الشعر بالمنطقه الحساسه ساعدوني بنات

[om fahad_09]

الشيرة وايد زينة وتريحج بس مع المخدر عند الالمخدر املا مال مصر تكلمو عنه الخوات ويبيعونة بالمنتدى وفكي روحج من العوار وفكي روحج من الشعر مده أطول

 

[sKntyny]

اكو مخدر اسمه (الضماد السائل ) يقولج تشيلين وانتي مغمضه بالصيدليه موجود

اكو وحده شرته واستخدمته حق نزع الشعر اتقول تنشال معي الشعر بايدي من غير لااحس
http://alfrasha.maktoob.com/alfrasha10/thread1286623/

راح تستفيدين ان شاءالله

 

[صمت المرافئ]

رد : الشعر بالمنطقه الحساسه ساعدوني بنات

حبيبتي مو زين تشيلين بالشيرة المكان هذا يترهل بسرعة والرسول - صلى الله عليه وسلم قال : من السنة نتف الابط وحلق العانة لاحظي الابط نتف يعني تشيلينه بالشيرة اما العانة حلق فقط يعني بالموس واذا انت مالج خلق كل يومين ثلاثة تشيلين بموس سوي ليزر بس لنفسج لا تخلين احد يسويلج ترا حرام كشف العورة الا لضرورة .و بعض عيادات الجلدية- البعض انتبهي- مو الكل يعلمونج ويخلونج تسوين لنفسج شوفي الجريدة واتصلي وترا ما يعور مثل ما يقولون آنا مجربه الليزر (للابط والسيقان ) واحسن نوع منه الليزر البارد .​

 

[حرم_طيار]

رد : الشعر بالمنطقه الحساسه ساعدوني بنات

انا بصراحه اسوي ليزر واايد مرتاحه

 

[ديانا سبنسر]

شيرة احسن شي

 

[violet*q8]

:balo:
انا مو متزوجة حاليا بس مرة جربت الشيرة تعور بس مو وايد لاني ماشلته مرة وحدة
شسوااالي--- اولا بعد يومين تطلعلي حبوب وانا أساسا اعقم ايدي بديتول قبلها وبعدها واعقم المنطقة بعد بالديتول وبعدها قطنه عليها آسكينول وبعدين بديت بالشيرة بس هم تطلع لي حبوب وتحرق احس العذاب ايي بعد يومين من الشيرة


جربت الموس مع بودرة النشا كذا مرة جربتها
اممممم قالولي انها ماتسمر وفعلا ماسمرتني نفس اللون صار بدون اي تغيير باللون
وبالنسبة لكثافة الشعر مع الاستمرار في اماكن مايطلعلي شعر فيها
وبعض الشعيرات اول ماتطلع تطلع جنه شوك ولما انطر عليه تخف حدة الشوكة :tongue22:
يصير عادي نفس شعر الايد يعني
وماتعور
وسريعه
بس في اماكن الشعر بسرعه يطلع
احتمال اسوي ليزر يمكن

 

[غربة ملاك]

عادي اختي كل وحده تعاني من هالمنطقه وشلون تنظفها
انا ما احب الا الشيره وقبل كنت اقعد 3 ساعات عشان انظف هالمنطقه بس اختي ما قصرت وعلمتني طريقه خلتني انظف هالمنطقه بساعه
1- شوفي اول شي تنظفين منطقة العانه اللي اهيا المنطقه الاماميه وتستخدمين قطعه صغيره من الشيره اسهل لج .. تكونين قاعده عادي على الكرسي .
2- بعدين اطراف البكيني من الامام لي الخلف والافضل انج تغيرين الشيره عشان النظافه.. تكونين واقفه وريلج على الكرسي .
3- بعد ما تخلصين تتجهين من اطراف البكييني لي الداخل وكل ما اتجهتي لي الداخل بيكون نزع الشعر اسهل والشيره تكون صغيره .
4 - الحين نيي حق المنطقه الخلفيه تاخذين قطعه من الشيره وتجدمين ظهرج للامام وايدج للخلف 3 مرات لين تحسين انج صرتي ناعمه.
5- بعدين تاخذين منظره وتشوفين الامااكن اللي فيها وترجعين عليها مره ثانيه .

