السنعات تعالوا بقولكم شي !!!

[قُـمـر دنيــآي]

ام توتو ماشاءالله علييج

والله يعطيج العافيه

ماني من النااس على طارري شلون تاخذين راحتج اول شي بتكون صعبه بعديين بتفليينهااا كااااك

نوورتواااا

 

[قُـمـر دنيــآي]

بدويه ستاايل نفس حالتي وموماكلهاا الا اليهااال

حتى افكر اسوي تحليل غده اخاف فيني غده خامله

امل يائس اي والله الله يرحمه

BoxCouture تصدقين خوووش فكره

نوورتوااا

 

[قُـمـر دنيــآي]

القلعة الذهبية صااجه

ice mo0oca انا عااد موكلش مهمله مهتمه بريلي وببنتي بس ودي اهتم اكثر احس نفسي مقصره

ورود خذلتها العاصفه اول مره اسمع فيها الحظ حظ الكويتياات !!!

يسلموووا حبايبي على مروركم

 

[مناته]

ترى مب زين بنات
يعني شغل البيت بنقول بالطقاق بس اليهال حرام كله ع الخدم
يوم كنت فالسعوديه كان منهد حيلي وكنت بيب شغاله
بس يوم رحت امريكا عرفت انه احنا ظالمين روحنا
غساله صحون وغساله اوتاماتيك ونشافه
وفرن كهرب يدون تمشينه بفوطه وكان الله غفورا رحيما
وان شاء الله ناويه لي رجعت اريح روحي واشيل سالفه الخدامه من بالي

 

[*ريما*]

اجل لاتلومون الخدامة اذا انحاشت
هههه الله يعين الخدامة

 

[om_dodo]

الحمدالله على كل حال
اب

اب

 

[شواخي]

عاد كاتبه رد شطوله مادري وينه

ماشاء الله على برودج الله يعطيني منه

انا حدي حدي سنعه و ابي كل شي بيرفكت وماكو كلينكس طايح بالبيت والله

وكله مبخر ومزبرق البيت و العطورات والفواحات ... يوم ريحه فانيلا ويوم اسكريم ويوم كرز والله

ويوميا اغير المفرش بالصاله ،، وكم فتره اغير المخاد والكمبل مايتم يومين الا متخير و لازم ابخره قبل لا ينحط

عندي خدامه و بنت ماشاء الله عليها توها تمشي يعني اخذي الهلكه صايره عود من الكرف


والحمدلله زوجي دايم يستانس لا رد من الدوام وشاف القهوه والكيك و الشاي قدامه و البانيو متروس والحمام معطر والفوطه ريحتها داوني و الحمام نظيف بديتول

والبنت يوميا اسبحها

اقولج مو سهل الوضع بس ماحب بيتي وصخ

انتبهي لا تخلين الخدم يسون هالشي !!

حتى بنات خالاتي وربعي لا دشوا علي على غفله اذكروا ربهم ،،قالو حدج سنعه والله ويحبون بيتي لان مرتب واول مايون يفتحون الثلاجه يلقون فيها سويتات وجذيه

الله يوفقج

 

[dectora 7elwa]

رددي دائما
اللهم اني اعوذ بك من الهم والحزن
ومن العجز والكسل
ومن الجبن والبخل
ومن غلبه الدين وقهر الرجال
قوليه من قلب
انتي بيبي واحد وجذي عيل بعدين شبتسوين

 

[هذا مزاجي]

انا للحين خدامتي ماوصلت بس خايفه لما توصل اتكاسل
في شغل البيت طبعا طبخ مستحيل اخليها تطبخ مستحييل
اخلي زوجي ياكل من ايد خدامه بس تبون الصج اعرف
بنات شكثرهم قالو نفس هالحجي ولما وصلو خدمهم
خلو كل شي عليها :bbbiu:
اخاف اصير مثلهم بس انا من صغري احب الشغل والحركه
بس من حملت تعبت ولازمني احد يساعدني :ggdw:
وان شاءالله مااتكاسل :eh_s(15):

 

[دلــــولــي]

ماينلامون السعودياااات لما قالوا >>الحظ حظ الكويتيه


اوول مره اسمع هالجمله ؟؟؟

 

[بوح القوافي]

انا يوم اني ببيت اهلي شادة الحيل
بس من تزوجت وجبت بيبي صرت كسولة ومالي حيل على شغل البيت
احيانا انقد نفسي اقوم انظف غرفتي وادعكها دعك حتى زوجي يشوفني يقولي مشاء الله عليك نشيطة
وايام تجيني كسل مو طبيعي انا الحمدالله مرتبة وزوجي مرتب ونظيف من طبعة الحمدالله بس كيف اتغلب على الكسل
الي صابني فجأة...

