السنعات تعالوا بقولكم شي !!!

[قُـمـر دنيــآي]

مرحباا كويتياات

عندي مووضوع شاغل بالي وايد

بنات انا من تزوجت مهتمه بشغل شقتي وبترتيبها وملابس زوجي وبكل التفاصيل

من ولدت ويبتلي خدامه اتكلت عليهاا بشكل موووطبيعي

صرت مالي خلق شي لدرجه حتى مااراقب شغلهاا وكذا مره اشوف وصخ ملابسي او ملابس زوجي اكلمهاا بس ولامره دشيت تكرموون الحمام وشفت شلون تغسل

والمواعين شفت كذا مره وصخ وهاوشتهاا

صاايره حييل كسوله مالي خلق ارتب او اسوي شي كل شي على خدامتي الله يخليها لي :d

وبما اني مؤقتا عطاليه انطر الديوان يتكرم ويوظفني صرت اسهر واقووم العصر

يعني نومي مخربط واحس ماكوو وقت ارتب واضبط بالشقه

وصايره كله اتابع مسلسلات او ع الايفوون نت واتس اب

*******************************

اللي بغيت اعرررفه منوو نفسسسي صارت كسووله بعد الخدامه
*********************************

وياكويتيات يالسنعاات علموناا شنو طريقتكم في التنظيف والترتيب وشنوو اللي تسوونه بنفسكم وشنوو اللي عالخدم

وشلوون تخصصوون وقت للتنظيف والترتيب واي حزه احسن

وشنوو انواع المرشات اللي تستخدمونها والصابوون اللي تمسحوون فيه الارضيات

بالنسبه لي ديتوول وماي للارضيااات


ويلا ابي تفااعل وبقوولكم اسراري اللي استخدمهاا بشقتي بس الكسل ذابحني

والله يوفق كل وحده تفيدناا وكل وحده ترفع الموضووع

 

[Diva-Q8]

انا للحين مايبت الخدامه ناطره وصولها انهد حيلي من شغل البيت بس انشالله ماصير كسوله لاني ماشالله علي هابت ريح على قولت اهلي

بالنسبه حق التنظيف انسب وقت عندي الصبح اقوم الساعه 10 وقت اللي ريلي بالدوام انظف واطبخ واتسبح وانطره

للارضيات بعد ما انظف امسح بديتول الازرق المعطر او داك على ورد اهوا صابون ومعقم بنفس الوقت وريحتا حلوه وابدل الفراش كل 3 ايام والغسيل كل يوم ماكدس بالسله نهائيا

وعقب التنظيف ابخر البيت بأي نوع انا اخذ معمول المرشود وايد احبه

وماحط رشوش او شي على الفراش لانه ريحة النظافه والكومفورت على الفراش عندي احلى لانه ريلي مدخن فزقاير ورشوش يصير لوعه

بالنسبه حق الكبتات والملابس في كل درج حاطه جيس معطر الملابس استخدم عطر اللافندر وبالعلاليق اعلق اثنين اغيرهم مره بالشهر

والحمامات ظروري احط معطر ومعقم اللي يتعلق على الافرنجي

شوفي اهوا شغل البيت في وايد تفاصيل شرايج تمريني على يوم وتيبين خدامتج منها تنظفلي ومنها اعلمها هههههههههههههه

 

[FeShinGoOo]

ذكرتيني برووحي كنت اتفلسف (( ماحب الخدامه اتدش شقتي )) الحين حتى الفراش اهي تعدله لي
وبيني وبينج كله من زوجي اهو الي خربني كان كل مايشوفني اشتغل يقولي هدي الشغل تعالي قعدي معاي خلي الخدامه تشتغل لي ما اتعودت وصرت كسوله وكلشي قطيته بجبد هالمسكينه
والحين انقلبت الايه ريلي صار يتحلطم انتي متكله عالخدامه بكلشي حتى صكة الباب
اقوله كله منك انت خربتني

 

[ام ميميتو]

