السفر مع اطفال !!

[faro7a fofo]

اهلا اختي
اكو قطرة تنباع بصيدلية قوليلة عشان ضغط الطيارة تقطرين نقطة باذن البيبي
واكو دو زيرتك عشان انامون اليهال
وبعدين اخذي معاج الخدامة تساعدج في غلي الرضعات التعقيم تغيير حفاظ
انتي رايحة سياحة راح تتبهذلين
ديري بالج
انصحج اخذي العود وخلي الصغير عند امج خالتج او اختج
مارح يفهم ترى وينسى لمة يكبر انج وديتية

 

[um_yoyo]

بروح اسال عن القطره
و بصراحه الخدم دعله فوق المصاريف الاضافيه و فوق ان ممكن تنحاش و عيونها عليج طوول الوقت لالالالا ما بيهم
ربي يقدرني و اونسهم و استانس معاهم

 

[miss_art]

ام يو يو
انا معاج بهل نقطة كلامج صح ابو الصح..... لان مصرف

 

[ba6bo6a1]

..............

 

[um_yoyo]

اليوم حست حووووووسه على كل المحلات ابي عربانة التوأم ما لقيت خالصه !! يقولون لان موسم سفر
و رحت ايكو الي بمرينا و شريت لعيالي جواتي علشان لا يتعبون بالمشي و شريتلي انا بعد واحد صج خيالي بالراحه و سعره حلال فيه
و تسوقت شويه للسفر انا و ريلي قمنا نضحك نقول صج كويتيين انتسوق قبل السفر و بالسفر و بعد السفر ما نشبع ابد هاهاهاهاها

 

[أبتسامه]

يعطيكم العافيه اتصدقون امس احوس في بروي و مذركير و ما لقيت عربانة التوام الي ورى بعض !!
و انا صج احاتي سالفه الاقلاع حييل حبايبي اكيد راح يخافون

شريت من مذركير الحبل الي ينربط بايد الام و البيبي و خذيت بعد الحبل الي يلبسه الياهل و تمسكه امه ( الاحتياط واجب ) و خذيت من بروي اسواره مكتوب عليها بالانجليزي اذا ضعت شنووفو خلف الاسواره و لما اتشوفين خلفها يكون مكتوب رقمج و عنوانج بحال ضاع الياهل الله لا يقووول

بسألك الحبل الي شريته شنو قلتي للبياااع وعطاك اياه وبكم شريتيه انا ادورررررره ابيه ... وبس ينباع في مذر كير ولا ينباع في محل ثاني ؟؟

ورحله موفقه

 

[باونتى]

شوفى حبيبتى .. أنا سافرت العام وخذيت ولدى وكان عمره سنتين ونص .. والحمدلله بالطياره ما آذانى لان كان مشغول بتلفزيون الطياره وكان حده مستانس .. وبالنسبه للعربانه لازم تآخذين لانى انا توهقت زوجى الله يسامحه قال لا تآخذين الولد كبير ويمشى ولمن وصلنا هناك ورحلات مسكين تعب واشترينا عربانه .. ولا تنسين الادويه .. وأخذى جاكيتات .. وتروحين وتردين بالسلامه .. وننطر تقريرج عن باريس

 

[um_yoyo]

الحبل بدينار و نص من مذركير و سالي الي يشتغلون وين الحبل علشان الياهل لايضيع يعطيج

باونتي الله يطمنج بس انا طيارتي تطير اربع الفجر ما ادري شنو الحل اشلون اضبط نومتهم ياليت اقتراحاتكم

 

[Pissy Missy]

انا كنت محتاره حيل على نفس السالفه

وعندي ولدي 3 سنين ونص وبنتي سنتين

مو مطاوعني قلبي اهدهم هني واسافر

كافي اني بهد ام 3 اشهر عند امي ومن الحين مكتأبه شلون بهدها

انا هديتهم شهر 11 الي طاف ورحت امريكا شهر ونص حاشتني حالة اكتئاب و قضيتها طول السفره بجي

14 ساعه بالطياره مجابله صورهم و ابجي :krkrkr:

مسكين ريلي بدعت فيه هناك ..... اشبك من المسنجر واشوفهم بالكام وحيل الدموع اربع اربع :0bee2e8d89:

واهم وعليا وايد ولدي تأثر الحين من اطلع حتى لو مكان قريب لازم ايي معاي

كله عباله بسافر واهده

من عقبها قلت ما اسافر الا واهم معاي

اول شي قلنا بنوديهم يورو ديزني بس عقب سالفة الانفلوانزا خفت

هذول يهال ومناعتهم ضعيفه ومابي تنقلبي سفرتي نكد

اخاف لاسمح الله يصير فيهم فلونزا عاديه واقعد اوسوس

بروحي وسواسيه

فقلت حق ريلي خل انكنسل اوروبا هل سنه ونجرب انروح الامارات معاهم

على الاقل الامارات ونيسه ومنها نختبرهم بالسفر بمكان قريب

اذا شفنا الوضع اوكي وما أذونه بالطياره والسفره معاهم كانت سهاله سنه اليايه نروح مكان بعيد