اخر شي تغسلين المنطقه بالمااي وتمسحينها بمااي الورد عشان تبرد عليها وتعطيها ريحه حلوه وفريش

وسامحوني بنات اذا قلت كلمه مو حلوه بس ما قدرت اوضح الا بهالطريقه

وان شاءالله اكون كفيت ووفيت لصاحبة الموضوع

 

[متكحله @]

رد : الشعر بالمنطقه الحساسه ساعدوني بنات

صراحه مافي احسن من الشيره

بس انا قريت هالموضوع ويمكن يفيدج


تنظيف المنطقه الحساسه من الشعر

طبعا هي مو سر أو غيرطرق الناس بس الحمد لله الطريقه هذي مريحتني وماتطلع حبوب ولاسواد ولاترهل المنطقه وغير كذا تخفف نمو الشعر وإنتي بنفسك راح تلاحظين ..

أولا: لازم توفر الاشياء هذي :

حبات من السكر



قليل من زيت الزيتون



مخدر (بنج للأسنان )



قطن



بودرة الاطفال



شيره



الة براون لنزع الشعر وليس الحلق ...




بس تقدري تشتري براون للنزع لوحدها مو شرط مجموعة العروسه ..



براون لحلق الاماكن الصعبه في المنطقه الحساسه ..
هي على شكل قلم تجي مع مجموعة العروسه
وممكن تجي لوحدها ..

منظره .. مرايه..



الان ياشطار جهزووو الاغراض هذي كلهاااا حتى نبتدي بالطريقه ...

طريقة شيل الشعر :
1- أحسن وقت لشيل شعر المنطقه الحساسه هو في اليوم الاخير أو ماقبل الاخير من الدوره لان الام راح يكون أخف بس بشرط يكون الدم متوقف ..
2-ندهن المنطقه بزيت زيتون ونأخذ حبات السكر الخشن وندلك المنطقه بلطف هذه الطريقه تساعد على تقشير المنطقه وإخراج الجلد الميت والشعر الي تحت الجلد وبكذا لما نجي نشيل مايكون فيه شعر مستخبي 0
3-نترك زيت الزيتون على المنطقه لمدة ساعه وبعدها نغسله بالماء (يابنات زيت زيتون وماي يعني سواااد عشان كذا اذا استخدمتو الزيت لاتغسلوه إللا بعد ساعه )
طبعا نغسله بالماء وصابونة البابايا وبعدين ننشف المنطقه زين .
4- نجيب المخدر (بنج الاسنان )ونرش في قطنه لين تتعبى القطنه ونمسح على المنطقه الحساسه طبعا على أماكن نمو الشعر بس نبعد عن الفتحه ..
(اذا الشعر طويل قصيه عشان الشعر الطويل يتعب بالشيل ويعذبك وبرضو مايسمح للبشره تتشرب المخدر )
بعد مادهنا المخدر نترك المنطقه مفتوحه بدون ملابس لان الملابس راح تتشرب المخدر وكأننا ماسوينا شيء
يعني إجلسي بغرفتك خلصي كم شغله ولا إقري كتاب لين تمر نص ساعه ..
بعد النص ساعه جهزي عدة الشيل
(فيه بنات ماتتخدر عندهم المنطقه إلا بعد ساعه ,,يمكن أو مره ماراح تعرفي إنتي كم محتاجه عشان تتخدر عندك المنطقه لكن بعدين راح تتعودين وتعرفي اذا نص ساعه ولاساعه )
5- عند الشيل راح نقسم المنطقه الحساسه الى ثلاث أقسام :
1-المنطقه الاماميه وهذي تنشال بالحلاوه .
2-منطقة الاشفار الكبيره وهذي تنشال بالأله .
3- المنطقه العميقه والقريبه من الفتحه وهذي تنشال بألة براون القلم .
1- شيل المنطقه الاماميه :
هذه المنطقه أكثر شيء يناسبها في الشيل الحلاوه
تعرفون ليش؟؟!
انا أقولكم ..
لأنه هذه المنطقه لازم تكون ناعمه وخاليه من الشعر وبرضو بيضاء
واذا تزوجتي راح تفهمي كلامي أكثر
طبعا الموس على طول يسمر هذه المنطقه والأله تطلع حبوب وشعر تحت الجلد وألة الحلق يومين والشعر طالع
حطي في بالك إنك في يوم راح تكوني عروس وعلى الاقل الشعر لازم يجلس كم أسبوع ومايطلع فابدل ماتتبهذلي بعدين تعلمي من الحين إنك تشيلي ..صح راح يكون فيه ألم ويمكن الي كانت تستخدم الموس الالم راح يكون أشد بس صدقوني أول مره ويمكن المره الثانيه وبعده خلاص تتعودين ..والمخدر راح يخفف عنك ..ولاتقولو الحلاوه ترهل ..
الحلاوه ممكن ترهل لو أستخدمات للأشفار الكبيره أم المنطقه الاماميه أبدا ماتسبب ترهل ولا برود جنسي على قولتهم لأنه أساسا مافيه برود جنسي مثل ماذكرنا في الردود السابقه .



