الشاي الاخضر وما أدراك ما الشاي الاخضر صحه وبياض وصفاء ونضاره لاتردوني دشوووو كلكــم

[*ماي ورداسم يستحق الثقه*]

السلام عليكم ورحمة الله وبركاته​

فديتكم حبايبي ورديت لكم من جديد كالعاده بشي خفيف وسهل​

والاهم من هذا كله مفيييييييييييد وغني بالفوائد ​

واللي راح اتكلم عنه هالمره اهو ​

الشاي الاخضر​

​

حبايبي قبل كل شي لازم اتعرفون ان الشاي الاخضر مهم جدا ولازم يصير ​

روتين وعاده من عاداتكم الغذائيه الصحيه والجماليه وحطو على الف خط أحمرعلى الجماليه​

انا اقولكم ليش الجاي الاخضر؟؟​

الشاي الاخضر وما أدراك ما الجاي الاخضر ​

باختصار من غير تفصيل عشان توصل المعلومه وماتملون وانتو تقرون الشاي الاخضر غني بمضادات الاكسده وهالكلام اللي بتقرونه الحين من مصدر طبي موثوق عشان جذي باللغه العربيه،وبنفس الوقت عشان تعرفون شنو معنى الاكسده وشنو معنى مضارات الاكسده​

مضادات الأكسدة، تجعل المرء أكثر صحة ورشاقة وجمالاً، بأنه، ومع مرور الزمن وزيادة العمر، تبدأ خلايا في الجسم بالانهيار، وعندما تموت، فإنها تطلق جزيئات صغيرة من الأوكسجين تسمى الشقائق الحرة، وتعمل على تعطيل عمل الخلايا الطبيعية التي ينتج عنها مشكلات صحية، منها الشيخوخة المبكرة «بمعنى آخر، لا تتمكن الخلايا من القيام بعملها بشكل مناسب، لأن الشقائق الحرة تستمر في محاولة اجتياح الخلايا السليمة، وفتح أبوابها عنوة».​

فإن الأطعمة الغنية بمضادات الأكسدة(اللي يعتبر الشاي الاخضر واحد من اهمها)، يمكن أن ترفع قدرة الدم على محاربة الأكسدة، بمراحل تصل بين 10 إلى 25٪، وهي نسبة يمكن أن تترجم في الواقع إلى كمية أقل من التجاعيد، وشعر أكثر لمعاناً، وأظفار أكثر قوة،​

وطبعا شلون ممكن تستفيدون من الجاي الاخضر وشلون تستخدومه انا اعلمكم :hjy5jewf:​

الجاي الاخضر اعتبريه متعه وخليله طقوسه الخاصه وتمزمزي بطعمه الطبيعي وبنكهته اللاذعه الطبيعيه واللي اثبت علميا انه الجاي الاخضر يعطي طاقه ويعدل المزاج:eh_s(7):​

مركز تحميل الصور​

لشباب دائم وصحه وبشره نضره كلها صفاء وحيويه اقولج عالاقل شربي كوبين من الجاي الاخضر باليوم​

لا تزيدين عن جذي كوبين باليوم كافين وبانتظام واستمرار وعن تجربه شخصيه ليش اقولكم كوبين لانه اساسا مفيد للي عندهم ضغط يريحهم وايد اما اللي ضغطها طبيعي كثرته تنزل الضغط​

شنو علاقة الشاي الاخضر بالبشره وليش ممكن شرب الجاي الاخضر يصفي بشرتج؟​

لانه يساعد الكبد على اداء وظيفته بشكل اكثر فعاليه ويساعد على تنظيفه ويدمر الجذور المؤذيه بالكبد المدهن​

(اللي متراكمه حوالينه الدهون بسبب العادات الغذائيه السيئه)​

وسبق اني كتبت موضوع بخصوص تنظيف الكبد وتقدرون الحين اتظيفون الجاي الاخضر بعد ظمن الوصفات اللي حطيتها بموضوعي تلقونه بالهرابط للي مامر عليهم
http://www.q8yat.com/t865621.html​

وعلى فكره شربه هم مهم لصحة الفم والاسنان لانه يحتوي على نسبه عاليه من الفلورايد اللي تقوي الاسنان وتمنع تسوسها ويبطىء نمو البكتيريا اللي تسبب النفس الكريه​

بتسألوني اي افضل نوع بقولكم اللي جربته ونكهته يازتلي جاي الربيع بالنعناع وهذي صورته​