 

[أم روعة]

هو المشكله بمجابل الكمبيوتر والايفون مايخلونج تتحركين من مكانج

 

[أم نوفي]

شوفي حبيبتي انا قعدت بدون خدامه 7 سنوات شايله البيت فوق راسي كله بس لما حملت بالرابع قبل 5 سنين قلت لازم خدامه لاني تعبت صج

والخدامه بس عليها التنظيف والغسيل لكن الطباخ والعيال على

وكنت اراقبها ومسويه جدول حلو علشان اخذ راحتى في بيتي

والحين ماعندي خدامه انطر وصولها بفارغ الصبر خصوصا وراي رمضان

 

[قُـمـر دنيــآي]

ماشاءالله عليكم سنعااااات

منوورين حبايبي

 

[مـــهره]

فديت خدامتي والله هههههه بدون خدامه مستحيل اعيش انا راضيه اغسل وامسح واطبخ واسوي كل شغل البيت بس مااركض ورى عيالي الله يخليهم والله اللي عندها عيال بدون خدامه تصير ضايعه شلون اركض وراهم الا اللي عيالها هادين واللحين نادر

 

[قُـمـر دنيــآي]

اووبا

 

[جيكره(و)تتغلى25]

انا نفسج والعن وانا موموظفه بطاليه وااوزن كل ماله ويفرش وخدامتي الله يعزها لي ولا يغيرها علي صايره مربيه وام ويمكن زوجه بعد خخخخخخخخخخخخخخخخخخخخخخخ


انا لي ثاني طفل ماعندي خدامه وبعدين جبت يااختي تعبت من اجهاضات وحمل ورا بعض وسهر الحين مااابي غير الفراش والله انه زوجي يعطيها مصرفها قبل يقول هي راعية البيت شسوي كله مده وتعدي


بس اانا داري انا اعدلها والعشى مرات اطبخ ومرات انظف كباتت المطبخ بما اانها وصخه الله يعينها بتلحق الغدا ولا العيال هههه مالت علي والله صج رفله

 

[جيكره(و)تتغلى25]

والله لو زوجي ياخذ مصرفي ويعطيه لخدامه موااافقه من صجج خدامتي كل شهر لها اجازه وعندها نقال


خلاص انهد حيلنا عالسهر
وبعدين انا زوجي يبيني اسهر معاه واجابله وهم اشتغل وانظف لا والله


الخدامه فوق الكل واهم شي بالوجود

 

[shak!shoka]

عيل انا المجاهده نمبر 2 وراح ادش الجنه باذن الله مع الاخت " ديفا" !!

عندي ولدي عمره سنه ونص اول بدايه كنت متحمسه وقلت مابي خدامه تمسك ولدي ويييييع وشقتي صغيرونه اقدر عليها !
وكنت متماسكه وانظف واكرف واسهر مع المزيووون وطبعا ريلي طنااااقير وانتي شفيج ادش واطلع وانتي تحوسين خلاص قعدي راحه ولا شكلج متعمده ماتبيني تقعدين معاي !!! ووقفت قيدي علشان اتفرغ
واذا طلعت ما اتهنا حتى بالتجمعات بس احوس وراه واغيره واوكله واحيانا انومه واقعد مع الخدامات ههههههه

وحاليا حاااامل ونساتي بشقتي وماااالي خلق بس لايعه جبدي ومنسدحه والدنيا حولي مقلووووبه وولدي حراااام يذبحه اليوع يحوس يحوس و يرجع ينام يمي والله كاااااسر خااااطري
وكل ما اطلب خدامه مريييييضه او ماتبي بيبي !!

الله يعيني والله راح انفجر
سوري كتبت قصة حياتي بس من الضييييييييييييييييييم

 

[ام حمد 85]

الله المستعان