الشهر التاسع والنفسة الزفت والتعب ...حياكم نسولف ؟؟

[وردة النرجس]

عادي انوما ارتاحي ولاتمشين تمددي على ظهرج او جنبج

واذا زاد عليج وايد وحسيتي بشد روحي الطبيب احسن

 

[anooma_86]

وااااااي الله يستر انشالله يروح مابي أولد قبل يوم اليمعه ادعولي مايزيد الطلق

 

[anooma_86]

سبحان الله بحمالي الاول ماخليت شي ماشربته و مشيت يوميا على تراب البحر و ماكان في فايده و هالمره لأني مابي أولد قاعد اييلي الطلق بكيفه هههههههههههه *

 

[pink-ice]

أنوما قطي طلقج علي لووول ابي أولد خلاص استغفر الله الله يسهل علينا كلنا يااارب

 

[وردة النرجس]

صامدون صامدون


هههه حق الي ماتبي تولد الحين

 

[anooma_86]

اشوه الطلق راح امس الفير ههههههههه
Pink أخذيه حلاااالج انا مابي الطلق قبل يوم اليمعه
ورده انتي بجر ولا لا؟؟

 

[Mayoon]

بنات انا بالتاسع بس كلش ماكو بوادر ولادة ولاشي وانا من زمان مو مراجعه مالي خلق

 

[anooma_86]

Mayoon مووو زين ماتراجعيين حبيبتي خاصه بالتاسع لازم تلتزمين بمواعيدج و اذا على التجاديم عادي ماتحسين فيها خاصه اذا كنتي بجر

 

[engnera]

اول اسبوع من التاسع ومفتوحه ٣سم تهقون اكمل اسبوع ابي اصوم مابي اولد وما فيني طلق

 

[Om_Ksha]

انا دخلوني علا سانتي ونص
المفروض يولدوونج !

 

[anooma_86]

اول اسبوع من التاسع ومفتوحه 3سم تهقون اكمل اسبوع ابي اصوم مابي اولد وما فيني طلق

لا ماعتقد اطولين كلش... الدكتوره شقالتلج؟؟

 

[}{نرجسيهـ}{]

السلام عليييييكم ..


انا ان شاء الله ٩ آيام ولاحقتكم بهالتجمع ..


بس عوار ظهري ماله حل صراحه :"(

 

[وردة النرجس]

انا موبجر هذي ولادتي الرابعه راح تكون

وصارلي اسبوع داخله شهري

وعموما انا آخذ شوي موعلطول اولد بعيالي

يعني اسرع وحده يبتها بعد اسبوعين من شهري وهذي الثانيه كانت

انا ودي اصوم 20 يوم برمضان بعدها عادي اي وقت اولد مايهمني

 

[آهات الليل]

الله يسهل عليكم الولاده مثل شربة الماي يارب
سورة مريم
الجمااااااااااااااع الحركه بالبيت والدعاء
اكلوا اناناس طبيعي شربوا زعفران
واللي بتدعيلي تدعيلي بالولد الصالح وانه الله يحفظ بناتي

 

[BOOBO]

بخلص التاسع قريب ياني قبل جم يوم عوار وامس واليوم ماااااااااكو شي كلش

 

[anooma_86]

نرجسيه: الله يعينج على عوار الظهر حاسه فيج
ورده: ماشاءالله الله يخليهم لج و يسهل ولادتج، انا هذا ثاني حمال
آهات؛ الله يرزقج بالولد الصالح حبيبتي

 

[anooma_86]

بخلص التاسع قريب ياني قبل جم يوم عوار وامس واليوم ماااااااااكو شي كلش

الله يعينج والله.. انشالله اييلج طلق هاليوميين

 

[Jna3iya]

Anoooma عفيه علييج سويتي حركه بالقرووب كان مالهم حس انا كل يوم ادش اشوف سوالفكم بس اعيز اتكلم 

 

[كويتيه بالفراوله]

شخباركم كروشات

وشلونكم مع الصيام ها ماحسيتوا بأعراض ولاده
أنا حاشني عوار من يومين وراح والحين ماأحس بشي ودي أروح وأفحص وأشوف إذا فاتح الرحم والا لأ.

 

[Jna3iya]

عاااد انا الخميس اروح واجيك وانشالله اكو مفتوحه !
الحييين لازم ايني عوار علشان يبين ان الرحم يتوسع ولا بروحه يتوسع وانا ماحس