السوق في ايطاليا

[kady-elq8]

هاي بنات طالبتكم لا تردوني بلييييز اللي رايحه ايطاليا وزلمسي و وتعرف عن اماكن الاسواق خصوصا ايطاليا سامعه انا عندهم ستوكات يعني اماكن يبيعون الماركات بس باسعار ارخص او يكونون تشكيله السنه الي فاتت بنات عفيه اللي تعرف وين الاماكن و السوقه الزينه تساعدني:eh_s(15)::eh_s(15):

 

[noony_online]

انتي اي منطقه بايطاليا بتروحين ؟؟

 

[kady-elq8]

مشكوره نوني عتى المرور انا بروح منطقه اسمها اوديني و فيرونا اذا سامعه فيهم لانهم اقرب منطقتين يم زلمسي و انا بروح لهم بسياره من زلمسي انتي وين باي منطقه سامعه او رايحه السوق؟

 

[noony_online]

سوري والله هالمنطقتين ما رحتلهم بس ترى عموما السوق بكل ايطاليا حلو انا دورتلج بالنت و لقيتلج هالسايت انشالله يفيدج

http://travel.yahoo.com/p-travelguide-2885396-verona_shopping-i

 

[kady-elq8]

تسلميييين نوني ما قصرتي

 

[BaiTotia]

هلا حبيبتي

مى سفرتج إن شاالله؟

أنا رايحه الoutlet مالهم بس ماني ذاكره وين ولا شسمه!!!!!!! أنا المهم أروح مكان بس ماأدري وين الله قاطني خخخخ

بس عطيني جم يوم على ماأفضى و أدور اسمه لج

 

[مزعلة النسا]

روحي مكان اسمه دزاينر اوت لت تلقين كل الماركات باسعار مخفضه وماتعتبر قديمه يعني له 6 اشهر اقل شي وانشاءالله تلقين كل الي تبينه وادعيلي

 

[مس فيراري]

اهلين حبوبه في محل يبيع الستوكات بشارع الماركات مونتى بوليانو بميلانو بس بشهر 8 ميلانو و ايطاليا سوقها كل مسكر . ترا ميلانو مو بعيده عن فيرونا تقدرين تروحين يوم واحد بالقطار .

 

[مزعلة النسا]

لوسمحتي مس فراري اي صوب المحل الي قلتي عنه في مونتي نابليوني بليز ابي الرد بسرعه

 

[BaiTotia]

ميلانو سوقها مايسكر شهر 8!!!!!!!!!!!!!!!!!!

أنا رايحتها بشهر 8 و كل محلاتها فاتحه وشريت منهم شكثر

باجر أييب لكم اسم الأوتلت إن شاالله

فيث الأوتلت إللي قلتي عنه شلون صاير؟؟؟؟؟؟؟؟؟؟ يمكن نفسه إللي أقصده

 

[kady-elq8]

مشكوريين فيث و بيتوتيه ما قصرتو بس فيث وين صاير ديزاينر اوت ليت بأي منطقه و اي شارع؟

 

[bambena]

امبله ميلان تسكر 10 ايام بشهر 8 بس مادري بالضبط اي تاريخ

 

[BaiTotia]

كادي الكويت العفو حبيتي ماسويت شي

وهذا الأوتلت نفسه إللي قالت عنه فيث كان روعة

بس ماأدري أي منطقة إن شالله فيث تفيدج

بامبينا

يمكن بداية شهر 8 لأني رحت عل نهايته وكان مفتوح

 

[bambena]

بيتوتيه ماني متاكده بس اظن تفتح 24 - 8 لان بيت خالتي العام راحوا توهقوا كل شي مسكر

 

[BaiTotia]

بامبينا إي أنا رحت بعد هالتاريخ لأنا كنا مخترعين إنه يسكر وجذي


بس كان كله مفتوح وسوقهم عجييييييييييييييييييب

 

[@حور@]

بنات الله يخليكم اتاكدوا من التاريخ بالضبط وعطونا معلومات زياده لان اول مره بروح لها 4 ايام مه النمسا وماندل فيها شي اول مره بنروح
\
ما فيها مدينه ملاهي حلوه؟؟؟ حق الرياييل يودونا السوق ويروحون عن الحنه

وشنو فنادق زينه وموغاليه

 

[مزعلة النسا]

سوري على التاخير وماسوينا الا الواجب حبايبي ميلانو تصكر 13 اغسطس الى 24 اغسطس اما بنسبه منطقة الاوت لت في سيربيلا انشاءالله يكون الاسم صح بس مايتوه اي احد تسالينه يدلج عليه يبعد عن ميلان 40 دقيقه بس صج يستاهل العنوه واذا عندج اطفال لا طوفين محل اسمه كدز في الاوت لت كله بدل ماركه مثل بربري وديكي ان واي واليي بس اسعار بلاش اذا بغيتي شي ثاني انا بالخدمه بس آمري

 

[مزعلة النسا]

لا تعبين نفسج حور ما فيها العاب يعني راح اتدبسين فيهم... مكان غيرك اشطر ,