السونار المهبلي ضروري؟

[خفت أحبك وحبيتك]

السلام عليكم

انا الدكتورة طلبت مني سونار مهبلي بالاسبوع السادس

وبصرااحه خفت

انا لما كنت اتعالج عشان الحمل كنت اسويه عادي بس كرهته يعور احس تعقدت من الفحوصات لاني تعبت تعبت بفترة علاجي

لازم اسويه؟

 

[Meeesh]

لا طبعا مو لازم
قوليلها ماابيه

انا بعد طلبته مني لما كنت بالاسبوع الخامس والسادس وقلتلها ماابييييييه

 

[مشتطـه]

لا اذا مو ضروري حيل لا تسوينه

!!!!!!!!!!!!!!!

 

[A-b-c-]

ديري بالج حبوبه قوليلها مابي ترا يسبب اجهاض بعض المرات ..
الله يرزقج بالذريه الصالحه ويقر عينج بشوفه ضنااج

 

[ghadeeeer]

حبيبتي توكلي على الله وسويه خلال هالفترة من الحمل البيبي ماراح يبين إلا عن طريق السونار المهبلي عيل شلون بتطمنين عالبيبي؟
وبعدين دام مافيج دم لا قدر الله صدقيني ماراح يضرج ومالج شغل بالحجي اللي يقول يسبب إجهاض أهو ممكن يسبب إجهاض للي عندها بوادر إجهاض أصلا
وشيلي الخوف من بالج ترا شغلة دقايق وتخلصين

 

[خفت أحبك وحبيتك]

الله يعيني واسويه شايله همه

مشكوورة ماقصرتوو

 

[الجوهرا]

غلط اشلون جذي السونار الداخلي مايصير للحامل

 

[ghadeeeer]

^^^^^^^^^^^
حبيبتي طووووووووول عمرنا نسوي السونار الداخلي في بداية الحمل والحمد لله لا ضرني ولا ضر خواتي ورفيجاتي لو مو زين جان طلع تعميم من منظمة الصحة العالمية بمنعه

 

[ام فواازي]

وليش مستعجله على شوفة البيبي اصلا السونار العادي يكفي ماله داعي مهبلي
عالاسبوع الثامن يبين صوت النبض واللي تقول عادي طول عمرها تسويه لا ياقلبي مو عادي لانه فعلا يسبب اجهاض
اذا بالشهر التاسع الفحص الداخلي يفتح الرحم شلون هذا مايضر الا يضر وممكن يفتح الرحم وانتي حبوبه تعالجين عشان الحمال والله ارزقج نصيحه لا تسوينه وبالاسبوع الثامن راح يبين النبض والله يتمم عليج

 

[&هند&]

ليش تسوينه يسبب اجهاض انطري اسبوعين وبين البيبي دام ما فيج شي ليش تسوينه ،،،،

 

[خفت أحبك وحبيتك]

بنات انا ما طلبته بس اهيه اصرت قالت لازم


مادري احترت

 

[كوفي لاتية]

عزيزتي اذا معاج دم خفيف لاقدر الله لاتسوينه لان يساعد علي الاجهاض
وهو علشان يشوفون مكان الجنين اذا مرتفع او خارج العنق

 

[$special$]

السلام عليكم، مامنة ضرر ان شاءالله انا سويته بالشهر الثالث ،اذا محتاجتة ضروري توكلي على الله او راجعي دكتورة ثانية علشان تتاكدين انج محتاجتة، انا سويته ووقتها كان. ينزل علي دم والحين الحمدالله قريب اولد

 

[عازفه القلوب]

لا لاتسوينا لان وحده نعرفها سوتا وهي في الشهر الرابع وسقطت

 

[ملاك ^ الحب]

حبيبتي انا مرتين سوالي الدكتور بالاسبوع الخامس والسادس


عادي مافي منه خطوره

انا بالبدايه كنت خايفه اسوي بس الدكتور شرحلي شلون يسويه

السونار ينحط بالمهبل بس ما يوصل عنق الرحم لان عنق الرحم مسكر