السونار كثرته مضره !! هل هالجمله صحيحة والا تأليف

[مشتطـه]

قوة


بنات انا اخر سونار سويته 29-8


عندي موعد بالخاص 15-10

واحسه وايد بعيد


وتوني راده من السفر ومشيت مشي وايد وخايفه عالبيبي


المهم بروح المستوصف اسويلي سونار اتطمن عالبيبي و وضعه

انا بالشهر الخامس


خالتي كله تقول مو زين كثرته ولا تسوين


ولو مو زين جان الدكاترة شددو على هالموضوع

شرايكم شنو سمعتو فيديوني


انا اتكلم عن السونار العادي ابيض واسود !!!


اليوم رحت وسمعت دقات القلب وطمنتني وقالت السونار فتحي ملف يوم ثاني ونسويه لج


اسويه الخميس والا لا ؟




انزين وبسألكم عن الابرة اللي بالشهر الخامس والسابع شنو هذي ومتى اروح اخذها

واخذها بالحكومة عادي ؟

 

[الصواني]

اللي اعرفه ان كثره السونار فيها ضرر والله اعلم

 

[مشتطـه]

انا لما اقول كثرته يعني بالسهر مرة

ويصدف كل ثلاث اسابيع مرة لمرة وحده

عقب كل شهر مرة فهمتو علي




وشكرآ على مرورج

 

[KOKO_284I]

شوفي في حريم عندهم هوس

بس اهو ضروري عشان الوحده اتعرف اذا الياهل ثابت ولا لا

او اذا في تشوهات وغيره بالعكس اهو ضروري

 

[tbola]

up up

 

[يا عيون سمي]

لا عادي انتي مو كل يوم قاعده تسوينه عيل الحالات الخاصه اللي تسوي بالشهر ٣مرت ليش ما قالو مو زين لا عادي انا سالت دكتورتي قالت لا عادي لان مايسوي شي

 

[كويتيه مذهله 87]

حبيبتي مو مضر انا عندي مشاكل بالحمل والله اول الاشهر كل اسبوعين سونار لمن دشيت الشهر السادس ولمن الدكتور تطمن كل شهر اسوي سونار
ودكتوري بروفووسور بعد مو استشاري

والله يسهل عليج

 

[العفاسيه]

عادي مافي اضرار انا مرات اسويه بالشهر مرتين

 

[La t7atini]

ماتوقع مضر ولا ماسوولنياه بكل زيارة

وبالنسبة للابرة مادري انا بجر وماخذيت ولا ابره من حملت

حق شنوو هذيلا ؟

الي اعرفه الي شاكين فيها ولاده مبكره
يعطونها ع السابع ابره الرئة بس ؟؟

 

[Daisy flower]

انا سألت اكثر من دكتور عن كثرة السونار .. قالوا مايأثر نهائيا والله اعلم .

 

[مس لوتس]

نفس سؤالي للاستشاري السونار بالسلام الدكتور اشرف قالي بالملي انصحج سونار بالاسبوع١٢ وبالشهر الخامس وخلاص الا اذا حسيتي بقله الحركه بالاشهر الاخيره سووي وبسسس قلتله ليش قال لان السونارات كثرتها مضره وللي تقولج كل شهر او كل اسبوعين اسوي يمكن ربي ساتر عليها انتي احتاطي وسمعي كلام اشرف اللي مابعده كلام وهذا زوجي من سمع لدكتور حالف ماسوي وبخصوص الابره يعطيجياها الحكومه بالسادس والسابع وموفقه

 

[قلب مغليك]

لا مو مضر انا مرات اسويه يومين ورا بعض

 

[ام الحلوااات]

الــــدكـــتـــوره تـــقــــول عـــــادي وســــــوتــــــه لـــي وااايــــــــد عـــشـــان وضــعـــي مـــو مــطــــمــــن بــبــــجــــــري​

 

[ناتشوو]

مايضر كلش

 

[شرقاويه*]

عادي مايضر
انا بنت عمي كانت حامل بتوم وكانت كل اسبوعين تسوي سونار رباعي الابعاد بعد
مايضر وكان الدكتور استشاري

 

[دآنة آلرشآيده]

السونار مو مضر عادي
بس اسالي الدكتور عشان تتاكدين
الله يتمم عليج يارب ​

 

[جديده 1]

الابره عشان الولاده لو كانت الادوات مو متعقمه مايحوشج بكتيريا او اذا مثلا صارت معاج حاله ولاده بالبيت او بالسياره و غيره فمايصير فيج بكتيريا او الولد

 

[انجبر قلبي]

آنا سألت 3 دكاتره

و زوجي سأل

كلهم اتفقوا على ان السونار ماله أي ضرر و اهو مصنوع اساسا عشان الحامل فما يسوون شي يضر البيبي

ما عدا واحد قال اهو طبعا ما يأثر ولا يضر بصحته بس ممكن ان السونار يزعجه يعني السونار يطلع اصوات يسمعها البيبي مزعجه احنا ما نسمعها من خلال الترددات ومادري شنهوووو المهم فـ تأثيره احتمال يكون على الاعصاب فقط ان يتنرفز والا يعصب والا شي جذي هذا اللي فهمته

 

[حمرة الورد]

كلام فاضي مايضر ولا شي انا مرت علي اني اسوي سونارين بالشهر والدكتوره أهي اللي اقرت هالشي ولماسالتها اذا في ضرر قالت أبدا مافيه شي شنو اللي يضر

 

[مشتطـه]

صح انا كلش ما سمعت

وخالتي لما قالت مو زين ما صدقتها لانها جنها امي يألفون ويفتون بالطب من كيفهم



بصراحة اغلبكم قلتو انه ما يضر بس وحده

عمومآ تسلمون على تفاعلكم معاي عسى الله يوفقكم يارب