الشهر التاسع والنفسة الزفت والتعب ...حياكم نسولف ؟؟

[فراشة الوادي]

الله يسلمج ياقلبي شرازيه ويهون عليج يارب ويسهل يارب تقومين بالسلامه وتفرحين بشوفه ضناج طمنينا عليج فديتج ان شاء الله ولدتي بالسلامه

والهادي ناويه اولد فيه دكاتره شطااار وكمامهم روووووعه الله يسهل علينا يارب

 

[روح مووود]

بنااااااات الموضوع ناااااااااايم وين رحتو طمنونا عليكم

 

[بطاط مهروس]

هلا حبيبتي الله يهون عليج وعلينا صيري مثلي اكافح واناظل عشان الولاده انا خلصت شهري واللحين اخر اسبوع معطيني
يوم الاربعاء دخول مستشفي طبعا اذا ما ولدت هذا اليومين
بحطون لي طلق صناعي
واذا علي الثقل شنو اقول ماكله هوا والعافيه زين مني اروح الحمام
الله يرزقنا ويرزقج طلقه وولاده سهاله امين

 

[الشيرازية]

السلام بنات شلونكم ابشركم ولدت امس الظهر بالهادي وجبت بنوته ماصار احداث وقصص بس انشالله اذا فضيت اكتبلكم شنو صار معاي والله يهون عل الكل

 

[مواصله]

مبرووووووك شيرازيه الحمد لله ع سلامتج

 

[donutoo]

السلام عليكم شلونكم يا حلوين
أبشركم أنا ولدت يوم السبت بالليل ويبت احلى ولد الحمدلله

الفال لكم انشالله ربي يهون عليكم ويقومكم بصحة وعافية

 

[الشيرازية]

الله يسلمج مواصله ويبارك فيج دونتو الحمدلله علي السلامة يتربي بعزكم

 

[donutoo]

حمدلله على سلامتج شيرازية ومبروك ما ياج

الفال لكم انشالله بصحة وسلامة

يالله الحين وين نروح نسولف ونتحلطم عالنفاس 

 

[تبطي عظم!]

دوناتو الحمدلله ع السلامه ومبرووك ماجاج ياقلبي

 

[تبطي عظم!]

دوناتو لووول يبيله تجمع النفاس والنفسيه المكتأبه لووووول

 

[اللولو الغالي]

حمد لله على السلامه بنات

والله يهون علينا ونخلص

 

[تبطي عظم!]

يسلمج لولو

ولدتي ولا توج !!

اذا ولدتي الحمد لله ع السلامه واذا توج الله يهون عليج يارب ويسهل عليج ~

 

[كلي لحبيبي]

بعد الكل ولد نمتوو

لوووووووول

 

[تبطي عظم!]

الشيرازيه الحمد لله ع السلاامه

كلي لحبيبي لهينا مع البيبيات

 

[فاقده ابوهاااا]

تبطي

اشلونج الحين

انا للحين تحوشني الختقه لي بنام وتخيلي ما انام طول اليوم الا ساعه او بالكثير ساعتين طبعا متقاطعه الكل يقولي شي لاعت جبدي يقولون نفس

 

[الشيرازية]

انا نفسج فاقدة النوم ماعرفه بنفاسي مادري ليش احس عظامي ثقيله حيل مجرد ما احاول انسدح احس بعوار وخنقه مادري بعد متي بيحصلي انام نومة سنعه وعميقه افكر اشتري منوم ماتعرفون نوع مجرب وزين

 

[فاقده ابوهاااا]

انا قاعده افكر اخذ حبوب للاكتئاب يقولون هذا من الاكتئاب لان فحوصاتي ولله الحمد زينه بش الخنقه مو ظبيعيه ودقات قلبي سريعه بس لما ايي بحط راسي عالمخده

 

[الشيرازية]

عادي روحي واذا شخصوج اكتئاب اخذي علاج الراحه لازم عقب اللي شفناه

 

[الشيرازية]

بنات انا صاير فيني حفا من اللي قاعدين نلبسه ٢٤ ساعه منو نفسي وشنو استخدمتي ودي مالبس بس شلون

 

[تبطي عظم!]

شيرازيه نفسية بالضبط تعبت مع انه ابدلها بسرعه ما اطول واستخدم نوع بيبي سوفت قطن ١٠٠٪


وحدي متعوومسه منها

الا صج بسألكم الخيوط اذا طاحت يعني الجرح التأم !!!!


لان طاحو ٣ غرز !!!


فاقده ابووها الله يعينج صج الكابه تعكر المزاج والنوم اكيييد بيصير صعب بهالوضع