السفره من الكويت لزيلامسي

[beshayer]

السلام عليكم
بسال من الكويت لفينا زيلامسي شلون خط السير

خاطري اروح اسبوع بس كم تكلف من تذاكر وسكن زين ومواصلات شخصين
وش أحسن طياران
أنا ابي خط السير علشان اشرف الحجوزات

 

[om_7sin]

عندج وايد خطوط تودي على هالخط دشي عليهم بالنت عندج الاماراتية او القطرية او الاتحاد او الكويتية وااايد خطوط او تقدرين تروحين ميونخ اقرب حق زلمسي تقريبا ساعتين اما من فينا لي زلمسي ٥ ساعات والتكلفة تعتمد على الوقت وعلى الطيران بالنت موجودة الاسعار وجنه اسبوع شوية لو ١٠ ايام او اسبوعين احسن وتقدرين تاجرين سيارة وتتنقلين او المترو والتكاسي مكلفة في اوروبا .. وعندج بعد الطيران الالماني االلوفتنزا .. انا حاجزة سيارة اليوم ب٢٤ بس حق ٧ راكب اكيد اذا اقل بتكون ارخص والتذاكر طلعت على الشخص ب٢٤٥ عالاماراتية وانا من شهر٣ حاجزة حق شهر٧ واكيد ماراح تحصلين هالسعر الحين لان الاسعار ارتفعت....

 

[beshayer]

أنا بسافر يعني 8 ايام اقدر بس يعني أحجز ميونخ ليلتين وزيلامسي ٦ ايام
أنا اقصد من ميونخ لزيلامسي بالقطار والا في طيران مابي سياره لأننا مانعرف شي هناك

 

[بخـــارى]

لاتروحين من ميونخ
ماتستاهل تقطين فيها دينار
روحي من فيينا
وشوفي القطريه انا رحتلها منها على فيينا واخذنا قطار 4ساعات رحنا زلامسي
والطريج المناظر عجيبه ماشاءالله
فيينا وزلامسي من احلى الدول الي رحتلها

 

[om_7sin]

والله حبيبتي ماادري بس انا الكل نصحني اني اروح حق زلمسي من ميونخ لانها اقرب وفي قطارات تودي او تكاسي

 

[دااعيه]

حبيبتي روحي من فينا لزلمسي بالقطار احسن واونس من ميونخ

 

[ام مهاوش]

انتي شوفي اللي تبين عندج من فيينا وعندج من ميونيخ وانا انصحج بفيينا لانه ميونيخ تلوع الجبد بس اذا تبين تتسوقين روحي ميونيخ لانه مافيها الا سوق وجوها يلوع الجبد

 

[Q8yatمحدمثلنا]

بنات...حسب ماسمعت..الحين اللي بينزل ميونخ لازم تقعدين فيها اسبوع...مايعطونج الفيزا الا تجيبين حجز السكن اللي يثبت انج بتقعدين بالمانيا لايقل عن اسبوع....

اساسا" ميونخ حدها ثلاث ايام..حر وممله...يعني اختي بشاير مالج الا تنزلين فيينا واخذي قطار منها حق زلامسي..ومنها روحي ميونخ بالقطار تسوقي وردي..موفقه..

 

[beshayer]

الله يجزااكم خير
اصلا ماهمني السوق أنا بعد اسمع الكل يقول ماتسوى ميونخ
بس قلت يمكن لازم أمرها اذا بروح زلامسي

 

[بخـــارى]

لامو لازم تمرين ميونخ
والفتره قصيره عندج
فيينا وايد حلوه وفيها رحلات كفاية التمشي فيها
وزلامسي كلها رحلات ووناسه
روحي غارمش من زلامسي عجيييييييييبه