السفر مع الاطفال .....

[2009RMM]

ياحلات السفر ويا العيال صح ازعاج ولويه بس له طعم خااااااااااااااااص
الله يصلحهم ويخليهم لنا يارب

 

[حروف تشتكي]

شوفوا هالاقتباسات....من موضوع
http://www.q8yat.net/showthread.php?p=9715230#post9715230

الله يعطيها العافيه شيهرو افادتني وبتفيدكم وايضا هناك ردود للبنات رووعه

حق اليهال ..اخذوا خبرتي ...ماأحب أقطهم لازم أونسهم معاي أحس انهم برقبتي ..وإذا في وقت ودي أنحاش عنهم أنحاش بديرتي حدي ههههه مطعم ..تمشي وسوق ومطعم واليهال ياخذون لهم يوم عند أهلي ...
المهم
جنطة الأدوية (كريم حفاظات وعطر حق اليهال وفرشاة أسنانهم كلهم مع المعجون ومشط وشباصات وتيجان وبندول لأقل من الخمس سنين وبندول لأكبر من الخمس سنين وبندول حبوب ودوا المغص والترجيع لليهال اسمه motilium وحبوب المغص وحبوب الترجيع للكبار ..وكحول المعقم وبودر جونسون مع الوازلين (فازلين) ولزاق بلاستر للجروح ودواء أزرق وزيرتك شراب للأطفال وزيرتك حبوب <<<هالدواء لجميع أنواع الحساسية بم فيها أعراض الانفلونزا ..بعد كريم الشد العضلي (روبيكالم ) أو أي كريم عضلات تحبين ..(القروب كله استعاره مني وردوه مابقى فيه شي ههههه عليهم بالعافية ..هذي تقريبا الأدوية المهمة ..وانتي زيدي اللي تبين أو تحتاجين على حسب حالة طفلج مثلي أنا بنتي كان فيها تشنجات فرحت عند الدكتورة قلت لها بسافر وصرفت لي تحاميل التشنجات صاروا 3 وصرفت لي غرشة دوا زيادة احتياط يمكن واحدة تنكسر ..طبعا حرصي تحطين الادوية بالثلاجة أول ماتوصلين الفندق
ألحين نيي حق هدوم اليهال ..(الجينز حبيب القلب ..يصير لونه كحلي عشان مايبين فيه الوسخ بسرعة أحط حق كل واحد بنطرونين جينز وشورتين جينز وإذا توسخوا 2 دزيناهم مصبغة الفندق ..وحق كل بنطرون بلوزتين يمشون معاه واكون ماخذة جنطة حجمها حلو حاطة فيها بلوزة ثانية احتياط لكل واحد من عيالي عشان اللوحة الفنية اللي تطلع لج بعد مايشربون عصير أو ياكلون برد أو يتغدون مع الحفاظات وسوالف الغيارات الازمة ..وغالبا التبديل بعد وجبة الغدا أمسحهم كلهم بكلينكس ديتول وهات يالتبديل ومشط وسباصة ثانيين عالسريع والحجي بابا معاي أنا ألبس وهو يمشط ويحط ريحة <<<وفوق هذا ماشاء الله كل احنا أول ناس راكبين الباص ..
لازم آخذ حق كل واحد جوتي رياضة احتياط ثاني ويكون هو لابس صندل ..ماأؤيد النعال بالسفر أعزكم الله ..
ولدي ب3 سنين دميييييييييرة كان عندي بلوزتين يصير ينلبسون عالويهين تقلبينها ويلبسها فكنت لما أتوهق وتوسخت بلوزته الاحتياط أروح أقلب بلوزته ويصر جنه لابس يديدة ههههه ..عاد ياتني فكرة إني هالمرة أخيط بلوزاته من داخل عند الخياط حفر بدون كم ويصير بين الخامتين طبقة فازلين الخام وبس جذيه أقتصد بالهدوم <<<أفكاااااااااااار..
طبعا كراسة وألوان وقصص كلهم من بوأمية غير البي إس بي وعصيرات كيديدي الصغار بالجنطة إذا ياعوا وتعسروا عطيت كل واحد مع بسكوت مايوسخ الملابس مثل دايجستيف أو ميري ..
كان عندي طفلين ..(بوسنتين ونص ..والثانية أم 8 شهور ) خذت حق كل واحد عربانه ..وماخذت عربانت التوأم ..والحمد لله كان فعلي صحيح ومريح ..لأن مرات مشوارنا صغير ومانحتاج إلا عربانه واحدة والكبير يمشي عادي مووقت نوم ولاشي ..