انا عن نفسي ما عندي خدامه وووووووووووووع اكره الخدم اصلا اقول حق ريلي اذا بتيب خدامه بكسر ريلها قبل ما تدخل بيتي ههههههههه مجرمه صح انا احب انظف شقتي باليل يعني على الساعه 12 او 1 لان ولدي اسم الله عليه يكون نايم و الارضيات انظفهم بالماي و الداك و ديتول حتى الملابس اغسل بليل عشان محد يزعجني و انا اشتغل انشاءالله تكونين استفدتي

 

[ام دليار]

طلعي خدامتك من البيت بترجعي نشيطة شغل البيت
بجوهر الجسم بخلي جسمك مشدود من الحركة
الحركة بركة
لاتعمدي الخدم بينتزع جسمك وبتصيري كسولة وعصبية

 

[•Brown•Sugar•]

اممم لما كنت بشقه ولأني موظفه مايمديني اسوي كل شي
خالتي ام ريلي تدز خدامتها تنظف الشقه الصبح واحنا بالدوامات وتغسل الملابس اذا فيه غسيل
ولما نرد من الدوام يوصلني الغدا يا من خالتي او من امي لوول حدي راهيه
انا بس كان علي احافظ على نظافه الشقه طول اليوم وارتب عفسه ابو الشباب

 

[Diva-Q8]

والله انا عيل طلعت مجاهده لي الجنه لاني حامل بالشهر التاسع وللحين اشتغل واطبخ لاااااااا وريلي يقولي عاااااااشت عفيه على شيخة البنات وانا اتشقق من الحجي انا وكرشتي اتمخطر بيدي فوطه وبخاخ الطاولات اقوله يالله تساعدني يقولي لا حبيبي انا بس اشيل الشي اثقيل تره الحركه زينه حق الحامل بالشهر التاسع اقوله والشهر الاول والثاني والثالث والرابع والخامس.....نسيتهم

اتصدقون الحين بتيلي الخدامه يمكن برتاح من الشغل بس مادري اشلون بتصير حياتي يعني ماراح اقدر اتفصخ على كيفي واتمشى انا كلا فاصخه الحيه بالبيت واهجم على ريلي واهوا يتسبح يعني هل حركات فشله جدامها

 

[أم توتو]

انا ماعندي خدامه لان شقتي صغيره ,,انا اقوم الالساعه 11 وادش الحمام وانتي بكرامه واغسله بصابون سائل اسمه فت لونه احمر المهم وعقب اكبب الديتول وامسحه بفوطه نظيفه ماحب الحمام يكون كله ماي احبه ناشف عقب اروح للصاله واكنسها وامسحها بماء و موبي بالليمون وديتول و كلوركس بس يوم بالاسبوع الايام العاديه احط فيري وديتول وامسح غرفه عيالي وغرفتي واولع فواحه معطره بريحه الفواكه او الخزامى واااي قمه الاسترخاء واخيرا على مايجون عيالي من المدارس اغديهم وانظف المطبخ واروح ابخر البيت واتسبح وانام لي قيلوله اسفه على الاطاله هذا نظامي اليومي وحتى لو عندي خدامه اعلمها نفس الشي بالمراقبه من بعيد لبعيد

 

[ماني من الناس]

ماااااااااااااااااااااااااااااااااااااااااااااااحب الخدم



ماااااااااااااااااااااااااااااااااااااااااااااااحب الخدم

مادري شلون الوضع معاهم مو طبيعي ماتاخذين راحتج ببيتج ولاشي من جميع النواحي

انا احس تخلينه اهو يساعدج ولا تجيبين لك شخصه ثانيه مادري من وين شنو تربيتها شنو اخلاقها تدخل بينكم وتتمخطر في البيت مستحيل


شعور مو حلو

اهم شي عندي اخذ راحتي بمكاني ولحد يراقبني بس اكون بخير

 

[بدوية بملامح كشميرية 86]

انا حدى كسووووووووووووله يشكل ماتتصورووووووونه

انا مووووووظفه وقتى دوام ونوم بس

والله كاسر خاطرى ولدى كله ع الخداااامه

واذا عندى اجازه اسهر انا وزوجي واقعد المغرررررب

ملللللللليت من حالتى ودى اقدم اجازه سنه بدون راتب واطلع الخدامه عشان احس بالمسوليه

