السفر مع طفل ( سؤال ) ..

[Layz]

السلام عليكم و رحمة الله و بركاته ..


أنا إن شاء الله بسافر ألمانيا و النمسا و معانا أختي عمرها سنة و قاعدة أحاتي الجو هناك مادري شلون عليها لأن أول مرة نسافر و معانا أحد هالكبر .. و بنروح بعد جبال و أتوقع حده بيكون برد بالجبال ..

شنو تنصحوني آخذ لها ؟

و بعد شلون على الطيارة شاخذ معاي ؟ << إحنا رحنا مكة ساعة ماتت من البجي أتوقع من أذونها .. هالمرة طريج مادري شبسوي معاها ..

 

[أبلة كويتية]

أول شي يوم السفر لا تخلونها تنام عشان تنام بالطيارة
وخلي معاج حلاو تمصه إذا طارت ونزلت الطيارة عشان أذونها ما تتسكر
وخلي معاج جنطة حجمها زين فيها أهم شي الادول وغيار لها
إذا وصلتو ورحتو أماكن الجبال حاولو تدفونها
جسوس وكبوس وجاكيت
ولا تنسين الأدول معاج
وقبل الرحلة لا تنسون تجهزون لها أكلها وخلوا معاكم لأن اليهال بالسفر يتعسرون ما يعجبهم أي أكل
ودايما شربوها ماي صحة

وإذا تشرب ممية ليما ألحين أخذوا معاكم غلاية صغيرة للماي تلاقينها عند إلكتروزان وايد نفعتنا العام
وإشتري معاها مطارة صغيرة ستيل تحطين فيها الماي الحار وتاخذونه معاكم بالرحلة

وخلي معاج لعبة صغيرة تجذبها عشان إذا أذتكم تلعب فيها

إنشاء الله تروحون وتردون بالسلامة
وإنشاء الله ما تأذيكم :tek:

​

 

[Layz]

تسلميييين أبلة كويتية ..

و الله يشفي أبوج و خالتي يااااا رب :yaaaaaarb: ..

 

[كويتية أصيله]

روحي الطبيب وأخذي أختج الصغيره معاج قوليلا عن أذونها بالطياره يعطيج قطره لها حرام تعذبونها وتعذب إللي حواليها

 

[Layz]

إن شاء الله ..

مشكورييين :eh_s(7): ..