السفيد اب والحنه البييضه للجسم خلطـــاتي فيهم للبيـــاض وتوحيد اللون تفضلوا( شاركوني)

[مزيونه وشقره]

بسم الله الرحمن الرحيم



مساء الخير


والاحساس والطيبه


مساء ما يليق الا بخواتي


واذا كانت الدنيا نهار


صباح الحب والاشواق والخير

صباح النور والسرور



عندي لكم شغلتين تبييض ويمكن بنات واايد ما يعرفون اشلون يستخدمونها

اول شي السفيد اب وثاني شي الحنه البيضه للتبييض

السفيد اب حجر ابيض ينباع عند الحواي

وعندي كذا طريقه فيه للجسم للتبييض وكلهم مجربتهم وروووعه في التبيييض


1- تحطين كميه منه مع الصابون المغربي وتستخدمينه كخلطة تبييض للجسم انا مجربتها عجيبه

2- تحطينه مع الهرده والليمون وهذي الطريقه يستخدمونها الصالونات للتبييض وروووعه تبييض ونعومه وتزيدينها ماي او ماي ورد اذا صارت ناشفه بس مو وايد وحلوه الخلطه حلوه

3- يكون جسمج رطب وتحطين من السفيد اب المطحون على ليفة بودي شوب وتفركين الجسم او على الليفه المغربيه هذي اسويها اذا مالي خلق اخلط وهم تبييض

4- لتبييض الرجلين تاخذين كريم جولسليد او كريم مرطب للتبييض من جرجنز وتحطين معاه كميه من السفيد اب وتخلطينهم وتحطينهم مع بعض وتلبسين دلاق (سوكس)<< عشان خاطر اللي ثقافتهم اجنبيه المهم تلبسينه ويكون متين ابيض والله هالطريقه عجيبه من تاليفي و تبيييييض حيل وجربوها

5- تخلطين السفيد اب مع سنفرة العروسه او سنفرة مارديكو وتحطينها كخلطة تبييض عاااد هالطريقه انا استخدمها بعد خلطتي الصااابونيه هم حلوه حيل تبييض وهم احط الحنه البييضه معاهم


والحين الحنه البييضه لتبييض الجسم

نفس طريقه السفيد اب بالضبط تخلطينهم مع الاشياء اللي ذكرتها واكثر المرات احطهم اثنينهم مع بعض وفي طريقه ثانيه خذيتها من الحواي قالي تخطين الحنه البييضه مع ماي عادي وتحطينها على الجسم

الحنه البييضه ماجربتها للويه والسفيد اب يهبل للويه مع ماي ورد


السفيد اب له اسماء ( بيوضي - حجر ايراني للجسم - سفيداج)
ودايم اخذوه حجر وانتوا طحنوه وانا اشتري الحجر واطحنه بالبيت
الحنه البييض تكون مطحونه وجاااهزه


هذي تجربتي وهذي خبرتي فيهم وما كتبتها لكم الا شايفه نتايج روووعه ومع الاستمرار شي حلو ونتايج حلوه مثل عيونكم يا حبايب قلبي:eh_s(22):



اي سؤال انا حاااضر من عيوووني

وما ابي غييير دعواتكم لي ولعيالي


اي نسيت ابي تجاربكم وخبرتكم في السفيد اب الحنه البييضه





مع تحياتي يا حياتي

مزيونه وشقره​

 

[حسايف]

ماشاء الله عليج...بصراحه انت مرجع للشغلات هذي
اللي الواحد ناسيها مع الزمن هذا
ولج الف شكر على مجهوداتج الطيب​

ه

 

[@ دهن العود @]

الف شكر على مجهودج الطيب

 

[بطاطا]

تسلمين يالغلا


انترست اللستة .. شوي شوي

 

[marioom]

مشكورة عسولة
مبين ان فيهم نتيجه
وانا كنت استخدم السفيد اب ايننن حق البياض
بس قريت موضوع بالمنتدى ان يسبب التخلف لما يمتصه الجلد وشغلات ثانيه نسيتها وخفت ووقفته

