الشهر التاسع والنفسة الزفت والتعب ...حياكم نسولف ؟؟

[كويتيه بالفراوله]

انوما

يمكن صج كلام الدكتوره المشيمه ماتغذي البيبي عدل
ياقلبي لاتشيلين هم خلها تطلع بخير وسلامه واهيا تكبر .*

 

[anooma_86]

كويتيه الله يسمع منج والله و الحمدلله ان ولادتي بعد اربع ايام .. انتي شلونج؟ ماتحسين بتجاديم؟؟

 

[وردة النرجس]

انوم

تدرين اني للحين مافحصت جم سانتي

مابي افحص بخليها جذي

متئ ماصارت الصجيه وقربت الولادة تالي افحص انشالله

يعني ودي اروح الطوارئ ومنها يفحصوني ودخول علطول ولادة

يارب امهات تهون علينا الولادة والطلق ويكون مثل شربة الماي

 

[anooma_86]

مافيج فضول تعرفين؟؟ انا لو كنت بولد طبيعي جان خليت الدكتوره تفحصني جذي فضول بعرف جم سانتي.. انا ابجري اول مادخلت التاسع كنت مفتوحه ١.٥ سانتي وعنق الرحم كان لين بس سبحان الله الحبل السري التف حوالين ولدي حبيبي و عنق الرحم ماتبطل اكثر من ٤ سانتي و سوولي قيصريه و الحمدلله كانت خيره لان ظهري مايتحمل*

 

[كويتيه بالفراوله]

السلام عليكم
انا بعد وياكم بالاسبوع ال 38
كنت اتابع ردودكم وكلامكم بس ما طرى ببالي اكتب
بطني نزل حييل من اول التاسع والرحم مفتوح 2 سانتي
بس لي الحين ربي مو كاتب ولاده
احس ثقلت حييل ومرتين شربت دارسين ما اثر
اييني نغزات مو منتظمه وبعد الحمام وانتوا بكرامه احس رطوبه زايده
اخاف انها الماي مال البيبي
طمنوني حبيباتي ،،

اخر موعد لي 27 والله ييسر
دعواتكم*

حبيبتي أنا وياج نفس موعد الولاده الله يهون عليج ان شاء الله بنشوف منو تسبق.

واذا على الرطوبه نفس ماقالوا البنات شي طبيعي كلنا نفسج.

 

[كويتيه بالفراوله]

انوما

احس بعوار بسيط بظهري ساعات واحس بضغط تحت
والاسبوع اللي طاف يوم رحت مراجعتي فحصتني الدكتوره تقول مفتوح ١ سانتي ..

والله كريم ان شاء الله*

 

[anooma_86]

الله كريم.. يالله ابي وحده منكم تسبقني و تولد قبلي

 

[كويتيه بالفراوله]

والله كلها تساهيل من رب العالمين

الله يسهلها علينا ويقومنا بالسلامه

 

[Jna3iya]

ربي يسهل عليييكم جميعاااا وتيوبون يهالكم كل وااحد احلا من الثاني من داخل وبره انشالله :****

اليوم شربت خروع مع عصيير مانجا ومشيت عالرمل مال جيلز بس ما اثر فيني ولا صاار شي كلش !! بس انشالله يكون الرحم متوسع زياده .. وااااي الخروع مستحيييل للحين واقف ابجبدي للحين طعمه. احس فييييه فيني لوعه منه استغفرالله كريييييه

 

[صمتي عذاب]

مرحبا كروشات شلونكم

بنات انا امس نزل علي مثل الدم لونه علي بني ونطرت شوي ولا يحوشني عوار ابظهري وبطني مثل الطلوق بس خفيف
بعدين اختفت ولما رحت للدكتور قال عندي قرحه !!! شكوو انا قاعده اخذ تحاميل مضاد
وشكو جذي ينزل دم وبعد ما فحص قال ممكن الدم لان عنق الرحم بيتوسع
لخبصني وسويت تحطيط في طلق خفيييف بس واضح
الحقوووني اسكت ولا شسوي
حتا ماعطاني شي للقرحه علي قولته
والحين عوار خفيف بظهري وبطني
منو اتعرف بنات الله يخليكم ساااعدوني

