السوشي الصحي ببذور الشيا
غداي ٤٤٦ سعره حراريه
طلع معاي ٦ حبات رول تشاركناها انا وبنتي
يعني حصتي ٢٢٣ سعره حراريه
سوشي صحي ببذور الشيا
١/٤ كوب عيش ارض الطبيعه الاسمر ١٦٠ سعره
ورق النوري ٨ سعرات
ملعقه صغيره بذور الشيا ٢٧ سعره
٧٢ جرام افوكادو ١١٥ سعره
٦٠ جرام ٣ اصابع قبقب ٦٨ سعره
١٠ مل بلام صوص ٢٤ سعره
١٠ جرام مايونيز لايت ٢٦ سعره
٨ جرام سويت تشيلي صوص ١٨ سعره
نفرد العيش المسلوق على ورق النوري
نقلبه ويكون تحته اداه لف السوشي
ونخلط المايونيز مع السويت تشيلي صوص ونحط شوي منه ما نكثر علشان ما يسيح بره كل شغلنا
ونحط اصابع القبقب مع الافوكادو والخس ونلف الرول عدل
اخر شي نرش بذور اشيا ونضغط عالسوشي رول
ونقصصها قطع متساويه
وعليكم بالعافيه احلى والذ سوشي شغل شغل بيت
للمزيد من الوصفات زوروا موقعنا مطبخ كويتيات