مشكوووووورة واايد ويعطيج الف عافيه يارب :eh_s(17): :eh_s(22): ​

 

[FOZQ8]

السفيداب حلو حق السنفره بس عيبه ينشف واااايد فلازم وراه اي شي يرطب الجسم مثل بيبي أويل
هذا لانه انا احطه بروحه على جسمي بعد ما اغسل
مزيونه خلطه الريل حلوه بس شرايج بعد البس جيس بعدين الدلاغ ؟ ينفع؟

 

[فررررح]

نفسج انا مريووومة كنت استخدمة بس لما عرفت مضارة تركتة خفت الصراحة

يسلموووووووووو مزيونتنا

 

[امون حبيبة زوجها]

مشكوووره ياام السنع

بس انا عندي الحنه البيضه السائله مو بودره اول مرع اعرف البودره

والسفيداب انا اخلطه مع سنفرة المشمش

بنااات امبيه من قالكم يجيب تخلف كاه عباس ومراد ميرزا مومتخلفين<<<<يعني الايرانين خخخخخخخخخخخخخخخخخخ

 

[سنـــــا]

مشكـــــــــــــــــــــــــــوره على مواضيعج الحلوه

 

[om el7elwen]

مشكورة حبيبتي وماقصرتي ياقلبي مواضيعج دايما متميزةومزيونه نفسج .انا صراحة ما جربت الحنه البيضة بس السفيد اب انشف بس ابيض

 

[dlooo3a]

دايما روعه مواضيعج
وانشاء الله نجربها

 

[ورده كويتيه]

مشكوووره يا قلبي
بس من وين ناخذ الحنه البيضه
تدرين مزيونه يننت امي فيج ههههههههه
كلا اقول لها يما مزيونه تقول جيبو وحطو جذي
يما حطي جذي نفس مزيونه
يما الحمرا هذي تمدحها مزيونه
وهذاك اليوم رحت هاي وي محل فلبن بالفحيحيل علشان الصوابين حق خلط الصابون
واقول لامي هذي وهذي جان تقول كل هذا صوابين شلون كل هذا في سبوح واحد قلت يما اخلطهم نفس مزيونه
وين تشتغل مزيونه اي مركز تجميل بروح اشوفها ههههههههههههه تبي تشوفج امي على بالها خبيرة تجميل بس انتي اسم الله عليج احسن منهم
الله يخليج لريلج وعيالج ونشوفج ازين بنات الديره ونحن ورائك

 

[bnt q8 in usa]

انا السفيداب ماستغني عنه بصراحه لازم بالاسبوع مرتين وانا يبونه لي من ايران لانه ساعات الحواج بالكويت خواره ويبه يصير طين مثل اليص
ومشكوره حبيبه علي المعلومه

 

[سعوديه بينكم]

مشكـــــــــــــورهـ يالغاليه
الله يجازيك كل الخير ،،

 

[لوكريسيا]

مزيونة و لا عليج أمر .. الأمور اختلطت عليي أبي طريقة الحنة البيضا لأني شريتها من الحواي على شكل بودرة بيضا و ليلحينها تسمع حسج ..

 

[كيوت_25]

يــــــبـــــــيـــــــلـــــــــه​

 

[*ستايل*]

مشكوره على الطرق الحلوه

 

[staaar]

ثانكس مزيونه

 

[قلب راشد]

مزيونه يزااااج الله الف الف خير وسخر لج زوجج وهدالج عيالج يارب

بس الحين الخلطات هذي كلها بالحمام ولا اقدر احطهم قبل السبووح ؟؟

 

[النور الهادي]

ياحلوج وياحلو إختراعاتج وأفكارج

لكن عندي سؤال

يصير الحامل تستخدم السفيداب والحنه البيضاء ولا لا

وشكرا حبيبتي:eh_s(17):