الشــــــك بيذبحني

[ميمي..]

السلام عليكم

بدون مقدمه بكتب لكم ابي ارتاااااح اتمنى تتحملوني وتساعدوني برايكم
انا متزوجه من كم شهر وحامل بالرابع الحمدلله حياتي مستقره واحب زوجي حييييل وهو بعد يحبني ويعاملني احسن معامله
ويدلعني وكل شي ابيه يسويه والله احسه يحبني اكثر من مانا احبه واحس اني انا المقصره بعد

المشكله اني قبل كم شهر كنت اتفرج على البوم صور له ومن بينهم صوره تقريبا مصورها قبل لانتزوج بسنتين
مكتوب عليها من ورا بخط مو خطه مكتوب احبك وانتبه على نفسك واسم بنت(...)
ماركزت على هالسالفه وعديتها قلت مابي اناقشه بماضيه

من اسبوعين كان على موقع العاب يلعب جيت جمبه بدون ماينتبه اقوله شتلعب حسيته ارتبك الا الاخ يلعب مع نك نيم بنت وقاعده تكتب له مدري شنو انا انصدمت قال مالقيت احد العب معه الا هذي وقعد يشرح لي انه موقع العاب
ومافي شي سكت وماعلقت

بس من ساعتها وانا قلبي مو مطمن
وللاسف خذيت اللاب توب حقه وقعدت افتش بالمحفوظات واشوف المواقع
اللي يفتحها لقيته متفرج على مقاطع فيديو رقص وفي كذا مقطع حق رقاصه معينه اللي عرفته انها سوريه واسمها
نفس اسم البنت اللي كاتبتله على صورته من ورا

ماسكت ناقشته وقلت له ليش تفتح هالاشيا ماتخاف الله ماتدري انها حرام ...........الخ الخ
حلف لي انه مو هو واحد من ربعه هو اللي شايفهم
سويت نفسي صدقته مع اني تاريخ المحفوظات بيوم كان جالس بالبيت ومحد جا عنده ولا شي
بس مابغيت اكبر السالفه

مر كم يوم وانا رجعت اعامله عادي وماحسسته اني شايله بخاطري وزعلانه
بس اليوم وهو نايم مسكت جواله وقعدت اشوف الاسماء لقيت رقم البنت اللي اقولكم ومسجله بأسمها مثل ماهو
ماحط رمز ولا شي

ادري بتقولون ليش تفتشين وراه بس والله غصب عني الشك بيذبحني والله اني الحين ندمت وقلت
ياليتني على عماي وماعرفت شي

بنات بموت ماادري شسوي اواجهه ولا لا
اخذ الرقم واتصل واشوف شسالفتها ومن تكون ولا لا
اسكت واتحمل ولا شسوي

انا متأكده انه يحبني وخايفه تكون هالسوالف هذي قبل لانتزوج وتركها
وبنفس الوقت خايفه انه للحين له علاقه فيها والا ليش يدور مقاطعها على النت!!!!
افكاااااااري متلخبطه ومحتاره
ودي اقوله يوديني لبيت اهلي ارتاح
مابي اشوفه ماني متخيله ان زوجي اللي بيصير ابو ولدي تطلع وراه هالسوالف والبلاوي
شيروا علي شلون اتصرف

 

[قـہۈه فـرنسيـہ™]

الله يعينج ....بلشه الرياااجيل ...أحسسسسسسسسسن حل


إلتزمي الصمت+الحقران

وشوفي النتيجه ...تلقين سبايجه تطقطق مايدري شوراج وشنو ناويه عليه

 

[Sweat Dreams]

رد : الشــــــك بيذبحني

أبسط حل الصبر والدعاء وأسأل مجرب ولا تسأل طبيب ادعي إن الله يهديه ويسخره لج

 

[goldy]

الله يعينج واجهيه وكلميه عشان مايتمادى ويقول هذي ماتدري شالسالفه نايمه على نفسها

وادعي ربج يهديه وكثري من الاستغفار

 