نجيب حلاوة شهرزاد وناخذ قطعه كبيره ونجلس نلعب فيه لين يتغير لونها ..
بعد مايتغير لونها نحط القطعه على طرف الرجل لأنك لو حطيتيها في صحن أو ورق راح تسيح وتلصق فيه فالافضل على طرف رجلك ..
إجلسي ممده على رجولك بس إرفعيهم على طرف السرير مثلا
يعني شبه منسده وبكذا هذه المنطقه راح تكون مشدوده عندك ويسهل شيلها ..
خوذي من قطعة الحلاوه الكبيره الي جهزتيها خوذي منها حبه قد حبة اللبان (العلك )وشيلي فيها جزء صغير يعني إفرشيها على الشعر بإبهامك وعلى طول بإصبعك السبابه والابهام شيليها ..
لو ماطلع معك شعر كرري الطريقه بس مو على نفس المكان ولو حسيتي أن المنطقه ماتخدرت إنتظري بعد شوي ..
طبعا راح يطلع معك الشعر من جذوره وبمجرد ماتشوفيه راح تتشجعي أكثر وأكثر ..
يمكن شيل هذه المنطقه ياخذ منك وقت طويل لأنك مبتدئه لكن بعدين راح تشيليه بسرعه ويمكن بقطعه أكبر من حبة اللبان ..
ولو الحلاوه سالت بيدك رشي على يدك بودرة الاطفال راح تخفف من الإلتصاق ..
ونصيحه مني لو أول مره تشيلي لاتشيلي المنطقه كلها مره وحده لأن ظهرك راح يتعب ..
إنتي شيلي المنطقه الاماميه يوم ومن بكرى شيلي الباقي ..

_بعد ماتشيلي المنطقه الاماميه بالحلاوه راح يبقى معك بعض الشعرات لاتضيع وقتك عليهم إتركيهم للمسات الاخيره .
وبجذي ننتقل للمرحله الثانيه ..