 

[امل يائس]

الله يرحم ايام امهاتنا

 

[BoxCouture]

للأسف وقتي مو منظم دايما . اليوم إلي اقعد فيه امبجر يدوب الحق على عيالي و الخدامه عليها التنظيف احاول الحق اول باول بس مودايما تلحقين عليها بس مفروض من اول شي تعلمينها على طريقتج عشان ترتاحين قعدي معاها يوم كامل وعلميها وحدج بترتاحين

 

[القلعة الذهبية]

الخدم شر لابد منه

 

[ice mo0oca]

لالالالاحرام بيتج وعيالج وزوجج والله بتتحسفين تشوفينهم يهتمون فيها وبوجودها لاتخلينها تكون الكل بالكل وانتي صفر عالشمال حاولي من تقعدين ريلج حق الدوام تضبطيلج ريوق حطي ريوقج وجابلي التلفزيون والوتس اب ليما يقعدون عيالج تكون الخدامة نظفت وغسلت لهدوم خل تبدلهم وانتي زهبيلهم لقمتهم من ايدج الحلوة راح يستانسون ان ماما هي اللي مسويته بعدها خل تزهب شغلج حق الغدا ودخلي المطبخ عالراحة ومتى ما يا ريلج وتغديتو بالعافية اخذو قيلولة مع بعض قعدو عال5 بخري الشقة ورتبي غرفتج وبس الباجي عالخدامة التنظيف والكواي والله راح تحطين راسج عالمخدة بالليل وانتي مرتاحه وحتى ريلج راح يحس ان لج معنى ومكان كبير بحياته

 

[ورود خذلتها العاصفه]

ههههههههههههههههههههههههههه

ماينلامون السعودياااات لما قالوا >>الحظ حظ الكويتيه



انا خدامتي توها واصله علمتها على التنظيف والكوي وتصفيط البجايم وترتيب الفرش ومسح الارضياااات

الغسيل ريحت نفسي من قبل لا تجيني الخدامة شريت اتوماتيك

حتا بالشتا تنشف الملابس تنشيف تااااام وعلى طوول الكبت

وعيالي بما اني بطاليه انا مجابلتهم

 

[قُـمـر دنيــآي]

ديفاا ماشاءالله تبارك الرحمن

والله ودي اصير نشيطه وهبت ريح على قولتج بس احس مسستحييل زهقت من هالوضع

ودي ادزلج خدامتي تتعلم من شطااارتج بس يااختي مااقدر مااصبر عنهاا

تصدقين مرات اقوول ياليت عندي خدامتين وحده دوام صبح وحدا ليل عشان الفجر لاقعدت بنتي ترضعهااا وتقعد معاهاا

شفتي شلون كسووله لووووووووووول

 

[ice mo0oca]

يمكن الكسل اللي فيج حالة مرضية حاولي تاكلين فيتامينات سلطات عصاير فرش لعبي رياضة

 

[قُـمـر دنيــآي]

ام ابيها ريلج مثل ريلي لما نسهر وطبعاا لازم اكل بالسهررره

اقوم انا بشيل الاغراض وبرتب مع ان مالي خلق بس جدام زوجي

يقوولي خلي الشغل وتعالي عندي شحقه يايبلج خدامه

خليها اهي اللي تنظف لوووووول

 

[قُـمـر دنيــآي]

ام ميميتووو ماشاءالله عليج

انا قبل نفسج وماعندي يهاال بس كنت اتعب حيييل

كنت لما ابي انظف انظف بضمييير اقعد اقل شي ساعتين بس تنظيف الشقه

ماارتحت الا لما يتني خدامه

 

[قُـمـر دنيــآي]

ام دلياار صااجه الحركه بركه بس مالناا غنااه عن الخدم

براوون ششووقر اي والله راهيه ههههههه

الله يخليلج امج وخالتج

ثانكس لمروركم