[هنـــــد]

حبيبتي اللي فات مات على قوله المثل
طنشي الموضوع بكبره ، وخليج مرتاحه ترا هذي وساويس الشيطان
وزوجج لو عنده خرابيط جان مسح الرقم واسم البنت ولا وراج الصوره واللي مكتوب وراها
صدقيني يحبج انتي ولو كان يبي غيرج ما خذاج وقرر يكمل حياته مع بنت حلال مثلج يوهبها عمره كله

خليه براحته ولا تضييقين خلج على شي مفروغ منه !
حتى لو يعرفها مجرد صديقه ماعاد لها بالقلب مكان عقبج هذا لو كان بالاصل يحبها وانا استبعد هالشي .
ثقي تماماً ان الرجال اللي عنده خرابيط مستحيل يبينها عند زوجته ولا يترك تلفونه بيدها ولا حتى لاب توبه


تعوذي من ابليس تراه شاطر ويحاول يشككج بزوجج
اعووووووووذ بالله منه ومن شره
لا تخربين على عمرج .. وكثري استغفار وادعي ربج انه يسخرلج زوجج

 

[كويتيه مذهله 87]

دقي عليها شووفي شنو سالفتها

لازم يعرف انج تدرين باجر يمصخها معاج

 

[الحلا^^مبتليني]

الله يعينج حبيبتي
ان شالله ربي يسخره لج ويجعلج اجمل النساء في عينه يااااارب

 

[Om JooD]

رد : الشــــــك بيذبحني

الله يعينج

ماعليج الا بالدعاء ولا تنبشين من وراه..ومع الايام اهو راح يتركها

دامه يحبج ويمووت فيج

 

[@ام ضاري@]

رد : الشــــــك بيذبحني

حبيبتي انتي جذي قاعده اتعبين روحج

وخصوصن انج حامل شلج بعوار الراس الرقم سويله دليت لاجنج تدرين

وهذا انتي قلتيها الصوره قبل الزواج انسسسسسسسى حبيبتي دامه يحبج

ادعيله بالهدايه وكثري الحنه ع ها المقاطع اللي يشوفهاا انها حرام مو زين له

والله يهديكم لبعض يارب كثري الاستغفار وقت التفكير ياقلبي

 

[روحي ابوي]

الله يعينج .. واجهية وكلمية ,, بعقل قولي بتصير اب مسؤل عني وعن الياهل وهذل تصرفاتك !!

الله ياخذ بنات ابليس ان شاالله ,,حسبي الله ونعم الوكيل فهم

 

[زهرة الزهور]

شوفي ابدا لاتطلعي من بيتج وتفضيلها الجو
شوفي كلنا متفقين ان مافيه احسن من الدعاء واهم شي كل يوم اخدي ساعه من وقتج قبل اذان الفجر وصلي وادعي ورح تشوفين نتايج احسن من اي شي الله ما يخلي احد يدعيه من غير مايساعده وهو احسن لج من اي احد
تانيا
خلج فناااااانة طنشيه وبنفس الوقت لاوعيه واغريه يعني شدي وارخي
البسيله نفانيف حوامل حلوين خلي شعرج على طول مسشور وكل مرة شكل وتعطري العطر يدبح الرجال حطي خلخال حطي حنة او تاتو يعني حركات وخليج كل يوم متجددة واملي عليه حياته يعني سولفي واضحكي وكليه بايدج وسبحيه بايدج ولا تنامي الا واهو جنبج ولا تعطيه فرصه يقعد بروحه يبي يلعب العبي معاه جيبو افلام وسوو جو رومانسي تسبحو سبوح رومانسي وخليه يلمس بطنج وانتي فاهمة بس خلج على طول نعومة ودلوعه المهم انا ادري ان الحامل مالها خلق وتعبانه بس زيدي على نفسج وانتي رح ترتاحي لما تحبي نفسج وانتي كملي من عندج