2- شيل منطقة الاشفار الكبيره :
هذي المطقه مثل ماقلنا ماينفع معها الحلاوه لأنها بترهل ولو إستعملنا لها الحلق بيصير شكلها بايخ تخيلو فوق يجلس اسابيع بدون شعر وهذا يومين والشعر طالع
عشان كذا أفضل شي استعمال الة براون لنزع الشعر يعني نتف مو حلق وألتي جاي معها راس خاص للمنطقه الحساسه

هنا عاد تعدلي جلستك وتجلسي مثل جلستك لقضاء الحاجه أعزكن الله وحطي المرايه تحتك حتى تشوفي وشغلي الاله على الهادي مو السريع ..
راح تحسي بألم فضيع اذا أول مره
إحتمال يكون مفعول المخدر خلص عشان الوقت راح على شيل المنطقه الأماميه عشان كذا أنصحكم تشيلو بيومين لين تتعودون

إستمري بالشيل ولامنع من التوقف وتبريد المنطقه بقماش فيه كيس ثلج بس تبريد خفيف عشان ماتموووت الخلايا ..
بعد ماتخلصي من الاشفار الكبيره
نجي للمرحله الثالثه .

3-شيل المنطقه العميقه والقريبه من الفتحه والمنطقه الي بين فتحة المهبل وفتحة الشرج وكذالك الخط الي بين طيات المؤخره لو فيه شعر ..
طبعا هذه المنطقه ضيقه وعميقه وحساسه بقوووه وماينفع معاها لا موس والة نتف ولا حتى حلاوه لأن الجلد رقيق ..



عشان جذيه نستخدم ألة براون الي حلى شكل قلم للحلق يعني إرتاحو مافيه ألم ونضفي المكان على كيفك ولايضيق صدرك من كم شعر تستخبي وإنتي ماتطوليها

وبجذي خلصنا من شيل المنطقه باقي اللمسه الاخيره وهي أخذ قطعه صغيره من الحلاوه ونزع الشعر الصغير والي ماإنشال معك أول مره ..
صح وإنتي تقرين الطريقه راح تقولي يوووووووووه طويله لكن لو عودتي نفسك عليها ماراح تاخذ من ساعتين مابين التخدير والتجهيز والنتف ..وساعتين يازينهم ولا عشر دقايق مع الموس وبلاويه هذا غير إذا جاء زواجك تبهذلتي ..


خليك من الحين متعوده وفرصه يخف نمو الشعر قبل الزواج ولايكون هو أكبر همك ..وتكوني زوجه نظيفه من برا وداخل

لاتروحون ماخلصنا ..



خلصنا من الشيل..
نجيب شوية ديتول مخفف بمويه ونمسح فيه المنطقه عشان الجراثيم والحبوب ماتطلع وبعد ماينشف نجيب زيت زيتون وندهن المنطقه فيه وهذا سر تأخر نكو الشعر

السر بالزيت
يقولك دهن المنطقه بزيت الزيتون بعد النتف مباشره ولمدة ثلاث أيام يقلل نمو الشعر بشكل كبير ..
نتركه ساعه بعدين نغسله
ولو حابين تبيضو المنطقه وتنعموها حطو عليها خليط (نشاء وليمون وماء ورد )
لو تعودتي على الطريقه هذي ..
أضمن لك النظافه أولا


الرائحه الزكيه ثانيا


تفتيح المنطقه ثالثا





طريقه في إزالة الشعر من بقية أجزاء الجسم..

بالنسبه للأبط :
شيليه بالحلاوه بس نفس طريقتنا بذيك المنطقه نسوي قطعه كبيره من الحلاوه وناخذ منها قطع
صغيره

بس الأبط مكان حساس مرررره يمكن أشد من ذيك المنطقه يعني اذا شلتي جزء منه ومانظف

لاترجعي تشيلي نفسك المكان لا روحي لمكان غيره بعدين اذا برد أرجعي شيليه ..

لأنه الشيل بقوه وتكرار راح يخلف لك بقعه زرقاء ولا خضراء وبعد أيام تقلب سوداء وتصيري بمشكله

ثانيه ..

أنا بصراحه ماأستعمل البنج إلا لذيك المنطقه فقط ..