 

[حروف تشتكي]

وهذا بعد رد مفيد ورووعه الله يعطيها العافيه

:حتى يكون السفر ممتع ومريح خصوصا بوجود أطفال لازم تحطين خطه ماتخرش الميه للسفر .:ggdw:.وراح اقولكم خطتي الي اتبعها اذاسافرت والحمدلله كل سفره انجح من اللي قبلها..واحيانا أستغني عن أشياء كثيره من هاالأغراض اذا كنا بنسكن فندق..أما اللي راح تسكن شقه مفروشه أو بانسيون أفضلها تاخذ ::::
أولا"أدوات النظافة اشخصية من: صابون ديتول-جل معقم-معجون اسنان وفرشاة- -شامبو-كريم مرطب-ديودرنت-بودرالجوتي-شامبوعبايه((حق المحجبات اوالمنقبات)-علبه متوسطه مسحوق غسيل-فحم بخور-خلطه للفراش-نعال حمام(عزكم الله)-غوري حمام أو الهوزالشطاف اللي يبيعونه خواتنا بالمول-كوتكس(عزكم الله):eh_s(6):
ثانيا:الأدويه. حبوب بنادول-شراب المغص-شراب خاص للقيء-شراب بنادول(اللي وياه جهال بالسفر)-علبة اسعافات اوليه صغيره-.(أحط كل ماسبق في كرتون متين وألفه بالتيب.والصق عليه(قابل للكسر)احتياط..بتقولون ليش بكرتون مو جنطه؟ لأني راح استهلك كل ماسبق وماأرده وياي والشنطه انا آخذ ثنتين كبار واخلي فيها فراغ عشان الي بشتريه من هناك..
ثالثا:: الأحذيه.. اذا معاج جهال اخذي هاند باق(ترولي) وحطي فيها الصنادل أو الكروكس أو الأحذيه الرياضيه..وأنصحج ماتبالغين في هالشي..يعني اذا لبستي عيالج حق المطار جواتي سبور حطيلهم بديل واحدفقط بهالجنطه والعكس.
رابعا": جنطة الملابس..يكفي ثلاثة بناطيل مثلا" اثنين جينزغامج وفاتح و واحد برموده..والبلايزيكفي ثنتين بأكمام..وثنتين نص كم حسب جو الدوله اللي رايحتلها وجاكيت خفيف.واذا اخذتي البجايم ::لاتاخذين شي جديد اخذي بجايم عيالج اللي مليتي منم وبتقطينهمبالعربيالكحيانه والمجلحه))لاتنسين كاب حق الشمس.
خامسا" الماجله..هذي عاد اهم شي بالسفره بالنسبه لي..خبرج اوروبا مثلا ماعندهم تنويع بالمطاعم اللي ذبح اسلامي اوحلال..وانا بصراحه تلوع جبدي من مطاعمهم((واذكر مره شفت كويتيات ب ماكدونالدز اللي ب زلامسي يطلبون اصابع السمك او ناجتس على ابو حلال بس ناسين ان الدهن الي يستخدم بهالمطاعم للقلي شحم خنزير))
المهم سلمج الله.انا اخذ حق الماجله الشناط اللي مالت البر اللي يكون بداخلهاصندوق عرفتيهم؟؟ احط فيها غنجه وسط-استكانات مالوت اول -فناجيل قهوه-قفاش حوس-جدرواحد للمجبوس وصغير حق المرق(ماحب جدورهم)-صحن استيل حق النجب- معكرونة المطاحن-شاهي قهوه-هيل-زعفران-نعناع جاف-نسكافيه-علبة حليب نيدووسط-سميدوجوز هند(لزوم البسبوسه العصاري)-بلاليييط-بهارات مشكله-داقوس الاحمر-كشمش-كيس عيش بوعشره كيلو(ادمان عيش مانستغني عنه)-كرتون بسكوت المطاحن-شابوره-كرتون بونجوم(حبيب الكل)..وبس...طبعا هناك اللحم أو الدياي تشترينهم من اي محل ذبح اسلامي هناك..وانا عن نفسي كنت أريق عيالي ريوق عدل ونطلع واذا ردينا حزة قبل المغرب حق السكن أخلي الخدامه تجهز كل شي وتقصه وانا اتفنن بالطبخ..شنو مجبوس ومقلوبه ومشخووول وباشاميل..._03ba: والله عيالي كانوا ياكلون بشراهه..مولأني انااللي طبخته!!! لأن الجو والطبيعه هناك يخلون نفسج مفتوحه على طول..الحين مطلعين روحي ماياكلون كلش الا عقب مايطلعون روحي...وللعلم الطريقه هذي وفرت علينا مصاريف مو شويه وفكتنا من مطاعمهم اللي مايندرى شحاطين فبها.
وي ي ي تعبت وانا اكتب ..بس لعيونكم كل شي يهون..وسامحوني اذافيه خطأمطبعي[/

 

[حروف تشتكي]

وهذا ردي

صحن خاص بملعقته وكاسته للاطفال دون السنتين..
والحليب والحافيظ الافضل من ديرتنا؟

دائما تكون هناك شنطه ظهر مع كل ولد وبنت..وفيها(زمزمية الماي...ترمس) مع ادواته الخاصه والخفيفه للتنقلات

الدونات والاكلات الخفيفه متوفره هناك..فحلو انكم تستريحون بين فتره وفتره

معمول التمر مفيد ومغذي ..للصغار والكبار...

حاولي تفهمينهم من الان..وكل واحد له واجباته اما الصغار فهذا واجب الام والاب

والله ييسر هالرحلات ويكتب لنا في كل خطوة سعاده واجر

 

[تائهه في ليل طويل]

خوش موضوع شكرا

 

[بنت بن فهد]

بارك الله فيج حبيبتى