السنعات وبس

[farawla_q80ia]

السلام عليكم بنات وامهات شلونكم وشخباركم
بغيت اعرف تنظيف بيوتكم شنو تستخدمون مواد وادوات انا بقولكم انا شستخدم وشلون انظف
1- للسيراميك امسحة بممسحة خيوط بديتول العادي
2- الستاير انظفهم بس بالمخمة الكهرباء
3- الطاولات انظهم بملمع الزجاج الرش الازرق
4- الطوف والابواب امسحهم في ممسحة مربعه بالديتول العادي
5- غسيل الزل = فرشة خفيفة + صابون تايد مع ماي افرك فيه الزولية
6- الحمام وانتوا بكرامة استخدم سوفتي حق الاضيات مع بروش والمغاسل اسنجة مع شوية جف وعقب اطهر الارض بديتول والمرحاض بفرشة وصابون سائل
7- المطبخ حاطة تب صغير فيه اسفنجة مع صابون لوكس حق القلاصات وتب ثاني مع اسفنجتة حق الصحون والقفاش وسيم حق الجدور والفرن استخدمله جف اما ارضيات المطبخ بصابون بودر سوفتي
8- الثلاجة انضفها بسفنجة مع ديتول مخفف بماي
ادري طولت عليكم ويمكن وايد لوية افراضي فمن جذية بعرف طرقكم بالتنظيف والادوات والمنظفات اللي تستخدمونها لان انا المنظفات احسهم وايد وهم يكلفوني
فياليت تشاركوني بطرقكم بالتنظيف حق بند بند من 1-8 يعني مكان التنظيف المواد المنظفه والادوات والطريقة :dddds:
وشاكرتلكم يا متميزااات ​

 

[NoWay2know]

يعطيج العافية

 

[farawla_q80ia]

مشكورة عالرد بس وين طريقتج

 

[بتبوتااا]

منظفاتي ديتول وجف وكلوركس اهم شي عندي وحق المواعين صابون لوكس مع قوه جف وحق الملابس اريل بحبيبات داوني اتيين ريحته

 

[زهرة اللوتس]

مشكورة علافااااااادة

 

[آنسه صفاء]

منكم نستفيد

مشكوووووره

 

[ام بدر البدور]

يعطيك العافيه

 

[دراعه كشخه]

- انااا استعمل جل الميدالية من رامز حق الارضيات والحمام وانتم بكرامه ..
- وصابون لوكس للمواعين واضيف له شويه من الجل المي
داليهعطي رائحه اتجنن حق كل شيء
لانه ي

 

[كوكاكولا]

تقريبا نفس طريقتج بالإضافة الى امسح الأرضيات بعطر للسيراميك ( اعتقد من العبد المحسن )امي تشتري لي اياه

احط كلوركس ببالوعات المطبخ والحمام ( عزج الله ) يقتل البكتيريا

استخدم فانيش للبقع السجاد

 

[ام خالد 78]

ديتول ولفيري وكلوركس منظف الزجاج اهم شئ

 

[حلم الطفولة]

أهم شي التنظيف أول بأول
وآنا أحسن شي عندي الجف.. أكو محل معرفي لأدوات التنظيف فيه عجايب أخذت منه مره حق الرخام .. بس الحين كل شي بالجمعيات متوفر ,, آنا الخطوط بين السيراميك بالشهر شهرين مره أدعكها بفرشه وجف .. بس اللي بالمطبخ لازم كل اسبوع اسبوعين الطوفه شامبو أي شامبو وساعات فيري ليكويد وإذا بنتي تشيطنت وشخبطت الفيري يوخره على طوول .. فيه مشاركه من كويتية تقوول تستخدم معجون أسنان و ماي دافي و وو شوفيها
بس الزوليه لازم شامبو سجاد بالجمعيات متروووس وبين فتره وفتره أختي معلمتني بس ما سويها إلا نادرا : تفرك الزل بكومفوورت
وسلامتج

 

[نجود كم]

انا تقريبا مثلك فى التنظيف ما فية الا الديتو ل يلعب عدل على كيف كيفك فى كل شى لا نة بصراحة تحسين انة من صدق ينظف و يعقم

 

[FoOoShYaa]

يا السنعه تري الزوالي ما تغسل بتايد .
غسليهم بفيري وكلوركس الوان او جل مدهش الاخضر هذا رهيب حق كل زوالي موعين ارضيات حمامات

 

[قطوة@@]

مشكورة

 

[توت وتين]

تقريبا نفس الطريقة ماعدا الثلاجة أستخدم بيكربونات الصوديوم مع ماي والشطف فيه الثلاجة بفوطة نظيفة يقضي على

الروائح ويعقم مرة كل اسبوع أو أسبوعين

السجاد أستخدم الشانبو مع الماي والشطف كامفورت وشوي كالونيامع الماي في المرحلة الأخيرة