الشعور بالنقص عند الريال!

[cramela]

تصدقون هذي مشكلتي وريلي دايما يقول لي اذا عصب بس الله فوقي باني احاول كثر ما اقدر ما احسسه باي فرق بيننا واقول له انت ريلي بو عيالي وانا زوجتك ام عيالك الله يصبر قلبي الااااااااااهي

 

[قموووره]

يعتمد على شخصية الريال اعرف وحده شهادتها دبلوم وريلها متوسطه واهي تعتبر متحدثه ماشاء الله عليها وشخصيتها قويه بس ريلها يمووووووووووووووووت حره منها يغار موت ومطلع عينها والسبه انه حاس انها احسن منه لان الكل يمدحها

وهم اعرف وحده عندها دكتوراه وريلها رابعه متوسط وعاااادي ولافي غيره ولاشي وعايشين طبيعيين ماعليهم الا العافيه ولا ريلها شكى من شي
يعني السالفه تعتمد على شخصية الريال نفسه​

 

[قموووره]

اي وايد رياييل جذي بيتوت .. اكبر مثال واحد يصيرلي كان يبي وحده بس يوم عرف انها جامعيه قال لا مابي .. مع انه شي زين بس اهو حس ان ماراح توافق عليه او يمكن انها تنظرله نظره اقل من المستوى ..لانه دبلوم

و وايد جذي وترى حتى لو يصير نصيب تلقين الريايل يصير فيه حاله نفسيه وكله يحاول يقلل قدر مرته ويأذيها بس عشان يعوض احساس النقص الي قاعد يعاني منه (( شي اشوفه بعيني باقرب الناس لي )) الله يصلحهم انا عندي يتردد قبل لا يخطب ولا يتردد عقب الزواج ويقعد يذل المره ويبهذلها لا اهو يرتاح ولا يريح بنت الناس ..

البنت دي بتئول كلام حلو​

 

[أحترت أعبر]

ممكن يكون هالموضوع حساس عند البعض ...بس مو الكل ...
عن نفسي زوجي شهادته ادني من شهادتي بس ما عمره ولا عمري حتى ذكرنا هالموضوع او تكلمنا فيه ...
كل شخص بحسب نظرته سواء الزوج او الزوجه , لان اكو زوجات هم اللي يثيرون الزوج بموضوع ان شهادتي اعلى منك او مستواي الاجتماعي ووضعي العائلي ارقى , وهني بديهيا تبتدي كراهية الزوج للوضع خصوصا ان الزوجه تبتدي بمجاهرة الفروقات بينهم بشكل مستفز ,ممكن يكون بسبب خلاف او لربما احساس من الزوجه بعدم الرضى عن مستوى زوجها ....
وايضا الرجل البعض منهم يتلذذ بتذكير زوجته انه اعلى منها شهاده او علو او حسب او مستوى اجتماعي , كأنه تفضل عليها وانقذها لما تزوجها .... الاكيد انه هالموضوع له دور واضح في خراب بيوت ناس كثر

 

[Morena]

عندي قناعه اذا الريال عنده خبره بالحياة ويحب زوجته وواثق بحبها ابدا ابدا مايفكر في الامور هذي!!!!

 

[BaiTotia]

شكراااااااااا بنات على المشاركة

واللي ريلها جذي الله يهديه يارب

أنا أشوف تعتمد بعد على ثقة الريال بنفسه

أعرف ناس ولدهم بغى وحده شايفها بمكان شغله

أمه قالت شلون بتاخذ بنتهم هذولي ناس تجار ويبون ولد فلوس أكيد مايقين ومابيرضون فيك

مع إنهم تقريبا نفس العايلة أو تقدرون تقولون نسايب (شافها صدفه بالشغل) بس البنت ماشاالله مستواهم المادي وايد زين

والريال كان واثق من نفسه وهو ماشاالله مايعيبه شي

والحمد لله تزوجوا والله يوفقهم

بس الأم الله يهداها حبطته بالبداية

 

[BaiTotia]

اكيد بيتردد اذا مايعرف الجواب او طبيعتها وطرية تفكيرها بس يقدر يخلي اهد يكلمها قريب اذا كانوا اهل او يتقدم ويشوف ردها

أي خطبة يا أما يتوفقون ولا ماكو نصيب فليش الواحد يتردد!!!!!!!

حتى لو كان كامل والكامل الله .. سبحان الله مرات البنت ترفضه لأن ماكو قبول أو مادخل قلبها ولا بلعته لول

 

[BeNt PaRiS]

شكو موشرط


الحين كل الكويتيين معاشات تصك الألف و ماكو شهاده عاليه


يعني عادي

 

[sunshine22]

اي بعضهم يكمل دراسته عشان هالشي

 

[Tom ♥ Jerry]

,


على حسب شخصيه الريال :*

 

[*ماي الورد*]

من ناحية الجمال لازم المرة تكون اجمل من الريال
و بالنسبة للتعليم ملاحظة الحين الرياييل يدورون اللي احسن منهم بالتعليم علشان يكون رأتبها زين و تساعده بمتطلبات الحياة
و الحريم الحين ما قاموا يدققون عالشهادة يدورون الريال الزين لان الرياييل صايرين نادرين

 

[كويتية بروما]

ع حسب الريال يعني في واحد شهادته جامعيه مايعرف يتكلم كلمتين
وفي ريال رابعه متوسط لما يسولف تحسينه دكتور
تعتمد ع ثقته بنفسه مو شهادته

 

[MiSsY HottY]

والله اللحين اهم شي ريال زين يخاف ربه فيج
مع اني شخصيا ما ايد انه مره تكون شهادتها اعلى من ريال لنه فيه رياييل يتحسسون

 

[بنوته ذربه]

طبيعي الريال يبي يكون الافضل
مايبي مرته تفوقه بشي
هذي سكيولوجية الريال الطبيعيه

 

[بولندية]

حسب الريااااال

 

[BaiTotia]

ثنكيو بنات

أهوا صح على الثقة بالنفس

بس همن في رياييل حيل حساسين لهالنقطة (يخاف ينرفض)

 

[BaiTotia]

ماي ورد

إي والله الحين الزواج يخوف

تسألين عنه يقولون لج زين ويطلع العكس

 

[انثى عاشقة]

موضع جا بوقته
في رياييل فيهم نقص ويبان من حركاته
يهز ريوله
ياكل اضافره
حركات وايد
رغم كل هذا
شايف روحه بعد

:krkrkr::krkrkr::krkrkr::krkrkr::krkrkr::krkrkr::krkrkr::krkrkr:

 

[انثى عاشقة]

بالنسبة لي اشوف هذا يعتمد ع شخصية الريال وتفكيره
مو كل الرجال نفس المخ
في منهم الي ماتفرق معاه
وفي منهم الي يتحسس من هالشي ​

 

[ضحكتي ماركة ]

لا والله عادي والناس اجنااس