 

[صمتي عذاب]

انا صالي ٣ ايام بالتاسع وهذا حملي الثاني

 

[وردة النرجس]

انل رحت مراجعتي


فيني عوار خفيف بطن وظهر

بس قالتلي تبين افحصج قتلها لا

قالتلي ان زاد عليج تعالي بالليل

 

[وردة النرجس]

صمتي هذا معناته ان ولادتج قربت

يمكن الليله او بالكثير باجر والده

 

[wafa82]

الله يهووون عليكم انتو السابقون ونحن اللاحقووون

 

[anooma_86]

ربي يسهل عليييكم جميعاااا وتيوبون يهالكم كل وااحد احلا من الثاني من داخل وبره انشالله :****

اليوم شربت خروع مع عصيير مانجا ومشيت عالرمل مال جيلز بس ما اثر فيني ولا صاار شي كلش !! بس انشالله يكون الرحم متوسع زياده .. وااااي الخروع مستحيييل للحين واقف ابجبدي للحين طعمه. احس فييييه فيني لوعه منه استغفرالله كريييييه

يعني بديتي عمليات انتحاريه هههههه الله يسهل عليج بس وييييع الخروع ثقيل عالجبد بس انشالله يفيد معاج

 

[anooma_86]

مرحبا كروشات شلونكم

بنات انا امس نزل علي مثل الدم لونه علي بني ونطرت شوي ولا يحوشني عوار ابظهري وبطني مثل الطلوق بس خفيف
بعدين اختفت ولما رحت للدكتور قال عندي قرحه !!! شكوو انا قاعده اخذ تحاميل مضاد
وشكو جذي ينزل دم وبعد ما فحص قال ممكن الدم لان عنق الرحم بيتوسع
لخبصني وسويت تحطيط في طلق خفيييف بس واضح
الحقوووني اسكت ولا شسوي
حتا ماعطاني شي للقرحه علي قولته
والحين عوار خفيف بظهري وبطني
منو اتعرف بنات الله يخليكم ساااعدوني

مثل ماقالت ورده معناته ولادتج قربت.. انا اقول روحي عند اي دكتور ثاني تأكدي من سالفة القرحه مع اني ماعتقد قرحه لان طبيعي لم ادشين التاسع ينزل عليج دم

 

[anooma_86]

ورده شكلج على وشك انشالله اذا زاد عليج العوار روحي المستشفى علطول بس انشالله مايزيد لين يرد ريلج من السفر.. انزين الحين عندي مشكله قاعده أطالع ملابس بنتي حق المستشفى كبار عليها انا شاريتلها قياس up to one month من نكست بس كبار تهقون اشتريلها اصغر؟*

 

[وردة النرجس]

اي الله كريم انوما

خف العوار شوي

بالنسبه للملابس اي اعتقد كبار دام بنتج نتفه

اشتريلها نيوبورن احسن

لان تقولين حجمها صغير

 

[ست 666]

مرحبا كروشات شلونكم

بنات انا امس نزل علي مثل الدم لونه علي بني ونطرت شوي ولا يحوشني عوار ابظهري وبطني مثل الطلوق بس خفيف
بعدين اختفت ولما رحت للدكتور قال عندي قرحه !!! شكوو انا قاعده اخذ تحاميل مضاد
وشكو جذي ينزل دم وبعد ما فحص قال ممكن الدم لان عنق الرحم بيتوسع
لخبصني وسويت تحطيط في طلق خفيييف بس واضح
الحقوووني اسكت ولا شسوي
حتا ماعطاني شي للقرحه علي قولته
والحين عوار خفيف بظهري وبطني
منو اتعرف بنات الله يخليكم ساااعدوني

حبوبه هذي السداده طاحت معناته بعد ايام معدودة ولادتج

 

[anooma_86]

ايه تصدقين اشتريلها ملوت نكست مقاس نيو بورن وايد صغار يصيرون كبرها هالنتفه.. المشكله اني مضبطه الأطقم كلشي مع مهاده و الكبوس الحين برد اسويهم مره ثانيه