الشهر التاسع والنفسة الزفت والتعب ...حياكم نسولف ؟؟

[كوكي العسل]

بنات بعدني صامدة :eh_s(1)::eh_s(2):

خلاص ماعندي امل اولد بطلق طبيعي

راح انطر موعدي بعد 10 ا يام اولد بطلق صناعي

والله كريم .. الله يسهل عليكم كلكم يارب العالمين

 

[شيــوخه]

ام احلى بيبي ربي يسهل عليح بطلق طبيعي يارب وتولدين وترتاحين

ربي يسهل علينا كلنا ياررررررررب

 

[كوكي العسل]

امين ياشيوخة

الله يسمع منج يارب ياكريم

 

[دايم على البال]

ام احلى بيبي

عسى ربي يسر ويسهل عليج الولاده

وتولدين ولاده طبيعيه

فديتج والله

 

[ام خدود ورديه]

الله كريم

بنات بسالكم اللي يعطونها طلق صناعي تقدر تاخذ كمام او ابره ولا بس بحزة الولاده ؟

 

[كوكي العسل]

دايم على البال

تسلمين بعد عمري والله .. الله يسمع منج



ام خدود وردية

اي يصير تاخذين انا اختي اخذت ابرة ظهر مع الطلق الصناعي

 

[شيــوخه]

اي يصير تاخذين انا اختي اخذت ابرة ظهر مع الطلق الصناعي

ام احلى بيبي الحين لا رحت للخاص و وقالو لازم طلق صناعي يحطون لي طلق صناعي ؟؟؟؟؟

انا احاتي انه حتى الخاص لازم يخلون الطلق ايني عقب يعطوني كمام مثلا

 

[ام خدود ورديه]

بنات من اليوم زادت الافرازات واحس ينزل علي مثل الوصخ تكرمون نفس اخر جم يوم من الدوره هذا شنو بعد قطع

 

[ورود الودود]

الله يسهل عليكم يارب

 

[ماريا الجهراويه]

بنااااااااااات بعد عشر ايام ادش التاسع انشاءالله بس من قريت موضوعكم ضربني مغص وخقيت توني استوعب انه مابقي شي

 

[ام خدود ورديه]

الله يسهل ياارب والله تعبنا صج صج تعبنا بنات يوم الاحد اخر موعد لي ومفتوحه لحد الحين بس سانتي اتأيدوني اقولها اتدخلني بطلق صناعي؟
مالي خلق اعدي شهري واروح اسوي تخطيط وسونارات والله بيتنا بعييد ومالي خلق طريج

 

[نور الدنيا 88]

بنات شدعوة الطلق يعور ؟
احس روحي ماراح اتعور

و الشهر التاسع انتوا
انا اللحين بنص السادس و ودي اولد عشان اشوف البيبي اهع

صج تعب بالتاسع ؟

 

[ام مراوي]

التاسع وما ادراك ما التاسع هع

 

[شيــوخه]

نور الدنيا لا دشيتي التاسع

تذكري معناتنا

ماقول غير ربي يسهل علينا يارب بولاده سهله يارب العالمين

الواحد مايحاتي الولاده والطلق الثقل والتعب والنوم بطفق

والتعب هو الي يخلي الوحده تزهق وتكرها عمرها وخاصه بتاسع اليوم عن شهر ومايمشي كلش والله صج صج قهر

وفوق هذا كله مالج خلق يعني تطلعين يعني علشان تستانسن مستحيل
ان قعدتي بلبيت انغثيتي

ان مشيتي تعبتي
ان كليتي انغثيتي هههههههههه

الله كريم الله كريم ربي يسهل علينا يارب

 

[نور الدنيا 88]

واي شيوخة ربي يسهل عليكم
انتم السابقون و نحن اللاحقون

 

[شيــوخه]

الله كريم يا نور وربي يستجاب لج

لانه صج تعبنااااااااا

انا صرت جني بطاطه مفيوحه نضيييييييييييت استويت

ههههههههههههههه

 

[كوكي العسل]

جمعة مباركة عليكم صامدات

هههههههههه بعدني صامده ههههه خليني اضحك احسن من ماابجي

بنات صارلي يومين احس بعواررر من تحت مثل مسمار ويطق فيني تحت بس قووي بحيث اذا واقفه مااقدر امشي

شنو هذا طلق ولا شنو

 

[نور الدنيا 88]

شيوخة حلوة بطاطا مفيوحة
الله يسهل يارب

 

[شيــوخه]

ام احلى بيبي يارب يكون طلق

او هذا الحركه مرات تصير فيني قبل

ولا مشيت وماهتميت لها ينزل علي دم مرات

مثل السيخ الي يكون دش فيج من تحت حيل اتعور بس ربي يسهل ان شاءالله يارب

نور امين يارب ربي يسهل يارب

 

[ام خدود ورديه]

ام احلى بيبي انتي ليلحين ماولدتي
الله يعيين يارب

بنات ماقلتولي اذا مايالي طلق لي يوم الاحد اقولها اتدخلني بطلق صناعي؟