الشهر التاسع والنفسة الزفت والتعب ...حياكم نسولف ؟؟

[anooma_86]

انا قالتلي الدكتوره خلاص لا تصومين لان بنتي وايد صغيره و عميليتي تاريخ ٢٠\٨
واااي راح يصير علي دين واااايد الله يعين شلون بصومهم

 

[وردة النرجس]

بيه انوما انتي راح تولدين قيصري ؟

الله يكون بعونج ويسهل عليج

زين عيل شتسوين لاتصومين واكلي عدل علشان البنت

تقضينه تالي

 

[anooma_86]

اي والله بعد شسوي مضطره اكبر البنوته و انشالله بعدين شوي شوي اصومهم الله كريم

 

[كويتيه بالفراوله]

اي انوما حطولي بنج ماحسيت بشي يقول انتي بالتاسع مايضرج البنج.

 

[وردة النرجس]

ماتشوفين شر انشالله

 

[anooma_86]

اي انوما حطولي بنج ماحسيت بشي يقول انتي بالتاسع مايضرج البنج.

والله زين الحمدلله ارتحتي من العوار... صح انتي بالتاسع مايضرج انا سويت العصب لم كنت بالرابع عشان جذي من غير بنج

 

[كويتيه بالفراوله]

ورده الشر مايجيج ياقلبي


انوما اي والله الحمدلله ارتحت من عواره
وانتي الله يقومج بالسلامه وتشوفين النتفه بصحه وعافيه
والحمدلله انتي معذوره من الصيام بس تغذي عدل عشان البيبي ويقولون كل ثلاث ايام يزيد وزنه
يالله يمدي النتفه تكبر شوي.*

 

[anooma_86]

اي والله يالله يمدي تكبر..
صج بتسوون استقبال بالمستشفى ولا لَا؟؟

 

[وردة النرجس]

انا عن نفسي اي انشالله اريح واحسن

ورجعت لقواعدي سالمه الليلة بنام بشقتي

وانشالله ماتصير مفاجآت عاد صج ان صمدت ليما يرجع زوجي تكون صج صج هالبنوته الي بطني تحب ابوها

عاد هذي انا حامل فيها بالغلط يعني كلش ماكنت مخططه بس الحمدلله هديه يات من رب العالمين وانشالله ربي يطرح فيها البركة واشوفها بحظني عن قريب

 

[anooma_86]

انا ماراح اسوي بالمستشفى لان ابجري سويت استقبال و قطيت عليه همجة فلوس و كنت تعبانه بالاستقبال و حاشتني سخونه و ماحسيت باستقبالي الي كنت اجهزله من الشهر الثالث لي التاسع فقلت هالمره بريح ٤ ايام بالمستشفى و يوم طلعتي من الاربعين بسوي استقبال بالبيت..
انشاءالله تصمدين انشاءالله حبيبتي.. انتي ماشاءالله شكثر عندج عيال؟*

 

[وردة النرجس]

وي خلاص على قولتج سويه عقب ليما تكون بكامب صحتج انشالله

انا الله يسلمج عندي ٣ ولد وبنتين وبنوته يايه بالطريج اليوم باجر اخر الشهر الله اعلم

بس ربي يسهل علينا كلنا ونقوم بالسلامه

ا

 

[anooma_86]

ماشاءالله الله يخليييييهم لج و تشوفينهم معاريس يا حلووو اليهال.. انا عندي ولد واحد و بنوته يايه بالطريج انشالله

 

[الشموخ~~]

مبروووووووووووووووووووووووووك الف الف الف مبروك اللي ولدو والفال لنا يا رب بنات نصيحة لا تقطون شي وشويات علي الاستقبال تجيبون العين لكم ولعيالكم سوي استقبال حلو ومرتب يعني بلاش من عيون الحساد حرام انتو مو ناقصين يعني ولادة ونفاس العين بسرعة تصيب وربي يقومكم بالسلامه

 

[anooma_86]

الشموخ حبيبتي مشكوره.. الله يسهل عليج انشالله

 

[وردة النرجس]

اكيد العين حق والحسد مذكور بالقرآن

انا عن نفسي ماراح اسوي شي اوفر بالعكس شي معتاد ومافي تكلفه عاليه

 

[Jna3iya]

لمه اتسولفووون مالحق علييكم لني ادش وقت ماروح الفراش قبل لا انام بشوي انوم نفسي ابسوالفكم ونااسه
الحارج ذابحني حيييل حييل قوي جنه كتلة شعر واقفه مو راضيه. تنزل ناااااار

 

[كويتيه بالفراوله]

Jna3iya الحال من بعضه بموت من الحارج ولاشي ينفع وياه.*

 

[كويتيه بالفراوله]

Jna3iya الحال من بعضه بموت من الحارج ولاشي ينفع وياه.*

 

[anooma_86]

Jna3iya و كويتيه تصدقون انا حمالي هذا الحمدلله كلش ماحاشني حارج بس بولدي مت مت من الحارج بس الي كان ينفعني حبوب مص رينيه كنت احط وحده بحلجي و انا نايمه عشان اقدر ارتاح

 

[كويتيه بالفراوله]

انوما جربت كل شي كلها حلول مؤقته ويرجع اكثر من أول

استغفر الله ومع الصيام يزيد .