بس عشان تخففي من الالم جيبي قماش فيه كيس تلج وبردي الابط قبل الشيل وأثناء الشيل

بس لايصير فيه مويه بعدين ماتلصق الحلاوه ولاتخليه مده طويله عالبشره يعني ثواني ..

وأهم شي في شيل الابط هو شد اليد عشان يكون الشيل بسرعه وأخف ألم وشدها يكون إنك

ترفعي يدك وتحطيهي وراء راسك ..

ولو حصلتي أحد يشيلك بترتاحي أكثر ..

بعد الشيل بردي المنطقه و بعدين دهنيها بزيت زيتون ..

والافضل كل ليله تخلطي شويه من زيت اللوز المر مع كريم سودو وتدهني الابط يفتح المنطقه ..

ولا ننسى مسحه من الاسكينول ..

باقي الجسم :

فيه طريقتين للشيل :

الطريقه الاولى :

عن طريق حلاوه يجي معها قطع قماش تسخنيها بالميكرويف دقايق وبس تصير سايحه تفرديها

على الجسم وتفرشي قطعه القماش عليها على طول واذا لصق القماش بالحلاوه تشيليه واذا

إنشال الحلااوه تكون ماسكه بالشعر من الطرف الثاني وينشال معها الشعر ..

وهذي صورتها ..



ومميزات هذه الطريقه إنها سهله وسريعه وماتوسخ لك الدنيا لأن فيها روله في فتحتها ..

وعيوبها أنك ممكن تزودي درجة التسخين وتطلع من العلبه وتخرب عليك ..

الطريقه الثانيه :

اذا ماعندك هذا النوع تجيبي حلاوة شهرزاد وقماش أبيض تقصيه شرائح وملعقة خشب ..
تسخني الحلاوه في الميكرويف لين تصير دافيه وبملعقة الخشب تفري الحلاوه على جزء من

الساق أو الذراع وتفرشي القماش عليه وتشيلي وهكذا ..

عيوب هذه الطريقه ..

إنها ممكن تحرقي بشرتك والدنيا تنعفس وممكن تبرد الحلاوه وإنتي تدهني بالملعقه وترجعي

تسخنيها حوسه مو طبيعيه ..

طبعا فيه طريقة الشيل العاديه وهي طريقة السودانيات بالشيل بس مو الكل تضبط معاه ويمكن لو

سوتها وحده مو شاطره تطلع لك حبوب تحت الجلد ..

عشان كذا ومن خلال تجربه أنا لو ماحصلت سودانيه تشيل لي أسوي الطريقه الاولى ..

بس المهم نقص من الشعر لو كان طويل ..

وبعد الشيل نكون خالطين مويه بارده مع نشاء بقاروره نتدهن فيها لين ييبس النشاء ..

والاهم عمل سنفره قبل الشيل خصوصا للساقين ..

سواء سنفره عن طريق الليمون والملح

ومثل ما قلت أن ماأستعمل البنج إلا لذيك المنطقه فقط ..

لأن التبريد بالثلج ممكن يخفف من ألم الشيل في المناطق الثانيه...

 

[انوار87]

حبوبه في عيادات تعلمج الدكتوره على جهاز الليزر وانتي تسوين حق روحج بس طبعا واايد اغلى

 

[اليكسا]

لاآآآ حبوبة

مين قال الليزر حرآم ... !

بالعكس هوو مرة رييحيك ..

وبعدين لو ماكنتي قادرة على الليزر

المووس وبس ..

وزي ماقالت اختي رعشة غلا .. للأماكن اللي ماتوصلين لها زين

استخدمي قلم بروان مررة آمنه ...