مركز تحميل الصور​

والحين اقولكم اشلون تستفيدون منه موضعيا(موضعيا يعني بوضعه على البشره)​

حبايبي القلاص اللي تشربونه من الجاي الاخضر لاتضيفونله شكر بس ماي مغلي عشان الفايده او اذا حبيتو اتضيفونله نعناع فرررش هم زين ويحسن مذاقه للي مايتحملون طعمه​

ولما اتخلصون من شرب القلاص لاتقطون جيس الجاي اللي داخله مسحو فيه ويهكم مفعوله نفس الاسكينول واقوى،لانه معقم ومركز تمتصه البشره مباشره ويغذيها واثبت انه المضادات الحيويهاللي فيه اقوى بأمية مره من فيتامين C عشان جذي يعطي نظاره فوريه وتفتيح ​

وهم بعد تقدرون تستفيدون من جيس الجاي الاخضر بعمل كمادات للعيون يشد التجاعيد والخطوط حوالين العين ويقلل من الهلات السوده مع الاستمرار​

عشان جذي تلقون الجاينيز الصينيين صكو الثمانين وويوههم بتشقق من الشد من كثر مايشربونه ويغسلون فيه ويههم:eh_s(10):​

وعلى فكره الجاي الاخضر يقي من امراض الجلد الله يكفينا شرها واهمها السرطانات وهم اثبت فعاليته في معالجة الصدفيه​

والحين بعلمكم على ماسك الجاي الاخضر وايد حلو وسهل و تقدرون تستخدومنه بشكل يومي اذا لكم خلق:ggdw: ​

او ثلاث مرات او حتى مرتين للي يستخدمون خلطات حق ويهم غيره​

وفايدة هالماسك يساعد على تبييض البشره وصفائها وشدها وتوحيد لونها وازالة البقع ونعومتها ونضارتها والاهم من جذي​

يمنع ويقلل من تهيج حب الشباب ويمنع البثور يعني بشره حلوه على طوووول اذا تعودتي عليه
ومايضر الحوامــــــــــــــل عادي استخدموه ​

وخليه من اسرارج ​

​

1-جاي اخضر مطحون ونوعه يكون بعلب حديد مو كرتون الربيع افضل شي​

اتحطون منه ضعف الكميات اللي بقولها تحته​

يعني اذا كان المتوفر عندج كوب تحطين من الجاي الاخضر كوبين​

واتييبون كميات متساويه على حسب الفنيال او الكوب المتوفره عندكم​

2-مره مطحونه وانتبهو تكون من نوع جيد مو رديء ​

شلون تعرفون تكون الحبه نوعا ما صافيه وصفره من غير بقع سوده وشوائب​

3- عيش ابيض مطحون وتأكدو من نظافته​

4-طين خاوا من الحواي معروف بغنائه بالاملاح والمعادن​

تاكدو قبل لاتحطونه بالطحانه من خلوه من الصخر والحصى عشان لايخرب المطحنه​

5-هرده مبيضه وطبعا تكون بودر مو مالت الاكل تاخذونها بالكيلو من الحواي​

6-ترمس مطحون ​

ونص الكميه اللي ضفتوها بالضبط من كل صنف ضيفو عليها قهوه تركيه​

يعني كمية القهوه تكون اقل من الباقي ​

وبليز بنات القهوه عادي اي نوع متوفر عندكم بس ​

حبايبي كل شي قلته اتييبونه من الحواي الا الجاي الاخضر اتييبونه من الجمعيه او الفرع​

وبس ينخلطون بيطلعون كميه حلوه حطوها بغرشه مايهم شفافه او ملونه اخذو منه كل مره قفشه وحطوها بصحن خاص حق هالماسك دلعو روحكم شوي:sfg:​

وضيفو عليها قفشة ماي حار وخلطوه عدل ونطرو لين يصير دافي وحطوه على البشره واهو دافي​

قبل لا تحطونه لاتنسون غسل الويه بالصابونه المعتاده ضروري ينحط الماسك على نظافه واتوزعونه بعيد عن العين ​

غير مخصص للهالات وانتبهو انا اتكلم عن الماسك وليس الشاي الاخضر بروحه​

وتتركونه لين ينشف عدل مدل وتغسلونه بالماي الدافي بعدين وعقب بس تمسحون ويهكم بقطنه مبلوله بماي ورد محمدي اصلي​

وطبعا هم ماي الورد من الحواي ​

ومع الاستمرار بشرب الجاي الاخضر والماسك شوفو بشرتكم شلون بتصير صفاء ونضاره وجاذبيه وعادي تقدرون تستخدمونه حتى وانتو تستخدمون برنامج معين حق بشرتكم سواء علاج او تبييض
مايضر بإذن الله​