سوري طولت عليكم وقرقت وايد :eh_s(1):

 

[um_yoyo]

صاجه اانا لما اروح الدوام اشوف صورهم بالطريج ابجي احس اني امقصره بحقهم
بالنسبه لانفلونزا الخنازير اوصلت لعندنا فمن شنو بنخاف الكويت الله يحفظنا للحين 14 حاله !!
الله خير الحافظين

 

[Pissy Missy]

صاجه اانا لما اروح الدوام اشوف صورهم بالطريج ابجي احس اني امقصره بحقهم
بالنسبه لانفلونزا الخنازير اوصلت لعندنا فمن شنو بنخاف الكويت الله يحفظنا للحين 14 حاله !!
الله خير الحافظين

مادري بس على الاقل بالكويت صار ما صار الله لايقول

انتي يم اهلج مو بغربه بروحج

بس صاجه الله الحافظ وزين تسوين السفره ماتسوه بدون عيالج

الله يردكم بالسلامه وانشالله تستانسون وتغيرون جو واهم شي الله يهدي عيالج

 

[حبـــاري]

بروح اسال عن القطره
و بصراحه الخدم دعله فوق المصاريف الاضافيه و فوق ان ممكن تنحاش و عيونها عليج طوول الوقت لالالالا ما بيهم
ربي يقدرني و اونسهم و استانس معاهم

حبيبتي انا امس رحت اخذت القطره من صيدلية جمعية الشامية بـ 660 فلس للللللللللللللللووووووووووووووووووووووووول:dddds:_03BA:

 

[um_yoyo]

تماام خوش سعر و شنو قالج عنها الصيدلاني ؟

 

[أم الغلا كله]

وأحسن شي لازم تهيئين الياهل قبل لا تسافرين وعطيه فكرة عن اللي بيصير في الطيارة ومثلبله بأسلوب يشوق لا تخلينه فجأة لازم تعطينه فكرة وترا الياهل يفهم ويعرف ويتذكر وحق الضغط خليه يمص حلاوة أو علج أو يشرب شي عشان ما يتأثر وايد واحسن لبس اكمام طويلة وبنطلونات وجاكيت خفيفة ولا تنسين ادول وغيره والله يحفظكم

 

[شانييل]

والله ما قصروا معاج البنات كل الكلام الي بغيت أقوله قالوه
1- لبسيهم الحفاظ الي على صروال علشان إذا قريب الحمام تودينهم حتى من غير لا ينحسرون, وقبل لاتتطلعين من الفندق خل يدشون الحمام.
2- عربانة خفيفة حيل لها كرسيين ورا بعض, موجود فب لاند مارك, لاتشترين غالية لإنها إحتمال 70% تضيع من مطار الكويت.
3- إخذي حليب شوية بس لأنهك كبار ممكن حليب مثل كيديدي على نكهات راح يحبونة بقلاصات الي من الجمعية تتسكر عدل.
4- قصص وعلوج حق الطيارة, العلوج علشان الضغط, وكمبل دافي ناعم حقهم علشان يستانسون, والالعاب الي يحبونها خصوصا الألوان علشان يشخبطون على راحتهم.
السفرة مع اليهال صج متعبة بس فيها شي مميز هو الراحة النفسية إنهم تحت عينج
ما تشوفين شر وإدعيلنا عسانا نسافر أممممممممممممممي

 

[miss_heathrow]

امبله في عربانه حدها حلوه اعجبتني بسوق سناء قبل اللي بالسالميه ما ادري شسمه الحين

ورا بعض وحدها خفيه

احسن لج والله اخذيها
وترى دزني لاند شلون بتركبين الالعاب وين بتحطين عيالج اذا عندج احد زايد يمسكهم احسن ترى
لان هناك ممنوع تحطين اي شي وتركبين
وثاني شي دزني لاند بارده لانها منطقه بعيده
اخذي شي احتياط وياج

 

[كوكاكولا]

مشكورين عل النصائح ماقصرتوا بنات ........

انا بس باخذ بنتي عمرها سنتين و7 شهور باخذ عربانتها كبيره تتحول لسرير عشان تنام .....
ماراح اقط البامبرز اخاف اتوهق وتبهذل الدنيا ...... اخاف يكون الحمام بعيد او احنا بالسياره تنحسر وماكوا استراحة قريبة ليش اتوهق
لمى ارجع ان شاء الله بعودها انها تقطها ......

الحين بروح اشتر الإساوره من بروي والحبل من مذركير والقطره من الصيدلية .......