وابتعدددددي عن الشيرة

وخلك على نهج الرسول الكريم لما قال " وحلق العانه "

 

[ذكرى]

انا مره قريت موضوع عن وحده انها كانت تستعمل الشيره وبعدين النير وبعدين الليزر وسبب لها شغله بس ما اذكرها راحت لدكتوره جلديه قالت لها اشوه انج تلاحقتي على عمرج قبل الشغله هاذي ماتدخل داخل المنطقه الحساسه لانج استعملتي اكثر من نوع في وقت واحد ولو ان هاذي الشغله داخله داخل المنطقه الحساسه جان صار فيج عقم وقالت لها الدكتوره احسن شي الشيره انظف وأأمن

 

[ورد]

من تجربتي ما انصح بالمخدر

صار لي مرة موقف وانا انظف لزواجي مع انها ما كانت اول مرة ،، بس من العجلة -- اسمحولي عاد--- حطيت قطعة تحت وشلتها بقوة وبسرعة وبدون تركيز الا الدم يصب ،، بس اشوى كان كان الجرح ما بين فتحة المهبل والشفرين من جهة وحدة طبعا--- ما ادري كيف اوصفه بس اسمحو لي ما ابي احد يصير في نفس اموقف ويوقف قلبه زيي حزتها --- ،، بس حمدت ربي اكثر من مرة ان الجرح جا هناك مو في مكان ثاني وما اخذ يوم الا التام والحمدلله ما ظل اثر زي ما توقعت ،، وللمعلومية ما كنت حاطة مخدر بس لو كنت حاطة كان ما انتبهت وممكن صارت لي بلاوي منه

----- شي يضحك من الموقف : للحين محتفظة بالفوطة الي كنت قاعدة عليها -- يا زعم كنت مفتكرة انه دليل العذرية ذاك اليوم ---
م

 

[قمة^الانوووثة]

رد : الشعر بالمنطقه الحساسه ساعدوني بنات

حبيبتي الرسول عليه الصلاة و السلام قال نتف الابط و حلق العانة لاحظي ما قال نتف الابط و العانة
ليش نتف الابط: لان العرق في هالمنطقة ما ينظف الا لما تشلعين الشعرة من قاعها
حلق العانة: لان المنطقة حساسة و الشعر مرتبط باعصاب للاثارة الجنسية اتوقع كلامي مو علمي مية بالمية بس هذي الفكرة ان لما تنتفين الشعر هالاعصاب تموت و ما تحسين بلذة هذا الدين و اذا حابة تتاكدين سألي
صج الشيرة تريحج اسبوع بس تذذذذذذذذذذذبح
الموس لا تستخدمين اي موس عندي موس روووووووووووعة schoik اتوقع هذا السبيلنج بس لونه وردي فيه صبار لما تشيلين يصير نااااااااعم
بدون الم شنو راح يضرج لو كل يوم و انتي تاخذين شاور تشيلين؟؟؟؟
و اذا حصلتي اي موس لو على الخشونة حبيبتي عندج كريمات و بيبي اويل حلوين بصراحة انا هذي حياتي لان ناوية بإذن الله عقب ولادتي اشيل لييييييييييييزر و افتك و اذا انتي مو حامل نصيحة شيلي ليزر نصيحة
سوري اذا طولت بالكلام

 

[جنيه ظفيريه]

الشيره وبس

 

[آهات الليل]

البنات ماقصروا

 

[miss-winter]

ويي الله يعينج

 

[ام طلال العازمي]

في كريمات للاماكن الحساسه لازاله الشعر .. جريبه

 

[koka_q8_911]

رد : الشعر بالمنطقه الحساسه ساعدوني بنات

بنات والله ما قصرتووو

الله يعطيكم العافيه و يوفقكم و يفرح قلبكم و يحقق كل اللي تتمنونه يا رب و يسهل دربكم



و الله مادري اشلون اشكركم

 

[{ انعم دفشة ~]

الليزر ثم الليزر ثم الليزر =)

راحه وثقه ونعومه

 

[حبيبي وبس]

صح لاتستخدمون المخدر حق هالمنطقه ممكن تجرحين نفسج وانتي مو حاسه
وقريت مره عن وحده بعد انها جرحت نفسها وصار جنه منظر مقزز بعد فتره
سمحوني اذا غلطت بكلمه