وسلامتكم​

حبايبي كل شي تكلمت عنه واثقه منه وهالماسك انا جربته وحبيت افيدكم فيه​

كل شي ذكرته بالتفصيل اتمنى منكم قراءة الموضوع اكثر من مره عشان لاتحرجوني باستفسارات ​

جوابها بالموضوع ولاتسألوني عن شي موذاكرته بالموضوع اللي جربته وواثقه منه كتبته غير جذي اللي تبي تضيف شي عالماسك مني مناك اهي تجتهد من نفسها وتشوف​

ومابي منكم الا الدعوات ياغاليات ولاتحرموني من ردودكم الحلوه​

واتمنى اللي تبي تنقل موضوعي وتفيد غيرها تذكر اسمي *ماي ورد اسم يستحق الثقه*​

تعبت فيه وما احلل اللي تنقله بدون ذكر اسمي:bbbiu:​

:nbvppw:
أحبكم في الله واحبكم الذي احببتموني فيه​

:nbvppw:​

 

[جيكره(و)تتغلى25]

عجيب الموووضوووووع


يسلموووووووووووو

 

[بنت السلطآإآن]

ماي ورد امووووووووووووووووت فيج وفي خلطاتج ومنتجاتج يالغاليه



ومشكووووره على الموضوع الروعه




واب لعيونج يالغلا

 

[شذونه]

مشاءالله عليك كفيتي وفيتي
هههههه استفسار>>>عاده فيني
حبيبتي بشررتي حساسه كثيييييييير ينفع هلماسك او لا

 

[mejo]

يعطيك العافيه

 

[MisS.Wawa]

روووووووووووووووعه x روووووووووووووووووعه
وربي شغلج كله روعه برووعه تصدقين اليوم مسويه خلطه ضفتها حق خلطه زيوت للشعر بغيت ابطل 4 اجيااس شاي اخضر واحطهم بالزيوت لانه فيها اعشااب ونواه تمر بعد
تذكرتج على طول بس خفت اكون مخبصه بالموضوع كله لووول
عادي احطه مع الزيوووت قلبي ..؟

وتسلم ايدج اشكره اشكره مسويه الماسك باجر بأذن الله انشالله
وربي لا يحرمنا منج ولا من امثاالج النادريين العسل فديتج وربي جوهره بالمنتدى
يا مااااااااااااااااااااااااااااااااااااااااااااااااي ورد​

 

[نجمه الحالمه]

مشكووووووووووووووره

 

[nono93]

فديتجججججججججججججج حووووووووووووووبي

 

[~*~الملكة~*~]

يعطيج العافيه

 

[ام احلى خلودى]

يعطيج العافيه حبيبتى ماقصرتى

 

[أورااااااد]

موضوع ييهبل ومفيد يعطيج العافية

بس كا قلتي افضل وقت لشرب الشاي الاخضر

اتوقع بالليل قبل النوم هو افضل وقت بس ابي اتاكد من المعلومة اذا انتي تعرفينها وشكراااااااااااااااا قلبو

 

[lolwa al.h]

مشكووووره وصاجه معروف فوايد الجاي الاخضر بس يقولون مو زين الحامل تشربه عاد مادري صج ولا لا

 

[ANGEL CAT]

اول ما اشوف اسمك على الموضوع ادش سيييييييييده الله يحفظك ويرزقك من حيث لا تحتسبين

 

[بنت ال18]

رووووووووووووووووووووووووووووووووووووووووعه ربي يعطيج العافيه

 

[_ظل الياسمين _]

مشكوره حبيبتى يزاج ربى الخير.

 

[عبقرية]

مشكورة الشاي مفيد كثير وخاصة الاخضر والابيض ​

 

[الجميلـة]

خووووووووووش موضوع
ومتى نشرب الجاي الاخضر
بعد الاكل او قبله

 

[قمراي20]

يااااعوموري انتي تسلمين على الجديد الاكثر من رائع وراح نجربها ونخبرك بالنتااااايج باذن الله​

 

[نسايم الليل]

ماي ورد لبى قلبتس ماقصرتي
احب الشاي الاخضر والماسك حبيته بعد دام انه منتس الله يعطيتس العافيه

 

[الجااونيه]

يعطيييج العافيييه
واللــــــــــه يوفقج دنيا وآخره


مااااقصرتي