دول


رايكم حبيباتي