بعدين شلون يطالع مقاطع وانتي بالبيت يعني انتي معطيته فرصه لا تهدييييييييييييييييييييييه بروحه ودام يحبج استغلي هالحب وزيديه وخليه يتعلق فيج اكتر اخديه وياج السوق وتشري هدوم بيبيهات وعيشيه جو تاني ولا تخليله فرصه يفكر بغيرج والصورة الي شفتيها قطعيها ولا حرقيها من غير لا تقولين له وهو مارح يقدر يسال عنها وانا سويت حركة مع ريلي بالملجه مسكت تلفونه قلت له تعال خلني اشوف هالتيليفون شنو فيه قدامه وكل مالقيت اسم وحدة مسحته وشرشحته وقلت له ماعليه مارح احسبك عالماضي بس مارح تكون ردت فعلي جدي فالمرات الجاية

وخلي دايما شخصيتج قوية ومتل مالسانج حلو وعسل
بس بوقت الالازم يصير قطران وطول مما يتخيل
وانتي كملي من عندج
بس لا تتهاوشين معاه ولا تهدي البيت هالحين واذا تطور الموضوع كسري تلفونه قدامه وجني عليه لووووووووووول ترى مو كلهم تنفع معهم هالطريقه ههههههههههه
الله يسخره لج يارب واهم ماعليج صحتج وان شاء الله كل هالامور تتصلح

 

[ديانا سبنسر]

الحقران والدعاء والمتابعة بحذر

 

[اشتياق]

الريال زين معاج شلج بعوار الراس

صكي هالبيبان وريحي بالج ..

 

[a7la MUM]

وااااااااااااي نصيحه لا تنبشين والله انتي تتعبين حتى لو ماكو شي يتهألج ان في شي
ماكو ريال خاااااااااااااااالي اذا مايكلم يطااااااالع القذارة والله طبعا الا من رحم ربي

 

[عيون مها]

لاطولين موضوع قولي له بجلس معاك جلسه صراحه وناقشيه بالي عندج والله راح ترحتين واذا صارحج وتاب لاتعايرنه اهم شي مع الايام

 

[chanel N22]

مالج غير الدعاء الله يفرج همج

 

[noo7a]

اخذي تلفونه من غير لا يدري و مسحي الرقم ولا تييبين له طاري
بجذي بيحس ان عرفتي بس ماتبين المشاكل

 

[sanaya-q8]

طنشي حبيبتي وتذكري انج انتي االي عنده بالبيت الحين وهي لا شي مجرد بنت رخيصه في حياته وفترة وتعدي وهو توه متزوج ما يمديه ينهي العلاقات

 

[om MaRyooM]

واي من هالرياييل مايتوبون ..


شوفي حبيبتي من كلامج مبين انه زوجج يحبج ويخاف على مشاعرج ولا جان سوا اللي يبيه جدامج ومايهمه (لأن اغلبهم جذي للاسف) ..

عاد ادري انتي محترة وقلبج يعورج بس توج متزوجة وهذا ماضي زوجج ويمكن (انا اقول يمممكن) صعب يتخلى عنه او قاعد يحاول بس بنات ابليس وايد عاد اهني تيي شطارتج انتي نسيه وحاولي انج ماتظغطين عليه وتحسسينه انج شاكة عشان لايطفش

انا من رايي لاتفاتحينه بالموضوع لأن ماكو شي جايد وان كان على رقمها يمكن من زمان ! بس اذا في مكالمات يديدة هني لازم تصارحينه بس حسسيه انج واقفة معاه عشان يترك هالزفتة السورية ..

وصدقيني اكككككككككككككبر غلط اذا رحتي بيت اهلج .. خليه يتعود على وجودج بالبيت خصوصا انكم توكم متزوجين .. عشان لاياخذ راحته وانتي بعيدة عنه ديري بالج


والله يسخره لج ويهديه ويصلح حاله

 

[shai5at al3arab]

رد: رد : الشــــــك بيذبحني

ادعي له بالهداية

ولا تتسرعين بردود افعالج حتى لا تخسرينه ..

والله يطمن قلبج